МУДОФИА - ЯКЕ АЗ ВАЗИФАҲОИ МУҲИМТАРИНИ ДАВЛАТ

   Тибқи дастуру супоришҳои роҳбарияти Ҳукумати Ҷумҳурии Тоҷикистон баҳри омӯзиши ҳолати омодабошии қувва ва захираҳои сафарбарӣ имрўз, 15 апрел дар Варзишгоҳи марказии «Панҷшер»-и ноҳияи Ҷалолиддини Балхӣ санҷишу омӯзиши қувва ва воситаҳои қисми мудофиаи ҳудудӣ ва захираҳои сафарбарӣ доир гардид. Дар ин тадбир беш аз 3000 шаҳрвандони дар эҳтиёт қарордошта бо дарки масъулияти баланди ватандорӣ ширкат варзида, омодагии худро барои ҳифзи хоки муқаддаси Ватан бо ин амал бори дигар исбот намуданд. Чуноне мушоҳида карда шуд барои дар сатҳи баланд ташкил ва гузаронидани ин чорабинӣ тамоми шароиту имконият фароҳам оварда шуда, гурӯҳи табибон, нақлиёти ёрии таъҷилӣ, хадамоти оташнишонӣ ва дигар техникаву воситаҳо дар ҳолати хуби омодабош қарор доштанд. 

   Даҳҳо нафар кормандони ташкилоту муассисаҳо, сокинон, техникаву нақлиёти гуногуни хизматрасонӣ ба намоиш гузошта шуда, собитгари он буд, ки мардони шуҷои меҳандӯсти ноҳия ҳамеша омодаанд, ки амнияту суботи кишварро бо дарки баланди масъулият аз ватану ватандорӣ ҳимоя созанд. Дар ин чорабинӣ намояндаи Вазорати мудофиаи Ҷумҳурии Тоҷикистон - палковник Қурбонзода Абдурашид, раиси ноҳия Холиқзода Рустам Ҳикматулло ва масъулини тамоми сохторҳои ноҳия ширкат доштанд. Зимни суханрониаш раиси ноҳия Холиқзода Рустам Ҳикматулло атрофи ҳолати омодабошӣ ва дигар паҳлӯҳои ташкили чунин як ҳамоишро шарҳ дода, иброз дошт, ки зери мафҳуми мудофиа системаи тадбирҳои сиёсӣ, иқтисодӣ, иҷтимоӣ, ҳарбӣ, ҳуқуқӣ, экологӣ ва ғайра фаҳмида мешавад, ки ба таъмини мустақилият, якпорчагӣ ва дахлнопазирии ҳудуди ҷумҳурӣ, ҳимояи манфиатҳои давлат ва ҳаёти осоиштаи аҳолӣ равона карда шудааст.  

   Мудофиа яке аз вазифаҳои муҳимтарини давлат буда, кори тамоми халқ ба ҳисоб меравад. Мудофиа бо омодагии доимии Қувваҳои Мусаллаҳ, иқтисодиёт, ҳудуд ва аҳолии ҷумҳурӣ барои пешгирии таҳдиди ҳар гуна амалу хатарҳо пешбинӣ гардидааст. Дар идома ҳайати намояндагии Вазорати мудофиаи Ҷумҳурии Тоҷикистон ва роҳбарияти ноҳия аз намоиши техникаҳо боздид намуда, дар як маврид бо иштирокчиёни машқи омодабошии қувва ва захираҳои сафарбарӣ суҳбат оростанд. Дар чорабинӣ масъулин оид ба аҳамият ва муҳиммияти ташкил ва гузаронидани санҷиши ҳолати омодабошии қувва ва захираҳои сафарбарӣ андешаронӣ намуда, қайд доштанд, ки баргузории чорабинӣ, новобаста аз вазъи сиёсӣ, иқтисодиву иҷтимоӣ дар ҳолати омодабош будани шаҳрвандон ҳангоми мудофиаи ҳудудӣ арзёбӣ гашта, иштироки фаъолонаи сокинони касбу кори гуногун дар ин чорабинӣ, исботи он аст, ки мардони шуҷои ватан бо руҳияи шикастнопазир зери сиёсати муваффақонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳи кишвар, муҳтарам Эмомалӣ Раҳмон баҳри ҳифзи арзишҳои миллӣ, марзи кишвар, муқаддасоти миллӣ, таъмини амнияту суботи ҷомеаи соҳибистиқлоли Тоҷикистон содиқонаву садоқатмандона омодаанд. Ҳифзи Ватан, ҳимояи арзишҳои олии ватандорӣ аз ҳар фарди дилогоҳу хештаншинос рисолати бузурги фарзандиву садоқатмандиро тақозо менамояд.

