http://balkhi.tj/
5-10-2020, 13:30 | Автор: admin-balkhi | Категория: Асосӣ

Т А Б Р И К О Т И

РАИСИ НОҲИЯИ ҶАЛОЛИДДИНИ БАЛХӢ 

БАХШИДА БА РӮЗИ ЗАБОНИ ДАВЛАТИИ ҶУМҲУРИИ ТОҶИКИСТОН 

5 ОКТЯБРИ СОЛИ 2020

       Забон асоси ҳастӣ ва бақои умри миллат аст. Тавассути он одамон бо ҳам муошират мекунанд, бо зиндагии мардумони дигар ошно мегарданд ва таҷрибаи зиндагии худро ба наслҳои оянда ба мерос мегузоранд. Забони халқ, рӯҳи халқ, ифодаи табиат ва пояи тамаддун, таърих, урфу одат ва умуман олами маънавии уст. Он гули ҳамешабаҳорро мемонад, ки дар таровати абадиаш тамоми паҳлӯҳои ҳаёти маънавии мардум инъикос ёфтааст. Он робитаи ниҳоят зинда, барҷаста ва ногусастание аст, ки ниёгон, муосирон ва ояндагонро ба як чизи комилу зинда ва таърих мубаддал месозад.

       Аз ин лиҳоз мо ҳар сол 5 октябр - Рӯзи забонро бо эҳсоси қаноатмандӣ истиқбол намуда, ба олитарин муқаддасоти миллии худ-забони тоҷикӣ арҷгузорӣ мекунем.

      Таърих гувоҳ аст, ки хосияту сифатҳои тавоноии забони мо аз қарнҳои пеш то имрӯз, новобаста ба монеа ва шебу фарозҳои зиёд дар байни забонҳои дигар мақоми махсус дорад. Зеро тавоноии ин забон тавоноии миллату ваҳдатсозу бофарҳангест, ки ваҳдат миллиро арзиши аз ҳама болову воло медонад. 


Просмотров: 25  |  Комментариев: (0)
5-10-2020, 13:13 | Автор: admin-balkhi | Категория: Асосӣ

ЗАБОНИ ТОҶИКӢ-БАЁНГАРИ

ФАРҲАНГУ ТАМАДДУНИ

ПУРҒАНОВАТИ МИЛЛАТИ МОСТ

      Забони миллӣ симо ва пайкари миллати мо мебошад. Аз ин рӯ, ин симо бояд зебо ва пайкар тавоно бошад.

                     Эмомалӣ РАҲМОН

      Забони тоҷикӣ, яъне забони модарии мо, ки дар таърихи ҳазорсолаҳо мақому манзалаташро ҳифз кард, имрӯз бо бузургонаш ба ҷаҳониён муаррифӣ гардидааст. 

       Маҳз осори бузургони сухан Абӯабдуллоҳ Рӯдакӣ, Абулқосим Фирдавсӣ, Абӯалӣ ибни Сино, Саъдию Ҳофизи Шерозӣ, Абдураҳмони Ҷомию дигар ворисони ин забони ноб, ки шоҳкориҳои худро дар асарҳояшон бо ин забони воломақом ба мерос мондаанд, то имрӯз манзалати  худро доранд.

       Шуҳрати байналмилалӣ ёфтани эҷодиёти ин шахсиятҳои бузург далолат бар он мекунад, ки эшон пушту паноҳи ин забони волою шевоянд. Далели ин гуфтаҳо метавонам аз гуфтаҳои шоири тавоною муосири тоҷик Ҳакназар Ғоиб ёдовар шавам:

Эй лафзи модари ман! Эй лафзи буди ман!

Ин бас, ки ман шинохтам аз аслат ориён!

Баски забони аҳли биҳиштӣ, муқаддасӣ,

Ман дорам аз Худои бузургам сари амон!

     Мусаллам аст, ки қабл аз соҳибистиқлолии кишвар ҳанӯз бо кӯшишу талошҳои парчамбардорони миллат устодон: Муҳаммад Осимӣ, Муҳаммадҷон Шакурӣ, Акбари Турсун, Лоиқ Шералӣ, Шарофиддини Рустам ва чанде дигар 22–уми июли соли 1989 Қонун дар бораи забони тоҷикӣба тавсиб расида буд ва дар қаламрави Тоҷикистон мақоми давлатӣ пайдо кард, вале ҳамоно дар роҳи рушду забони модарӣ мушкилоту монеа фаровон буд.

Просмотров: 18  |  Комментариев: (0)
5-10-2020, 13:05 | Автор: admin-balkhi | Категория: Асосӣ

КОРОНАВИРУС ХАТАР Ё КАБИРӢ?

