Календар
«    Июль 2020    »
ПнВтСрЧтПтСбВс
 12345
6789101112
13141516171819
20212223242526
2728293031 
?????? ??? 7??? ??? ?? ?? .
http://balkhi.tj/
26-05-2020, 09:20 | Автор: admin-balkhi | Категория: Асосӣ

СӮХТОР ДАР БОЗОРИ МАРКАЗИИ НОҲИЯИ ШАҲРИТУС


        Соати 17:30 дақиқаи рӯзи 24 майи соли равон дар Бозори маркази нохияи Шаҳритус дар масоҳати 800 метри мураббаъ сӯхтор ба амал омад.

       Тавре, ки дафтари матбуотии Вазорати корҳои дохилӣ хабар медиҳад, барои хомӯш кардани оташ 11 адад нақлиёти сӯхторнишонӣ ва обкашон аз қисмҳои мустақили Хадамоти давлатии оташнишонӣ сафарбар карда шуда, оташ соати 20:00 хомӯш карда шуд.

       Дар натиҷаи сӯхтор 2 саройи (навес) фурӯши масулоти хоҷагии қишлоқ, 12 мағозаи хӯрока 10 нуқтаи фурӯши махсулоти хоҷагӣ зарар дида, зиеда аз 30 адад дӯкони савдо аз коми оташ наҷот дода шуд.

      Ҳамазамон, хатари паҳншавии оташ ба биноҳои Амонатбонк ва Агроинвестбонк, ки дар шафати бозори мазкур қарор доштанд, пешгирӣ карда шуд.

       Сабабҳои сар задани ҳодисаи сӯхтор аз руи хулосаи пешакӣ расиши ноқилҳои барқӣ буда, аз рӯи ин ҳодиса парвандаи ҷиноятӣ оғоз шуда мавриди тафтиш қарор дода шудааст.

Просмотров: 28  |  Комментариев: (0)
22-05-2020, 13:39 | Автор: admin-balkhi | Категория: Асосӣ

ПАЁМИ ТАБРИКИИ РАИСИ НОҲИЯИ ҶАЛОЛИДДИНИ БАЛХӢ

МУҲТАРАМ  УБАЙДУЛЛОИ ФАЙЗУЛЛО  БА ИФТИХОРИ

ИДИ САИДИ ФИТР


Ҳамдиёрони азиз!


          Моҳи мубораки Рамазон  аз ҷумлаи суннатҳои муққадаси мардуми мусулмони мо буда, моҳи хайру саховат, сабру таҳаммул, меҳрубонию самимият ва моҳи садоқату покизагии ҷону тан ва дилу ният мебошад. 

        Мақому мартабаи моҳи шарифи Рамазон дар миёни мардумимусулмон боз аз он ҷиҳат муътабар аст, ки китоби Қуръони маҷид маҳз дар ҳамин моҳ нозил шуда, муъминонро ба роҳи ҳақ ҳидоят менамояд. 

        Яке аз шахсиятҳои бузурги дини мубини ислом Имом Ғазолӣ худшиносиро аз ҷумлаи воҷибтарин чоргонаи мусулмонӣ дониста, таъкид мекунад, ки “Ҳар кӣ худро шинохт, Худои худро шинохт”.

         Таъкидан иброз намудан бамаврид аст, ки дар шароити ҷаҳонишавӣ фарҳангу маърифати исломӣ бояд барои худшиносӣ ва ваҳдати миллӣ кумак расонад. Зеро истиқлолияти миллӣ  дари худшиносиро имруз ба руи мо боз намуда, эҳтироми ҳамаи суннату оинҳои аҷдодӣ, аз ҷумла таомули исломро бароямон воҷиб гардонд, пос доштани қадру қиммати ватандорӣ, манзалати хоку оби меросӣ, муқаддасоти давлати миллӣ ва ваҳдату ягонагиро ба ҳар фарди бедордил омузонд.

         Фазилати асосии ин иди муборак дар он аст, ки мардум ба анҷоми амалҳои хайр даст мезананд, ба аёдати беморону азодорон мераванд, дар дар ҳаққи гузаштагон дуои хайр мекунанд, ба ятимону маъюбон ва дигар шахсони ниёзманд кўмак мерасонанд. 

         Дар хотир бояд дошт, ки дар асоси ҳадисҳои Пайғамбари ислом ҳазрати Муҳаммади Мустафо, саллаллоҳу алайҳи васаллам ҳама гуна хайру садақот, аз ҷумла садақаи Фитр, пеш аз ҳама ба ятимону маъюбон, оилаҳои бесаробону ниёзманд дода мешавад. 

