Субҳи имрӯз, бо мақсади татбиқи саривақтии дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба тарғиби тарзи ҳаёти солим ва ҷалби оммавии мардум ба варзиш, дар Боғи фарҳангу фароғатии ноҳияи Ҷалолиддини Балхӣ машқҳои пагоҳирӯзии варзишӣ баргузор гардиданд. Дар чорабинӣ кормандон, мураббиён ва машқварзони мактаби варзишӣ иштирок намуданд. Ҳадаф аз ташкили чунин машқҳои пагоҳирӯзӣ ин баланд бардоштани сатҳи худогоҳии мардум нисбат ба арзиши ҳаёти солим, пешгирии бемориҳои гуногун ва ҷалби ҳарчи бештари аҳолӣ ба варзиш мебошад. Машқҳо таҳти роҳбарии мураббиёни ботаҷриба баргузор шуда, ба ҳозирин руҳу илҳоми тоза бахшиданд. Қайд гардид, ки дар асоси сиёсати варзишпарваронаи Пешвои муаззами миллат муҳтарам Эмомалӣ Раҳмон тадбирҳо ҷиҳати беҳтар намудани инфрасохтори варзишӣ, таъсиси майдончаҳои варзишӣ ва фароҳам овардани шароити мусоид барои ҷавонон пайгирона амалӣ гардида истодаанд. Машқҳои пагоҳирӯзӣ бо рӯҳияи баланди ватандӯстӣ ва садоқат ба арзишҳои милливу давлатӣ баргузор гардида, намунаи беҳтарини ҳамбастагии иҷтимоӣ ва тарғиби солимии ҷомеа арзёбӣ гардиданд.

   Дар даври аввал бо “Ҳулбук” бозӣ мекунад Дастаи “Панҷшер”-и ноҳияи Ҷалолиддини Балхӣ дар доираи бозиҳои даври аввали Чемпионати Тоҷикистон байни дастаҳои лигаи олӣ бо дастаи “Ҳулбук”-и ноҳияи Восеъ дидор анҷом медиҳад.

   Вохӯрии дастаҳо рӯзи 10 марти соли равон, соати 15:00 баргузор мегардад. Бозии дастаҳо дар Варзишгоҳи марказии шаҳри Душанбе доир мешавад. Тамоми мухлисони дастаро даъват менамоем, ки ба Варзишгоҳи марказии  шаҳри Душанбе омада,  дастаи «Панҷшер»-ро дастгирӣ кунанд.

   Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ироаи Пайёми ҳамасолаи худ ба Маҷлиси Олии Ҷумҳурии Тоҷикистон таъкид менамоянд, ки воқеоту таҳаввулоти ҷомеаи ҷаҳонӣ ҳар яки моро ҳушдор месозад, ки зиракии сиёсӣ, омодагии доимӣ, эҳсоси баланди ватандӯстӣ, худогоҳӣ ва муқаддас доштану ҳифз намудани арзишҳои давлати соҳибистиқлоламонро аз даст надиҳем. Дар давраи хизмати ҳарбӣ ҷавононро дар руҳияи меҳанпарастӣ, мардонагиву шуҷоат, қавииродагиву адолатпарастӣ тарбият намуда, ҷиҳати ҳифзу нигаҳдошти амнияти давлатӣ равона менамоянд. Оромии кишвар, пешрафти ҷомеа ва зиндагии шоистаи мардум, пеш аз ҳама, аз таъмини амният дар сарҳади давлатӣ вобастагии зиёд дорад. Ҳамин аст, ки сол то сол барои боз ҳам баланд бардоштани малакаи касбии аскарон ва дар роҳи меҳанпарастӣ тарбия намудани онҳо аз ҷониби давлату ҳукумат шароити мусоид фароҳам мегардад. Дар ин замина, санаи 19 июли соли равон дар комиссариати ҳарбии ноҳияи Ҷалолиддини Балхӣ бо иштироки муовини раиси ноҳия оид ба соҳаи идеологӣ Қурбонзода Қурбоналӣ, комиссари ҳарбии ноҳия Ҳасанализода Саидакбар, раисон, котибон ва нозирони мизҳои ҳарбии бақайдгирии ҷамоатҳои шаҳраку деҳот бо мақсади иҷрои дастуру супоришҳои ҷаласаи назорати назди раиси ноҳия Холиқзода Рустам Ҳикматулло барои дар рӯзи аввал иҷрои нақшаи даъвати тирамоҳӣ, таъмин намудани ситоди комиссия оид ба даъват ситод баргузор гардид.