                                   БАРГУЗОРИИ МИЗИ МУДАВВАР

     Масъалаҳои ҳифзи иҷтимоии аҳолӣ, ба хусус маъюбон яке аз самтҳои муҳим ва афзалиятноки сиёсати пешгирифтаи Сарвари давлат ба шумор рафта, таҳти сарварии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мунтазам ҷиҳати дастгирии табақаҳои осебпазири аҳолӣ тадбирҳои судманд ва созанда анҷом дода мешаванд. Дар ин росто, рӯзи 3 апрели соли равон дар толори беморхонаи марказии ноҳияи Ҷалолиддини Балхӣ бо иштироки муовини раиси ноҳия оид ба соҳаи иҷтимоӣ Сангализода Қумриниссо, сардори Раёсати ҳифзи иҷтимоии Вазорати тандурустӣ ва ҳифзи иҷтимоии аҳолӣ Қурбонзода Қудратулло, раиси Иттиҳодияи миллии маъюбон Асадулло Зикрихудоев, раиси Иттиҳодияи ношунавоёни Тоҷикистон Маннон Шарипов, намояндаи Ташкилоти ҷамъиятии нобиноёни Тоҷикистон Очилдиев Ҷамшед, сардори шӯъбаи меъморӣ ва сохтмон, бахши ҳифзи иҷтимоии аҳолӣ, шуъбаи хизматрасонии иҷтимоӣ дар хона, роҳбарони беморхона, шуъбаи маориф, ва дигар сохторҳои алоқаманд мизи мудаввар оид ба амалишавии «Нақшаи миллии амалҳо оид ба омодагии Ҷумҳурии Тоҷикистон барои тасдиқ ва амалинамоии Конвенсия дар бораи ҳуқуқҳои маъюбон» баргузор гардид. 

СОЛИ НАВРО БИДУНИ СӮХТОР ИСТИҚБОЛ НАМОЕМ

    Хамасола, вақте ки Соли нави мелодӣ фаро мерасад, бо наздик шудани ин санаи муборак мардумро бештару пештар эҳсоси шодиву нишот фаро мегирад. Онҳо кӯшиш менамоянд, то гирди арчаи солинавӣ, ки рамзи ҳамин ҷашнвора аст, ба ҳам омада, рақсанду шӯхиву бозӣ кунанд, яъне ҳамдигарро бо фаро расидани боз як соли дигар табрику таҳният гуфта, беҳтарин орзуҳои хешро таманно намоянд. Дар ин замина, бо мақсади андешидани чораҳои амалӣ ва пешгирӣ намудани ҳодисаҳои нохуши сӯхтор, пурзӯр намудани амнияти шаҳрвандон дар давраи таҷлили чорабиниҳои солинавӣ ҳафтаи сипаригардида кормандони Қисми 28-уми Хадамоти давлатии оташнишонии ноҳияи Ҷалолиддини Балхӣ вобаста ба иҷрои фармоиши ВКД Ҷумҳурии Тоҷикистон таҳти рақами 224 б/3 аз 16.04.2015 чорабиниҳои профилактикию оташнишонӣ аз рӯйи номгӯи рамзи «Арча» дар ташкилоту муассисаҳои таълимию табобатӣ, мактаб-интернат, хонаҳои маъюбон, пиронсолон, тандурустӣ, муассисаҳои фарҳангию фароғатӣ, боғу майдонҳо ва ҷамоатҳои шаҳраку деҳоти ноҳия ташкил ва гузарониданд. Қайд гардид, ки дар баробари шодиву нишот баъзан ҳодисаҳои нохуше рух медиҳанд, ки боиси мушкилоту сарсонии шаҳрвандон мегардад. Чунин ҳодисаҳои нохуши сӯхтор бештар аз риоя нагардидани қоидаҳои бехатарӣ ва муносибати нодуруст бо воситаҳои барқӣ, инчунин таҷҳизотҳои дигар рух медиҳанд. 

                                      МАРКАЗИ САЛОМАТӢ СОҲИБИ ТАҶҲИЗОТҲОИ ЗАМОНАВӢ ШУД!

