Ҳамасола 14 март  дар  Ҷумҳурии  Тоҷикистон  Рӯзи кормандони  мақомоти прокуратура  таҷлил мегардад.  Ин сана  ҳамчун   нишони қадрдонии заҳматҳои шабонарӯзии кормандони мақомоти прокуратура, ки дар ҳифзи қонуният, адолат ва тартиботи  ҳуқуқӣ нақши калидӣ мебозанд, ҷашн гирифта мешавад.

   Ба ин муносибат, 13 март, дар ноҳияи Ҷалолиддини Балхӣ бо иштироки муовини раиси ноҳия, Қурбонзода Қурбоналӣ, барои фаъолияти содиқона, саҳми арзанда дар ҳифзи тартиботи ҳуқуқӣ ва иштироки фаъолона  дар  ҳаёти  ҷамъиятии  ноҳия, ба кормандони  прокуратура Сипосномаи мақомоти иҷроияи ҳокимияти давлатии ноҳияи Ҷалолиддини Балхӣ тақдим карда шуд. 

    Қайд гардид, ки мақомоти прокуратура яке аз сохторҳои асосии давлат буда, дар таъмини адолат, назорати риояи қонун, ҳифзи ҳуқуқу озодиҳои шаҳрвандон ва мубориза бо ҷинояткорӣ фаъолият мекунад.

   Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ироаи Пайёми ҳамасолаи худ ба Маҷлиси Олии Ҷумҳурии Тоҷикистон таъкид менамоянд, ки воқеоту таҳаввулоти ҷомеаи ҷаҳонӣ ҳар яки моро ҳушдор месозад, ки зиракии сиёсӣ, омодагии доимӣ, эҳсоси баланди ватандӯстӣ, худогоҳӣ ва муқаддас доштану ҳифз намудани арзишҳои давлати соҳибистиқлоламонро аз даст надиҳем. Дар давраи хизмати ҳарбӣ ҷавононро дар руҳияи меҳанпарастӣ, мардонагиву шуҷоат, қавииродагиву адолатпарастӣ тарбият намуда, ҷиҳати ҳифзу нигаҳдошти амнияти давлатӣ равона менамоянд. Оромии кишвар, пешрафти ҷомеа ва зиндагии шоистаи мардум, пеш аз ҳама, аз таъмини амният дар сарҳади давлатӣ вобастагии зиёд дорад. Ҳамин аст, ки сол то сол барои боз ҳам баланд бардоштани малакаи касбии аскарон ва дар роҳи меҳанпарастӣ тарбия намудани онҳо аз ҷониби давлату ҳукумат шароити мусоид фароҳам мегардад. Дар ин замина, санаи 19 июли соли равон дар комиссариати ҳарбии ноҳияи Ҷалолиддини Балхӣ бо иштироки муовини раиси ноҳия оид ба соҳаи идеологӣ Қурбонзода Қурбоналӣ, комиссари ҳарбии ноҳия Ҳасанализода Саидакбар, раисон, котибон ва нозирони мизҳои ҳарбии бақайдгирии ҷамоатҳои шаҳраку деҳот бо мақсади иҷрои дастуру супоришҳои ҷаласаи назорати назди раиси ноҳия Холиқзода Рустам Ҳикматулло барои дар рӯзи аввал иҷрои нақшаи даъвати тирамоҳӣ, таъмин намудани ситоди комиссия оид ба даъват ситод баргузор гардид.

