ҚАБУЛИ ШАҲРВАНДОН ДАР НОҲИЯИ ҶАЛОЛИДДИНИ БАЛХӣ БО ИШТИРОКИ РАИСИ ВИЛОЯТ ДОИР ГАРДИД.

           28 ноябри соли ҷорӣ дар толори мақомоти иҷроияи ҳокимияти давлатии ноҳияи Ҷалолиддини Балхӣ бо иштироки раиси вилояти Хатлон Қурбон Ҳакимзода қабули шаҳрвандон доир гардид. Дар қабул сокинон пешниҳодҳои хешро аз қабили расонидани кӯмак барои сохтмони ду муассисаи таълимӣ, сохтмони хати оби нушокӣ дар деҳаи роҳи Ленин, таъмири пул, насб намудани зеристгоҳ барои объектҳои ҷашнии Ширкати Ходингии “Исмоили Сомонӣ”, ҷудо намудани қитъаи замин барои сохтмони муассисаи таълимӣ барои сокинони деҳаи М.Горкий, насб намудани трансформатор ва симчубҳо дар деҳаи навтаъсиси муҳоҷирони дохилии Ҷамоати деҳоти Фрунзе, ҷудо намудани қитъаи замини наздиҳавлигӣ, ба фонди манзил гузаронидани замин аз ҳисоби чарогоҳ ва ниёз доштани 3 оила ба кӯмаки молиявӣ ба раиси вилоят расониданд. Раиси вилоят пешниҳодҳои шаҳрвандонро ба инобат гирифта, ба масъулин дастур дода шуд, ки пешниҳодҳои мардумро ҳалу фасл намоянд. Ҳамзамон худи ҳамин рӯз аз ҳисоби раиси вилояти Хатлон кӯмаки яквақтаина ба 3 оила маблағ ва маводи хурока аз қабили орд, пиёз, картошка, равғану биринҷ расонида шуд.

       Кистанд он наҳзатихои хоин?!
 Ҳоли дунёро бипурсидам ман аз фарзонае, Гуфт ё шамъ аст, ё ваҳм аст, ё афсонае. Кистанд онҳо, ки аз дунболи ин дунё шуданд? Гуфт: ё ки кӯранд, ё ки мастанд, ё ки худ девонае!       Мардуми асили тоҷик доимо аз пайи зиндагию луқмаи ҳалоли касбӣ ва кору вазифаи ҳаётиашон ҳастанд.  Аз ин рӯ, қариб тамоман вақти тамошои  телевизион ва ё хондани интернетро надоранд. Дирӯз дар бораи як  ватанфурӯши хоини миллат Махмадикболи Садриддин (хайфи номат), ки дар тоҷик гуфтани ӯ нафратамон меояд, чанд сухане шунида, бисёр дар қаҳр шудам. Ин хоини миллат  бахусус зери рохбарии Кабирии хоин аз ким кадом давлати хориҷӣ бо хоҷагони хориҷии маблағгузораш давлати азизи дилу ҷони моро санги маломат задааст. Баъди хондани суханони иғвоангезонаю бисёр нобахшиданиаш нафратамон ба ин хоинони аз дину оин садсолаҳо дур боло гирифту қалам ба даст гирифта, мақсадамонро гуфтанӣ шудем.     Навиштаамонро барои он “Кистанд онҳо” мондем, ки шумо хонандагони гиромӣ донед, ки чунин касон дар асл кӯру девонаанд. Девонаи мансаб, вазифа, пулу давлат ва фоҳишагиву гумроҳкунии мардуми нодон. Нодон ба он маънӣ гуфтам, ки касе ба гуфтаи ин нокасон бовар кунад дар ҳақиқат ҷоҳилу нодон ва хуруфотпарасти беақл аст.     Эй нокасони нони бегона хӯрдаи ватанфурӯши наҳзати хусусан Кабирии хоин оё шарм намедоред ва аз Худованди бузургу тавоно наметарсед, ки аз садҳо фарсах роҳи дур истода, ин миллати меҳнаткаши ба мақсад расидаро гумроҳ карданӣ мешаваед?! Магар намедонед, ки  тоҷики асили бузург имрӯз Истиқлолияти асили давлатӣ дорад. Ӯ имрӯз соҳиби ҳама бузургиҳо ва дороиҳост. Ӯ дигар мисли шумо кӯру масту девона нест, ки муҳтоҷи каси бегона бошад ва аз пайи дунё давону равон гардад. Тоҷик имрӯз нони ҳалоли меҳнатии обу дону замини худашро мехӯраду шукри ваҳдату Истиқлолияти давлатиашро мекунаду дар паҳлуи Пешвои муаззамаш, ки нозиру нигаҳбонаш аст, кору зиндагӣ мекунад. Аз ин рӯ мо ҳамчун як фарди одии ин миллат гуфтанием, ки албатта тиратон мисли кору пайкори пешинаатон хок хоҳад хӯрд ва ҳеҷ гоҳ ба мақсади нопоки дунёталабонаатон нахоҳед расд.     Эй миллати асили тоҷикам ҳеҷ гоҳ ба ин ватанфурӯшон аҳамият надиҳед ва фарзандону наздиконатонро насиҳати инсонона кунед, то ба гапҳои ин хоинон  гӯш надиҳанд. Бояд шумо дарк карда бошед, ки дар солҳои навадум кӣ азоб ва уқубати сангинро дид, албатта мову шумо мардумони коргару деҳқону зиёиёни асил. Ин хоинон дар ҳамон давра ҳам аз ҳисоби мову шумо зиндагии шоҳона карданду имрӯз ҳам дар хориҷа дар паси хоҷагонашон ба айшу ишрату  фисқу фосиқӣ машғуланду боз мехоҳанд, ки моро гумроҳ кунанд. Боварӣ дорем, ки халқи азизам дигар ба гапҳои авомфиребонаи онҳо дода намешаванд! Мову шумо бояд якҷоя шуда ба ин иғвоҳои миллатфурӯшон ҷавобҳои сангину оташин бидиҳем, то онҳо донанд, ки миллат дигар гумроҳшаванда нест, то ин  ватанфурӯшон аз  ҷорзаниҳояшон бимонанд.        Эй азизон мо бояд мисли ин бадгуҳарону бадгӯён сахтгӯй бошем, то онҳо дарк кунанд, ки мо имрӯз кистем.         Акнун огоҳ бошед, ки халқи бузурги тоҷик минбаъд  мисли  гуфтаи Ҳофизи бузургвор тамал хоҳад кард:  “Г уфтам бирав, ки гӯш ба ҳар хар намекунам.” Имрӯз мақсади халқи азизи мо танҳо ва танҳо тинҷиву амонӣ, осудагӣ, зиндагии шоиста, меҳнати ҳалол ва дӯстдории Ватану Пешвои муаззамаш асту бас. Зинда бод халқи асили тоҷик! Зинда бод Ваҳдату Истиқлолияти давлатии тоҷикон ва Пешвои муаззами миллатамон!

