АЁДАТИ СОБИҚАДОРОНИ МАТБУОТ                                                         Қадршиносии собиқадорони соҳаи матбуот дар меҳвари таваҷҷуҳ қарор дошта, фаъолияти арзандаву ибратбахши онҳо мактаби бузурги омӯзиш ва парвариш ба насли ҷавон аст. Ин аст, ки дар арафаи Рӯзи матбуоти тоҷик имрӯз 10 марти соли 2023 кормандони муассисаи давлатии рӯзномаи "Навиди Балх"-и ноҳияи Ҷалолиддини Балхӣ ба аёдати собиқадори соҳа Тоирҷон Қучқоров рафта аз ҳолу аҳволашон хабар гирифтанд. Инчунин аз хонадони собиқ сармуҳаррири рӯзномаи "Навиди Балх" шодравон Баҳром Муродов хабар гирифта, дар ҳақи арвоҳи марҳум дуову фотиҳа намуданд. Дар ин рӯз Ибодуллоҳ Одиназода -сармуҳаррири рӯзномаи "Навиди Балх"-и ноҳияи Ҷалолиддини Балхӣ нақшу мақоми воситаҳои ахбори оммаро яке аз рукнҳои асосӣ, муҳимтарин ва пешбарандаи ҷомеа, инчунин дар сатҳи давлатӣ таҷлил намудани Рӯзи матбуоти тоҷик, ба тасвиб расидани Амри Президенти Ҷумҳурии Тоҷикистон «Оид ба ташкил ва баргузор намудани нишастҳои матбуотӣ» ва Фармони Президенти мамлакат «Дар бораи вокуниши шахсони мансабдор ба маводи танқидӣ ва таҳлилии воситаҳои ахбори омма»-ро нишони таваҷҷуҳи хоси роҳбарияти олии кишвар ба ҷойгоҳи воситаҳои ахбори омма ва гувоҳи болоравии эътибори аҳли матбуот арзёбӣ намуд.                                                                                                                                                                                  

                                                        РӮЗИ ИНТЕРНАТСИАЛИСТОН ТАҶЛИЛ КАРДА ШУД!

    Санаи 13 феврали соли равон дар толори маҷлисгоҳи Мақомоти иҷроияи ҳокимияти давлатии ноҳияи Ҷалолиддини Балхӣ бо иштироки намояндаи мақомоти иҷроияи ҳокимияти давлатии ноҳия, мудири шуъбаи рушди иҷтимоӣ ва робита бо ҷомеаи дастгоҳи раиси ноҳия Раҷабалӣ Абдулов 34-умин солгарди аз Ҷумҳурии Демократии Афғонистон баровардани Қувваҳои Мусаллаҳи собиқ иттиҳоди Шӯравӣ бо тантана таҷлил карда шуд. Дар ин ҷамъомад роҳбарон ва намояндагони собиқадорони башардӯсти вилояти Хатлон, муовини раиси интернатсиалистони вилояти Хатлон Моисеев А. В. прокурор ва раиси суди ноҳия, раиси собиқадорони меҳнати ноҳия Файзалиев Раҳмоналӣ ва комиссариати ҳарбии ноҳия иштирок доштанд. Нахуст раиси иттиҳоди интернатсионалистони собиқадори ноҳия ибрози сухан намуда, бо хотираи шаҳидоне, ки баҳри иҷрои қарзи интернатсионалисти ҷони худро бохтанд, бо дақиқаи хомӯшӣ ёд карда, шуд. Сипас Раҷабалӣ Абдулов суханронӣ намуда, қайд кард, ки саҳми интернатсионалистони собиқадор дар тарбияи насли наврас беназир аст ва фаъолияти пурсамараи онҳо дар ҳамаи соҳаҳои хоҷагии ноҳия ба хубӣ эҳсос мегардад. Айни ҳол иттиҳоди интернатсионалистони собиқадори ноҳия 158 нафарро ташкил медиҳанд. 

