МУЖДА АЗ БАҲОРУ НАВРӮЗ

   Имрӯз, 1 марти соли 2025, бахшида ба оғози фасли баҳор ва омад-омади  Наврӯзи  байналмилалӣ,  аз тарафи  бахши  фарҳанг  ва мактаби санъати бачагонаи ноҳияи Ҷалолиддини    Балхӣ  чорабинии  фарҳангӣ бо иштироки ҳунармандони маҳаллӣ   баргузор   карда  шуд. Дар ин чорабинӣ корвони ҳунармандон бо иҷрои савту навоҳои дилошуб ва намоишҳои гуногун, ки ба рамзи Наврӯз, эҳтироми табиат ва  фарҳанги миллӣ пайванд дошт, сокинони шаҳраки Балхро шод намуданд. Ҳунармандони ҷавон бо иҷрои сурудҳои наврӯзӣ, рақсу бозиҳои анъанавӣ, ки ба омадани баҳор ва Наврӯз марбут буданд, фазои шоду хурсандибахшро ба шаҳраки Балх оварданд. Чорабинии мазкур ҳамчун як рамзи ид ва эҳтиром ба фарҳанги мо, ки Наврӯз як қисми муҳими он аст, арзёбӣ гардид.