Ноҳияи Ҷалолиддини Балхӣ яке аз ноҳияҳои пахтакори вилояти Хатлон буда, имсол низ бо ҷидду ҷаҳди заҳматкашонаш дар самти иҷрои нақшаи кишти пахта фаъолона амал намуда истодаанд. Тавре сардори раёсати кишоварзии ноҳия Абдусатторзода Алимаҳмад хабар дод, то имрӯз дар ҳудуди ноҳия дар майдони 4832 гектар кишти пахта ба анҷом расонида шудааст.

Ҳамзамон, 180 гектар замин бо усули муосири кишти пахта зери плёнка кишт гардидааст. Ин усул имконият медиҳад, ки сабзиш ва нашъунамои ниҳолҳо дар муҳити гарм ва муътадил таъмин шуда, ҳосилнокии он дар муқоиса бо кишти анъанавӣ баландтар бошад. Ба гуфтаи мутахассисон, истифодаи плёнка яке аз роҳҳои баланд бардоштани самаранокии истеҳсоли пахта ва сарфаи обу нуриҳо мебошад.

Ба иттилои масъулин, имсол кишоварзони ноҳия ният доранд дар умум 9935 гектар заминро ба кишти пахта бахшанд. Барои ба иҷро расонидани ин ҳадаф, онҳо аз тамоми имкониятҳо, техникаҳои муосир ва таҷрибаи корӣ истифода бурда истодаанд. Ҳамзамон, бо дастгирии мақомоти иҷроияи ҳокимияти давлатии ноҳия, таъмини тухмиҳои хушсифат, нуриҳо ва воситаҳои техникии зарурӣ ба роҳ монда шудааст. Заҳматкашони соҳаи кишоварзӣ бо рӯҳияи баланди меҳнатӣ фаъолият доранд, зеро пахта яке аз зироатҳои муҳими стратегии мамлакат ба ҳисоб меравад ва дар таъмини соҳаҳои саноати нассоҷӣ, равғанбарорӣ ва инчунин ба иқтисодиёти миллӣ саҳми арзанда мегузорад.

 Масъулини соҳа изҳори умедворӣ мекунанд, ки бо риояи қоидаҳои агротехникӣ ва обу нигоҳубини дуруст, имсол ҳосили хуб ба даст хоҳад омад. Қисми зиёди заминҳое, ки кишт шудаанд, дар ҳолати хуб қарор дошта, сабзиш ва нашъунамои ниҳолҳо умедбахш арзёбӣ мегардад.

Дар ноҳияи Ҷалолиддини Балхӣ мавсими кишти пахта бо суръати баланд идома дошта, хоҷагиҳои деҳқонӣ ва ҷамоатҳои шаҳраку деҳот барои иҷрои нақша фаъолона кор мекунанд. Тибқи нақшаи соли ҷорӣ, дар ноҳия дар майдони 9935 гектар пахта кишт карда мешавад.

Барои таъмини ҳосили баланд ва риояи қоидаҳои агротехникӣ, заминҳо қаблан шудгор ва нарм карда шудаанд. Ҳамзамон, бо назардошти истифодаи тухмии босифат ва риояи муҳлатҳои кишт, кишоварзон саъй доранд, ки ҷараёни кишти пахтаро дар муҳлати муқарраргардида ба анҷом расонанд. Барои беҳтар кардани ҳосилнокӣ, хоҷагиҳо аз техникаи кишоварзии муосир ва нуриҳои минералӣ истифода мебаранд.

    7 марти соли 2025 дар маҷлисгоҳи мақомоти иҷроияи ҳокимияти давлатии  ноҳияи Ҷалолиддини  Балхӣ таҳти  раёсати   муовини якуми раиси вилояти Хатлон Мирзозода Музаффар ва бо иштироки раиси ноҳия Холиқзода Рустам Ҳикматулло, раисони ҷамоатҳои шаҳраку деҳот, роҳбарони хоҷагиҳои деҳқонӣ ва дигар масъулини соҳа ҷаласаи муҳим баргузор гардид.

   Дар ҷаласа масъалаҳои муҳими кишти  баҳорӣ,  таҳкими  фаъолияти гурӯҳҳои  корӣ,  шудгор  намудани заминҳои  намнок дар ҷамоатҳои шаҳраку деҳот, зиёд намудани майдони кишти пахта, шинонидани сабзавотҳои зери плёнка ва дигар масъалаҳои марбут ба соҳаи кишоварзӣ баррасӣ шуданд.

   Муовини якуми раиси вилоят Мирзозода Музаффар зимни суханронии худ таъкид намуд, ки бояд омодагии ҳамаҷониба ба мавсими кишти баҳорӣ дар муҳлатҳои муқарраршуда анҷом дода шавад.