    Бо пешниҳод ва ташаббуси Президенти федератсияи футболи Тоҷикистон муҳтарам Рустами Эмомалӣ, аз тарафи СММ 25 май ҳамасола ҳамчун “Рӯзи байналмилалии футбол” таҷлил карда мешавад. Дар ин замина, бо мақсади татбиқи босамар ва ҳадафмандонаи дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси Ҳизби Халқии Демократии Тоҷикистон, муҳтарам Эмомалӣ Раҳмон дар самти рушди варзиш ва тарбияи ҷисмонӣ, солимгардонии ҷомеа, таҳкими ваҳдату ҳамдилӣ миёни дастаҳои ғайрикасбӣ, баланд бардоштани ҳисси худшиносии насли ҷавони мамлакат, бахшида ба 30 - солагии таъсисёбии Ҳизби Халқии Демократии Тоҷикистон ва дар сатҳи баланд истиқбол намудани ин санаи муҳим дар асоси Фармоиши Кумитаи марказии Ҳизби Халқии Демократии Тоҷикистон аз 3 майи соли 2024, №42, футболи хурд байни дастаҳои ғайрикасбӣ барои дарёфти “Ҷоми Ҳизби Халқии Демократии Тоҷикистон” доир гардида истодааст. Рӯзҳои 11-12 июни соли 2024 дар маркази маъмурии шаҳри Бохтар даври сеюми мусобиқаи мазкур байни дастаҳои шаҳру ноҳияҳои КИ ҲХДТ минтақаи Бохтар дар фазои дӯстиву бародарӣ баргузор гардид, ки дар натиҷа дастаи ноҳияи Ҷалолиддини Балхӣ сазовори ҷои аввал, дастаи ноҳияи Вахш сазовори ҷои дуюм ва дастаи ноҳияи Кӯшониён сазовори ҷои сеюм гардиданд. Ғолибони дастаҳои мазкур бо Ҷом, медал, Диплом ва туҳфаҳои хотиравӣ қадрдонӣ карда шуданд.

