ВОХӮРИИ СУДБАХШ БАРГУЗОР ГАРДИД

   Санаи 4 июли соли 2024 дар толори калони мақомоти иҷроияи ҳокимияти давлатии ноҳияи Ҷалолиддини Балхӣ бо иштироки муовини раиси ноҳия оид ба соҳаи идеологӣ Қурбонзода Қурбоналӣ, муовини раиси ноҳия оид ба соҳаи саноату сохтмон Эшбуризода Баҳриддин, роҳбари дастгоҳи раиси ноҳия Бобохонзода Рустам, роҳбарони ташкилоту муассисаҳо, ҷамоатҳои шаҳраку деҳот ва имомхатибон вохӯрии судбахш баргузор гардид. Дар оғоз роҳбари дастгоҳи раиси ноҳия Бобохонзода Рустам оид ба эълон гардидани соли 2024 «Соли маърифати ҳуқуқӣ» дар Ҷумҳурии Тоҷикистон суханронӣ намуда, қайд намуд, ки 28 декабри соли 2023 Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар Паёми хеш ба Маҷлиси Олӣ соли 2024-ро “Соли маърифати ҳуқуқӣ” эълон намуданд. Соли маърифати ҳуқуқӣ эълон гардидани соли 2024, ки ба 30-юмин солгарди Конститутсияи Ҷумҳурии Тоҷикистон рост меояд, ин аз он шаҳодат медиҳад, ки Тоҷикистон кишвари ҳуқуқбунёд буда, ҳадафи аслии давлат ва Ҳукумати кишвар таъмини ҳаматарафаи ҳуқуқи шаҳрвандон ва бунёди ҷомеаи қонунсолор мебошад. 

                                                                        ИТТИЛОИЯ

    оид ба баргузории иҷлосияи бисту сеюми Маҷлиси вакилони халқи ноҳияи Ҷалолиддини Балхӣ, даъвати шашум. Имрӯз, 25 июн дар маҷлисгоҳи мақомоти иҷроияи ҳокимияти давлатии ноҳияи Ҷалолиддини Балхӣ бо иштироки намояндаи мақомоти иҷроияи ҳокимияти давлатии вилояти Хатлон, муовинон, роҳбари дастгоҳи раиси ноҳия, роҳбарони сохторҳои мақомоти иҷроияи ҳокимияти давлатии ноҳия, роҳбарони мақомоти ҳифзи ҳуқуқи ноҳия, ташкилоту муассисаҳо ва раисони ҷамоатҳои шаҳраку деҳот иҷлосияи бисту сеюми Маҷлиси вакилони халқи ноҳияи Ҷалолиддини Балхӣ, даъвати шашум аз рӯи масъалаҳои зерин баргузор гардид; -Рафти иҷрои қарори раиси ноҳияи Ҷалолиддини Балхӣ аз 14 апрели соли 2023, №122 “Дар бораи қарори раиси вилояти Хатлон аз 27 январи соли 2023, №24 “Дар бораи қарори Ҳукумати Ҷумҳурии Тоҷикистон аз 29 ноябри соли 2022, №579 “Дар бораи Барномаи рушди чарогоҳҳо дар Ҷумҳурии Тоҷикистон барои солҳои 2023-2027”. - Ҳисоботи вакили Маҷлиси вакилони халқи ноҳия аз ҳавзаи интихоботии №10 Ҷамоати деҳоти Ҳалевард Воҳидова Фирӯза Абдухолиқовна дар давоми соли 2023 ва шаш моҳи соли 2024. - Масъалаҳои ҷорӣ. Масъалаҳои болозикр аз тарафи вакилони халқ баррасӣ гардида, қарорҳои дахлдор қабул карда шуд.

                                                                             СУРАТГУЗОРИШ

    Санаи 28 майи соли 2024 дар Рӯзи таҷлили 30-юмин солгарди таъсисёбии Қӯшунҳои сарҳадии Кумитаи давлатии амнияти миллии Ҷумҳурии Тоҷикистон аз тарафи Ҷамоати деҳоти Золи Зари ноҳияи Ҷалолиддини Балхӣ ба Дидбонгоҳи сарҳадии Қисми ҳарбии КДАМ Ҷумҳурии Тоҷикистон воқеъ дар "Дашти Хуршед"-и ноҳияи Панҷ маводҳои хӯрока ва дигар ашёи рӯзгор кумак расонида, ба сарбозони дидбонгоҳи мазкур дастархони идона ороста шуд.

