Рӯзи 8 майи соли 2024 дар ноҳияи Ҷалолиддини Балхӣ бахшида ба 79-умин солгарди Рӯзи Ғалаба дар Ҷанги Бузурги Ватанӣ чорабиниҳои тантанавӣ баргузор гардид. Дар оғоз бо иштироки раиси ноҳия Холиқзода Рустам Ҳикматулло, собиқадорони ҷангу меҳнат, роҳбарони мақомоти ҳифзи ҳуқуқ ва кормандони ташкилоту муассисаҳо дар назди муҷассамаи Модари маҳзун ва нимпайкараҳои қаҳрамонони Иттифоқи Шӯравӣ, ки дар Боғи фарҳанги ба номи Умар Хайём ҷойгиранд, бо мақсади гиромидошти хотираи шаҳидон гулчанбар гузошта, бо лаҳзаи хомӯшӣ хотираи қурбониёнро пос доштанд. Дар қисмати дувуми чорабинӣ, ки дар Қасри фарҳанги ба номи Ҷалолиддини Балхӣ доир гашт, раиси ноҳия Холиқзода Рустам Ҳикматулло иштирокдорони чорабиниро ба Рӯзи Ғалабаи бузург табрик намуда, дар хусуси дӯстиву робитаҳои мардуми Тоҷикистону Русия ибрози ақида намуд. -Дар давоми панҷ соли муҳорибаҳои даҳшатовари Ҷанги Бузурги Ватанӣ бештар аз 250 ҳазор нафар фарзандони сарсупурдаи миллату ватандӯст аз Тољикистон ба муқобили душмани ғаддор қаҳрамонона ҷангида, дар ғалабаи оламшумул бар фашизм саҳми арзанда гузоштанд.

 Барои шуҷоату диловарӣ ва корнамоиҳои бемислу монанд дар солҳои Ҷанги Бузурги Ватанӣ 54 нафар фарзандони Тоҷикистони азизи мо бо унвони олии Қаҳрамони Иттифоқи Советӣ сарфароз гардиданд. Ҳамзамон 15 нафар ҷанговарони тоҷикистонӣ барои қаҳрамонӣ, мардонагӣ, далерию шуҷоат се карат бо ордени Шараф мукофотонида шудаанд. Мардуми тоҷик бо номи фарзандони сарсупурдаи миллат ва қаҳрамонони худ Ҳайдар Қосимов, Туйчӣ Эрйигитов, Сафар Амиршоев, Ҳодӣ Кенҷаев, Домулло Азизов, Саидқул Турдиев, Чутак Урозов ва даҳҳо дигарон, ки номашон дар саҳифаҳои таърих бо ҳарфњои заррин сабт гардидааст фахр мекунанд. Мардуми шарафманду сарбаланди ноҳияи Ҷалолиддини Балхӣ ифтихор аз он доранд, ки 5 нафар фарзандони ҷасуру матиниродаи ноҳия барои корнамоию шуҷоат соҳиби унвони олии Қаҳрамони Иттифоқи Советӣ гардидаанд. Номҳои фарзандони ҷасуру далери ноҳия Неъмат Қарабоев, Эргаш Шарифов, Константин Ходов, Николай Балакин, Александр Гореловро хурду калони ноҳия бо ифтихору саодатмандӣ ба забон мегиранд ва хотири онҳоро пос медоранд.

 Солҳо пайи ҳам мегузаранд, аммо корнамоию ҷасурӣ ва мардонагию далерии родмардони Ҷанги Бузурги Ватанӣ дар дилу дидаи мардум боқӣ мемонад. Айни замон дар ноҳия 1 нафар иштирокчии Ҷанги Бузурги Ватанӣ шоду хуррам умр ба сар бурда истодааст, ки ба ин шахси бузург пайваста аз ҷониби мақомоти иҷроияи ҳокимияти давлатии ноҳия ёрӣ ва ғамхорӣ карда мешавад. Дар набардҳои ин ҷанги хонумонсӯз ҳамчунин 192 нафар ҷавонписарони ноҳияи мо ҳалок ва чандин нафарон бе ному нишон монданд. Гузашта аз ин бо амри тақдир дар давоми 79 соли сипаришуда чандин иштирокчиёни Ҷанги Бузурги Ватанӣ бо ҳаёт падруд гуфтанд,- қайд дошт зимни баромади хеш раиси ноҳия Холиқзода Рустам Ҳикматулло. Дар идомаи чорабинӣ раиси ноҳия, собиқадорони ҷангу меҳнат ва як қатор роҳбарони ташкилоту муассисаҳо аз тарафи раиси Иттиҳоди интернатсионалистони собиқадори ноҳия бо ордену медалҳои ҷашнии Иттиҳод қадрдонӣ гардиданд. Сипас, аз ҷониби бахши фарҳанги ноҳия барномаи рангини фарҳангӣ ва сурудҳои даврони Ҷанги Бузурги Ватанӣ, ки таҷассумгари дӯстиву рафоқати халқу миллатҳо буд, анҷомбахши чорабинии идона гардид.