            Ман як тоҷики мусофир, дур аз ватанам.Умедворам, ки ин номаи маро бетаҳрир чоп мекунед. Агар чоп накунед, шумо ҳаммисли Кабирӣ хиёнаткоред.
        Имшаб  филми Хиёната  кисми4-умашро дидаму ба фикр рафтам, ки Ҳизби наҳзати исломӣ хатарнок аст ёкоронавирус. Фикр кардаму фикр кардаму ба хулоса омадам, ки коронавирус шарафдораду наҳзатиё не. Каронавирус олоти мардиро намебурад, гӯшу бинию панҷаҳоронамебурад, зинда ба зинда чашма намеканад, каллая намебурад, занону духтара таҷовузнамекунад. Ин кора Гитлер, Чингизхон, Темури ланг, лашкаркашои ҷаллоди арабкарда буданд. Боз фарзандони нохалафи онҳо наҳзатиё.
Просмотров: 39  |  Комментариев: (0)
2-10-2020, 07:33 | Автор: admin-balkhi | Категория: Асосӣ

ТЕРРОРИЗМ ХАТАРИ БУЗУРГИ ИҶТИМОӢ

          Экстремизм ва терроризм аз мафҳумҳоест, ки дар дунёи имрӯза вирди забони ҳама шудааст ва ин ду мафҳум ба ҳам пайваст мебошад.

         Хусусияти экстремизм ва терроризм ва афзудани шумораи одамони ба ин гуруҳҳои номатлуб шомил шуда, бо роҳи ҷалб намудан ва тадриҷан тағйир додани тафаккури эътиқоди онҳо зери ниқоби афзалиятҳои динӣ зоҳир мегарданд. Намояндагони гурӯҳҳои даҳшатафкан дар навбати аввал бо ҷавононе кор мекунанд, ки таҷрибаи кофии рӯзгор надоранд, донишҳои дунявиашон суст буда, дар зиндагӣ ба мушкилоте дучор шудаанд.

         Имрӯзҳо терроризм ва экстремизм дар кирдорҳои худ шаклҳои гуногуни яроқро интихоб намуда, ба давлатҳои абарқудрат муқобилияти шадид нишон дода истодаанд, ки аз хатари аслии терроризм ва экстремизм ба ҷомеа шаҳодат медиҳанд.

        Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон борҳо аз минбари баланди созмонҳои байналмилалӣ ҷомеаи ҷаҳон ва кишварҳои дунёро аз хатари терроризм ва ифротгароӣ огоҳ намуда, таъкид карданд: «Терроризм имрӯз беш аз пеш хусусияти фаромиллӣ ва глобалӣ касб мекунад. Он дар минтақаҳои том ва умуман ҷаҳон доман паҳн карда, хатари бузурги иҷтимоӣ дорад ва барои амнияти давлатҳои алоҳида ва минтақаҳо воқеан таҳдид эҷод менамояд. Тоҷикистон, ки ҷанги таҳмилии шаҳрвандиро аз сар гузаронидааст ва бо зуҳуроти зишти ин падидаи ғайриинсонӣ аз наздик ошно мебошад, ҷонибдори сулҳ ва пойдору устувории муборизаи қотеъ ва ҳамоҳангшудаи ҷомеаи ҷаҳонӣ бар зидди он аст».

       Ҷавонон бояд аз ҳама қишрҳои ҷомеа бештар фаъол бошанд, ташаббусҳои созанда пешниҳод намоянд, рамзҳои давлатӣ, муқаддасоти миллӣ ва дастовардҳои истиқлолиятиро ҳифз кунанд, дар ҳаёти сиёсию иҷтимоии Тоҷикистони азиз бо дасту дили гарм, мерҳи созанда ширкат варзанд, амнияти давлат ва шарафу номуси ватандориро ҳимоя карда, худро аз ҳама хавфу хатарҳои номатлуби ҷаҳони муосир эмин доранд.

       Мубориза бо терроризм натанҳо вазифаи ҳар як шаҳрванд, давлат, балки ҳар як фарди ватандӯст аст. Мо ҷавонон бояд якҷо дар решакан намудани зуҳуроти номатлуб саҳмгузор бошем, ҳушёрии сиёсиро аз даст надода, баҳри оромиву осудагии кишвари худ талош варзем.


   

Просмотров: 28  |  Комментариев: (0)
1-10-2020, 07:45 | Автор: admin-balkhi | Категория: Асосӣ

БА ИФТИХОРИ  813-СОЛАГИИ ЗОДРУЗИ 

ҶАЛОЛИДДИНИ БАЛХӢ


         Дар саҳнаи адабиёти беш аз ҳазорсолаи форсу тоҷик садҳо нобиғагони илму адаб ба майдон омаданд, ки номи онҳо бо осори пурғановаташон дар ганҷинаи тамаддуни милливу ҷаҳонӣ сабт ёфтааст.

