Мулоқоти навбатии роҳбарони ҳайатҳои расмии Тоҷикистон ва Қирғизистон Дар гузаргоҳи сарҳадии "Қизилбел"-и сарҳади Тоҷикистону Қирғизистон мулоқоти роҳбарони ҳайатҳои расмии Ҷумҳурии Тоҷикистон ва Ҷумҳурии Қирғизистон баргузор гардид. Мулоқот зери роҳбарии Раиси КДАМ-и Ҷумҳурии Тоҷикистон Саймумин Ятимов ва Раиси КДАМ-и Ҷумҳурии Қирғизистон Қамчибек Ташиев ҷараён гирифта, дар он ҷонибҳо барои идомаи гуфтушунидҳо ва ҳали масъалаҳои мавҷуда бо роҳи дипломатӣ бори дигар таъкид карданд. Саймумин Ятимов ва Қамчибек Ташиев вобаста ба иҷрои нишондодҳои протоколи имзошуда ва таҳкими сулҳу субот дар хати сарҳади давлатии Ҷумҳурии Тоҷикистон ва Ҷумҳурии Қирғизистон мубодилаи афкор намуданд. Таъкид карда шуд, ки бояд тамоми техникаҳои ҳарбӣ ба маҳалли доимии худ баргардонида шуда, ҷонибҳо бо ҳусни тафоҳум мушкилоти пешояндаро ҳал созанд. Ҳамчунин зарур шуморида шуд, ки мардуми наздисарҳадӣ бояд равуо дошта бошанд ва муносибатҳои дӯстона миёни ду халқ чун пештара ба роҳ монда шавад. Зеро тоҷикону қирғизҳо асрҳост, ки дар канори ҳам зиндагӣ доранд.

         БУНГОҲИ САЛОМАТӢ БА ИСТИФОДА ДОДА ШУД

   Дар рӯзи ҷашни 31-солагии Истиқлоли давлатии Ҷумҳурии Тоҷикистон бо иштироки намояндаи Ҳукумати Ҷумҳурии Тоҷикистон, Раиси Раёсати Бонки давлатии  амонатгузории  Ҷумҳурии  Тоҷикистон  «Амонатбонк» Икромӣ Сироҷиддин Салом ва раиси ноҳия Убайдуллои Файзулло дар деҳаи Бӯстони Ҷамоати шаҳркаи Гулистон ба муносибати  31-умин  солгарди  Истиқлоли  давлатии  Ҷумҳурии  Тоҷикистон  бунгоҳи  саломатӣ  мавриди баҳрабардорӣ қарор дода шуд.

                     “ОЛАМТОБ” РӮИ ЧОП ОМАД

    Дар арафаи ҷашни 31-солагии Истиқлоли давлатии Ҷумҳурии Тоҷикистон китоби чоруми яке аз шоирони хушзавқи ноҳияи Ҷалолиддини Балхӣ Сулаймони Ҷамили Мушкин бо унвони "Оламтоб" дар Матбааи ҶДММ «Ношир-С»-и шаҳри Бохтар баҳри дӯстдорони каломи бадеъ интишор гардид. Сулаймони Ҷамили Мушкин, дар деҳаи Оламтоб (собиқ Олимтой)-и хоҷагии ба номи Юсуф Давлатови ноҳияи Мир Сайид Алии Ҳамадонӣ ба дунё омадааст. Ӯ аз овони ҷавониаш ба роҳи дунёи назм устуворона қадам гузошта, ҳамчун як эҷодкори асил дар риштаи назм мавқеи хосеро ишғол намудааст. Дар пешгуфтори китоб чунин қайд гардидааст: «Бояд иброз намуд, ки Мушкин покизагуфтор аст. Ин покизагуфторӣ ӯро аллакай ҳамчун шоири хушсалиқаву умедбахш ба хонандагони назмдӯст хуб ошно кардааст…». Намунае аз маҷмӯаи шеърҳои Мушкинро бо номи «Ватан» пешкаши хонандагон мегардонем: Бахти бедорам ту ҳастӣ, эй Ватан, Ифтихорам аз ту хезад дар сухан. Дар раҳат ҷонро бибозам бедареғ, Эй Ватан, умри ману армони ман. Эй бақои хонаи ободи ман, Сурати дунёи ман, аҷдоди ман. Бе ту ман ҳеҷам, ба номат зиндаам, Эй Ватан, ҳастии ман, бунёди ман. Бо ту бахтам дар амон бошад мудом, Бо ту илҳомам равон бошад мудом. Бо ту паймоям раҳи ояндаам, Бо ту даврам бехазон бошад мудом. Бояд тазаккур дод, ки "Оламтоб" маҷмӯаи чоруми муаллиф аст, ки бо як муҳаббати хос ва самимӣ рӯйи кор омадааст. Китоби "Оламтоб"-ро авваллан ба муаллиф ва баъдан барои кулли дӯстдорони шеър муборакбод мегўем!