          Рӯзи 25 майи соли 2024 нахустин маротиба Рӯзи ҷаҳонии футбол, ки бо ташаббуси Президенти Ассотсиатсияи Футболи Осиёи Марказӣ (CAFA), Раиси Федератсияи футболи Тоҷикистон муҳтарам Рустами Эмомалӣ тавассути қатъномаи Маҷмааи Умумии СММ қабул гардида буд, дар ноҳияи Ҷалолиддини Балхӣ дар сатҳи баланд таҷлил карда шуд. Дар чорабинӣ муовини аввали раиси Федератсияи футболи вилояти Хатлон Исроил Шарипов, муовини раиси ноҳия оид ба соҳаи идеологӣ Қурбонзода Қурбоналӣ ва беш аз 300 кӯдакону наврасон иштирок доштанд. Сараввал, Исроил Шарипов суханронӣ намуда, таъкид дошт, ки бо ташаббуси Президенти Федератсияи футболи Тоҷикистон муҳтарам Рустами Эмомалӣ ва ҳимояти Созмони Милали Муттаҳид 25 май бо қабули қатъномаи махсус «Рӯзи ҷаҳонии футбол» эълон карда шуд. Дар қатънома аҳаммияти варзиш дар руҳияи сулҳ, тафоҳум, ҳамкории байналмилалӣ, дӯстӣ, таҳаммулпазирӣ ва бе табъиз баргузор намудани чорабиниҳои бузурги дорои хусусияти муттаҳидкунанда мебозад.  Мавриди зикр аст, ки Президенти Ассотсиатсияи футболи Осиёи Марказӣ (CAFA), Президенти Федератсияи футболи Тоҷикистон пешниҳод намуд, ки нақши футболро дар сатҳи ҷаҳон эътироф карда, дар Созмони Милали Муттаҳид аз тариқи қабули қатъномаи махсуси Маҷмааи умумии Созмони Милали Муттаҳид «Рӯзи ҷаҳонии футбол» расман эълон карда шавад. Пешниҳоди навбатии ҷаҳонии Тоҷикистони соҳибистиқлол дар иртибот ба эълон гардидани Рӯзи ҷаҳонии футбол аз ҷониби қишрҳои гуногуни ҷомеаи мамлакат ҳамовозии гарм пайдо намуда, дар шаҳру ноҳияҳои мамлакат ба ин муносибат ҳамоиш ва роҳпаймоиҳо баргузор шуданд. Ҳамин тариқ, 7 майи соли равон Маҷмааи умумии Созмони Милали Муттаҳид дар ҷаласаи 80-уми пленарии иҷлосияи 78-ум пешниҳоди Президенти Ассотсиатсияи футболи Осиёи Марказӣ (CAFA), Президенти Федератсияи футболи Тоҷикистон Рустами Эмомалиро доир ба эълони Рӯзи ҷаҳонии футбол пазируфта, вобаста ба он қатъномаи A/RES/78/281 қабул намуд. Дар фарҷом барномаи фарҳангӣ - фароғатӣ пешниҳодӣ ҳозир гардонида шуд.

       Дар толори Қасри фарҳангии ноҳияи Ҷалолиддини Балхӣ санаи 21 майи соли 2024 бо иштироки раиси ноҳия Холиқзода Рустам Ҳикматулло, муовинон, роҳбари дастгоҳи раиси ноҳия, роҳбарон, кормандони ташкилоту муассисаҳо ва наврасону ҷавонон чорабинии идона бахшида ба Рӯзи ҷавонони Тоҷикистон баргузор гардид. Дар чорабинии мазкур раиси ноҳия Холиқзода Рустам Ҳикматулло насли ҷавонро ба ифтихори Рӯзи ҷавонони Тоҷикистон табрику таҳният намуда, қайд намуд, ки насли ҷавон ҳамчун давомдиҳандагони татбиқи ҳадафҳои олии мо имрӯзҳо бо азму иродаи қавӣ ба хотири пешрафти ояндаи Ватани маҳбубамон саъю талош карда, дар бештари соҳаҳо ба дастовардҳои назаррас ноил гардидаанд. Аксари ҷавонони бонангу номуси ноҳия дар пайи таҳсил, интихоби касб ва аз худ кардани техникаву технологияҳои муосир талош намуда, дар дохилу хориҷи мамлакат илму донишҳои муосир ва барои кишвару ноҳияаамон заруриро аз бар карда истодаанд. Гуфта шуд, ки қисме аз ҷавонон бо азму иродаи матин дар соҳаҳои истеҳсолӣ ва сохтмонҳои бузурги кишвар заҳмат мекашанд, дар сафҳои Қувваҳои Мусаллаҳ, аз ҷумла дар ҳифзи марзу буми Ватан ва таъмини амнияту оромии давлат ва ҷомеа қарор доранд ва иддае Парчами Тоҷикистони азизро дар мусобиқаҳои байналмилалӣ ва минтақавӣ баланд мебардоранд.

