Материалы за Август 2023 года » МАҚОМОТИ ИҶРОИЯИ ҲОКИМИЯТИ ДАВЛАТИИ НОҲИЯИ ҶАЛОЛИДДИНИ БАЛХӢ

НОҲИЯИ ҶАЛОЛИДДИНИ БАЛХӢ » Материалы за Август 2023 года

Номгўи

мансабҳои холии маъмурии хизмати давлатӣ дар

мақомоти иҷроияи ҳокимияти давлатӣ ва Ҷамоатҳои шаҳраку деҳоти ноҳияи Ҷалолиддини Балхӣ

№	Номгўи мансабҳои холӣ	Музди меҳнати ҳисобӣ (сомонӣ)
1.	Мутахассиси пешбари бахши молия ва хоҷагии дастгоҳи раиси ноҳия	1059,20
2.	Мутахассиси пешбари раёсати кишоварзии мақомоти иҷроияи ҳокимияти давлатии ноҳия	1059,20
3.	Мутахассиси пешбари бахши иқтисод ва савдои мақомоти иҷроияи ҳокимияти давлатии ноҳия	1059,20
4.	Сармутахассиси шуъбаи маорифи мақомоти иҷроияи ҳокимияти давлатии ноҳия	1291,40
5.	Мутахассиси пешбари бахши меъморӣ ва шаҳрсозии мақомоти иҷроияи ҳокимияти давлатии ноҳия	1059,20
6.	Мутахассиси шуъбаи ташкилӣ ва кор бо кадрҳои дастгоҳи раиси ноҳия	868,20
7.	Мутахассиси раёсати кишоварзии мақомоти иҷроияи ҳокимияти давлатии ноҳия	868,20
8.	Сармутахассиси дин, танзими анъана ва љашну маросими Ҷамоати шаҳраки Балх	1291,40
9.	Сармутахассиси дин, танзими анъана ва ҷашну маросими Ҷамоати деҳоти Халевард	1291,40
10.	Сармутахассиси дин, танзими анъана ва ҷашну маросими Ҷамоати деҳоти Маданият	1291,40
11.	Сармутахассис–муҳандиси заминсози Ҷамоати шаҳраки Гулистон	1291,40
12.	Сармутахассис–муҳандиси заминсози Ҷамоати деҳоти Навоӣ	1291,40
13.	Сармутахассис–муҳандиси заминсози Ҷамоати деҳоти Золи Зар	1291,40
14.	Сармутахассис–муҳандиси заминсози Ҷамоати деҳоти Навобод	1291,40
15.	Сармутахассис–муњандиси заминсози Ҷамоати деҳоти Халевард	1291,40
16.	Сармутахассис–сармуҳосиби Ҷамоати деҳоти Халевард	1291,40
17.	Сармутахассис оид ба корҳои омори Ҷамоати деҳоти Золи Зар	1291,40
18.	Сармутахассис оид ба корҳои омори Ҷамоати деҳоти Навобод	1291,40
19.	Мутахассиси пешбар оид ба масъалаҳои рушди иҷтимоӣ ва робита бо ҷомеаи Ҷамоати деҳоти Навоӣ	1059,20
20.	Мутахассиси пешбар оид ба масъалаҳои рушди иҷтимоӣ ва робита бо ҷомеаи Ҷамоати деҳоти Золи Зар	1059,20
21.	Мутахассиси пешбар оид ба масъалаҳои рушди иҷтимоӣ ва робита бо ҷомеаи Ҷамоати шаҳраки Гулистон	1059,20
22.	Мутахассиси пешбар нозири мизи ҳарбии бақайдгирии Ҷамоати деҳоти Халевард	1059,20
23.	Мутахассиси пешбар - нозири мизи ҳарбии бақайдгирии Ҷамоати деҳоти Навобод	1059,20
24.	Мутахассиси пешбар оид ба соњаи кишоварзии Ҷамоати деҳоти Золи Зар	1059,20
25.	Мутахассиси пешбар оид ба соҳаи кишоварзии Ҷамоати деҳоти Халевард	1059,20
26.	Мутахассиси пешбар оид ба соҳаи кишоварзии Ҷамоати деҳоти Навобод	1059,20
27.	Мутахассиси пешбар оид ба соҳаи кишоварзии Ҷамоати деҳоти Маданият	1059,20
28.	Мутахассиси пешбар оид ба соҳаи кишоварзии Ҷамоати шаҳраки Балх	1059,20
29.	Мутахассис оид ба масъалаҳои хазинадорӣ ва андози Ҷамоати деҳоти Халевард	868,20
30.	Мутахассис оид ба масъалаҳои хазинадорӣ ва андози Ҷамоати шаҳраки Балх	868,20