      Муҳаммад Ҷалолуддини Балхӣ аз бузургтарин шоир ва мутафаккири намоёни қарни XIII, ки мафҳуму мазмунҳои ирфонӣ дар ашъораш бо шеваи бисёр дилнишин бозгӯ шудааст, аз ҷумлаи онҳо мебошад.

       Аз он ифтихормандем, ки дар ҳамоиши фарҳангӣ, ки ба истиқболи 813-солагии бузургдошти  олим, шоирва машҳуртарин пешвоёни ҷараёни тасаввуфии Машриқзамин Мавлоно Ҷалолиддини Балхӣ баргузор карда мешавад, ширкат намуда, аз ин санаи ифтихорӣ пазироӣ  менамоем. 

        Ин   ахтари дурахшони ҳаёти маънавӣ мулаққаб бо Мавлоно, Мавлонои Рум, Мавлои Рум, Мавлавӣ соли 604-и ҳиҷрӣ мутобиқ ба 30- моҳи сентябри соли 1207 дар шаҳри Балх дар хонаводаи фақеҳу воиз, хатибу ориф ва фозили фарзонаву маъруф Муҳаммад Бинни Ҳусейн Ал Хатибӣ машҳур бо унвони Баҳоуддин Валад ба дунё омадааст. Падараш аз олимони Балх маҳсуб ёфта,  ба таълиму тарбияи у бо таваҷҷуҳи падари донишманд аз хурдсолӣ диққати ҷиддӣ зоҳир шуд  ва нозукиҳои забони модарию арабӣ, анвои илмҳои динӣ чун шариати исломӣ, фиқҳ, ҳадис, тафсир, ирфони фалсафа, риштаҳои илму адаби назмшиносӣ ва афкору ақоиди дар он айём ривоҷдоштаро омухт. 

       Бино ба маълумоти «Маноқиб-ул - орифин» Баҳоуддин Валад дар сини 5-6 солагии Ҷалолуддин бо масоили марбут ба замони зист бо аҳли хонавода ва иддае аз фақеҳони наздикаш бо азми тавофи Ҳиҷоз ба воситаи Эрону Ироқ озими хонаи Худо шуда, пас аз зисти муваққатӣ дар Шом вориди Осиёи Саѓир мегардад ва солҳо дар ин макон иқомат ихтиёр мекунад. Баъд аз чанд муддате овозаи тақводорӣ ва донишмандию суханварии Баҳоуддин Валад дар Рум интишор меёбад ва подшоҳи салчуқии Рум Алоуддин Қайқубод, ки ҳамчун шахси фозил бо забони форсӣ шеъри хуб ҳам мегуфт, уро ба Қуния даъват мекунад. Баҳоуддин Валад баъди ду соли иқомат дар  Қуния вафот мекунад.

      Дар ин вақт аз умри Мавлоно Ҷалолуддин ҳамагӣ 24 сол мегузашт, вале бо вуҷуди ин бо тақозои иродатмандон у ба ҷои падари бузургвораш  бар маснади тадрису вазъ менишинад ва ба таълиму ҳидояти толибилмони ҳақиқату маърифат ба бузургтарин марказҳои таълимоти исломии он айём Ҳалабу Димишқ омада, пас аз бозгашт ба Қуния бо анвои илму дониш мусаллаҳ ба тарбияву иршоди соликони роҳи тариқат шуѓл меварзад. 

      Аз шоир ба мо 50-ҳазор байт, 1600 рубоӣ боқӣ монда, бо ин осори пурѓановаташ ҳамчун ситораи пурҷилову тобнок аз қаъри асрҳо бо нури маърифату хирад андешаи дустдорони илму маъниро равшанӣ мебахшад. 

      Мусаллам аст, ки арҷгузорӣ ба шахсият ва осори гаронарзиши    орифону донишмандони барҷастаи тоҷик дар сиёсати олии фарҳангииАсосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, Ҷаноби олӣ муҳтарам Эмомалӣ Раҳмон ҷойгоҳи махсус дошта, дар навиштаи «Мероси Ҷалолиддини Балхӣ ва ҷаҳони муосир» хеле  бамаврид қайд шудааст: «Мавлоно дар Вахшонзамин таваллуд ёфта,  минбаъд дар Руму Шом таҳсили илм кард ва дар тўли ҳаёти пурмаҳсули маънавию иҷтимоияш бо намояндагони қавму миллат ва дину мазҳабҳои гуногун дар муносибати наздике буд. Маҳз ҳамин пайвастагӣ бо қавмҳои гуногун Балхиро водор намуд, ки як таълимоти дархўри ниёзҳои мардуми мухталиф ва умуман барои тамоми аҳли башар муносибро асос диҳад». 

