СОХТАНИ КӮПРУК - АМАЛИ ШОИСТА

                            СОХТАНИ КӮПРУК - АМАЛИШОИСТА

         Бузургони илму ҳикмат ва аҳли уламо хоса зикр намудаанд, ки обод кардани роҳ, сохтани кӯпрук, ҷорӣ кардани об, дарахтеро сабз ва боғеро бунёд намудан, дар қади роҳ сарпаноҳе барои роҳгузарон сохтан ва дили нафарони дигарро шод кардан аз ҷумлаи амалҳои неку шоистае маҳсуб меёбанд, ки савоби онҳо басо бузург аст. Ин аст, ки дар арафаи ҷашни 32-солагии Истиқлоли давлатии Ҷумҳурии Тоҷикистон дар деҳаи Обчакорони Ҷамоати шаҳраки Гулистон бо ҳашари дастаҷамъонаи сокинон як кӯпруки нав сохта истодаанд. -Дарозии кӯпруки болозикр 15 метр, баландиаш 3,5 метр ва паҳмиаш 9 метр мебошад, ки 10 маҳалларо бо ҳам пепайвандад. Масъалаи тармими кӯпруки мазкур яке аз мушкилоти асосии сокинони деҳа маҳсуб меёфт. Бо дастгирӣ ва маблағгузории сокинони маҳаллаҳои гирду атроф кӯшиш ба харҷ медиҳем, ки то ҷашни Истиқлолияти давлатӣ кӯпрукро сохта ба истифода супорем, - мегӯяд бо хушҳолӣ сокини деҳа Сироҷиддин Маҳмадраҳимов.