31. Мутахассиси пешбари бахши ифзи иҷтимоии аҳолиии Мақомоти иҷроияи ҳокимияти

давлатии ноҳия 1059,20

32 Мутахассиси пешбари бахши дин, танзими анъана ва ҷашну мароими мақомоти иҷроияи ҳокимияти давлатии ноҳия 1059,20

Муфассал...

18 АВГУСТ - РӮЗИ КОРМАНДОНИ СОҲАИ ТИБ

Рӯзи кормандони соҳаи тиб ҳамасола дар Ҷумҳурии Тоҷикистон 18 август таҷлил карда мешавад. Дар ин робита имрӯз 18 августи соли 2023 дар толори Мақомоти иҷроияи ҳокимияти давлатии ноҳияи Ҷалолиддини Балхӣ бо иштироки муовини раиси ноҳия оид ба соҳаи иҷтимоӣ Сангализода Қумриниссо, роҳбари шабакаи муассисаҳои Кумаки аввалияи тиббию санитарӣ Холов Азизулло, сартабиби беморхонаи марказӣ Қурбонов Ниёзмаҳмад ва кормандони соҳаи тандурустӣ Рӯзи кормандони соҳаи тиб таҷлил карда шуд. Нахуст муовини раиси ноҳия Сангализода Қумриниссо тамоми кормандони соҳаи тандурустии ноҳияро ба ин муносибат табрик намуда, иброз дошт, ки табиб аз лиҳози тафаккур бояд дили пок, андешаи солим ва дасти сабуки равонбахш дошта бошад. Дар замони муосир нақши соҳаи тандурустӣ ҳамчун соҳаи иҷтимоӣ муҳим арзёбӣ гардида, сатҳи солимӣ ва маънавии ҳар миллат аз он шаҳодат медиҳад. Зеро заминаи асосӣ ва боэътимоди рушди ҳар давлату ҷомеа пеш аз ҳама ба солимии аҳолӣ вобаста мебошад. Имрӯзҳо кишварҳои пешрафтаи олам байни худ танҳо дар ин арса равобити густурда доранд. Дар ин самт ҳадафи асосии сиёсати давлатро фароҳам овардани шароит барои рушду инкишофи соҳаи тиб ва ҷалби бештари сармоя ба ин соҳа ташкил медиҳад. -Бо дастгириҳои бевоситаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба хотири қадршиносӣ аз хизматҳои шоёни табибон соли 1995 санаи 18 август ҳамчун Рӯзи кормандони соҳаи тиби Ҷумҳурии Тоҷикистон ба феҳристи идҳои давлатӣ ворид гардид. Басо рамзист, ки 18 август устоди табибони ҷаҳон, фарзонафарзанди миллати тоҷик ва бузургтарин симои олами илму дониши башарӣ Абуалӣ ибни Сино ба дунё омадааст. Дар давоми солҳои соҳибистиқлолӣ соҳаи тандурустӣ дар ватани азизамон ба маротиб рушд намуд, - зикр дошт Сангализода Қумриниссо.

Муфассал...