  Тибқи нақшаи кории мақомоти иҷроияи ҳокимияти давлатии ноҳияи Ҷалолиддини Балхӣ баҳри пешгирии наврасону ҷавонон аз ғарқшавӣ дар дарёву кулҳо гурӯҳҳои корӣ таъсис дода шуда, мунтазам дар назди соҳили дарё ва кулу ҷӯйҳо рейдҳои муштарак гузаронида мешавад. Дар моҳи июни соли равон аз тарафи бахши Раёсати Кумитаи ҳолатҳои фавқулода ва мудофиаи граждании вилояти Хатлон дар ноҳияи Ҷалолиддини Балхӣ, дар якҷоягӣ бо шуъбаи Вазорати корҳои дохилӣ, шуъбаи рушди иҷтимоӣ ва робита бо ҷомеаи дастгоҳи раиси ноҳия, бахши кор бо ҷавонон ва варзиш, шуъбаи маориф, котиби мақомоти васояту парастории мақомоти иҷроияи ҳокимияти давлатии ноҳия корҳои фаҳмондадиҳӣ вобаста ба пешгирӣ намудани ҳодисаҳои ғарқшавӣ дар мавзеъҳои осебпазири кулу дарёҳо ва ҳавзҳою обанборҳо гузаронида шуда, дар соҳилҳо ва ҷойҳои хатарнок наврасону ҷавононро аз оббозӣ боз дошта, ҳамзамон хатарҳои ғарқшавиро ба онҳо фаҳмониданд. Инчунин имрӯз, 18 июн аз ҷониби бахш дар соҳили дарёи Шӯр бо иштироки раисони Кумитаи маҳал ва хонандагони муассисаҳои таҳсилоти миёнаи умумӣ ва фаъолони маҳалҳои наздисоҳилӣ бо иштироки шахсони болозикр корҳои фаҳмондадиҳӣ вобаста ба пешгирӣ намудани ҳодисаи ғарқшавӣ дар мавзеъҳои осебпазири кулу дарёҳо ва ҳавзҳою обанборҳо гузаронида шуд. Чунин рейдҳои муштарак ҳамарӯза аз тарафи гурӯҳҳои корӣ гузаронида мешавад ва заррае ҳам бошад, бехатарии ҷомеа таъмин мегардад.

    Хушбахтона, дар ноҳияи Ҷалолиддини Балхӣ ягон ҳолати ғарқшавӣ ба қайд гирифта нашуда, дар ин самт корҳои фаҳмондадиҳӣ ва пешгирикунанда идома дорад. Бахши Раёсати Кумитаи ҳолатҳои фавқулода ва мудофиаи граждании вилояти Хатлон дар ноҳияи Ҷалолиддини Балхӣ ба тамоми сокинону меҳмонон муроҷиат менамояд, ки фарзандони худро назорат намуда, нагузоранд, ки бе зарурат аз хона бароянду дар ҳавои гарм гаштугузор намуда, дар ҷойҳои хатарнок оббозӣ кунанд. Зеро эҳтимоли хатар аз ғарқшавт, бемориҳои мавсимӣ ва сироятӣ вуҷуд дорад.

                                  УСУЛИ «ХОНА БА ХОНА»

   Рӯзи 7 июни соли 2024 дар кӯчаҳои деҳаҳои Румӣ ва Сомониёни Ҷамоати шаҳраки Балхи ноҳияи Ҷалолиддини Балхӣ бо иштироки намояндаи мақомоти иҷроияи ҳокимияти давлатии ноҳия ва масъулини ҷамоати мазкур усули "Хона ба хона" бо занони хонанишин баргузор гардид. Дар вохӯрӣ оид ба риояи талаботҳои қонунҳои амалкунандаи Ҷумҳурии Тоҷикистон, пешгирии нашъамандӣ, ҷудошавии оилаҳо, никоҳи хешутаборӣ, хариду фурӯши одамон, пӯшидани либосҳои ба фарҳанги миллии мо хос набуда, пешгирии шомилшавии ҷавонон ва занон ба ҳизбу ҳаракатҳои ифротгароӣ, қонуншиканӣ ва ҷиноят дар байни занону духтарон, худкушию худсӯзӣ, пешгирии бемориҳои сироятӣ, ҷалби духтарон ба зинаи сеюми таҳсилот, фаро гирифтани занону духтарон ба курсҳои касбомӯзӣ, истифодаи самараноки заминҳои наздиҳавлигӣ, пешгирии зӯроварӣ дар оила, даст назадан ба амалҳои коррупсионӣ ва оид ба дигар масъалаҳои мубрами рӯз суҳбатҳо гузаронида шуд. Мақсад аз баргузории чунин вохӯриҳо бедор намудани ҳисси меҳандӯстӣ ва зебоипарастӣ дар замири ҳар як шахс мебошад.

   Имрӯз, 7 июн дар толори Ҷамоати деҳоти Маданияти ноҳияи Ҷалолиддини Балхӣ бо иштироки намояндаи Ҳукумати Ҷумҳурии Тоҷикистон Салимзода Алиҷон Абдуҷалол, раиси ноҳия Холиқзода Рустам Ҳикматулло ва прокурори ноҳия Собирзода Искандар Миралӣ бо фаъолони ҷамоат доир гардид. Мақсад аз вохӯрии мазкур доир намудани суҳбат дар мавзӯи рушди иқтисодиву иҷтимоӣ, омодагӣ ба ҷашни 35-солагии Истиқлоли давлатии Ҷумҳурии Тоҷикистон, таъмини либосҳои ягонаи мактабӣ, пешгирӣ аз шомилшавӣ ба гурӯҳҳои террористиву экстремистӣ, ҷалби ҷавонон ба сафи Артиши миллӣ, фарҳанги либоспӯшӣ, самаранок истифода бурдани заминҳо, кишти такрорӣ, беталаф ҷамъоварӣ намудани ғалладонагиҳо, танзими анъана ва ҷашну маросимҳо ва дигар масъалаҳо мебошад.

