МУОВИНИ РАИСИ НОҲИЯ БО МЕДАЛИ ХИЗМАТИ ШОИСТА САРФАРОЗ ГАРДОНИДА ШУД

                      МУОВИНИ РАИСИ НОҲИЯ БО МЕДАЛИ ХИЗМАТИ ШОИСТА САРФАРОЗ ГАРДОНИДА ШУД

                Санаи 25 августи соли 2025 дар Қасри миллат маросими тантанавии супоридани мукофотҳои давлатӣ баргузор гардид. Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба ифтихори ҷашни 34-солагии Истиқлоли давлатии Тоҷикистон бо кормандони касбу кори гуногун вохӯрда, фаъолони соҳаҳои мухталифро барои заҳмати содиқона ва дастовардҳои шоистаи онҳо қадрдонӣ намуданд. Дар ҷараёни ин маросим як қатор кормандони касбу кори гуногун, ки дар фаъолияти худ натиҷаҳои намоён ба даст овардаанд, бо мукофотҳои олии давлатӣ, унвонҳои фахрӣ ва нишони сарфарозӣ сарфароз гардонида шуданд.

Аз ҷумла, муовини раиси ноҳияи Ҷалолиддини Балхӣ оид ба соҳаи идеологӣ Қурбонзода Қурбоналӣ, барои фаъолияти намунавӣ ва саҳми арзандааш дар таҳкими ҷомеаи шаҳрвандӣ ва пешбурди корҳои фарҳангиву маърифатӣ, бо "Медали хизмати шоиста" аз ҷониби Президенти кишвар сарфароз гардонида шуд. Маросими супоридани мукофотҳо дар фазои идона доир гардида, иштирокдорон онро нишонаи рӯшан аз сиёсати давлатдорӣ ва таваҷҷуҳи роҳбарияти олии мамлакат ба арҷгузории меҳнати софдилонаи кормандон арзёбӣ карданд.