Просмотров: 40  |  Комментариев: (0)
22-05-2020, 13:24 | Автор: admin-balkhi | Категория: Асосӣ

ПАЁМИ  ТАБРИКИИ РАИСИ НОҲИЯИ ҶАЛОЛИДДИНИ БАЛХӢ

МУҲТАРАМ  УБАЙДУЛЛОИ ФАЙЗУЛЛО  БАХШИДА БА 23 МАЙ РЎЗИ  ҶАВОНОНИ ТОҶИКИСТОН

Ҷавонони азизу саодатманд!


       Шумо - созандагони ватан ва нерӯи ояндасози давлати соҳибистиқлолро ба ифтихори Рӯзи ҷавонони Тоҷикистон самимона табрик гуфта, барои ташаббусҳои арзандаатон ба хотири рушду пешрафти ноҳияамон изҳори сипос менамоям.

    Ҷавонон қувваи бузурги пешбаранда ва бунёдгар эътироф шуда, рушди сиёсиву иқтисодӣ ва иҷтимоиву фарҳангии ноҳияро бе иштироки фаъолонаи ҷавонон тасаввур кардан аз имкон берун аст.  

      Имруз аксари ҷавонони бонангу номуси ноҳия дар пайи таҳсил, интихоби касб ва аз худ кардани илмҳои муосир талош намуда, дар дохилу хориҷи мамлакат илмҳои замонавиро аз худ менамоянд. Қисме бо азму иродаи матин дар соҳаҳои истеҳсолӣ заҳмат мекашанд, як зумра ҷавонони ватандуст дар  сафҳои Қувваҳои Мусаллаҳ, аз ҷумла дар ҳифзи марзу буми Ватан ва таъмини амнияту оромии давлат қарор доранд ва қисмати дигар парчами Тоҷикистони азизро дар мусобиқаҳои ҷумҳуриявӣ ва байналмиллалӣ баланд мебардоранд. 

      Мо бо ин ҷавонони созандаи худ ҳамеша ифтихор мекунем, чунки ҷавонони даврони соҳибистиқлоли ватанамон бо эҳсоси баланди ватандорӣ дар пешрафту шукуфоии ноҳия саҳми арзишманд мегузоранд ва ба Ватан - Модари худ содиқона хизмат намуда, қарзи шаҳрвандии худро бо сари баланд иҷро менамоянд.  

Просмотров: 39  |  Комментариев: (0)
21-05-2020, 07:25 | Автор: admin-balkhi | Категория: Асосӣ

Туҳфаи Президенти Ҷумҳурии Тоҷикистон Пешвои миллат муҳтарам Эмомалӣ Раҳмон ба табибон ва беморони ноҳияи Ҷалолиддини Балхӣ

     Санаи 20 майи соли 2020 туҳфаи Президенти Ҷумҳурии Тоҷикистон Пешвои миллат муҳтарам Эмомалӣ Раҳмон ба табибон ва беморони ноҳияи Ҷалолиддини Балхӣ тақдим карда шуд. Табибони ноҳияи Ҷалолиддини Балхӣ аз туҳфаи Пешвои муаззами миллат рӯҳу илҳоми тоза гирифта, корро дар ин самт боз ҳам ҷонок менамояд. Инчунин беморон аз иқдом ва туҳфаи Пешвои миллат хурсанд шуда, миннатдории хешро баён намуданд.


Просмотров: 41  |  Комментариев: (0)
20-05-2020, 14:31 | Автор: admin-balkhi | Категория: Асосӣ
ХУД ВА ДИГАРОНРО АЗ СИРОЯТИ КОРОНАВИРУС ЭМИН НИГОҲ ДОРЕД!



Просмотров: 41  |  Комментариев: (0)
20-05-2020, 14:25 | Автор: admin-balkhi | Категория: Асосӣ

КОРОНАВИРУС

ТАРС БА ТАҲЛУКА МЕОРАД!

         Ҳаёт ин муборизаи некию бадӣ, рӯшноию торикӣ ва аз ҷумла макроорганизм (инсон) бо микроорганизм (вирусҳо, бактерияҳо, содатаринҳо...) аст ва зиндагӣ аз рӯзи таваллуд то нафаси вопасин дар ҳамин роҳ сипарӣ мешавад. Вақте одам рӯҳафтодаю афсурда мегардад, микробҳои баданаш (микробҳои шартан зараровар) бо вируси микробҳои дохилшаванда якҷоя гашта, ӯро ба беморӣ гирифтор менамояд.