Навиди Балх

23 сентября, 9:42

     ДАР АТРОФИ ПЕШВОИ МУАЗЗАМИ МИЛЛАТ МУТТАҲИД БОШЕМ!

    Кормандони  Ҷамоати  шаҳраки  Балх  ҳамарӯза  баҳри тинҷиву осоиштагӣ ва ободии Ватани азизмаон сидқан хизмат менамоянд. Имрӯз аз ҷониби Роҳбарияти мамлакат баҳри  фароҳам  овардани  шароити мусоиди корӣ тамоми кормандони соҳаи  иҷтимоӣ ва  баланд  бардоштани имкониятҳои  иҷтимоии  онҳо  чораҳои зарурӣ  андешида  мешаванд.  Агар  саломативу  тандурустӣ  барои инсон дар ҷойи якум бошад, бешубҳа, сулҳу амният мақоми дуюмдараҷа дорад.                                                                                  

Амалҳои ноҷавонмардона ва террористии низомиёни қирғизиро маҳкум менамоем!!!

   Гуфтан ҷоиз аст, ки таи чанд рӯз аст, ки дар марзи Тоҷикистону Қирғизистон нооромӣ ҳукумфармо аст. Яъне низомиёни қирғизҳо ноҷавонмардона ба хоки Тоҷикистон ҳуҷум карданд ва талафоти ҷонӣ низ ба қайд гирифта шуд. Инчунин чанд хзонаҳои истиқоматии шаҳрвандон сухтаву валангор гашт. Байни намояндагони Ҷумҳурии Тоҷикистон ва  Қирғизистон аҳднома баста шуд, вале онҳо бори дигар ба хоки Тоҷикистон аҳдшиканона ҳуҷум карданд. Дар урфиат беҳуда нагуфтаан, ки “ Чоҳкан зери чоҳ аст” ва ҳамин тавр ҳам шуд. Мо мали ноҷавонмардонаи онҳоро ҳамчун гурӯҳи террористи меҳисобем, чунки онҳо мехоҳанд, ки бо роҳи зӯроварӣ ва дигар ва дигар амалҳои зиддиқонунӣ ҳал намудани масъалаҳои сиёсӣ, ҷамъиятӣ, иҷтимоӣ, миллӣ, маҳалгароиро ба роҳ монанд. Родмардон ва ҷавонони ҷасури Тоҷикистон ба ҳимояи Ватан ва асосҳои сохтори конститутсионӣ, ҳуқуқу озодиҳои инсон ва шаҳрвандон, таъмини тамомияти арзӣ ва амнияти давлату миллат бархоста, дар муддати кӯтоҳ ба ин амали ноҷавонмардонаи низомиёни қирғиз нуқта гузошт.

 "Ба маълумоти мардуми Тоҷикистон ва махсусан, сокинони шаҳри Исфара ва деҳоти  Ворух  мерасонам,  ки  Ҳукумати Тоҷикистон ҳанӯз аз соли 2002 гуфтушунидҳоро  бо  ҷониби Қирғизистон оғоз  карда,  то имрӯз беш аз 100 мулоқот дар байни ҳайатҳои комиссияи байниҳукуматӣ оид ба делимитатсия ва демаркатсияи сарҳади давлатӣ сурат гирифтааст. 

МО ХУН МЕДИҲЕМУ ХОК НАМЕДИҲЕМ! Дӯстӣ миёни халқҳои минтақа танҳо саодату хушбахтӣ меорад, вале душманиву ҷанг бошад рӯзи сахту харобӣ. Бояд гуфт, ки гузаштагони тоҷикон аз ҷое наомадаву маҳз дар ҳамин сарзаминҳои бобоӣ ба олами ҳастӣ чашм кушода рушд намудаанд. 

