Календар
«    Декабрь 2020    »
ПнВтСрЧтПтСбВс
 123456
78910111213
14151617181920
21222324252627
28293031 
?????? ??? 7??? ??? ?? ?? .
http://balkhi.tj/
МО ҶАВОНОН НАМЕГУЗОРЕМ, КИ ХОИНОНИ МИЛЛАТ БА МАҚСАДИ НОПОКИ ХУД БИРАСАНД
2-11-2020, 13:20 | Автор: admin-balkhi | Категория: Асосӣ

МО ҶАВОНОН НАМЕГУЗОРЕМ, КИ ХОИНОНИ

МИЛЛАТ БА МАҚСАДИ НОПОКИ ХУД БИРАСАНД

      Боиси сарбаландӣ ва ифтихор аст, ки мо, ҷавонон, имрӯз дар зери парчами барафрохтаи истиқлол, сулҳу суботи ҷомеаи дунявӣ, ягона ва ҳуқуқбунёди худ бо озодии сухан аз минбарҳои баланд баромад карда, мақсаду ниятҳои хешро баён менамоем.

      Тайи 29-соли Истиқлолият Тоҷикистони мо дар зери роҳбарии шахсияти арзанда Асосгузори сулҳу ваҳдати миллӣ-Пешвои миллат, муҳтарам Эмомалӣ Раҳмон ба рушду тараққиёти зиёде ноил гардид, ки ҳама шоҳиди он ҳастем.

      Албатта, дар ҳар як пешрафт заҳмату талоши мардуми кишвар нақши муассир дошта, аз сиёсати хирадмандонаю халқпарваронаи роҳбари давлат дарак медиҳад.

      Чуноне, ки огоҳ ҳастем, Пешвои миллат дар баробари дигар қишрҳои ҷомеа нигоҳи аввалинро ба ҷавонон андӯхта, ҳамеша таъкид менамояд, ки неруи ояндасозро тарбия бояд кард.

Ҷавононе, ки соҳиби илму маърифати комил ҳастанд, ин таъкидҳои падаронаро ҳалқа ба гӯш менамоянд. Барои расидан ба ҳадафҳои олӣ ҷидду ҷаҳд карда, ба боварии давлату ҳукумат сазовор мешаванд. Лек на ҳама ҷавонон аз ҷӯйи одобу ахлоқи ҳамида об менӯшанд, баръакс бо ашхоси бадкирдоре ҳамроҳӣ менамоянду худро ба чоҳи зулмат меафкананд.

       Мутаассифона, дар ҷомеаи ҷаҳони имрӯзаи мо то имрӯз гурӯҳи ифротгароне ҳастанд, ки тавассути шабакаҳои иҷтимоӣ ва дигар васоит ба ҳаёти ҷавонон дахл менамоянд. Онҳоро ба роҳҳои нодуруст ҳидоят карда, билохира аз шаҳди айёми ҷавонӣ маҳрум месозанд.

       Аз мутолиаи рӯзномаю маҷаллаҳо, тамошои оинаи нилгун воқиф ҳастем, ки чӣ гуна ҷавонон ба фиреби ин одамони ба сурат одамӣ, вале ба сират аз роҳи инсонӣ дур афтода, ба пайраҳаи ҷаҳолат қадам гузоштаанд. 

      Бахусус, тамошои филми мустанади «Хиёнат», ки тамоми сиёҳкориҳои солҳои ҷанги шаҳрвандиро бозгӯ менамояд, далел ба гуфтаҳои болост.

       Он чӣ ки мо аз насли калонсол мешунидем, аз он чӣ ки имрӯз бо чашми худ аз оинаи нилгун тамошо кардем, тафовути зиёде дорад. Яъне мақоли мардумии «Шунидан кай бувад монанди дидан» исботи худро доштааст.

      Чун имрӯз ба бахти мо сулҳи пойдор дар кишвар мақом дорад, онро чун вориси ояндасоз ҳифз бояд кард. Бар зидди нохалафоне, ки бар хилофи давлатдории мо сар боло мекунанд, мубориза бояд бурд. Шоир басо бамаврид гӯшрас намудааст:

Чу мебинӣ, ки нобинову чоҳ аст,

Агар хомӯш биншинӣ гуноҳ аст.

     Пас бояд дар ҳамҷоягӣ пеши роҳи ҷавонони роҳгумро гирему дар пайравии Пешвои миллат ҳамқадами замон бошем.

Кароматулло Хайраков  

мутахассиси пешбари шуъбаи ташкилӣ ва кор бо кадрҳои дастгоҳи раиси ноҳия


скачать dle 12.1
Просмотров: 25  |  Комментариев: (0)  |  Нашли ошибку?
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.