Календар
«    Декабрь 2020    »
ПнВтСрЧтПтСбВс
 123456
78910111213
14151617181920
21222324252627
28293031 
?????? ??? 7??? ??? ?? ?? .
http://balkhi.tj/
ҲИФЗИ ҲУҚУҚУ МАНФИАТҲОИ ШАҲРВАНДОН ВАЗИФАИ МОСТ
26-10-2020, 13:33 | Автор: admin-balkhi | Категория: Асосӣ

ҲИФЗИ ҲУҚУҚУ МАНФИАТҲОИ

ШАҲРВАНДОН ВАЗИФАИ МОСТ

       Бо шарофати соҳибистиқлолии Ҷумҳурии Тоҷикистонва сиёсати оқилонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  имрӯз барои кормандони тамоми соҳаҳои хоҷагии халқи мамлакат, аз ҷумла барои кормандони идораҳои нотариалии давлатӣ  низ шароитҳои мусоиди  корӣфароҳам оварда шудааст.  

      Албатта, бо рушду тараққӣ ёфтани  ҷомеа  вапешрафти иқтисоди кишвар зарурат ба амалиётҳои нотариалӣ низ зиёд мешавад. Аз ин хотир, бояд дар идораҳои нотариалӣшароити хуби корӣ муҳайё бошад. Хушбахтона, идораи нотариалии ноҳияи Ҷалолиддини Балхӣ  бо компютер  ва дигар таҷҳизоти зарурӣ таъмин мебошад, ки ин баҳри дар сатҳи баланд ба анҷом расонидани хизматрасонӣ ба сокинон мусоидат карда истодааст. 

      Бояд қайд намоям, ки  яке аз вазифаҳои асосии кормандони идораҳои нотариалӣ ин муҳофизати моликият, ҳуқуқу манфиатҳои қонунии шахсони воқеӣ ва ҳуқуқӣ, ҳифзи ҳуқуқ ва манфиатҳои шаҳрвандон бо роҳи ба амал баровардани амалиёти нотариалӣ мебошад. Нотариуси давлатӣ қонунӣ ва ҳаққонӣ будани аҳдҳои басташудаи шаҳрвандонро тасдиқ менамояд. Нотариус ба шаҳрвандон маслиҳатҳои ҳуқуқӣ  дода, оқибатҳои ҳуқуқии аҳдҳои басташударо мефаҳмонад. 

      Мо-кормандони идораи нотариалии давлатии ноҳияи Ҷалолиддини Балхӣ фаъолияти худро дар асоси Конститутсияи Ҷумҳурии Тоҷикистон, Қонуни Ҷумҳурии Тоҷикистон «Дар бораи нотариати давлатӣ»  ва дигар қонунҳои амалкунандаи  Ҷумҳурии Тоҷикистон  ба роҳ монда, ҳамарӯза ба сокинони ноҳия  маслиҳатҳоиҳуқуқӣ  дода,  хизматрасонида истодаем.

      Ҳар сол дар Ҷумҳурии Тоҷикистон  якшанбеидуюми моҳи октябр ҳамчун рӯзи иди касбии кормандони мақомоти адлия  ва суд таҷлил карда мешавад, ки ин нишондиҳандаи таваҷҷуҳ ва қадрдонӣ   нисбат ба ин  соҳаи муҳим мебошад. Бинобар ин,  мо тамомисаъю кӯшиш  ва донишу малакаи худро баҳри сазовор будан  ба боварии Роҳбарияти олии мамлакат   сарф намуда,  барои  ҳифзи ҳуқуқҳои қонунии шаҳрвандон ва баланд бардоштани савияи дониши ҳуқуқии онҳо хизмат менамоем.


Комил САИДОВ,

нотариуси калони идораи нотариалии давлатӣ дар ноҳия

скачать dle 12.1
Просмотров: 22  |  Комментариев: (0)  |  Нашли ошибку?
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.