   Ӯ масъулинро вазифадор кард, ки бо суръати баланд шудгор ва омодасозии заминҳо, истифодаи самараноки захираҳои обӣ, зиёд намудани майдони кишти пахта, парвариши сабзавотҳои барвақтӣ  ва ташкили   гармхонаҳо  таваҷҷуҳи  бештар  зоҳир  намоянд . Инчунин, роҳбарони хоҷагиҳои   деҳқонӣ  вазифадор  карда  шуданд, ки истифодаи пурсамари заминҳои кишоварзӣ,  баланд  бардоштани  ҳосилнокӣ,  истифодаи тухмиҳои хушсифат ва риояи қоидаҳои агротехникӣ-ро ба таври ҷиддӣ таъмин намоянд.

        Таърихи 26 феврали соли ҷорӣ дар деҳаҳои Талхачашма ва А. Дӯстови Ҷамоати деҳоти Ҳалеварди ноҳияи Ҷалолиддини Балхӣ, бо иштироки сокинон ва фаъолон, чорабинӣ барои кандани заҳбуру заҳкашҳо баргузор гардид.

       Масъулин қайд доштанд, ки ҳадафи аслии ин иқдом, ки таҳти роҳбарии мақомоти иҷроияи ҳокимияти давлатии ноҳия ва дигар ташкилотҳои ҷамъиятӣ амалӣ шуд, тозаву осоишта кардани муҳити зист ва пешгирӣ кардани хавфҳои экологӣ мебошад.

       Дар ин рӯз сокинони деҳаҳо ва аъзои ҷомеа даъват шуда, бо коркард ва бартараф кардани заҳкашҳо, заҳбуруҳои дар роҳи деҳаҳо монеаэҷодкунанда, саҳми муҳим гузоштанд, ки ин амал ба беҳбуди вазъи экологӣ ва беҳтаршавии шароити зисти аҳолӣ кумак мекунад.

       Таҳкими ҳамкориҳои байни сокинон ва мақомоти маҳаллӣ дар ин самт аҳамияти калон дорад ва ҳамин тавр, чунин иқдомҳо метавонанд барои рушди устувор ва беҳбудии деҳот саҳм гузоранд.

   Хоҷагии деҳқонии фермерии "Кӯҳи Сурх" дар деҳаи Навдиёри Ҷамоати деҳоти Маданияти ноҳияи Ҷалолиддини Балхӣ воқеъ аст. Дар ин хоҷагӣҳамасола дар майдони 1 гектар замин кишти картошкаи ба роҳ монда мешавад.

   Имсол низ, заҳматкашони хоҷагӣ дар ин майдон картошкаи навъи "Масчоҳи кӯҳӣ"-ро шинониданд. Ҳамзамон, дар ҳудуди хоҷагӣ 400 адад ниҳоли ҳамешасаб шинонида шудааст. Ин хоҷагӣ дорои 80 гектар замин буда, дар як гектар картошка, 12 гектар пахта, 8 гектар ғалладона ва дар боқимондаи замин дигар намуди зироатҳо кишт карда мешаванд. Онҳо ҳар як ваҷаб заминро самаранок истифода намуда, ҳамасола ду ҳосил ба даст меоранд. Ёдовар мешавем, ки дар моҳи октябри соли 2024, Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба хоҷагии "Кӯҳи Сурх" ташриф оварда, бо ҷараёни парвариш ва дарави шолӣ аз кишти такрорӣ шинос шуданд.  

       Дар маркази шаҳраки Балхи ноҳияи Ҷалолиддини Балхӣ санаи 10 феврали  соли 2025 бо иштироки раиси ноҳия Холиқзода Рустам Ҳикматулло, роҳбарони мақомоти ҳифзи ҳуқуқ, намояндагони мақомоти маҳаллии  идоракунӣ ва дигар масъулон бинои нави 7-ошёна ифтитоҳ гардид.

      Ин  маросим дар доираи ҷашни 35-солагии  Истиқлолияти давлатии Ҷумҳурии Тоҷикистон бо мақсади ривоҷу равнақ додани инфрасохтор ва рушдии қтисоди маҳаллӣ баргузор   шуд.

Иншооти мазкур, ки бинои бисёр ошёнаи муосир мебошад, аз ҷониби соҳибкори  маҳаллӣ  Муродулло Саймуродов, дар муддати як сол сохта  ва ба истифода дода шуд.

    Сохтмон соли 2024 оғоз гардида, бо истифода аз технологияҳои муосир ва омодагиҳои босифат дар давоми як сол ба охир расид.

