ИТТИЛОИЯ ОИД БА БАРГУЗОРИИ ИҶЛОСИЯИ ҲАЖДАҲУМИ МАҶЛИСИ ВАКИЛОНИ ХАЛҚИ НОҲИЯИ ҶАЛОЛИДДИНИ БАЛХӢ ДАЪВАТИ ШАШУМ.

 Санаи 30 июни соли 2023 дар толори Мақомоти иҷроияи ҳокимияти давлатии ноҳияи Ҷалолиддини Балхӣ таҳти раёсати раиси маҷлиси вакилони халқи ноҳия муҳтарам Холмурод Раҳмон, Иҷлосияи ҳаждаҳуми Маҷлиси вакилони халқи ноҳия, даъвати шашум баргузор гардид. Дар он барномаи давлатии ҳифзи мероси таърихию фарҳангии Ҷумҳурии Тоҷикистон барои солҳои 2021-2025 баррасӣ карда шуд. Қурбонзода Қурбоналӣ муовини раиси ноҳия дар ин бора баромад намуда қайд намуд, ки мардуми сарбаланди ноҳия дар фазои тинҷиву амонӣ, сулҳу ваҳдат ва осоиштагии диёри азизамон – Тоҷикистон, чун аҳли кишвар, таҳти роҳбарии Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба дастовардҳои назаррас ноил гардидааст, ҷашни Рӯзи Ваҳдати миллиро бо корҳои созандагию бунёдкорӣ ва бо ҳазорон орзую умедҳои нек истиқбол намуданд. Ҷиҳати амалишавии Барнома ва нақшаи чорабиниҳои Барнома бахши фарҳанги Мақомоти иҷроияи ҳокимияти давлатии ноҳия вобаста гардида, дар ин самт чораву тадбирҳо андешида мешавад. Дар асоси Нақшаи чорабиниҳо барои ҳифзу нигоҳдории харобаҳои ёдгориҳои таърихӣ ва фарҳангии зикргардида чораандешӣ карда шуда, аз тарафи бахши фарҳанг мунтазам корҳои тозагӣ, ободонӣ амалӣ карда шуда, гулшинонӣ карда мешавад. Тибқи Нақшаи чорабиниҳои Барномаи давлатии ҳифзи мероси таърихию фарҳангӣ зарур аст ва мувофиқи мақсад мебуд, ки ҳолати қадимаи яке аз ин қалъаҳо, Қалъаи Ҳалевард ва ё Қалъаи Лағмон барқарор карда шуда, ҳамчун осорхона истифода бурда шавад. Ин омил ба сатҳи зиёдшавии шумораи сайёҳони дохиливу хориҷӣ мусоидат менамояд. Дар ноҳия айни замон Осорхонаи таъриху кишваршиносӣ фаъолият мекунад, ки шумораи нигораҳои он 3530 ададро ташкил медиҳад. Нигораҳои дар он нигоҳ дошта шуда, бештар аз харобаҳои ёдгориҳои таърихии ҳудуди ноҳия дарёфт гардидаанд. Ин омил то ҳанӯз идома дошта, аз ҷониби шаҳрвандон аз ин харобаҳои нигораҳо дарёфт гардида, ба Осорхона супорида мешавад. Намояндаи Мақомоти иҷроияи ҳокимияти давлатии вилояти Хатлон Амирхон Юсуф қайд намуд, ки Ҳукумати Ҷумҳурии Тоҷикистон вобаста ба таъриху фарҳанг ва тамаддуни миллати куҳанбунёди тоҷик дар сатҳи дохилӣ ва арсаи байналмилалӣ корҳои бениҳоят зиёдеро ба анҷом расонида истодааст. Саҳми миллати тоҷик дар як маврид бо арзишҳои таърихию фарҳангии хеш инчунин бо фарзандони шоистаи хеш дар сатҳи ҷаҳонӣ назаррас мебошад. Татбиқ ва амалӣ намудани Барномаи мазкур бояд имкон пайдо намояд, ки танзими ҳифз, тармим ва барқарорсозии ёдгориҳои таърихию фарҳангӣ фароҳам оварда шуда, теъдод ва сифати объектҳои мероси таърихию фарҳангии барои истифода пешниҳодшаванда бештару беҳтар гарданд, ки ин дар навбати худ афзоиши воридшавии сайёҳони дохилӣ ва хориҷиро таъмин менамоянд. Тағйиротҳои куллие, ки туфайли татбиқи Нақшаи чорабиниҳои Барномаи мазкур ба амал меоянд, барои пурра намудани фазои солими иттилоотӣ, иҷтимоию фарҳангӣ, маърифатии сокинон, таъмини ҳуқуқу озодиҳои шахсони воқеӣ ва ҳуқуқӣ ҷиҳати дастёбии озодона ба сарчашмаҳои мероси таърихию фарҳангӣ мусоидат менамояд.