            Ба Маркази саломатии деҳаи Саноати Ҷамоати деҳоти Золи Зари ноҳияи Ҷалолиддини Балхӣ таҷҳизотҳои тиббӣ, аз қабили кати муоинавӣ, тарозу барои калонсолон, тарозу барои вазни кӯдакон, яхдон барои нигоҳдории ваксина, кондитсионер, ҳоҷатхонаи тиббӣ, танометр, маҷмўи клизма, чопгар, ноутбук, печкаи барқӣ барои нест кардани партовҳои тиббӣ, автоклав ва ҳароратсанҷ дастрас карда шуд. Таҷҳизотҳои тиббии зикршуда аз ҷониби Бонки Осиёи – Рушд харидорӣ гардида, бо иштироки муовини раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон генералмайор Исозода С.У., муовини раиси ноҳия Қурбонзода Қурбоналӣ ва намояндаи Бонки Осиёи-Рушд ба роҳбари Маркази саломатии деҳаи Саноат тақдим карда шуд. Таъмини таҷҳизотҳои тиббӣ барои мардуми деҳаи Саноат як дастовез дар арафаи Соли нави мелодӣ буда, ниёзи онҳоро ба беморхонаҳои ноҳиявӣ камтар менамояд.

БАР ЗИДДИ БЕМОРИИ ВНМО/БПНМ ДАСТАҶАМЪОНА МУБОРИЗА МЕБАРЕМ!

   Ҳамасола рӯзи 1 декабр, ҳамчун Рӯзи байналмилалии мубориза бар зидди ВНМО/БПНМ қайд карда мешавад. Дар ин рӯз аз тарафи кормандони Маркази пешгирии бемории ВНМО/БПНМ дар назди бозори марказии ноҳияи Ҷалолиддини Балхӣ аксия таҳти унвони «Бар зидди бемории ВНМО/БПМН дастаљамъона мубориза мебарем», баргузор гардид. Дар чорабинӣ кормандони Маркази пешгирии бемории ВНМО/БПНМ, Маркази ташаккули тарзи ҳаёти солим ва бахши кор бо ҷавонон ва варзиши ноҳия иштирок доштанд. Аз тарафи мутахассисони соҳа оид ба ин беморӣ бо тариқи ройгон 98 нафарро аз ташхис гузарониданд. Корманди маркази зикршуда Ҳусниддин Ризоев дар чорабинӣ маъруза намуда, ҳамзамон ба иштирокчиён 800 адад варақаҳои иттилоотӣ ва айёниятҳо оид ба мубориза бо ин беморӣ тақсим намуд.  

                               ҶАЛАСАИ КОРМАНДОНИ СОҲАИ ТАНДУРУСТИИ НОҲИЯИ ҶАЛОЛИДДИНИ БАЛХӢ 

     Имрӯз санаи 25 октябри соли 2023 дар толори маҷлисгоҳи шуъбаи маорифи ноҳияи Ҷалолиддини Балхӣ ҷаласаи кормандони соҳаи тандурустӣ баргузор гардид. Дар ҷаласа муовини раиси ноҳия оид ба соҳаи иҷтимоӣ Сангализода Қумриниссо, сартабиби беморхонаи марказии ноҳия Қурбонов Ниёзмаҳмад, роҳбари шабакаи муассисаҳои Кумаки аввалияи тиббию санитарӣ Холов Азизулло, мудирони шуъбаҳо, сардухтурони беморхонаҳои деҳотӣ, директорони марказҳои саломатии деҳотӣ ва директорони марказҳои махсусгардонидашудаи ноҳия иштирок доштанд.

   Дар кори ҷаласа сартабиби беморхонаи марказии ноҳия Қурбонов Ниёзмаҳмад, роҳбари шабакаи муассисаҳои Кумаки аввалияи тиббию санитарӣ Холов Азизулло оид ба барномаҳои соҳавӣ, баҳри беҳтар намудани сифати хизматрасонӣ дар соҳаи тандурустӣ, пешгирии бемориҳои сироятӣ хусусан дар байни кӯдакону наврасон, нигоҳ доштани ҳолати санитарӣ, саривақт расонидани ёрии тиббӣ ба аҳолӣ, оид ба бемории фарбеҳӣ ва пешгирии он, ободонии назди муассисаҳои тандурустӣ ва омодагӣ ба зимистонгузаронӣ суханронӣ намуданд. Муовини раиси ноҳия Сангализода Қумриниссо оид ба фаъолияти соҳаи тандурустӣ, шуъбаҳо, беморхонаҳои деҳотӣ, марказҳои саломатии деҳотӣ, марказҳои махсусгардонидашуда баромад намуда, аз роҳбарони барномаҳои миллӣ оид ба соҳаи тандурустӣ пурсиш ба миён оварда, баҳри боз ҳам беҳтар намудани сифати хизматрасонии тиббӣ ба мардум супоришҳои мушаххас дод.