      Воқеан шахсиятҳои маъруф чун Ҷалолуддини Балхӣ танҳо ба миллату маҳал ва мазҳаби алоҳидае маҳдуд набуданд. Бузургии онҳо аз ин доираҳо берун омада, баҳри хидмати аҳли башар вусъати ҷаҳонӣ пайдо кардааст, ки нишонаи возеҳи он эътирофу эҳтироми миллату халқҳои гуногун нисбат ба осору ѓановати маънавии ин орифи бузург аст. Мусаллам аст, ки Мавлавӣ дар Қуния (Туркияи имруза) зиндагӣ кардааст, аммо тамоми осорашро бо забони модариаш-тоҷикӣ-форсӣ эҷод намудааст ва ба-дин васила руҳи миллӣ ва муҳаббати хешро ба забону миллати худ на танҳо ҳифз, балки нишон додааст. 

Зербайти;

Наъраи ҳойу ҳуи ман аз дари Рум то ба Балх 

Асл куҷо хато кунад, Шамси ману Худои ман   собит ба ин аст. 

     Маҷмуаи ашъори Мавлоно Ҷалолуддин, ки аксари он аз номи устодаш Шамси Табрезӣ ва бо зикри исми у гуфта шудааст, бо унвони «Девони Шамси Табрезӣ» ва ё «Девони кабир» мураттаб гардида, мукаммалтарин таълифоти Мавлоноро ташкил додааст.

      Дар маснавии маънавӣ ҳамчун шоҳасари мақбулу маҳбуб дар баробари тасвири нуқтаҳои муҳими афкори ирфониву тасаввуфӣ ва хулосаҳои ҳакимона роҷеъ ба масъалаҳои гуногуни маънавӣ аз оёти Қуръони Карим шоҳид оварда шуда, донишмандони асрҳои гузаштаву имруза «Маснавии маънавиро» бо унвонҳои ифтихории Қуръон дар забони паҳлавӣ, «Нардбони осмон», «Китоби муътабар дар тафсири Қуръон» ва «Тафсири суфиёна аз Қуръон» хондаанд. 

       Мавлоно Ҷалолидини Балхӣ солҳо ва қарнҳост, ки бо осору ашъори ноб, ирфонӣ ва иҷтимоии хеш ва бо диду пиндори ҷаҳониаш таваҷҷӯҳи одамони дорои мазҳабу кеш, миллият ва нажоди мухталифро ба сӯи хеш мехонад. Осори ӯ лаҳза ба лаҳза ба таври такрор ба бозор меоянд ва мардумонро ба самти худ мекашанд. Ва солҳову қарнҳост, ки Мавлавихониву Маснавихонӣ аз суннатҳои дилписанди аҳли адаб ва шефтагони ашъори Мавлоно гашта, шӯҳрати ҷаҳонӣ ёфтааст.  



Просмотров: 40  |  Комментариев: (0)
1-10-2020, 07:32 | Автор: admin-balkhi | Категория: Асосӣ

ДАСИСА – УСУЛИ ХОСИ НАХЗАТ 

(қиссаи иғвои як тан нахзатӣ нисбати амакаш)

       Аслан ба сиёсат коре надорам, чунки аз он бӯе ҳам намебарам. Вакте ба сиёсат ҳар ношустару, бесавод, дайду, фосиқу гумроҳ кор мегирад,  низом гум мешавад. Аз ин рӯ, бояд ҳар як фард касбу кори худро пеша кунад,  шуғли худро дуст дорад, такмил диҳад ва аз он баҳра барад. Вақте, ки ҳар як кузафурушу ордфуруш  ба сиёсат дахолат мекунанд, он ба як дукони чарчинфуруш табдил меёбад.

       Шояд мо аз сарсахттарин миллате бошем, ки умре мӯҳтоҷи панду насиҳатем. Ягон миллати пешрафтаи олам ба мисли мо- қавми тоҷику форс абармарду нобиғаҳои оламшумул надошта бошад. Рудакиву Сино, Хайёму Ҳофиз, Фирдавсию Саъди, Соибу Бедил ва ғайраву ва ҳоказо..

       Насли имрӯзаи тоҷик (маҳз тоҷик!!!) шеъру қасидаву ғазали 1200-1300 сол пеш навишташудаи ин нобиғаҳоро бе ягон луғату бе ёрии ягон тарҷумон хуб ва ба осонӣ дарк мекунад.  Бо гузашти асрҳо ҳатто калимае иваз ва иборае тағйир наёфтааст. Ин аз бузургии забону фарҳанг ва тамаддуни қадимаи миллати мо гувоҳӣ медиҳад. Барои мисол мегирем, давлати абарқудрати Россия. Насли имрӯзаи рус забони ҳадди аққал 2 аср пеши худро на танҳо намефаҳмад, балкӣ бо луғат тарҷима карда наметавонад. Ва ҳазорон чунин мисолҳо овардан мумкин аст..