      Санаи 1 июни соли 2024 дар толори Қасри фарҳанги ба номи Ҷалолиддини Балхӣ ба муносибати Рӯзи байналмилалии ҳифзи кӯдакон бо иштироки раиси ноҳия Холиқзода Рустам Ҳикматулло, роҳбарони ташкилоту муассисаҳо, идораву корхонаҳо, раисону кормандони ҷамоатҳо, директорҳои муассисаҳои таълимӣ, мудирон, мураббияҳои муассисаҳои томактабӣ, хонандагон ва тарбиятгирандагони фаъол чорабинии идона баргузор гардид. Дар оғоз роҳбариати ноҳия аз дастовардҳо ва ҳунарҳои дастии муасссисаҳои томактабии ноҳия, ки ба марази тамошо гузошта шуда буд, дидан намуданд. Раиси ноҳия Холиқзода Рустам Ҳикматулло зимни суханрониаш ҳозирин ва дар шахсияти онҳо кулли кӯдакони ноҳияро ба иди Рӯзи байналмилалии ҳифзи кӯдакон табрику таҳният намуда, барояшон саломатӣ ва саодати ҳамешагиро таманно намуда, афзуд, ки Тоҷикистон ба масъалаи ба таҳсили ройгон фаро гирифтани кӯдакон пурра кафолат медиҳад.  Қабули Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ғамхории навбатиест нисбати кӯдакон. Талаботи қонуни мазкур моро бори дигар водор ва вазифадор месозад, ки барои рушду нумӯи комил дар муҳити солими оила, навозиши гарм, муҳаббат, хушбахтию фаҳмиш парвариш ёфтани фарзандон масъулиятшинос бошем. Гуфта шуд, ки тайи як соли охир дар ноҳия сарфи назар аз баъзе масоили ҳалталаби кӯдакону наврасон корҳои судманде ба анҷом расонида шудаанд ва то ҳол идома доранд. Кумак ба кӯдакон аз оилаҳои ниёзманд, ҳифзи саломатии кӯдакон тадбирҳоест, ки бо дастгирии шахсони саховатпеша баҳри ҳифзи кӯдакону наврасон амалӣ гардида истодаанд. Айни ҳол ба 34 нафар ятимони кулл дар филиали «Амонатбонк» суратҳисоб кушода шудааст. Ҳамзамон дар ноҳия 605 нафар кӯдакони маъюб ба қайд гирифта шудааст, ки 124 нафари онҳо бемори бистарӣ мебошанд. Ҳамаи ин кӯдакон аз имтиёзҳо бархӯрдор буда, мунтазам масъулини мақомоти иҷроияи ҳокимияти давлатӣ ва шахсони саховатманд аз ҳолу аҳволи онҳо хабардор мегарданд. Сипас аз ҷониби мақомоти иҷроияи ҳокимияти давлатии ноҳия ба ғолибони озмунҳо Диплом, мукофотпулӣ ва ба кӯдакон туҳфаҳои хотиравӣ тақдим карда шуд.  Дар фарҷом барномаи фарҳангии таълимгирандагони мактаби санъати бачагона, муассисаҳои томактабии ноҳия ва намоиши бозиҳои шавқовар аз ҷониби Театри ҷумҳуриявии шаҳри Душанбе баҳри болидахотирии кӯдакону наврасон пешниҳод гардид.