         Бинобар ин, аз ин вируси бактерияву паразитҳо набояд ҳаросем. Зеро ҳакимон тарсро бузургтарин бало ва боиси ранҷу дардҳо донистаанд. Чун ғаму кулфат, таҳлукаву изтироб, ҳаяҷонурӯҳафтодагӣ водор менамоянд, ки гармии табиӣ дар бадани инсон кам гашта, қувваи муҳофизавии бадан, яъне иммунитет паст гардад ва ин сабаби хуруҷи бемориҳост. Андуҳ ва ноумедӣ миҷози инсонро сард гардонда, ба ғалабаи вирусҳо ва пайдоиши дардҳо мусоидат менамояд. Аз ин рӯ, баръакс, Шумо ба риояи ҳатмии гигиенаи шахсӣ: тозагии пӯст, дандон, мӯи сар, дастҳо, пойҳо, чашмон, гӯшҳо, бинӣ ва муҳит диққат диҳед, ки ин беҳтар аст ва бар тамоми вирусҳо дар ин ҳол дастболо хоҳед шуд. Тавре фармудаанд: “Пешгирӣ аз табобат беҳтар аст”.

Просмотров: 36  |  Комментариев: (0)
19-05-2020, 14:04 | Автор: admin-balkhi | Категория: Асосӣ

            ТАБИБОН – ВАТАНДӮСТДОРОНИ ҲАҚИҚИИ ХЕШ МЕБОШАНД.

      Дар шароити мураккаби паҳншавии бемории сироятии коронавирус (COVID-19) Ҳукумати Ҷумҳурии Тоҷикистон ҷиҳати ҳифзи саломатии мардум ва бартараф кардани паёмадҳои иқтисодию иҷтмоии он чораву тадбирҳои заруриро андешида истодааст. Мо гумон мекунем, ки тамоми мардуми ноҳияи Ҷалолиддини Балхӣ дар ин вазъияти мушкил ва ҳассос бо ҳам омада, саҳми худро бевосита дар мубориза бо бемории сироятии коронавирус мегузоранд. Масалан, як нафар ба муҳтоҷон кӯмак мерасонад, дигаре корҳои фаҳмондадиҳиро ба роҳ мемонад ва саввумӣ фаъолияти ҳаррӯзаи худро софдилона ба ҷо меорад. 

        Мо бо боварии комил гуфта метавонем, ки муборизи ҳақиқии ин набард табибон мебошанд ва бешубҳа бо ин вабои аср бо нишон додани ҷасорату матонати хеш барои наҷот додани ҷони садҳо нафар мубориза мебаранд. Дар беморхонаи марказии ноҳия бо роҳбарии сардухтури беморхона Қурбонов Ниёзмуҳаммад ва дигар табибону кормандон мушкилоти худро як тараф гузошта, шабу рӯз беморонро муолиҷа намуда, аз марг наҷот медиҳанд. 


Просмотров: 38  |  Комментариев: (0)
18-05-2020, 10:01 | Автор: admin-balkhi | Категория: Асосӣ

АЗ  МУСИБАТИ СУИСТИФОДА  КАРДАН

ХОИНӢ ВА  БЕНОМУСИСТ!


      Имрӯз  тамоми  дунёро бемории COVID - 19  фаро гирифтааст. Ҳатто давлатҳои бузурги  дунё бо  он ҳама  тавоне, ки доранд,  натавонистанд садди роҳи паҳншавии  беморӣ   бишаванд. Бо  вуҷуди доштани имконияту шароити муосир ҳазорон нафар шаҳрвандонашонро  аз даст доданд. Шаҳрвандони ин кишварҳо дар ин рӯзҳои сангин дар бари давлатҳои худ монданд,  бо ҳар роҳ  кумаки худро расониданд, то ки ин бар ин  беморӣ пирӯз шаванд. Аммо, мутаассифона, як гурӯҳ аз ҳамватанони мо ба ҷои он ки дар ин рӯзҳои  вазнини миллати тоҷик дар бари миллату давлат бошанд,  баръакс ба сӯи ӯ санг мезананд. Аз мусибате, ки бар сари ҳамватанонашон меояд, сӯистифода мекунанд. Аз ҷумлаи чунин одамони бе нангу номус Кабирӣ, Салимпур, Аюбзод, Истаравшанӣ, Варқӣ, Муҳаммадиқболи Садриддин ва дигар нохалафоне амсоли инҳо  мебошанд. Имрӯз, ки онҳо дар хориҷ аз ватан зиндагӣ доранд, бо супоришу фармони хоҷагони хориҷии худ  рафтор мекунанд. Ҳарчӣ ки ба онҳо супориш шуд, аз паи иҷрои он мешаванд. Фикр намекунанд, ки ин амали онҳо теша задан ба решаи миллати хеш аст. Чунки барои онҳо  миллату ватан кайҳо боз вуҷуд надорад. Онҳо ин муқаддасотро бо пулҳои ҳароми аҷнабиён иваз намудаанд. Мардуми Тоҷикистон хуб дар ёд дорад, ки маҳз сабабгори сар задани ҷанги шаҳрвандӣ ва марги ҳазорон нафар фарзандони миллати тоҷик наҳзатиҳои ватанфурӯш мебошанд. Онҳо аз ин иштибоҳи бузурги худ сабақ нагирифта, боз ба чунин амалҳои ноҷавонмардона  идома дода истодаанд, ки  поёни раҳи онҳо  чоҳ асту торикӣ.