АКСИЯТИ ИТТИЛООТӢ

    Санаи 24 ноябри соли 2020 тибқи нақшаи чорабиниҳои мақомоти иҷроияи маҳаллии ҳокимияти давлатии ноҳия, аз тарафи бахши кор бо занон ва оила ва кор бо ҷавонон ва варзиш бахшида ба “Рӯзи Парчами давлатии Ҷумҳурии Тоҷикистон”, аксияи иттилоотӣ миёни қишрҳои гуногуни ҷомеа ва тақсимоти парчамҳои хурд таҳти унвони “Парчам – рамзи давлатдорӣ” гузаронида шуд.

Сухани табрикии раиси ноҳияи  Ҷалолиддини Балхӣ 

  муҳтарам Убайдуллои Файзулло ба муносибати

ҷашни Рӯзи Парчами давлатии 

Ҷумҳурии Тоҷикистон

       Ҳамдиёрони азиз!

  Санаи 24-ноябр дар сар то сари кишвари азизамон Тоҷикистони соҳибистиқлол ҷашни яке аз рамзҳои давлатӣ-Рузи Парчами миллӣ дар фазои тинҷу ороми кишвари азизамон истиқбол  карда мешавад.

       Аз фурсати муносиб истифода бурда ҳамаи Шуморо ба ифтихори ин рӯзи фархунда табрику муборакбод гуфта, ба ҳар кадоматон саломативу хушбахтӣ ва хонаи ободу рӯзгори осуда орзу менамоям. 

      Далелҳои таърихӣ собит менамоянд, ки яке аз рамзҳои давлатдории тоҷикон  аз қадимулайём маҳз парчам мебошад.

     Хушбахтона, баъди садсолаҳо мардуми тоҷик ба шарофати истиқлоли сиёсӣ соҳиби парчами миллӣ-рамзи давлати мустақилу соҳибихтиёр гардид. 

     Парчами миллии мо нишона аз таърихи чандинҳазорсолаи халқи тоҷик аст. Тибқи маълумоти сарчашмаҳо қавмҳои ориёӣ ҳанӯз аз давраҳои бостон оини парчамсозиву парчамдориро гиромӣ медоштанд.

БАРГУЗОРИИ РӮЗИ ПРЕЗИДЕНТИ ҶУМҲУРИИ ТОҶИКИСТОН

        Мақомоти иҷроияи маҳаллии ҳокимияти давлатии ноҳияи Ҷалолиддини Балхӣ дар якҷоягӣ бо ҷамоатҳои шаҳраку деҳот ва ташкилоту муассисаҳои ноҳия санаи 16 ноябри соли 2020 дар Қасри фарҳангии ба номи Ҷалолиддини Балхӣ чорабинии фарҳангӣ бахшида ба Рӯзи Президенти Ҷумҳурии Тоҷикистон дар сатҳи баланди сиёсӣ гузаронида шуда, як қатор фаъолони ноҳия аз тарафи мақомоти иҷроияи маҳаллии ҳокимияти давлатии ноҳия қадрдонӣ шуданд. 

       Ҳамзамон дар ҳамаи ташкилоту муассисаҳо суҳбату вохўриҳо, мизҳои мудаввар, конференсияҳо бо сокинон ва хонандагони муассисаҳои таҳсилоти умумии ноҳия бахшида ба “Рӯзи Президенти Ҷумҳурии Тоҷикистон” баргузор шуданд. 