Просмотров: 27  |  Комментариев: (0)
30-09-2020, 14:01 | Автор: admin-balkhi | Категория: Асосӣ

ДАР БОРАИ  ИҶЛОСИЯИ СЕЮМИ   МАҶЛИСИ  ВАКИЛОНИ ХАЛҚИ  НОҲИЯИ  ҶАЛОЛИДДИНИ БАЛХӢ,   ДАЪВАТИ  ШАШУМ

      Рўзи 29 сентябри соли 2020  дар толори калони мақомоти иҷроияи  маҳаллии ҳокимияти давлатии ноҳия   иҷлосияи  сеюми Маҷлиси вакилони халқи ноҳияи Ҷалолиддини Балхӣ,  даъвати  шашум баргузор  гардид.

        Муовини раиси ноҳия Бегмуродода Файзиддин

    Дар  иҷлосия  вакилони Маҷлиси  вакилони  халқи ноҳияи Ҷалолиддини  Балхӣ  як қатор масъалаҳоро мавриди баррасӣ қарор дода, аз рўи онҳо қарорҳои дахлдор қабул намуданд.

   Дар кори иҷлосия  намояндаи мақомоти иҷроияи маҳаллии ҳокимияти давлатии  вилояти  Хатлон Абдулозода Хатича  иштирок  ва суханронӣ  намуд.

      Рўзномаи иҷлосияи сеюми Маҷлиси вакилони халқи ноҳияи Ҷалолиддини Балхӣ, даъвати шашум бо масъалаҳои зерин тасдиқ карда шавад: 

1. Рафти иҷрои Қонуни Ҷумҳурии Тоҷикистон “Дар бораи маориф” дар ноҳия;  

2. Ҳисоботи директори Корхонаи давлатии фаръии “Бақайдгирии молу мулки ғайриманқул” дар давоми нуҳ моҳи соли 2020; 

3. Дар бораи эътироф намудани ваколати вакил аз ҳавзаи интихоботии №2 Ҷамоати шаҳраки Балх Ҷабборзода Суҳроб Ҷонмаҳмад; 

4. Дар бораи интихоб намудани Ҷабборзода Суҳроб Ҷонмаҳмад ба аъзогии комиссияи доимии Маҷлиси вакилони халқи ноҳияи Ҷалолиддини Балхӣ оид ба масъалаҳои буҷет, савдо, нарх, хизматрасонӣ, меҳнат ва сиёсати иқтисодӣ; 

5. Дар бораи пеш аз муҳлат қатъ намудани ваколати вакил аз ҳавзаи интихоботии №33 Ҷамоати деҳоти Фрунзе Алиева Муниса Сафаралиевна; 

6. Дар бораи аз аъзогии комиссияи доимии Маҷлиси вакилони халқи ноҳия оид ба одоби вакилон хориҷ намудани Алиева Муниса Сафаралиевна;

7. Дар бораи таъин намудани интихоботи вакили Маҷлиси вакилони халқи ноҳия дар ҳавзаи интихоботии №33 Ҷамоати деҳоти Фрунзе ба ҷои вакили хориҷшуда;

8. Дар бораи таъсиси ҳайати комиссияи ноҳиявии интихобот оид ба интихоботи вакили Маҷлиси вакилони халқи ноҳия дар ҳавзаи интихоботии №33 Ҷамоати деҳоти Фрунзе ба ҷои вакили хориҷшуда;

9. Дар бораи Ҳакимзода Хайрулло Абдуғанӣ;

10. Дар бораи Назарова Ҷумагул Саидмуродовна;  

11. Дар бораи номгузорӣ намудани муассисаи таҳсилоти миёнаи умумии №38 ба номи Саъдулло Файзулло;

         12. Дар бораи тасдиқ намудани қарорҳои раиси ноҳияи Ҷалолиддини Балхӣ, ки дар моҳи июн ва семоҳаи сеюми соли 2020 қабул гардидаанд.  