ҚАДРШИНОСИИ ИШТИРОКЧИИ ҶАНГИ БУЗУРГИ ВАТАНӢ  

      Собиқадорони ҷангу меҳнат беҳтарин солҳои умри худро ба озодию ободии Ватан, пешрафти зиндагӣ ва рушди иқтисодиёту фарҳанг бахшиданд. Дар навбати худ дар назди наслҳои имрӯзаву оянда вазифаи боз ҳам муқаддастару масъулияти бузургтари таърихӣ истодааст, аз ҷумла нигоҳ дошта тавонистани оини давлату давлатдории миллӣ, боз ҳам устувор намудани Истиқлоли сиёсӣ, иқтисодӣ, иҷтимоӣ ва фарҳангӣ масъулияти таърихии наслҳои имрӯзаву оянда аст. То имрӯз аз иштирокчиёни Ҷанги Бузурги Ватанӣ дар ноҳия 1 нафар ва иштирокчиёни ақибгоҳ низ 1 нафар дар қайди ҳаёт мебошанд, ки синну солашон аллакай ба ҷое расидааст. Санаи 6 майи соли 2024 масъулин аз Дастгоҳи иҷроияи Президенти Ҷумҳурии Тоҷикистон ба ноҳияи Ҷалолиддини Балхӣ ташриф оварда, дар якҷоягӣ бо раиси ноҳия Холиқзода Рустам Ҳикматулло аз аҳволи иштирокчии Ҷанги Бузурги Ватанӣ Давлатов Машраб хабар гирифта, туҳфаи пулии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро расониданд. Ҳамчунин дар ин рӯз ба Машраб Давлатов туҳфаи пулии мақомоти иҷроияи ҳокимияти давлатии вилояти Хатлон ва ноҳияи Ҷалолиддини Балхӣ расонида шуд. Зимни супоридани туҳфаи рамзӣ ба иштирокчии Ҷанги Бузурги Ватанӣ Машраб Давлатов изҳори сипоси хешро барои ғамхории пайваста ба Асосгузори сулҳу ваҳдати миллӣ-Пешвои Президенти Ҷумҳурии Тоҷикистон муҳтарам Эмомалӣ Раҳмон баён намуда, барои пойдории сулҳу ваҳдат дар Тоҷикистон дуои хайр карданд.