Бинои нави 7-ошёна аз як ошёнаи мағозавии бо молҳои ниёзи мардум ва шаш ошёнаи истиқоматӣ иборатаст. Дар ошёнаи авали бино мағозаи фурӯши молҳои ниёзи мардум ташкил шудааст, ки имконият медиҳад сокинон ва меҳмонон ба осонӣ маводи зарурӣ ва муҳими рӯзмарраро харид  намоянд.

    Шашошёни дигар барои хонаҳои истиқоматӣ пешбинӣ шуда, онҳо дар маҷмӯъ 48 ҳуҷраро ташкил медиҳанд. Хонаҳо аз 1, 2 ва 3 ҳуҷрагӣ иборат  буда,  барои фурӯш пешниҳод  гардидаанд.

Ин хонаҳои истиқоматӣ бо шароити мувофиқ ва замонавӣ барои зиндагии бароҳат ва фароғатӣ муҳайё аст. Қисмати таҳхона дар ин бино      ошхонаи замонавӣ бо тамоми шароити зарурӣ ва имконоти ғизои муосирро ташкил медиҳад, ки барои сокинон ва меҳмонон хизмат мерасонад.

   Санаи 4 феврали соли љорї гурӯҳи кори Ҳукумати Ҷумҳурии Тоҷикистон ва мақомоти иҷроияи ҳокимияти давлатии вилояти Хатлон дар доираи сафари корӣ аз фаъолияти коргоҳи дӯзандагии “ҶДММ Сомон - 2013”- и ноҳияи Ҷалолиддини Балхӣ боздид намуданд.

Тавре иттилоъ додашуд, дар ин коргоҳ зиёда аз 40 нафар бонувони маҳаллӣ бо ҷойи кори доимӣ таъмин гардидаанд.

Фаъолияти асосии коргоҳ ба дӯхти либосҳои мактабӣ равона шуда, пеш аз оѓози њар соли тањсили нав муассисаҳои таълимии ноҳияро бо либоси ягона таъмин менамояд.

Зимни боздид масъулон муҳимияти ҷалби бештари занон ба шуғл ва саҳми онҳо дар рушди иқтисодиёти кишварро таъкид намуда, изҳор доштанд,  ки дастгирии соҳаи дӯзандагӣ метавонад ба беҳтар шудани сатҳи зиндагии аҳолӣ ва фароҳам овардани имкониятҳои нави корӣ мусоидат намояд.

   Рўзи 6 феврали соли 2025, дар толори мақомоти иҷроияи ҳокимияти давлатии ноҳияи Ҷалолиддини Балхӣ нишасти матбуотӣ оид ба ҷамъбасти натиҷаҳои рушдии ҷтимоӣ ва иқтисодии ноҳия дар соли 2024 баргузор гардид.

Дар нишаст раиси ноҳия Холиқзода Рустам Ҳикматулло, намояндаи мақомоти иҷроияи ҳокимияти давлатии вилояти Хатлон, муовинон, роҳбари дастгоҳи раиси ноҳия, роҳбарони ташкилоту муассисаҳо, раисони љамоатњои шањраку дењот ва намояндагони воситаҳои ахбори омма иштирок карданд.

Холиқзода Рустам Ҳикматулло дар оғози нишаст оид ба натиҷагирии рушди ноҳия дар соли 2024 маълумоти муфассал пешниҳод намуд.

Раиси ноҳия дар баромади худ батаваҷҷуҳи ҳозирин расонид, ки дар баробари пешрафтҳои назаррас дар соҳаҳои мухталиф, ба сифати як ҳадафи аслӣ, беҳбудии шароити зисти сокинон ва рушди иқтисоди маҳаллӣ қарор доранд.

Дар рафти нишаст, дар бораи иҷрои нақшаҳои иқтисодӣ ва иҷтимоӣ, хусусан дар соҳаҳои сохтмон, саноат, кишоварзӣ ва дигар самтҳо маълумот пешниҳод карда шуд.

Гуфташуд, ки вақтҳои охир дар ноҳия дар миқёси назар бунёди иншооти гуногун шуруъ гардида, дар маҷмӯъ 340 –бинову иншооти соҳаҳои мухталиф, аз ҷумла фарҳанг, тандурустӣ, варзиш, саноат ва дигар соҳаҳо пешбинӣ карда шудаанд.

Бо мақсади омодагӣ ба ҷашни 35-солагии Истиқлолияти давлатии Ҷумҳурии Тоҷикистон, нақшаи чорабиниҳои ободониву созандагӣ тасдиқ гардида, дар асоси ин нақша, дар соли 2024 бунёди 59 иншооти нав ба нақша гирифта шуда буд.