13. Дар бораи тасдиқи қарори раиси ноҳия аз 1 июли соли 2020, №679 “Оид ба тасдиқи протоколи маҷлиси комиссияи хусусигардонии моликияти давлатии мақомоти иҷроияи маҳаллии ҳокимияти давлатии ноҳияи Ҷалолиддини Балхӣ аз 28 июни соли 2020, №5 «Оид ба хусусигардонии фонди манзил ва тартиби муайян намудани арзиши масоҳати манзилҳое, ки ба моликияти шаҳрвандон фурухта мешаванд”;

14. Дар бораи тасдиқи қарори раиси ноҳияи Ҷалолиддини Балхӣ аз 10 сентябри соли 2020, №895 «Дар бораи Барномаи саноатикунонии босуръати ноҳияи Ҷалолиддини Балхӣ барои солҳои 2020-2025»;   

15. Дар бораи тасдиқи қарори раиси ноҳияи Ҷалолиддини Балхӣ аз 14 сентябри соли 2020, №903 «Дар бораи Барномаи амнияти озуқавории ноҳияи Ҷалолиддини Балхӣ барои солҳои 2020-2024»;

16. Дар бораи тасдиқи қарори раиси ноҳияи Ҷалолиддини Балхӣ аз 14 сентябри соли 2020, №904 «Дар бораи Барномаи рушди соҳаи кирмакпарварӣ ва коркарди пилла дар ноҳияи Ҷалолиддини Балхӣ барои солҳои 2020-2024».

Вакилон аз рўи масъалаҳои баррасишуда қарорҳои дахлдор қабул  намуданд.

Просмотров: 38  |  Комментариев: (0)
29-09-2020, 12:54 | Автор: admin-balkhi | Категория: Асосӣ
Намоиши Филми Мустанади «Хиёнат» дар ҷамоатҳои шаҳраку деҳоти ноҳияи Ҷалолиддини Балхӣ         
      Дар ҷамоатҳои шаҳраку деҳоти ноҳияи Ҷалолиддини Балхӣ намоиши филми мустанади «Хиёнат» миёни қишрҳои гуногуни аҳолӣ идома дорад.        
     Санаи 25-уми сентябри соли равон чунин вохурӣ дар ҷамоати деҳоти Калинин баргузор гардида, ба тамошои филм тамоми раисони маҳаллаҳои шахрак, занону бонувон ва намояндагони касбу кори гуногун ширкат намуданд.      
     Баъд аз тамошои филм муовини раиси ноҳия Абдусаломзода Анзурат оид ба дастгирии сиёсати муваффақи давлату Ҳукумати мамлакат, амалӣ гардидани иқдомҳои шоиставу арзандаи Пешвои миллат ҷиҳати баланд бардоштани сатҳу сифати зиндагии мардум, амалӣ гардидани  ҳадафҳои стратегии мамлакат изҳори андеша карда, амалҳои хиёнаткоронаи гуруҳҳои террористиву экстремистиро маҳкум намуд.     
      Гуфта шуд, ки  филми ҳуҷҷатии «Хиёнат» доир ба амалу кирдорҳои нангини хоинони миллат, бахусус роҳбарият ва аъзои ташкилоти террористию экстремистии дар Тоҷикистон мамнӯи Ҳизби наҳзати исломӣ, ки тайи солҳои соҳибистиқлолӣ ба хотири дастрасӣ ба манфиатҳои шахсию гурӯҳӣ, бо дастгирии хоҷагони хориҷии хеш, бар зидди давлату миллати тоҷик анҷом додаанд, маълумот медиҳад.      
      Навори мазкур аз корҳои ношояму нописандида ва амалҳои террористӣ-экстремистӣ, ки аз тарафи ҳизби мамнуи наҳзати ислом (ҲНИ) рух дода буданд, шаҳодат дода, чеҳраи воқеии хоинони миллати тоҷикро аз забони шоҳидони воқеии ҳодисаҳои террористию экстремистӣ ошкор месозанд.        
      Дигар иштирокчиёни вохурӣ низ  баъд аз тамошои филм фикру мулоҳизаҳои худро вобаста ба корҳои ношоиста ва манфури гуруҳҳои ифротӣ баён дошта, аз ҳозирон даъват намуданд, ки дар таълиму тарбияи фарзандон ва босаводу соҳибандеша намудани онҳо саҳми арзанда гузоранд.        
      Аз толор тамошобинони филм ќайд намуданд, ки дар партави ин филм дидани манзараҳои ваҳшатангез, терори чеҳраҳои сиёсӣ, фарҳангӣ ва илмии тоҷик, намояндагони ташкилотҳои байналмилалӣ, гаравгонгирӣ ва харобу валангор намудани манзилҳои зисти сокинони минтақаҳои гуногуни ҷумҳурӣ, ки тайи солҳои 90-ум ва баъди он наҳзатиҳо анҷом доданд, дар зеҳни ҳар бинанда андешаи онро, ки «оё тоҷик ба чунин ваҳшоният қодир аст?» бедор мекунад.   
     Аз ҳозирон даъват ба амл оварда шуд, ки аз тамошои филм хулосаҳои зарурӣ бароварда, дар зеҳну шуури чавонон дуст доштани ватан ва эҳтиром ба арзишҳои миллиро бедор намоянд. 
Просмотров: 23  |  Комментариев: (0)
28-09-2020, 12:37 | Автор: admin-balkhi | Категория: Асосӣ