      Суратгузориш аз рафти корҳои ободонӣ ва шинонидани гулҳои ороишӣ дар назди муассисаи давлатии рӯзномаи ноҳиявии "Навиди Балх", Раёсати молия ва китобхонаи марказии ноҳияи Ҷалолиддини Балхӣ. 12.11.2022

                                                   "30 СОЛИ СОЗАНДАГӢБОҶАВОНОН"

    Санаи 1 ноябри соли 2022 дар толори мақомоти иҷроияи ҳокимияти давлатии ноҳияи Ҷалолиддини Балхӣ тибқи нақшаи баргузории чорабиниҳои гуногуни маърифатӣ- фарҳангӣ, баргузории конференсияҳо, мизҳои мудаввар, мулоқоту вохӯриҳо ва мусобиқаҳои гуногуни варзишӣ таҳти унвони "Иҷлосияи таърихии 16-уми Шӯрои олӣ-поягузори давлати миллии тоҷикон" бо иштироки муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Чоршанбезода Сураҷ, сардори раёсати кор бо ҷавонон ва варзиши вилояти Хатлон Қурбонзода Қурбон ва муовини раиси ноҳияи Ҷалолиддини Балхӣ Абдусаломзода Анзурат бахшида ба Рӯзи Конститутсияи Ҷумҳурии Тоҷикистон ва 30-солагии Иҷлосияи 16-уми Шӯрои Олии Ҷумҳурии Тоҷикистон вохӯрии судманд баргузор гардид.                                                                                Дар вохӯрӣ масъулин дар мавзӯҳои "Конститутсия-бахтномаи миллати тоҷик", "Иҷлосияи 16-уми Шӯрои Олӣ ва Мактаби давлатдории Пешвои миллат - Эмомалӣ Раҳмон", "Иҷлосияи 16-уми Шӯрои Олӣ ва сарнавишти Тоҷикистон" баромад намуданд. Инчунин ҷиҳати баланд бардоштани ҳисси миллӣ, ватандустӣ, ҳифзи арзишҳои миллӣ, донишомӯзии ҷавонон, дастовардҳои даврони соҳибистиқлолӣ ва дар руҳияи ватандӯстӣ тарбия намудани насли ҷавон суханронӣ карда шуд.

                 Навиди Балх

Вчера, 17:36

 СЕМИНАР-МАШВАРАТИ ОМӮЗИШӢ

 Санаи 12 октябри соли 2022 дар муассисаи давлатии Осорхонаи таъриху кишваршиносии ноҳияи Ҷалолиддини Балхӣ семинар-машварати омӯзишӣ дар мавзӯи «Табодули таҷриба, баланд бардоштани савияи дониши тахассусӣ ва муаррифии бозёфту нигораҳои таърихӣ» бо иштироки директорони осорхонаҳои шаҳру ноҳияҳои вилояти Хатлон баргузор гардид. Сараввал гурӯҳи корӣ аз Мақбараи рамзӣ ва Хона-музейи Мавлоно Ҷалолиддини Балхӣ дидан намуданд, ки аз ин ғизои маънавӣ бардоштанд. Кормандони Осорхонаи ноҳияи Ҷалолиддини Балхӣ ба меҳмонон дар бораи зисту зиндагии Мавлоно маълумотҳои мушаххас доданд. Инчунин директори Осорхона Латифзода Насиба дар семинари омӯзишӣ суханронӣ намуда, меҳмононро барои ташриф овардан ба ноҳия хайрамақдам гуфт. Сафарзода Гулистон-директори Осорхонаи таъриху кишваршиносии вилояти Хатлон ба номи "Авасто" дар Семинар-машварат суханронӣ намуда, ин ҳама ободкорию созандагиро дар ноҳияи Ҷалолиддини Балхӣ фоли нек дониста, онро самараи Истиқлолият арзёбӣ намуд.

ФИЛМИ МУСТАНАД «МАВЛОНО НОБИҒАИ МАШРИҚЗАМИН»

   Санаи 28 сентябри соли 2022 Муассисаи давлатии телевизиони "Синамо" дар Хона-музейи ноҳияи Ҷалолиддини Балхӣ филми мустанади «Мавлоно нобиғаи машриқзамин» бахшида ба Рӯзи Мавлоно Ҷалолиддини Балхӣ наворбардорӣ карда шуд. Бояд гуфт, ки Мавлоно Ҷалолиддини Балхӣ аз бузургтарин чеҳраҳои миллати тоҷик аст, ки бо назарияи эъҷозу эҷодаш дар асри Xlll ба адабиёти тоҷику форс такони бузург бахшидааст. Ҳамин аст, ки имрӯз ӯро ҷаҳониён дар тасаввуф ва ирфон муқаддам медонанд. Дар ин филми мустанад иштирок намудаанд кормандони Муассисаи давлатии телевизони "Синамо", муаллиф ва барандаи филм Далер Ҳасанзода ва режиссёр Асҳобиддин Низомов.