                                 18 АВГУСТ - РӮЗИ КОРМАНДОНИ СОҲАИ ТИБ

         Рӯзи кормандони соҳаи тиб ҳамасола дар Ҷумҳурии Тоҷикистон 18 август таҷлил карда мешавад. Дар ин робита имрӯз 18 августи соли 2023 дар толори Мақомоти иҷроияи ҳокимияти давлатии ноҳияи Ҷалолиддини Балхӣ бо иштироки муовини раиси ноҳия оид ба соҳаи иҷтимоӣ Сангализода Қумриниссо, роҳбари шабакаи муассисаҳои Кумаки аввалияи тиббию санитарӣ Холов Азизулло, сартабиби беморхонаи марказӣ Қурбонов Ниёзмаҳмад ва кормандони соҳаи тандурустӣ Рӯзи кормандони соҳаи тиб таҷлил карда шуд. Нахуст муовини раиси ноҳия Сангализода Қумриниссо тамоми кормандони соҳаи тандурустии ноҳияро ба ин муносибат табрик намуда, иброз дошт, ки табиб аз лиҳози тафаккур бояд дили пок, андешаи солим ва дасти сабуки равонбахш дошта бошад. Дар замони муосир нақши соҳаи тандурустӣ ҳамчун соҳаи иҷтимоӣ муҳим арзёбӣ гардида, сатҳи солимӣ ва маънавии ҳар миллат аз он шаҳодат медиҳад. Зеро заминаи асосӣ ва боэътимоди рушди ҳар давлату ҷомеа пеш аз ҳама ба солимии аҳолӣ вобаста мебошад. Имрӯзҳо кишварҳои пешрафтаи олам байни худ танҳо дар ин арса равобити густурда доранд. Дар ин самт ҳадафи асосии сиёсати давлатро фароҳам овардани шароит барои рушду инкишофи соҳаи тиб ва ҷалби бештари сармоя ба ин соҳа ташкил медиҳад. 

18 АВГУСТ - РӮЗИ КОРМАНДОНИ СОҲАИ ТИБ

          Рӯзи кормандони соҳаи тиб ҳамасола дар Ҷумҳурии Тоҷикистон 18 август таҷлил карда мешавад. Дар ин робита имрӯз 18 августи соли 2023 дар толори Мақомоти иҷроияи ҳокимияти давлатии ноҳияи Ҷалолиддини Балхӣ бо иштироки муовини раиси ноҳия оид ба соҳаи иҷтимоӣ Сангализода Қумриниссо, роҳбари шабакаи муассисаҳои Кумаки аввалияи тиббию санитарӣ Холов Азизулло, сартабиби беморхонаи марказӣ Қурбонов Ниёзмаҳмад ва кормандони соҳаи тандурустӣ Рӯзи кормандони соҳаи тиб таҷлил карда шуд. Нахуст муовини раиси ноҳия Сангализода Қумриниссо тамоми кормандони соҳаи тандурустии ноҳияро ба ин муносибат табрик намуда, иброз дошт, ки табиб аз лиҳози тафаккур бояд дили пок, андешаи солим ва дасти сабуки равонбахш дошта бошад. Дар замони муосир нақши соҳаи тандурустӣ ҳамчун соҳаи иҷтимоӣ муҳим арзёбӣ гардида, сатҳи солимӣ ва маънавии ҳар миллат аз он шаҳодат медиҳад. Зеро заминаи асосӣ ва боэътимоди рушди ҳар давлату ҷомеа пеш аз ҳама ба солимии аҳолӣ вобаста мебошад. Имрӯзҳо кишварҳои пешрафтаи олам байни худ танҳо дар ин арса равобити густурда доранд. Дар ин самт ҳадафи асосии сиёсати давлатро фароҳам овардани шароит барои рушду инкишофи соҳаи тиб ва ҷалби бештари сармоя ба ин соҳа ташкил медиҳад. -Бо дастгириҳои бевоситаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба хотири қадршиносӣ аз хизматҳои шоёни табибон соли 1995 санаи 18 август ҳамчун Рӯзи кормандони соҳаи тиби Ҷумҳурии Тоҷикистон ба феҳристи идҳои давлатӣ ворид гардид. Басо рамзист, ки 18 август устоди табибони ҷаҳон, фарзонафарзанди миллати тоҷик ва бузургтарин симои олами илму дониши башарӣ Абуалӣ ибни Сино ба дунё омадааст. Дар давоми солҳои соҳибистиқлолӣ соҳаи тандурустӣ дар ватани азизамон ба маротиб рушд намуд, - зикр дошт Сангализода Қумриниссо. 