МО ТАРАФДОРИ СУЛҲЕМ! Ҳеҷ гоҳ  набояд  фаромӯш созем,  ки  Ворух  як  порчаи  ҷудонашавандаи Ҷумҳурии Тоҷикистон мебошад. Боиси таассуф аст, ки бо ҷой доштани  нофаҳмии  солҳои пешин деҳоти дурдасти Тоҷикистон ба макони нофаҳмиву ҷидол ва бадбинӣ мубаддал  гардидааст. Акнун  бошандагони Ҷумҳурии  Қирғизистон  бар  сари  мардуми  осоиштаи  тоҷик зӯру  тавони худро нишон  додан мехоҳад. Шояд  онҳо  дарк  накардаанд, ки миллати тоҷик замини аҷдодии худро зери ҳимоя гирифтааст. Ин  ҳама нофаҳмиро бояд саривақт зери назорат гирифт, зеро сокинони осоишта ба хотири химояи марзу буми хеш захмдидаву  ҷароҳат  бардошта  истодаанд. 

   БАРОИ ҲИМОЯИ ВАТАН МУБОРИЗА МЕБАРЕМ!  Тамоми халқиятҳои дунё барои ҳифзи хоки Ватан мубориза мебаранд ва миллати тоҷик низ барои ҳимояи  Ватани  хеш мубориза  бурда истодаст. Дар чунин  вазъияте, ки дар сарҳади Тоҷикистону Қирғизистон рух дода истодааст, мо сокинони ноҳияи Ҷалолиддини Балхиро зарур аст, ки ҳушёриву зиракии сиёсиро аз даст надода, чун дигар манотиқи кишвар дар якҷоя бошем. Мо бояд дастаҷамъона зери сиёсати Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон муттаҳид гардида, барои ҳифзи манфиатҳои миллӣ, ҳимояи марзу буми аҷдодӣ устуворона қадам занем.

                       Ҳимояи ватан қарзи ҳар яки мост!

     Мафҳуми “Ватан” ва бузургдошти он дар таълиму тарбияи  ватанпарастии насли ҷавон  мавқеи муҳим дорад. Ин мафҳум  дар худ ҷойи таваллуду маҳалли зисти одамон, соҳиби манзилу макон, сарпаноҳ, оила ва фарзандон будан низ ба  тарзи хос мафҳуми “Ватан”-ро ифода  мекунад. Имрӯз  ба миён  омадани вазъи ноороми  муносибатҳои ду давлати  ҳамсоя,  ки  Тоҷикистоу  Кирғисистон  воқеан боиси ташвиш ва нигаронии  кулли  ҷавонон  ва  сокинони кишварамон гаштааст. Роҳбарияти сиёси ва  сокинони назди сарҳадии Ҷумҳурии Тоҷикистон борҳо собит сохтаанд, ки мо доимо ҷонибдори фикри хубу беҳтар намудани муносибатамон бо кишварҳои ҳамсоя мебошем .

    Мутаассифона, баъзе аз сокинони иғвогари кишвари ҳамсоя мехоҳанд фикри сокинони зудбоварро вайрон намуда, ба ҳадафи  шахсии худ, ки аз  манфиати  миллӣ  боло  гузошта мешавад, бирасад. Вале мо ҳеҷ гоҳ намегузорем, ин гуна  афрод  қадам ба  ватани поку  биҳишосои  мо  гузошта,  бо ҳисси  Ватанпарварони мо, ва мафкураи ҷавонони бонангу номуси ватанамон таъсири манфӣ расонад.

    Дар моддаи  43 - юми Конститутсия алоҳида таъкид шудааст, ки «ҳифзи Ватан, ҳимояи манфиати давлат, таҳкими истиқлолият, амният ва иқтидори мудофиавии он вазифаи муқаддаси ҳар як шаҳрванд аст». Ҳар як сокини кишвари ҳамсоя  бояд  хуб  дарк  намоянд, ки  як  порчагии  Тоҷикистон  яке  аз манфиатҳои муҳими милливу давлати мост. Имрӯз мо омодаем, ки манфиатҳои милливу давлатиро дастаҷамъона ҳимоя намоем.   

   Атабаева  Зуҳро