   Дар толори калони мақомоти иҷроияи ҳокимияти давлатии ноҳияи Ҷалолиддини Балхӣ бо иштироки муовини раиси ноҳия оид ба соҳаи идеологӣ Қурбонзода Қурбоналӣ, ректори Донишкадаи такмили ихтисоси вазорати адлия Собирзода Исфандиёр Салом, устоди Донишкадаи такмили ихтисоси вазорати адлия Иброҳимзода Толибҷон, кормандони Донишкадаи такмили ихтисоси вазорати адлия Дустов Каромиддин, Ҳасанзода Саломиддин, роҳбарони ташкилоту муассисаҳо, ҷамоатҳои шаҳраку деҳот, имомхатибон ва раисони маҳалла вохӯрӣ баргузор гардид. Мақсад аз вохӯрӣ оид ба эълон гардидани соли 2024 - «Соли маърифати ҳуқуқӣ», баланд бардоштани маърифати ҳуқуқии шаҳрвандон, ҷалби ҷомеаи шаҳрвандӣ дар пешгирӣ ва мубориза бар зидди ҷинояткорӣ, огоҳ намудан аз хавфу хатари шомилшавӣ ба ҳизбу ҳаракатҳои характери экстремистӣ-террористидошта унвон карда шуда, зикр гардид, ки дар самти пешгирӣ ва мубориза бар зидди ҷиноятҳои характери экстремистӣ - террористидошта бетараф набошанд. Ҳамчунин меъёрҳои сабукидиҳандаи қонун шарҳу тавзеҳ дода шуданд. Устодони Донишкада эълон гардидани «Соли маърифати ҳуқуқӣ»-ро падидаи нодир ва бебаҳо арзёбӣ намуда, қайд доштанд, ки маърифати баланди ҳуқуқӣ асоси ҷомеаи демократӣ ва нишондиҳандаи камолоти низоми ҳуқуқӣ мебошад. Ин омилест, ки ба танзими тамоми равандҳои гуногуни зиндагӣ таъсир дорад, ки ба муттаҳидсозии шаҳрвандон, ҳамаи гурӯҳҳои иҷтимоӣ ва таҳкими ин гуна ҷомеаро дастгирӣ намуда, дар он тартиботро нигоҳ медорад. 

  Яке аз унсурҳои маърифати ҳуқуқӣ риояи қонун ва сармашқи фаъолияти ҳаррӯзаи худ қарор додани меъёрҳои қонунгузории кишвар аст. Эҳтиром ба қонун яке аз талаботи асосии ҷомеаи ҳуқуқӣ, фаъолияти самарабахши низоми сиёсӣ ва ҳуқуқӣ мебошад. Қайд гардид, ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон зимни вохӯрию суҳбатҳояшон оид ба бунёди оилаи солиму устувор, тарбияи фарзандони солеҳ, таълиму тарбияи наслҳои имрӯзу оянда дар руҳияи ватандӯстӣ, баҳри пойдорию устувории Истиқлоли давлатӣ ва Ваҳдати миллӣ таваҷҷуҳи хосса зоҳир намуда, оилаи солиму фарзандони солеҳро асоси давлату миллати устувори солим арзёбӣ менамоянд. Дар моддаи 5 Конститутсияи Ҷумҳурии Тоҷикистон чунин омадааст: «Инсон, ҳуқуқ ва озодиҳои он арзиши олӣ мебошанд. Ҳаёт, қадр, номус ва дигар ҳуқуқҳои фитрии инсон дахлнопазиранд. Ҳуқуқ ва озодиҳои инсон ва шаҳрвандро давлат эътироф, риоя ва ҳифз менамояд». Ҳуқуқи инсон ин низоми муайяни қоидаҳое мебошад, ки шаъну шарафи ҳар як инсонро ҳимоя намуда, озодии онҳоро таъмин менамояд. Баромадкунандагон оид ба зиёд шудани ҷудошавии оилаҳо изҳори нигаронӣ намуда, зикр доштанд, ки солҳои охир нисбатан бекор гардидани ақди никоҳ, пош хӯрдани оила, бахусус оилаҳои ҷавон ба назар мерасад, ки дар натиҷа кӯдакон аз таъминот, таълиму тарбия, меҳру муҳаббат ва навозиши падару модар дур мондаанд, ки ин ба ҳолати руҳию ҷисмонӣ ва солимии онҳо таъсири манфӣ мерасонад. Дар ин радиф Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» аз 2 августи соли 2011 ба тасвиб расида, барои боз ҳам баланд бардоштани масъулияти падару модар дар таълиму тарбияи фарзанд заминаҳои воқеӣ фароҳам овард. Волидайн вазифадор ҳастанд, ки ба рафтори фарзандонашон диққати ҷиддӣ диҳанд, зеро амалишавии ин ҳадаф дар нақши оила бузург буда, муҳити солим ва созандаи оилавӣ метавонад дар тарбияи ворисони содиқи Ватан саҳми босазо дошта бошад. Инчунин дар ин рӯз масъулин оид ба пешгирии таълимоти ғайрирасмии динӣ, ҷалби ҷавонон ба хизмати ҳарбӣ, истифодаи самараноки заминҳои наздиҳавлигӣ ва гулшинонию сабзкорӣ, риояи қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва «Дар бораи танзими анъана ва ҷашну маросими миллӣ» андешаронӣ намуданд.