       

ПАЁМИ ТАБРИКИИ РАИСИ НОҲИЯИ ҶАЛОЛИДДИНИ БАЛХӢ

МУҲТАРАМ УБАЙДУЛЛОИ ФАЙЗУЛЛО БА ИФТИХОРИ

РӮЗИ ПРЕЗИДЕНТИ ҶУМҲУРИИ ТОҶИКИСТОН

ҲАМДИЁРОНИ АЗИЗ,

       Дар таърихи давлатдории миллати соҳибтамаддуни тоҷик санаи 16-ноябр ҳамчун Рузи Президенти Ҷумҳурии Тоҷикистон бо ҳарфҳои зарҳалин сабт гардида, эҳтирому самимияти мардумро нисбат ба Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, Ҷаноби Олӣ муҳтарам Эмомалӣ Раҳмон ифода менамояд.  

         Таърих ба Тоҷикистони соҳибистиқлол дар лаҳзаҳои ҳассосу сарнавиштсоз Эмомалӣ Раҳмонро ҳадя кард ва ин чеҳраи нуронии сиёсат барои миллати тоҷик ва мардуми тоҷикистонӣ бозёфти нодири таърихӣ маҳсуб гашт.   

         Аз саҳифаҳои таърихи давлатдории навини тоҷикон мо хуб дар ёд дорем, ки дар бунёд кардану азми ватандорӣ ба Пешвои муаззами миллат монеаҳои зиёде пеш омаданд, аммо руҳи шикастнопазираш хастагиро напазируфт. Икдомҳои ташаббускоронаи ватансозиаш тафаккури миллиро дар шуури ҷомеа бедор кард, ки ин бедорӣ моро ба шоҳроҳи ҷомеаи шаҳрвандӣ ҳидоят намуд. Воқеан, ӯ хуб дарк мекард, ки бунёди қасрҳову иншоотҳои стратегӣ ва нақбҳову роҳҳо бе устувории тафаккури миллӣ бақо надоранд. Аз ин ру, рисолати таърихиашро дар назди ватану миллат ба ҷо оварда, миллаташро соҳибватан кард ва бо итминону боварӣ дар арсаи сиёсат қадам гузошт. 

ТАШРИФИ САРВАЗИРИ МАМЛАКАТ БА НОҲИЯИ ҶАЛОЛИДДИНИ БАЛХӢ

    Сарвазири мамлакат Қоҳир Расулзода бо мақсади шиносоӣ аз рафти корҳои сохтмонӣ дар иншоотҳои ҷашнӣ бахшида ба          30 – солагии Истиқлолияти давлатии Ҷумҳурии Тоҷикистон ба ноҳия ташриф овард.

   Сарвазири мамлакат Қоҳир Расулзода ва раиси вилоят Қурбон Ҳакимзода дар ноҳияи Ҷалолиддини Балхӣ  аз рафти сохтмони бинои нави Осорхона, китобхона ва матбаа дидан намуданд.

     Бинои мазкур дар маркази ноҳия -шаҳраки Балх сохта шуда, маблаѓи умумии сохтмон 4,5 миллион сомониро дар бар мегирад. Сохтмони бино аз ҳисоби буҷети маҳаллии ноҳия амалӣ гардида истодааст. Айни замон корҳои пардозгарӣ ҷараён дорад.

     Сипас Савазири мамлакат аз корҳои сохтмонӣ дар Маҷмааи варзишии сохташаванда дар ноҳияи Ҷалолиддини Балхӣ дидан намуд.

      Сохтмон дар ин мавзеъ айни замон ба таври комплексӣ амалӣ шуда истодааст. Иншооти калонтарини он  Маҷмааи варзишӣ ба ҳисоб меравад, ки  майдони 11 гектарро дар бар гирифта, дар он  15 000 ҷойи нишаст барои мухлисон пешбинӣ шудааст. 

     Дар саҳни рости Маҷмааи варзишӣ майдони Парчами миллӣ ва майдони Нишони давлатӣ, дар саҳни чапи Маҷмаа гулгашти Ҷалолиддини Балхӣ, Маќбара ва Хона-музейи Ҷалолиддини Балхӣ сохта мешавад.

     Инчунин,  дарназди  ин Маҷмааи варзишӣ  сохтмонимактаб-литсейи президентӣ бо 2 хобгоҳбарои хонандагон  ва омўзгорон,  сохтмони  муассисаитомактабии  сеошёна  барои 330 нафар кўдак 2 хонаи бисёрошёнаи 50 ҳуҷрадор  идома дорад. 

     Тибки лоиҳа дар ин мавзеъ инчунин меҳмонхона, маркази савдо ва 8 адад хонаи бисёрошёна (ҳамагӣ 10 хонаи бисёрошёна) сохта мешаванд.

     Сарвазир Коҳир Расулзода барои бо сифати баланд ва дар муҳлати муайяншуда ба итмом расонидани корҳои сохтмонӣ ба масъулин супоришҳои мушаххас дод.