   Суратгузориш аз рафти ташрифи меҳмонон аз Сафорати Ҷумҳурии Индонезия дар Қазоқистон,Ҷаноби Моҳаммад Фаҷроел Раҳман ба Хона-музейи Мавлоно Ҷалолиддини Балхӣ-и ноҳияи Ҷалолиддини Балхӣ. 26.09.2022

   Рўзи   9  сентиябри   соли  2022 мардуми  ноҳияи   Ҷалолиддини  Балхӣ  дар  Варзишгоҳи  марказии ба номи Уктам Маматович  ноҳия   31-умин   солгарди  Истиқлолияти   давлатии   Ҷумҳурии   Тоҷикистонро   таҷлил   намуданд.

   Дар  Варзишгоҳ ҳунармандон,  дўзандагон,  оҳангарон  ва  намояндагони  ҷамоатҳои   шаҳраку  деҳоти  ноҳия ва ташкилоту муассисаҳо  маҳсули  кори  худро  ба  марази  тамошо   гузоштанд.

     ШОМИ ИСТИҚЛОЛ Суратгузориш аз рафти чорабинӣ таҳти унвони "Шоми Истиқлол"-и Ҷамоати деҳоти Калинин, Беморхонаи марказӣ ва марказҳои соҳавӣ, Бахши кор бо ҷавонон ва варзиш, Маркази назорати давлатии санитарию эпидемиологӣ, Кумаки аввалияи тиббию санитарӣ, бозори ҷамоат ва Шуъбаи хизматрасонии иҷтимоӣ дар хонаи назди мақомоти иҷроияи ҳокимияти давлатии ноҳияи Ҷалолиддини Балхӣ. 6.09.2022

    Шоми  Истиқлол  суратгузориш  аз  рафти  чорабинӣ  таҳти  унвони  "Шоми   Истиқлол" -  и  Ҷамоати деҳоти  Маданият, Хоҷагии ба номи  Турахон Исанқулов,   Корхонаи  давлатии   фаръии  "Хоҷагии  манзилию коммуналӣ",  шуъбаи Агентии     меҳнат  ва  шуғли  аҳолӣ,     Маркази  алоқаи  почтаи ноҳия,  Хоҷагии  Абдувадуд Дӯстов,  Филиали  "ҶСК  - и"   "Тоҷиктелеком"  дар  ноҳия  ва  ҶДММ  "МПМК Колхозобод" - и ноҳияи Ҷалолиддини Балхӣ 5.09.2022                                                                                                             

       Аз 1 то 9 - сентябр ба истиқболи ҷашни 31- солагии Истиқлолияти давлатии Ҷумҳурии Тоҷикистон дар ноҳияи Ҷалолиддини  Балхӣ барномаҳои фарҳангӣ - фароғатӣ пешниҳоди сокинони ноҳия гардонида мешавад.

       Аз ҷумла бо қарори раиси ноҳия аз 30 августи соли 2022, Нақшаи - чорабиниҳои мақомоти иҷроияи ҳокимияти давлатии ноҳияи Ҷалолиддини Балхӣ оид ба омодаги ва таҷлили ҷашни 31 - солагии Истиқлолияти давлатии Ҷумҳурии Тоҷикистон дар ноҳия дар ин замина баланд бардоштани ҳисси хештаншиносиву худогоҳии сокинони ноҳия тамоми нерую имконияти мақомоти иҷроияи ҳокимияти давлатии ноҳия дар якҷояги бо бахшу идораҳо, аҳли ҷамоатҳои ноҳия корҳои ободонию бунёдкорӣ беҳдошти ҳолати экологию тозагии ҷамоатҳо сафарбар карда шудаанд.