АГАРҲОИ «ИСЛОМ»-ИСИЁСӢ

         Азбаски аксари мухолифини идеологии мо ашхоси таҳсилнодида ва дар сиёсат ноозмудаандроҳи муборизаҳои сиёсии пешгирифтаи онҳо низ ба «ҷанҷолҳои занҳои бозорӣ» шабеҳ астОнҳо ки дур аз кишвари моанд ба худ иҷозат медиҳандки ҳар чи ба даҳонашон меояд, бе он ки дар доираи ахлоқмаърифатдинсиёсатва одамгарӣ будани онро дақиқ бисозандэҳсос намоянддар ин фазои бесоҳибимаҷозӣ онро пахш мекунанд.

         Кас дар тааҷҷуб меафтадки чаро онҳо бо бехудои ихосаз номи Худо ё ба ҷои ислом ва шариат ҳукм мекунандНафрат кина таҳқиртаҳдидтаассубва ҳарчи ки дар ботини онҳостчун ҳақиқатба мардум пешниҳодмекунандОнҳомутмаинандки аксари аҳолӣ бесаводва каммутолиабудачун солҳоиқадим сухани мулло барояшон ҳукмастВале сахт иштибоҳ мекунандИмрӯзҷомеаи мо дигар ниёзманд ба панду амри маъруфи чор ришакӣнестандИн сатҳисуҳбатҳои мухолифинмутаассифонаҳеҷгуна таъсиреба ақлисолим надорандзеро худ суҳбатиилман асосноква бо далелу бурҳониқотеъ нестандЗамонеки онҳо нафареро кофир, мунофиқчоплусбенамоздӯзахӣдаюс ё ҳукми дигаре мекунанднамеандешандки кӣ ин ҳақро ба онҳо додаастВале онҳобо чунин таҳқирутуҳматгуё муборизаисиёсӣ мебаранд.

         Ашхоси соҳибтафаккурандешамандтаҳсилдидаба хубӣ дарк мекунад, ки аз паси чунин нафароне, ки худ шариати исломиро барои бароварда кардани аҳдофи сиёсии хеш зери по мекунандсазовори боварӣнестандПас бо чунин «агарҳо»кас ба умқиандеша ва тафаккурихуд сар бизанаддармеёбадки ин сафсаттаҳо танҳо рӯпӯш кардани ғаризаҳои сиёсии як гурӯҳебеш нестанд:
Агар ислом дар қалб неву дар забон аст.
Агар ислом эътиқодневу парчамисиёсӣ аст.
Агар ислом яроқестбарои хун рехтануҳукумат хостан.
Агар ислом даъват неву таҳқирва ҳақорати ҳамагон ба ғайраз наздиктарин ҳамсафон дар мубориза барои қудратаст.
Агар ислом "моли шахсии падаратонҳастки ҳукмашдар дасти шумо ва шумо баринҳост.

-   Агар дӯзахиву ҷаннатӣ буданкофиру мусулмонхондан ба дасти шумост.

- Агар ислом беҳаёёна фарзандон (духтарон) зану хоҳари як мусалмонро дар мазҳариом кӯшиши беобрӯ кардан аст.
Агар ислом ба маҳрамонатарин зиндагии як зани мусалмон ва ҳатто як ҳоҷӣ - модаребарои сиёсатбозӣтааррузкардан аст.
Агар ислом худ ба шеваи аврупойӣ зистанудигаронроба асри миёна ва ҷиҳод (ҷангкашондан аст.

-   Агар ислом дар мазҳари ом ҳар рӯз дурӯғ гуфтан асту ҷоғ задани дурӯғ аз адолату худ беадолатӣкардан аст.
Агар ислом ба ҷойи дардманди бадани мусалмоне ҳадафмандонанохун задаву зиндагииороми ӯро ноором кардан аст.
- Агар ислом 
қатл астдаъват ба хунрезӣ астбадзабонӣва бадкирдорӣ аст.

-   Агар ислом сулҳбародарӣ оромивуосудагиронахостанусӯхтантарконданнобуд карданифарҳангизиндагииҳамзистӣаст.
Агар ислом ҷомаи дурӯғест барои бадани сиёсиропӯшонидану онро бо найранг мусалмониву ҳақҷӯйӣ ба намоиш гузоштанаст.

-   Агар шумо исломро дарк мекардед дидаву дониста ояҳоиҚуръонро ба манфиати хеш шарҳи дуруғ додан аст.
Агар зери парчами ислом 
ҳар кори сиёсӣ астки мақсадаш аз дигаронпӯшидавуфанди дигаронаст.