 ҶАМЪБАСТИ ФАЪОЛИЯТИ СОҲАИ ТАНДУРУСТИИ НОҲИЯ ДАР   ШАШ МОҲИ СОЛИ 2023

   Санаи 18 июли соли 2023 дар толори Мақомоти иҷроияи ҳокимияти давлатии ноҳияи Ҷалолиддини Балхӣ таҳти раёсати муовини раиси ноҳия оид ба соҳаи иҷтимоӣ Сангализода Қумриниссо бо иштироки мудирону директорони тамоми беморхонаҳо оиди ҷамъбасти фаъолияти сохтори госпиталии ноҳия дар шаш моҳи соли 2023 баргузор гардид. Қайд гардид, ки муассисаҳои сохтори госпиталии ноҳия дар асоси Оинномаҳои муассисаҳои тиббӣ, ки аз тарафи Мақомоти иҷроияи ҳокимияти давлатии ноҳияи Ҷалолиддини Балхӣ, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон тасдиқ гардидааст, фаъолият намуда истодаанд. Иҷрои харҷномаи буҷети беморхонаи марказии ноҳия дар шаш моҳи соли 2023 мувофиқи нақша 3 миллиону 19 ҳазор сомонӣ мебошад, ки ин 92,0 % иҷрои нақшаро ташкил медиҳад. Беморхонаи марказӣ аз ҳисоби маблағҳои қарори №600 ва муоинаи тиббӣ ба 292 нафар ба маблағи 91 њазору 993 сомонӣ хизматрасонии тиббӣ ройгон расонидааст. Гуфта шуд, ки бо 

 БОЗДИД АЗ МУАССИСАҲОИ ТАНДУРУСТИИ НОҲИЯ

     Беҳтар намудани сатҳ ва сифати хизматрасонии тиббӣ ба аҳолӣ дар маркази диққати роҳбарияти олии Ҳукумати Тоҷикистон қарор дошта, тайи солҳои соҳибистиқлолии давлатӣ дар ин самт корҳои муҳиму назаррас ба анҷом расонида шуда истодааст. Бо мақсади аз наздик шиносоӣ пайдо намудан бо рафти хизматрасонии тиббӣ ба аҳолӣ, таҳлил ва баррасии амиқи масъалаву мушкилоти ҷойдоштаи соҳа санаи 17 июли соли 2023 дар ноҳияи Ҷалолиддини Балхӣ муовини раиси ноҳия оид ба соҳаи иҷтимоӣ Сангализода Қумриниссо аз шуъбаҳои дилшиносӣ, шуъбаи амрози занонаи беморхонаи марказӣ, марказҳои саломатӣ, солимии репродуктивии шабакаи муассисаҳои кумаки аввалияи тиббию санитарии ноҳия, Маркази мубориза бо бемории ВНМО ва Маркази дандонпизишкии ноҳия дидан намуд. Аснои боздид аз муассисаҳои тандурустӣ Қумриниссо Сангализода ба масъалаҳои беҳтар намудани хизматрасонии тиббӣ ба аҳолӣ, саривақт расонидани ёрии аввалияи тиббӣ ба беморон, риояи қоидаҳои санитарию эпидемиологӣ, риояи одоби муошират бо беморон, иҷрои барномаҳои соҳавӣ, вусъат бахшидани корҳои ободониву созандагӣ ва дигар масъалаҳо таваҷҷуҳи хоса зоҳир намуд. Давоми солҳои охир соҳаи тандурустӣ дар ноҳияи Ҷалолиддини Балхӣ низ рушду пешрафт намуда, ба дастовардҳои назаррас ноил гардида истодааст.