ОЗМУНИ «РӮЗҒОРДОРӢ»

                                     ОЗМУНИ «РӮЗҒОРДОРӢ»

 Бо мақсади баланд бардоштани маърифати оиладорӣ, омодасозии ҷавондухтарон ба ҳаёти мустақил, баланд бардоштани донишу малакаи касбомӯзӣ, ҳидояти ҷавондухтарон ба рӯзғордорӣ ва ба хотири ба расму оинҳои миллӣ, мероси ниёгон ва анъанаҳои миллии мардуми тоҷик таъсис дода шуд. Ба ин хотир рӯзи 5 апрели соли равон дар Коллеҷи энергетикии ноҳияи Ҷалолиддини Балхӣ маҳфили «Рӯзғордорӣ» бо ҳайати ҳакамон мудири бахши сабти асноди ҳолати шаҳрвандии ноҳия Ализода Майнисо, сармутахассиси бахши кор бо занон ва оилаи Мақомоти иҷроияи ҳокимияти давлатии ноҳия Ҷавоҳир Риоева, мушовири шуъбаи маориф Гулхоним Нурмаҳмадова, корманди бахши фарҳанг Ҳусноро Назарова, директори Коллеҷи энергетикӣ Раҷабов Ҷурахон ва инчунин омӯзгорону донишҷӯён баргузор гардид.  Донишҷӯдухтарони Коллеҷи энергетикӣ шартҳои маҳфилро дар сатҳи баланд иҷро намуданд. 1.Оростани дастархони тоҷикӣ бо пешниҳоди таъомҳои миллии қадима ва муосир 2. Намоиши тайёр намудани як таъоми миллӣ бо муаррифии он 3. Маҳорати пӯхтани нон ва маҳсулотҳои нонӣ 4. Маҳорати қабули меҳмон дар хона 5. Саволу ҷавоб оид ба масъулияти оиладорӣ ва рӯзғордорӣ Дар озмуни ноҳиявии «Рӯзғордорӣ» мутахассисони соҳа ба ҳунарҳои кадбонугӣ баҳогузорӣ намуда ва беҳтаринҳо ба даври дуюми озмун даври вилоятӣ роҳ ёфтанд. Бахши кор бо занони Мақомоти иҷроияи ҳокимияти давлатии ноҳияи Ҷалолиддини Балхӣ