МАҚОМОТИ ИҶРОИЯИ МАҲАЛЛИИ ҲОКИМИЯТИ
ДАВЛАТИИ НОҲИЯИ ҶАЛОЛИДДИНИ БАЛХӢ

 
» » «ТИЛЛОИ САФЕД»-РО АЗ ОТАШ ҲИФЗ КУНЕМ

«ТИЛЛОИ САФЕД»-РО АЗ ОТАШ ҲИФЗ КУНЕМ

 «ТИЛЛОИ САФЕД»-РО АЗ ОТАШ ҲИФЗ КУНЕМ

    Дар ноҳия мавсими ҷамъоварии ҳосили пахта фаро расидааст. Чун «тиллои сафед» боигарии асосии давлатамон ба шумор меравад, бояд онро аз сӯхтор ва ҳар гунна офатҳо ҳифз намоем.

Аз тарафи кормандони қисми мустақили 28-уми ҳарбикунонидашудаи хадамоти давлатии оташнишонии ноҳия дар асоси қарори раиси ноҳияи Ҷ. Балхӣ таҳти №474 аз 20 майи соли 2019 «Дар бораи гузаронидани амалиёти зидди сӯхтор 2019» пеш аз оғози мавсими ғунучини ҳосили пахта дар ҷамоатҳои шаҳраку деҳот хоҷагиҳои кишоварзӣ корҳои профилактикӣ гузаронида ба роҳбарон ва масъулини ҷамоатҳо, хоҷагиҳо суҳбатҳо гузаронида дастур ва маслиҳату пешниҳодхои муфид медиҳанд. Аммо мутаассифона, бинобар сабаби хунукназарӣ, саривақт наандешидани чораҳои зарурӣ аз тарафи масъулин ва риоя накардани одитарин қоидаҳои бехатарӣ, сухтор ба амал омада боигарии халқ пахта сӯхта нобуд мегардад. Таҳлили сӯхторҳо нишон медиҳад, ки дар бисёр мавридҳо аз сабаби надоштани шарорахомӯшкунак, дуруст набудани дудбарои таракторҳои барои ҷамъоварии пахта сафарбаршуда ё дар роҳҳои мошингард хушк кардани пахта ҳодисаҳои сӯхтор ба амал меояд. Лекин ҳушёриро аз даст набояд дод.

Бинобар ин, дар хирманҳо ва ҷои нигоҳдории пахта оташ афрӯхтан қатъиян манъ аст.

Хирманҳо бояд дар наздикии ҷӯйҳо ва ҳавзҳои обдошта ҷойгир шуда қисми болояш мумпуш (асфалтпӯш) ё бо лой ба ғафсии 5 см андова карда шуда бо воситаҳои аввалиндараҷаи сӯхторхомӯшкунӣ, насосҳои обкашӣ дастурамал ва нишонаҳои зидди сӯхторӣ таъмин бошанд.

Ҳама гунна техникаҳое, ки ба ҷамъоварӣ ва кашонидани ҳосили пахта сафарбар карда шудаанд бояд бо шарорахомӯшкунаку оташхомӯшкунакҳои тамғаи ОП-5 ва бо бел таъмин бошанд.

Пахтаи дар мошин ё трактор боркардашуда бояд бо бризент пӯшонида шавад.

Нуқтаҳои қабул ва корхонаҳои коркарди пахта бояд бо воситаҳои аввалиндараҷаи сӯхторхомӯшкунӣ, насосҳои обдиҳӣ, мотопомпаҳо, руддаҳо, милҳо ва автомобилҳои оташнишонӣ таъмин бошанд. Мурод аз ин чорабиниҳо пешгирии сӯхтори пахта аст, то сарвати асосии кишоварзии кишварамонро аз коми оташ ҳифз намоем.

Беҳуда намегӯянд, ки пешгирии сӯхтор аз хомӯш намудани он осонтару арзонтар мебошад.

 

И. Зубайдов, нозири гурӯҳи назорати давлатии бехатарӣ аз сӯхтори қМ 28-уми ҳхдо-и ноҳия, капитани хизмати дохилӣ

dle
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий
 

xx
xx
xx.
xx