МАҚОМОТИ ИҶРОИЯИ МАҲАЛЛИИ ҲОКИМИЯТИ
ДАВЛАТИИ НОҲИЯИ ҶАЛОЛИДДИНИ БАЛХӢ

 
» » БА МАВСИМИ ТИРАМОҲУ ЗИМИСТОН ОМОДАЕМ

БА МАВСИМИ ТИРАМОҲУ ЗИМИСТОН ОМОДАЕМ

БА МАВСИМИ ТИРАМОҲУ ЗИМИСТОН ОМОДАЕМ

  Омодагӣ ба зимистонгузаронӣ яке аз масъалаҳои муҳим маҳсуб ёфта, мавриди таваҷҷуҳи Ҳукумати ҷумҳурӣ қарор дорад. Дар партави дастуру супоришҳои Роҳбари давлат мақомоти иҷроияи маҳаллии ҳокимияти давлатии ноҳия ҷиҳати самаранок гузаронидани мавсими тирамоҳу зимистон тадбирҳои мушаххасеро амалӣ менамоянд.

  Бо мақсади дар сатҳи хуб гузаронидани мавсими тирамоҳу зимистони солҳои 2019-2020  қарори раиси ноҳияи Ҷалолиддини Балхӣ «Дар бораи сари вақт омода намудани соҳаҳои иқтисодиёт ва иҷтимоиёти ноҳия барои фаъолияти мунтазам ва самарабахш дар давраи тирамоҳу зимистони солҳои 2019- 2020» ба тасвиб расид.

  Дар муассисаҳои соҳаи тандурустии ноҳия дар қатори дигар муассисаву корхонаҳо корҳо дар самти мазкур мувофиқи талабот ба роҳ монда шудаанд. Бо иттилои сартабиби беморхонаи марказии ноҳия Ниёзмаҳмад Қурбонов барои зимистонгузаронии беморхонаи марказии ноҳия чораҳои зарурӣ андешида шудааст. Ҳамаи тирезаҳо шишабандӣ шуда, мувофиқи ҳисобҳо беморхона дорои 370 литр сӯзишворӣ, 84 метри кубӣ ҳезум, 20 адад печкаи аловӣ, 64 адад печкаҳои барқӣ ва 3 адад генератор мебошад.

 Ҳамчунин доир ба рафти омодагӣ ва захиранамоии маводҳои хӯрокворӣ дар беморхонаи марказии ноҳия барои фаъолият дар давраи тирамоҳу зимистони имсола 300 кг картошка, 150 кг пиёз, 100 кг биринҷ, 100 кг макарон ва 100 литр равған захира карда шудааст, ки онҳо метавонанд зимистони имсоларо бе ягон мушкилӣ паси сар намоянд.

 Мувофиқи маълумоти пешниҳодшуда беморхонаи маркази бо 95 адад кати бистарӣ ва 4 адад кати функсионалӣ барои беморони вазнин дар шуъбаи эҳёгарӣ таъмин гардидааст. Беморхона бо таҷҳизотҳои замонавӣ аз ҷумла, Глюкометр- барои санҷидани қанди хун, Оксигенератор - барои таъмини оксиген, дастгоҳи таъмизгардонии буғӣ ва ғайраҳо таъмин гардиданд, ки маблағи умумии онҳо 4 785 сомониро ташкил медиҳад.

  Рушди соҳаи иҷтимоӣ, аз ҷумла соҳаи тандурустӣ яке аз соҳаҳои афзалиятноки сиёсати давлат ва Ҳукумати Ҷумҳурии Тоҷикистон мебошад.

 Тавре дар анҷоми суҳбат қайд гардид, беморхона ҷиҳати хуб гузаронидани мавсими тирамоҳу зимистон тибқи нақшаи чорабиниҳо амалӣ намудани як қатор тадбирҳоро дар назар дорад.

dle
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий
 

xx
xx
xx.
xx