Ба иттилои раиси ноҳия, то 1 – декабри  соли 2025, 91 – иншоот бо 154,2 фоиз аз нақшаи пешбинишуда ба истифода дода хоҳад шуд. Бо таври  умумӣ, аз 340 иншоот,  254  адад  ба истифода дода шудаанд, ки 74,7 фоиз аз ҳадафи умумии тасдиқ  шуда мебошад.

Дар нишасти матбуотӣ, рӯзноманигорон ба раиси ноҳия Холиқзода Рустам Ҳикматулло бо саволҳо, аз љумла дар бораи рушди сайёҳӣ, таъмири роҳҳо, ободонии ҷамоатҳои шаҳраку деҳот, соҳаҳои маориф, кишоварзӣ, саноат ва дигар масъалаҳои мубрам ҷиҳати рушди иқтисодӣ ва иҷтимоии ноҳия муроҷиат намуданд.

Раиси ноҳия ба ҳамаи саволҳои рўзноманигорон ҷавобҳои қаноатбахш доданд.

Нишасти матбуотӣ дар фазои озод ва як дигарфаҳмӣ, бо суҳбатҳои озод ва саволу ҷавобҳо бо иштироки рӯзноманигорон баргузор гардид, ки ҳамоҳангӣ ва фаҳмиши хуб миёни намояндагони мақомот ва воситаҳои ахбори оммаро ба вуҷуд овард.

Санаи 10 декабри соли 2024 дархоҷагиҳои ба номи Ниёзмуҳаммад Бегови Ҷамоати деҳоти Навобод ва Сафар Ҷумаеви Ҷамоати деҳоти Золи Зари ноҳияи Ҷалолиддини Балхӣ боиштирокираисиноҳия Холиқзода Рустам Ҳикматулло, роҳбарони хоҷагиҳои мазкур  ва дигар масъулини соҳаи кишоварзӣ семинари омўзишӣ оид ба киштикартошкадоиргардид.

Дар хоҷагиҳои  номбурда дар майдони 1,5 гектарӣ замин навъи тухми картошкаи «Роза» кишт карда шуд.   

Дар ин семинар, вобаста ба интихоби дурусти тухмӣ, хуб ба роҳ мондани корҳои агротехникӣ, тарзи парвариш ва нигоҳубини картошка ба хоҷагидорон маълумоти муфассал пешкаш гардид.

Қайд гардид, ки мақсад аз баргузории семинари зикршуда таҳлилу баррасии масоили ҳалталаби рушди соҳаи картошкапарварӣ, аз ҷумла парвариши картошка дар кишти тирамоҳӣ, дарёфти усулҳои нави парвариш, баланд бардоштани ҳосилнокӣ ва сифати он, зиёд намудани истеҳсолот, нигоҳдорӣ, маркетинги содирот, инчунин ҳавасмандгардонии хоҷагидорон ва таъмини аҳолӣ бо картошкаи босифат ва тухми зоти хушсифати ватанӣ мебошад.

         Дар ин замина кишти картошка дар Ҷамоати деҳоти Навбаҳор ва Ҷамоати деҳоти Навоӣ низ ба роҳ монда шуда, хоҷагидорон картошкаи тирамоҳиро киш намуданд.

Дар маркази ноҳия  бо ҷалби соҳибкорон ва бо ташаббуси Абубакр Аҳмадхоҷаев - бародарони оилаи Аҳмадхољаевҳо бинои 7 -ошёнаи наву замонавӣ моҳи октябри соли ҷорӣ  ифтитоҳ гардида, ба фаъолият оғоз намуд.

Сохтмони иншоот аз моҳи марти 2023 оғоз гардида, соли 2024 ба анҷом расонида шуд. Айни ҳол дар таҳхона  ва ошёнаи якуми иншоот маркази савдои «Балх» ба мардум хизматрасонӣ менамояд.  Дар таҳхона фурўши либос, пойафзол ва олами кўдакон ба роҳ монда шудааст. Дар ошёнаи якум бошад, молҳои ниёзи мардум, аз ҷумла хўрока ва ашёҳои техникӣ роҳандозӣ гардидааст.

Шаш ошёнаи ин  иншоот хонаҳои истиќоматӣ буда, хонаҳо аз як  ва ду ҳуљрагӣ  иборат аст. Дар қисмати болои иншоот «Пенхаус» сохта шудааст, ки ин ба ҳусни бино зебогии дигареро зам кардааст.

Бояд тазаккур дод, ки сохтмони чунин биноҳои баландошёна дар маркази шаҳраки Балхи ноҳия бомаром қомат афрохта истодаанд.