Просмотров: 35  |  Комментариев: (0)
15-05-2020, 13:32 | Автор: admin-balkhi | Категория: Асосӣ

«85 ФОИЗИ ШАХСОНИ

ГИРИФТОР БА COVID-19 БИДУНИ

ТАБОБАТ СИХАТ МЕШАВАНД»

        Дар барномаи «Робита»-и ТВ «Ҷаҳоннамо» роҳбари Пажӯҳишгоҳи байналмилалии саломатӣ ва омӯзиши ИМА дар шаҳри Ню-Йорк доктор Ораш Алоӣ вобаста ба хусусиятҳои бемории COVID-19 ва роҳҳои муассири пешгирӣ аз он бо забони содда ва фаҳмо ва ба таври онлайн бо журналист Мӯсо Абдусаттор суҳбат намуд. Дар зерматни суҳбати хабарнигоро Мӯсо Абдусатторро бо Роҳбари Институти ҷаҳонии саломатӣ ва омӯзиш Ораш манзури хонандагон мегардонем: 

       -Аз нигоҳи шумо, COVID-19 чӣ гуна вирус аст? Оё иқлими Тоҷикистон метавонад хатари оқибатҳои нохуши онро коҳиш диҳад? 


Просмотров: 44  |  Комментариев: (0)
15-05-2020, 09:15 | Автор: admin-balkhi | Категория: Асосӣ

Пиллапарвар

    Имрӯзҳо дар сафи  фаъолзанони  ноҳия шахсиятҳое  ҳастанд, ки  бо заҳмату меҳнати тӯлонӣ байни  ҳамагон соҳиб эҳтиром  гардидаанд. Яке  аз  онҳо раиси хоҷагии деҳқонии фермерии «Бектошбобо» Аллабердиева Анорхол мебошад. 

 Ин зани кордон  аз соли 1997 то соли 2008 ба ҳайси бригадири пиллапарварони хоҷагии 10-солагии Итиқлолият фаъолият намудааст. Дар давоми фаъолияти кории хеш ба нишондиҳандаҳои баланд соҳиб гардида, баҳри пешрафти соҳаи кирмакпарварӣ саҳми арзанда гузоштааст.

     Хусусан,  дар соли  2000 -  аввалин шуда  дар  сатҳи ҷумҳурӣ  нақшаи  пилласупориро иҷро  намуд,  аз  144 қуттии  кирмак  14 тонна  пилларо  ба давлат  супорида сазовори  ҷойи1-ум  ва  ҷоиза гардидааст. 

     Ин зани меҳнатдӯст  чандин  маротиба соҳиби  ифтихорномаю мукофотҳо гашта, то ҷое  самараи  заҳматашро ба ҳамагон  муаррифӣ бинмудааст. 

     Айни  ҳол Аллабердиева  Анорхол бо 10  нафар  саҳмдорон дар майдони 27  гектар замини хоҷагиаашон аҳлона меҳнат намуда истодаанд. Имсол онҳо дар  18 гектар пахта, 4  гектар полезӣ ва дар 3  гектарг андум кориданд. Дар баробари ин, дар  соли  равон низ  аз  таҷрибаи андухтааш истифода бурда, 2 қуттӣ кирмакро баҳри парвариш гирифта нигоҳубин дорад. Азм намудааст, ки аз ҳар як қуттӣ 100-120кг пилла ба давлат супорад. 


А. Шерматов


Просмотров: 40  |  Комментариев: (0)