БОЗДИДИ МУОВИНИ САРВАЗИР АЗ МУАССИСАҲОИ ТАЪЛИМИИ НОҲИЯИ ҶАЛОЛИДДИНИ БАЛХӢ

Бо мақсади шиносоӣ аз вазъи омодагии муассисаҳои таълимӣ ба соли нави таҳсил, хусусан, таъмини муассисаҳо бо кадрҳои омӯзгорӣ, китобҳои дарсию бадеӣ, ҷойи нишаст, технологияи муосиру озмоишгоҳҳои таълимӣ, таъмири ҷорию капиталии муассисаҳои таълимӣ, ороиши синфхонаҳо, санаи 17 августи соли 2023 муовини сарвазири Ҷумҳурии Тоҷикистон Сатториён Матлубахон Амонзода, муовини вазири маориф ва илми Ҷумҳурии Тоҷикистон Абдухолиқзода Лутфия, муовини раиси вилояти Хатлон Фирӯза Шарифӣ ва сардори раёсати маорифи вилояти Хатлон Сафарзода Ғазалшо аз муассисаи таълимии №23, муассисаи таҳсилоти томактабии №3 ва мактаб-интернати ҷумҳуриявии кӯдакони ятими ноҳия дидан намуданд. Дар муассисаҳои таълимии ноҳия меҳмонон суҳбати озоду самимӣ анҷом дода, ҳамзамон доир ба иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти омоданамоии мутахассисони босаводу донишманд ва истифодаи усулҳои нави таълим, ҷиҳати баланд бардоштани сифати таҳсилот ёдовар шуда, зикр доштанд, ки аз ҷониби Вазорати маориф ва илми Ҷумҳурии Тоҷикистон, ҷиҳати баланд бардоштани мақоми омӯзгор дар ҷомеа, татбиқи барномаҳои давлатӣ, баланд бардоштани сифати таҳсилот ва чанде дигар як қатор тадбирҳои судманд роҳандозӣ гардида истодааст.

Муфассал...

БОЗДИД АЗ МУАССИСАҲОИ ТОМАКТАБӢ

Муовини раиси ноҳияи Ҷалолиддини Балхӣ оид ба соҳаи иҷтимоӣ Сангализода Қумриниссо санаи 1 августи соли 2023 аз вазъи нигоҳубинии гигиенаи шахсии кӯдакон ва раванди таълиму тарбияи онҳо аз муассисаҳои томактабӣ №№1 ва 2-и ноҳия дидан намуд. Сангализода Қумриниссо риояи гигиенаи шахсии кӯдаконро яке аз шартҳои ҳаёти оддӣ ва солимӣ арзёбӣ намуда, зимни вохӯрӣ бо мураббиёни муассисаҳои зикршуда афзуд, ки гигиенаи кӯдакон ва наврасон як маҷмӯи қоидаҳои гигиенӣ, ки ба нигоҳубин ва таҳкими саломатӣ нигаронида шудаанд, мебошанд. Асосҳои гигиенаи кӯдак ба наврасон меъёрҳои барои нигоҳдории дурусти ҷисм, истифодаи дурусти маҳсулоти хӯрока, либос ва пойафзолро дар бар мегиранд. Чун ҷузъи муҳими консепсияи гигиенӣ, меҳнат, истироҳат, режими рӯзона ва ғизо ҳал карда мешавад. -Таълиму тарбияи томактабӣ раванди мақсадноке, ки қобилият, шавқу рағбат, хусусиятҳои ҷисмонӣ, равонӣ, зеҳнӣ ва фарҳангии кӯдакони синни томактабиро инкишоф дода, ба оила, падару модар (шахсони онҳоро ивазкунанда) дар таълиму тарбияи кӯдакон, инчунин омода намудани онҳо ба таҳсил дар муассисаҳои таълимии таҳсилоти умумӣ мусоидат мекунад, -иброз намуд Сангализода Қумриниссо.