Навиди Балх

6 мая, 21:32

        Қудрате бар ҷону имон Ваҳдат аст, Нур андар нури Яздон Ваҳдат аст. Олами садгунаю пурҳарфро, Тарҷумону коргардон Ваҳдат аст. Аз он рӯзе, ки миллати тоҷик соҳиби Ваҳдати миллӣ гардид, 26 - сол сипарӣ шуда, Тоҷикистон ба сарзамини беҳтарини дунё мубаддал гардидааст. Нахли «Ваҳдат»-ро Худованд боғбоне ато кард, ки ҳамчун донандаи асрори боғбонӣ аз сидқ ба парваришаш камари ҳиммат баст. Ин нахл ҳамасола реша давонд ва дарахти мустаҳкаму устувори боровар гардид, ки аз шаҳдаш коми ҳамагонро ширин намуд. Аҳли қалам аз қалби пуршур ҷоннисорияшро васф мекарданду тараннум менамуданд, чун саҳифаҳои гузаштагонро варақ мезанем, пеши назар рӯзҳои мудҳишу сангини ба сари миллату давлатомада ҷилвагар мешаванд. Аз ҷумла, шоир Амиршоҳи Хатлонӣ басо ба мавқеъ менигарад: …Ба бахти халқу кишвар раҳнамо шуд, Мукофоти Худо аз баҳри мо шуд. Вакилон даъваташ бар тахт карданд, Ватанро рӯ ба рӯ бо бахт карданд. Дар ҳақиқат, мардонагию ҷасорати худододӣ ба ин фарзонафарзанд имкон дод, ки барои раҳоӣ аз ноумедии миллат ҷон дар кафи даст ба ҳимоят хезад. Чӣ сангарҳоеро пушти сар кард, ин шахсияти арзанда марди роҳи рости Худо. Тахти салтанатро ҳалол кард… Воқеан, ба тақдири аҳли кишвари тоҷикон ҷанги шаҳрвандӣ бисёр сарсониҳо овард, вале хушбахтона Иҷлосияи тақдирсоз баҳрашон неруи наве бахшид. Интихоби раиси нави Ҷумҳурии Тоҷикистон бошад, болу пар. Ин марди ватанпарвар то имзо гузоштан ба Истиқрори сулҳ аз баҳри ҷон гузашт, то ки ҷамъи парешонгаштаро аз нав ба ҳам орад, якдилу якмаром намояд. Нияташ, ки нек буд, Офаридгор давлаташ бахшид. Давлати пойдору номдор. Барои аҳли Тоҷикистон 27-уми июни соли 1997 як санаи муҳими таърихӣ дар лавҳи хотир сабт ёфт, ки ин имзои Роҳбари давлат муҳтарам Эмомалӣ Раҳмон бо роҳбари гурӯҳи мухолифин Сайид Абдуллоҳи Нурӣ дар шаҳри Маскав буд. Аз байн солҳо сипарӣ мешаванд. Корнамоиҳои фарзанди баруманди миллат, Асосгузори сулҳу ваҳдати миллӣ - Пешвои муаззами миллат, Президенти мамлакат, муҳтарам Эмомалӣ Раҳмон чандин китобҳо чоп шуда, дар арсаи сиёсат дарси ватандории кулли инсонҳо хоҳад гашт. Хусусан, баҳри мо, омӯзгорон тамоми ободкориҳои ин марди хирад, сабақи бузурги таълиму тарбия дар пешрафти насли оянда аст. Ифтихор менамоем, ки эҳёгари роҳи сулҳи пойдор, Ваҳдати миллӣ ва вориси аҳли Тоҷикистон пайваста ояндаи дурахшони моро мехоҳад. Таманно мекунем, ки нахли Ваҳдат ҳеҷ гоҳ рӯйи хазонро набинад. Баҳораш, ҷавонияш ва шаҳдаш ширинкомаи насли оянда бошад. Бо ин сатрҳои меҳрбори хеш аҳли Ватанамро бо 26-сола роҳи тайкардаи Ваҳдат таҳният мегӯям. Ваҳдат шиори мардуми олитабори мост, Як боғи пуршукӯҳу кунун мевадори мост. Нахли ба ҷон парварида бисту шаш сол, Мероси ҷовидонаи Асосгузори мост… Сафармоҳ ГАДОЕВА, омӯзгори Мактаби байналмилалии Президентии ноҳияи Ҷалолиддини Балхӣ

    Санаи 1 ноябри соли 2022 дар толори мақомоти иҷроияи ҳокимияти давлатии ноҳияи Ҷалолиддини Балхӣ тибқи нақшаи баргузории чорабиниҳои гуногуни маърифатӣ- фарҳангӣ, баргузории конференсияҳо, мизҳои мудаввар, мулоқоту вохӯриҳо ва мусобиқаҳои гуногуни варзишӣ таҳти унвони "Иҷлосияи таърихии 16-уми Шӯрои олӣ-поягузори давлати миллии тоҷикон" бо иштироки муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Чоршанбезода Сураҷ, сардори раёсати кор бо ҷавонон ва варзиши вилояти Хатлон Қурбонзода Қурбон ва муовини раиси ноҳияи Ҷалолиддини Балхӣ Абдусаломзода Анзурат бахшида ба Рӯзи Конститутсияи Ҷумҳурии Тоҷикистон ва 30-солагии Иҷлосияи 16-уми Шӯрои Олии Ҷумҳурии Тоҷикистон вохӯрии судманд баргузор гардид.                                                                                Дар вохӯрӣ масъулин дар мавзӯҳои "Конститутсия-бахтномаи миллати тоҷик", "Иҷлосияи 16-уми Шӯрои Олӣ ва Мактаби давлатдории Пешвои миллат - Эмомалӣ Раҳмон", "Иҷлосияи 16-уми Шӯрои Олӣ ва сарнавишти Тоҷикистон" баромад намуданд. Инчунин ҷиҳати баланд бардоштани ҳисси миллӣ, ватандустӣ, ҳифзи арзишҳои миллӣ, донишомӯзии ҷавонон, дастовардҳои даврони соҳибистиқлолӣ ва дар руҳияи ватандӯстӣ тарбия намудани насли ҷавон суханронӣ карда шуд.

                 Навиди Балх

Вчера, 17:36