  -Бо боварӣ гуфта метавонам, ки мақомоти иҷроияи ҳокимияти давлатии ноҳия, аҳли зиё ва ҷавонони бонангу номуси ноҳия ба хотири ободии сарзамини аҷдодиамон, пешрафти давлати соҳибистиқлоламон, баланд бардоштани обрӯи он дар арсаи байналмилалӣ ва ҳимояи манфиатҳои миллату давлат бо дасту дилу нияти пок ва содиқонаву поквиҷдонона хизмат намуда, бо ин амали неку созандаи хеш қарзи виҷдониву инсонии худро адо менамоянд, - иброз дошт раиси ноҳия Холиқзода Рустам Ҳикматулло. Дар идома аз ҷониби мақомоти иҷроияи ҳокимияти давлатии ноҳия бахшида ба Рӯзи ҷавонони Тоҷикистон як қатор кормандони ташкилоту муассисаҳо бо Сипоснома, туҳфаҳои хотирмон ва ғолибони озмуни «Иншои беҳтарин» дар мавзӯи «Нақши ҷавонон дар пешбурди сиёсати хирадмандонаи Пешвои миллат» бо Диплом ва туҳфаҳои хотиравӣ қадрдонӣ карда шуданд.

 Инчунин ғолибони мусобиқаи футболи хурд барои дарёфти «Ҷоми раиси ноҳияи Ҷалолиддини Балхӣ» низ бо Диплом ва Ҷоми раиси ноҳия сарфароз гардонида шуданд. Сипас аз ҷониби ҳунармандони бахши фарҳанги ноҳия ва ҳунарпешаи шоистаи Ҷумҳурии Тоҷикистон Шабнами Тоҷиддин суруду таронаҳои идона пешкаши ҳозирин гардонида шуда, ҳаҷвнигорони маъруфи кишвар аз гуруҳи “Ғарибшо-компания” Бахтиёр Раҳимов ва Ташриф Халилов бо ҳаҷвҳои намакини худ хотири ҳозиринро болида гардониданд.

   

    Санаи 15 майи соли 2024 зимни сафари кории раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Гулаҳмадзода Зулфиқор Аҳмад ва сардори раёсати кор бо ҷавонон ва варзиши вилояти Хатлон Насриддинзода Рамазон ба ноҳияҳои минтақаи Хатлон бо гирандагони стипендияи Президентӣ аз ноҳияҳои Ҷалолиддини Балхӣ, Ҷайҳун, Дӯстӣ, Шаҳритус, Қубодиён ва Носири Хусрав бо мақсади қадршиносии барандагони озмуни Стипендияи Президенти Ҷумҳурии Тоҷикистон дар доираи нақша - чорабиниҳои Моҳвораи ҷавонон бахшида ба Рӯзи ҷавонони Тоҷикистон таҳти унвони “Ҷавонон – пайрави Пешвои миллат” ҳамоиш доир гардид. Дар оғоз меҳмононро муовини раиси ноҳия оид ба соҳаи идеологӣ Қурбонзода Қурбоналӣ ва дигар масъулин дар назди Маҷмааи варзишии Исмоили Сомонӣ истиқбол намуданд. Сипас, онҳо аз Маҷмааи варзишӣ, Парчам, Нишон, Гулгашт, Пайкараи Мавлоно, Хона-музей, Мақбараи рамзии Мавлоно Ҷалолиддини Балхӣ ва сохтмони мактаби санъати бачагонаи ноҳия дидан намуданд. Тибқи нақша меҳмононро намояндагони мақомоти иҷроияи ҳокимияти давлати ноҳия ва ҷавонони фаъол дар назди Қасри фарҳанги ба номи Ҷалолиддини Балхӣ қабул карда бо онҳо суҳбати самимӣ ороста, ҷавононро нерӯи пешбарандаи ҷомеа ва ояндасози Ватан арзёбӣ намуданд. Ҳамоиши мазкур бо садо додани Суруди миллӣ ва суханронии Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Гулаҳмадзода Зулфиқор Аҳмад оғоз гардид. Гуфта шуд, ки дастгириву ғамхории насли наврасу ҷавон яке аз самтҳои муҳими сиёсати давлатӣ ба шумор рафта, барои дониш андӯхтану соҳибкасб гардидани қишри ояндадори ҷомеа кулли имкониятҳои мусоид фароҳам оварда шуда, баробари дигар соҳаҳо ба соҳаи ҷавонон низ зиёд намудани шумораи гирандагони стипендияи Президентӣ давоми мантиқии сиёсати Ҳукумату давлат дар самти илмомӯзии наврасону ҷавонон мебошад.

