ПЕШВОИ МИЛЛАТ БА НЕРӮИ СОЗАНДАИ ҶАВОНОН БОВАР ДОРАНД «Мо ҷавононро нерўи созандаву бунёдкор, пешбарандаи ҷомеаи навини кишварамон ва ояндаи халқамон эълон кардем ва дар ҳалли ҳамаи масъалаҳои ҳаёти ҷомеа ва давлат то имрӯз ба онҳо такя мекунем». Эмомалӣ Раҳмон Ҳанӯз 17 марти соли 1994 мулоқоти нахустини Пешвои муаззами миллат, муҳтарам Эмомалӣ Раҳмон ба ҳайси Роҳбари давлат ва раиси Шӯрои Олии Ҷумҳурии Тоҷикистон дар Анҷумани якуми Иттифоқи ҷавонони Тоҷикистон баргузор гардида, ин нишонаи онро дорад, ки Пешвои миллат ба нерӯи созандаи ҷавонон бовар доранд ва яке аз самтҳои афзалиятнок ва муҳимтарини сиёсати давлат меҳисобанд. 

   ҶАВОНОН - НЕРУИ ПЕШБАРАНДАИ ҶОМЕА Бо мақсади баланд бардоштани маърифати сиёсии наврасон ва ҷавонони синни 12-24 сола, тарбияи онҳо дар рӯҳияи Ватандӯстӣ, худшиносӣ, ҳуввияти миллӣ ва эҳтиром гузоштан ба мактабу маориф нақшаи муштараки Ҳизби Халқии Демократии Тоҷикистон ва Вазорати маориф ва илми Ҷумҳурии Тоҷикистон оид ба таҳкими низоми таълиму тарбия дар муассисаҳои таълимии ҳудуди вилояти Хатлон тасдиқ карда шудааст, ки дар муассисаҳи таълимии ноҳия вохӯриҳо бо хонандагони синфҳои болои гузаронида мешавад. 

        Баргузории мусобиқаи варзиши дар ноҳияи Ҷалолиддини Балхӣ

    Санаи 16 майи соли 2023 дар доираи моҳвораи чорабиниҳо бахшида ба Рӯзи ҷавонони Тоҷикистон дар Ҷамоати шаҳраки Гулистон мусобиқаи варзишӣ аз намуди варзиши сабук байни наврасону ҷавонон гузаронида шуд. Ғолибони мусобиқа бо диплом, медал ва тӯҳфаҳои хотиравӣ сарфароз гардонида шуданд.

                                МУСОБИҚАИ ВАРЗИШӢ ОИД БА ШАШКА БАРГУЗОР ГАРДИД

         Санаи 6 марти соли 2023 дар китобхонаи марказии ноҳияи Ҷалолиддини Балхӣ бо ташаббуси бахши кор бо ҷавонон ва варзиши ноҳия, дар ҳамкорӣ бо бахши кор бо занон ва оилаи мақомоти иҷроия бахшида ба "Рӯзи Модар" байни бонувони ташкилоту муассисаҳо мусобиқаи варзишӣ оид ба шашка баргузор гардид. Ғолибону иштирокчиёни мусобиқа бо диплом ва тӯҳфаҳои хотиравӣ сарфароз гардонида шуданд.                                                             

                                         ОЗМУНИ "ВАТАНПАРВАР" БАРГУЗОР ГАРДИД

         Санаи 20 феврали соли 2023 дар ноҳияи Ҷалолиддини Балхӣ озмуни ноҳиявии ҳарбӣ–варзишии «Ватанпарвар» бахшида ба 30-солагии таъсисёбии Рӯзи Қувваҳои Мусаллаҳи Ҷумҳурии Тоҷикистон байни хонандагони синфҳои 10 ва 11–и муассисаҳои таҳсилоти миёнаи умумӣ дар майдончаи варзишӣ бо ташаббуси кор бо ҷавонон ва варзиши ноҳия баргузор гардид. Мусобиқа аз рӯи намудҳои зерин гузаронида шуд: -давидан ба масофаи 100 метр, -овезон шудан, кашидани турник, -машқҳои сафороӣ -сангбардорӣ (гирбардорӣ) -беҳтарин газетаи деворӣ бахшида ба Рӯзи Артиши миллӣ. Пас аз анҷоми мусобиқа ғолибон аз рӯи намудҳои муайяншуда бо диплом ва туҳфаҳои хотиравӣ сарфароз гардонида шуданд. Мақсад ва вазифа - баланд бардоштани сифати ахлоқӣ, такмил додани корҳои ватандӯстӣ, варзиши байни хонандагони муассисаҳои таҳсилоти миёнаи умумӣ ва тайёр намудани онҳо барои аз худ намудани «Барномаи омодагии ҳарбӣ дар синфҳои болоӣ», тарбия намудани масъулиятнокӣ нисбат ба артиш, сифатҳои олии маънавӣ, ташаббускорӣ ва худ фаъолиятӣ, шуурнокӣ, бародарӣ, дӯстиву иттифоқӣ, ҷасорат, зиракӣ ва тобоварӣ мебошад.

                                                                  ҚАДРДОНӢ

 Санаи 6 уми феврали соли 2023 аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар меҳмонхонаи ҲАЯТ РЕҶЕНСИИ шаҳри Душанбе маросими ҷоизасупории соҳаи кор бо ҷавонон дар соли 2022 баргузор гардид. Дар ин рӯз мудири Бахши кор бо ҷавонон ва варзиши ноҳияи Ҷалолиддини Балхӣ Қурбонзода Хуршед бо Дипломи "БЕҲТАРИН КОРМАНДИ СОҲАИ КОР БО ҶАВОНОН ДАР СОЛИ 2022" сарфароз гардид. Муборак бошад!

 ГУЛДУХТАРОНИ «ПАНҶШЕР»

Дар муассисаи таҳсилоти миёнаи умумии №26-и ноҳияи Ҷалолиддини Балхӣ бо роҳбарии муаллими тарбияи ҷисмонӣ Содиқ Исматов дастаи футбол бо номи «Духтарони футболбоз» ташкил карданд. -Аллакай ин духтарони футболбоз дар мусобиқаҳои ҷумҳурӣ, Душанбе, вилояти Суғд, шаҳру ноҳияҳои Хуҷанд, Мастчоҳ, Турсунзода, Носири Хусрав, Қубодиён, Кӯлоб, Фархор ва Бохтар иштирок карда, ифтихорномаи даставӣ, 1 ҷом, 20 медали биринҷӣ, 20 медали нуқра ва 20 медали «Тилло» оварданд, -иброз намуд муаллими тарбияи ҷисмонӣ Содиқ Исматов. Гурӯҳи «Духтарони Футболбоз» дар чемпионати Ҷумҳурии Тоҷикистон оид ба футболи байни духтарони 13-сола (Ю-13) рақобат намуда, ҷои аввалро сазовор гардиданд. 

      Дар минтақаи марказии ноҳияи Ҷалолиддини Балхӣ маросими ҷоизасупории Чемпионати Тоҷикистон миёни духтарони 13 - сола (U-13) дар минтақаи Бохтари вилояти Хатлон баргузор гардид. 

   Дар толори мақомоти иҷроияи ҳокимияти давлатии ноҳияи Ҷалолиддини Балхӣ ҷаласаи  навбатии  Шӯрои  рушди  тарбияи ҷисмонӣ ва варзиши назди мақомоти иҷроияи ҳокимияти давлатии ноҳияи Ҷалолиддини Балхӣ баргузор гардид.