МАҚОМОТИ ИҶРОИЯИ МАҲАЛЛИИ ҲОКИМИЯТИ
ДАВЛАТИИ НОҲИЯИ ҶАЛОЛИДДИНИ БАЛХӢ

 
» » ИНШООТИ НАВИ ЗАМОНИ

ИНШООТИ НАВИ ЗАМОНИ

ИНШООТИ НАВИ ЗАМОНИ

ИСТИҚЛОЛ ДАР НОҲИЯ

   Дастуру ҳидоятҳое, ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ҷиҳати созандагию ободонӣ ба истиқболи 30- солагии Истиқлолияти давлатии Ҷумҳурии Тоҷикистон ба мардуми кишвар додаанд, имрӯз барномаи амалӣ ҳар фарди ватандӯст ва бо нангу ори ҷумҳурӣ гаштааст.

  Аз ҷумла дар ноҳияи мо низ корҳои ободонию созандагӣ солҳои охир ривоҷ доранду акнун марому мақсади тоза пайдо карданд. Сохтмони корхонаи сементбарории ҶДММ-и «Моҳир Семент» дар ҷамоати деҳоти Маданияти ноҳия аз ҷониби ширкати Чинии «Синома» соли 2018 оғоз ёфта буд.

  Иқтидори лоиҳавии корхона дар як шабонарӯз 600 тонна ва дар яксол на кам аз 219000 (ду саду нуздаҳ ҳазор) тонна семент буда, дар он беш аз 100 нафар бо кори доимӣ таъмин шуданд.

  Кормандони ҶДММ-и «Моҳир Семент» шаҳрвандони ноҳия, берун аз ноҳия ва дар якҷоягӣ бо шаҳрвандони Ҷумҳурии Чин кор мекунанд, ки маоши онҳо аз 1200 то 2000 сомониро ташкил медиҳад.

  Ҳамчунин дар корҳои сохтмонӣ ва васлгарии корхона, бинокор ва кормандони муҳандисию техникӣ иштирок намудаанд, ки аксари онҳо сокинони маҳаллӣ буданд. Бояд зикр дошт, ки корхонаи ҶДММ-и «Моҳир Семент» бо технологияи муосири ҷаҳонӣ сохта шуда, маҳсулоташ бепартов ва аз ҷиҳати экологӣ безарар мебошад. Навъи сементи корхонаи мазкур 400 ва 500 буда, ба стандартҳои ҷаҳонӣ ҷавобгӯ ва дар бозорҳо маъмулу рақобатпазир мебошад. Корхона ҳамасола ба давлати Тоҷикистон 2 милиону 40 ҳазор сомонӣ андоз месупорад.

- Дар корхонаи мо 100 нафар шаҳрвандон аз ҷумла шаҳрвандони Чин фаъолият даранд, ки як қисми онҳое, ки аз роҳҳои дуранд ба ҷои хоб таъминад ва ҳамчунин барои кулли кормандони корхона се вақт хуроки гарм дода мешавад. Бояд қайд кард, ки аз ҷониби роҳбари корхонаи номбурда Диловар Холов ба мактаб-интернати вилояти Хатлон воқеъ дар шаҳри Бохтар кумакҳои пуливу молӣ расонида шуд,- иброз дошт нозири шуъбаи кадрҳо Ҷовидон Нарзуллоев. ӯ ҳамчунин иброз намуд, ки корхонаи болозикр мувофиқи шартнома бо соҳибкорони вилояти Хатлон ва бо соҳибкорони Ҷумҳурии Афғонистон барои содироти семент ҳамкории зич дорад. Дар оянда нақша дорем, ки бо Ҷумҳурии ӯзбекистон низ ҳамкории худро оғоз намоем. Мавриди зикр аст, ки дар ҳудуди корхонаи ҶДММ-и «Моҳир Семент» майдончаи варзишӣ иборат аз бозиҳои васкетбол, тениси рӯи миз ва мизи саққабозӣ низ ба роҳ монда шудааст, ки кормандони корхона вақти фароғати худро бо бозиҳои мазкур мегузаронанд, зикр дошт дар фарҷоми суҳбат Ҷ. Назруллоев.

dle
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий
 

xx
xx
xx.
xx