   Дар ин росто танҳо лозим аст, ки наврасону ҷавонон бояд талош намоянд, то фарди соҳибилму соҳибкасб ва рушдбахшандаи кишвари хеш бошанд. Инчунин ба онҳо маслиҳатҳои муфид дар пешрафти фаъолият дода шуд. Ҳамзамон аз ҷониби Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Гулаҳмадзода Зулфиқор намояндаи мақомоти иҷроияи ҳокимияти давлатии ноҳия Кароматулло Хайраков, мудири бахши фарҳанг Латифзода Насиба бо Сипоснома қадрдонӣ гардида ва стипендияҳои як қатор гирандагони стипендияи Президентӣ дар вазъияти тантанавӣ ба соҳибонашон супорида шуд. Дар ҳамоиши мазкур Гирандагони стипендияи Президентӣ бо се забон - тоҷикӣ, русӣ ва англисӣ суханронӣ намуда, дастгириҳои Пешвои муаззами миллат муҳтарам Эмомалӣ Раҳмон нисбат ба ҷавононро самараи сиёсати ҷавонпарваронаи Роҳбари давлат дониста, миннатдории самимии хешро баён намуданд. Дар охир, ҳунармандони бахши фарҳанги ноҳияи Ҷалолиддини Балхӣ бо пешниҳоди барномаи фарҳангӣ хотири ҳозиринро болида гардониданд. Кароматулло САДИРОВ, "Навиди Балх"

МУСОБИҚАИ ФУТБОЛИ ХУРД БАЙНИ ТАШКИЛОТУ МУАССИСАҲО БАРОИ ДАРЁФТИ “ҶОМИ РАИСИ НОҲИЯ”

  Соҳаи варзиш яке аз самтҳои афзалиятноки ҷомеа ба шумор рафта, тарафдорони махсуси худро дорад. Боиси хушнудии ҷавонон аст, ки маҳз дар замони соҳибистиқлолии кишвар пайваста ба масоили дастгирии давлатии ҷавонон таваҷҷуҳҳои назаррас зоҳир мегарданд. Бахусус, футбол яке аз намудҳои оммавитарини варзиш ба ҳисоб рафта, он на танҳо ҳамчун падидаи варзишӣ, балки ҳамчун падидаи сиёсӣ эътироф шудааст. Футбол аз ҳама намуди маъмул ва дӯстдоштатарини омма буда, механизми муҳим барои инкишофи ҷисмониву руҳӣ ва тарбияи шахс ба ҳисоб меравад. Ҷиҳати рушд ва тақвият бахшидани футбол Барномаи рушди футбол дар Ҷумҳурии Тоҷикистон барои солҳои 2022-2026 роҳандозӣ гардидааст. Дар ин замина санаи 3 майи соли 2024 маросими кушодашавии футболи хурд байни ташкилоту муассисаҳо барои дарёфти “Ҷоми раиси ноҳия” бахшида ба сазовор истиқбол гирифтани "Рӯзи Ҷавонони Тоҷикистон", ки бо дастгирии бевоситаи раиси ноҳияи Ҷалолиддини Балхӣ Холиқзода Рустам Ҳикматулло ба роҳ монда шудааст, оғоз гардид. Тибқи Низомнома мусобиқаи мазкур то санаи 17 майи соли 2024 идома ёфта, он дар арафаи "Рӯзи Ҷавонони Тоҷикистон" ҷамъбаст мегардад.