ТАНТАНАИ "ШУКӮҲИ ИСТИҚЛОЛ"

                                                           ТАНТАНАИ "ШУКӮҲИ ИСТИҚЛОЛ"

         Санаи 19 августи соли равон дар Боғи фарҳангу фароғатии ноҳияи Ҷалолиддини Балхӣ чорабинии фарҳангӣ таҳти унвони “Шукӯҳи Истиқлол” баргузор гардад. Ин ҳамоиш бо ташаббус ва дастгирии сохторҳои  давлатӣ,  аз  ҷумла  Бахши  сабти   асноди ҳолати шаҳрвандии ноҳия, Нотариуси давлатии ноҳия, Шуъбаи Агентии меҳнат ва  шуғли  аҳолӣ,  Бахши  хадамоти  муҳоҷират ва Шуъбаи хизматрасонии иҷтимоӣ дар хона ташкил карда шуд. Мақсад аз баргузории чорабинӣ арҷгузорӣ ба дастовардҳои даврони Истиқлолият, таҳкими ҳувияти миллӣ ва боло бурдани   ҳисси  ватандӯстӣ  байни  сокинони  ноҳия  арзёбӣ  гардид. Дар баробари суханрониҳо ва ироаи барномаҳои фарҳангӣ, меҳмонон шоҳиди ҳунарнамоии дастаҳои ҳунарии маҳаллӣ ва баромади сарояндаи маъруфи кишвар Хуршед Шокиров гардиданд. Ин чорабинӣ бо иштироки раҳбарияти ноҳия, намояндагони ташкилоту муассисаҳои давлатӣ, фаъолони ҷомеа ва сокинони маҳаллӣ баргузор гардид. Ҳамоиш ба як шоми хотирмон барои иштирокчиён табдил ёфта, фазои идона ва рӯҳияи ватанпарастиро дар ҷомеа тақвият бахшид.