МУҚОВИМАТ БО ЭКСТРЕМИЗМ ВА ТЕРРОРИЗМ - ВАЗИФАИ ҲАР ЯК ШАҲРВАНДИ КИШВАР

         Дар Паёми навбатии худ Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бори дигар ба масъалаи мубориза бо экстремизм ва терроризм таваҷҷуҳи хос зоҳир намуда, хатарҳои ин падидаҳои номатлубро барои ҷомеа таъкид карданд. Дар ҳақиқат, терроризм ва экстремизм имрӯзҳо на танҳо ба амнияти миллии Тоҷикистон, балки ба суботи минтақа ва ҷаҳон таҳдид мекунанд.

Воқеан, терроризм ва экстремизм имрӯзҳо ба яке аз мушкилоти асосии ҷаҳонӣ табдил ёфта, ин падидаҳо на танҳо амнияти давлатҳоро зери хатар мегузоранд, балки ба ҳаёти осоиштаи мардум низ таъсири манфӣ мерасонанд. Албатта, барои пешгирӣ ва мубориза бо онҳо, ҳамкорӣ ва ҳушёрии ҷомеа хеле муҳим арзёбӣ мегардад.

Пешгирии шомилшавии ҷавонон ба гурӯҳҳои тундрав ва ғояҳои ифротӣ бояд яке аз самтҳои афзалиятноки фаъолиятҳои тарбиявӣ, маърифатӣ ва иҷтимоӣ бошад. Барои ин, мо, аҳли калонсолон, бахусус пешбарандагони ҷомеа бояд ба ин паҳлуҳо таваҷҷуҳи ҳамаҷониба намоем. Аз ҷумла, тарбияи насли наврасро дар рӯҳияи ватандӯстӣ тақвият диҳем. Дар ин замона ҷавонон бояд дарк кунанд, ки амнияти давлат ва суботи ҷомеа аз худи онҳо вобастагии қавӣ дорад.

Бо баланд бардоштани маърифати ҳуқуқӣ ва динии онҳо ноогоҳӣ ва донишҳои камашон дар бораи арзишҳои дини мубини ислом ҳаёташонро осебпазир мекунад. Мо бояд ба ҷавонон фаҳмонем ва таҳлил намоем, ки терроризм ҳеҷ рабте ба ислом надорад.

Инчунин густариши корҳои фаҳмондадиҳӣ дар байни аҳолӣ бо истифодаи ВАО, шабакаҳои иҷтимоӣ ва вохӯриҳои шахсӣ барои пешгирии таъсири идеологияҳои ифротӣ низ муҳим мебошад. Дар баробари ин тақвияти ҳамкории ҷомеа бо мақомоти ҳифзи ҳуқуқ яке аз пешравиҳо дар пешгирии шомилшавии ҷавонон ба гурӯҳҳои ифротӣ аст. Агар ҳар як шаҳрванди кишвар барои пешгирии паҳншавии ғояҳои ифротӣ масъулият эҳсос кунад, мо метавонем амнияти давлатамонро ба пуррагӣ таъмин намоем.

Ба андешаи банда ҳамчун саҳмгузори Ҳукумати конститутсионии кишвар барои мубориза бо ин падидаҳои хатарнок чораҳои зерин муҳиманд: Якум, маърифати дурусти ҷомеа ин баланд бардоштани саводи динӣ ва ҳуқуқии мардум. Дуюм, мубориза бо ташвиқоти ифротӣ – назорати шабакаҳои иҷтимоӣ ва маҳдуд кардани паҳншавии афкорҳои радикалӣ.