Пас, кӣ бояд ба чунин "исломиҳопайравӣ кунад?
Ягон фарди солимақлчунин "исломи мудернва ё чунин "исломи сиёси"- и сиёсатзадароқабул набояд дошта бошад.
        Моро андеша мебояд, ки он дини мубини бо хун, ирсият бо мо омада ва он тарбияи динии аз бобову падар гирифтаи мо дуруст аст ё он исломи 
ҷиҳодӣ?

Ҳарчанд дар фазои маҷозӣ пушти аксҳои маснӯи ва номҳои аҷоибулғароиб дигар дӯстро аз душман фарқкарданкори осон нествале метавоназ матнҳои пурфаҳшхурдагириҳои бепоя ба ҳар амалкардидавлатонҳоро шинохт ва дарк кардки ин бозии сиёсат на пуштибониеаз дин.

Акнун, ки ҷангҳои иттилоотӣдигар танҳо бо мағзи мардум сару кор дорад, чанд омиле дар ин муборизаҳо нақши калидӣ доранд.


                                  Бознашр аз сомонаи ҲХДТ (www.hamsafon.tj)

Просмотров: 39  |  Комментариев: (0)
25-09-2020, 12:54 | Автор: admin-balkhi | Категория: Асосӣ
      «Роҳ ва усулҳои пешгирӣ аз таҳдидҳои замони муосир, бахусус  терроризм ва экстремизм миёни ҷавонон»  
     Ҷумҳурии Тоҷикистон талошҳои худро бар зидди хатарҳои замони имруз ҳамчун шарики табии тамоми давлатҳои дунё ҳадафмандона амалӣ намуда, б доир кардани ҳамоишҳои сатҳи баланд омодагии худро ҷиҳати тақвияти минбаъдаи ҳамкориҳо ва муборизаи самарабахш дар ин арса ифода менамояд
         Қабул ва тадбиқи як қатор санадҳои меъёрӣ-ҳуқуқӣ, аз ҷумла соли 1999 Қонуни ҶТ Дар бораи мубориза бар зидди терроризм  ва соли 2003 Қонуни ҶТ «Дар бораи мубориза бар зидди экстремизм  қабул карда шуда, бо фармони Президенти Ҷумҳурии Тоҷикистон Консепсияи ягонаи ҶТ оид ба мубориза бар зидди терроризм ва экстремизм» аз соли 2006 тасдиқ карда шудааст, ки ин тадбирҳои пешгирӣ ҷиҳати ошкору тафтиши ҷиноятҳои марбут ба терроризм ва экстремизм боназардошти вазъи тағирёбандаи ҷамъиятиву сиёсии кишвар мусоидат хоҳанд кард.
         Асосогузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёмашон ба Маҷлиси Олӣ 26-декабри соли 2019 дар мавриди афзоиши хатари терроризм ва экстремизм чунин таъкид намуданд, ки «Авзои сиёсии сайёра ҳоло бисёр ноорому бесубот ва боиси ташвишу нигаронии  ҷиддии ҷомеаи ҷаҳон гардидааст. Кушишҳои азнавтақсимкунии ҷаҳон, мусаллаҳшавии бошитоб, қудратталабӣ, бархурди манфиатҳои иқтисодиву тиҷоратӣ ва ҷиноятҳои киберӣ торафт шиддат гирифта, ҷаҳонро ба марҳалаи нави ҷанги сард кашонидаанд ва имруз баъзе сисёсатмадорону коршиносон ҳатто доир ба хатари ҷанги сеюми ҷаҳон ҳарф мезананд.
         Раванди номатлуби ба гуруҳҳои номатлуби иҷтимоӣ пайвастани ҷавонон дар тамоми сайёра, аз ҷумла кишвари мо аз он шаҳодат медиҳад, ки пайравони гуруҳҳои террористӣ роҳҳои нисбатан осон ва пуртаъсири таблиғу тарғиби ақидаҳои ифротиро ба роҳ монда, ҳамчун вабои аср ба амнияту давлати кишвар хатар эҷод мекунанд. Вале мушкилоти асосии ҷавонони мо ин огоҳ набудан аз идеологияи аслии ифротгароёни динӣ ба шумор рафта, ба он натиҷагирӣ мешавад, ки бархе аз ҷавонони ноогоҳ дар мақсадҳои ғаразнок ва зиддидавлатию зиддимилии гуруҳҳои террористӣ шарик мешаванд. Вале «Дар тулии таърих ягон халқу миллат хиёнат ба Ватан-модар, давлат ва мардумро набахшидааст ва намебахшад».
Просмотров: 27  |  Комментариев: (0)