 МУҚОВИМАТ БО ФАСОД Ё ХУД КОРРУПСИЯ - АМАЛИ ДАСТАҶАМЪОНА

    Рӯзи 20 майи соли равон дар толори хурди мақомоти иҷроияи ҳокимияти давлатии ноҳияи Ҷалолиддини Балхӣ бо иштироки муовини раиси ноҳия оид ба соҳаи идеологӣ Қурбонзода Қурбоналӣ, раисони ҷамоатҳои шаҳраку деҳот, роҳбарони ташкилоту муассисаҳо, сармутахассисони бахши дин, танзими анъана ва ҷашну маросим ва мизҳои ҳарбии ҷамоатҳои шаҳраку деҳоти ноҳия ҷаласаи ғайринавбатӣ оид ба коррупсия ва дигар амалҳои дорои хусусияти коррупсионидошта баргузор гардид. Муовини раиси ноҳия Қурбонзода Қурбоналӣ зимни маърузаи худ зикр намуд, ки коррупсия барои рушди иқтисодиёт ва некуаҳволии мардум, амалишавии ҳуқуқу озодиҳои инсон ва шаҳрванд, субботу оромии ҳар як кишвар монеа эҷод намуда, хавфи аз ҳама калон нобоварии мардумро нисбат ба мақомоти давлатӣ ба бор меорад.

• МАҚОМОТИ ИҶРОИЯИ ҲОКИМИЯТИ ДАВЛАТИИ НОҲИЯИ ҶАЛОЛИДДИНИ БАЛХӢ БАРОИ ИШҒОЛИ МАНСАБҲОИ ХОЛИИ ЗЕРИН
•  
•  
• 1.     Муовини сардори раёсати кишоварзии маќомоти иҷроияи ҳокимияти
• давлатии ноҳия – 1 ҷой;
• Талаботи тахассусӣ барои довталабон:
•  -тањсилоти олӣ (ба таҳсилоти олии кишоварзӣ бартарӣ дода мешавад);
• -2 сол собиқаи хизмати давлатӣ дар мансабҳои категорияи сеюм ё 5 сол собиқаи умумии хизмати давлатӣ ё 6 сол собиќаи умумии меҳнатӣ;
•  -донистани таърих, фарҳанг, муқаддасоти миллӣ, забони давлатӣ, санадҳои меъёрии ҳуқуқӣ, ки иҷрои уҳдадории мансабии мутахассисро ба танзим медароранд.
• Маоши мансабӣ 2006,65 сомонӣ (тибқи ҷадвали ягонаи тарифӣ)
•  
• 2.     Сармутахассис - ҳуқуқшиноси дастгоҳи раиси ноҳия – 1 ҷой;
•  
• Талаботи тахассусӣ барои довталабон:
•  -таҳсилоти олӣ (ба таҳсилоти олии ҳуқуқшиносӣ бартарӣ дода мешавад);
• - 2 сол собиқаи хизмати давлатӣ ё 3 сол собиқаи умумии меҳнатӣаз рўи ихтисос;
•  -донистани таърих, фарњанг, муқаддасоти миллӣ, забони давлатӣ, санадҳои меъёрии ҳуқуқӣ, ки иҷрои уҳдадории мансабии мутахассисро ба танзим медароранд.
• Маоши мансабӣ 1059,20 сомонӣ (тибқи ҷадвали ягонаи тарифӣ)
•  
• 3.     Сармутахассиси шуъбаи маорифи мақомоти иҷроияи ҳокимияти
• давлатии ноҳия – 1 ҷой;
•      Талаботи тахассусӣ барои довталабон:
•  -таҳсилоти олӣ(ба таҳсилоти олии омўзгорӣ бартарӣ дода мешавад);
• - 2 сол собиқаи хизмати давлатӣ ё 3 сол собиқаи умумии меҳнатӣ аз рўи ихтисос;
•  -донистани таърих, фарҳанг, муқаддасоти миллӣ, забони давлатӣ, санадҳои меъёрии ҳуқуқӣ, ки иљрои уњдадории мансабии мутахассисро ба танзим медароранд.
• Маоши мансабӣ1059,20 сомонӣ(тибқи ҷадвали ягонаи тарифӣ)
•  
• 4.     Сармутахассис – сариқтисодчии раёсати кишоварзии мақомоти
• иҷроияи ҳокимияти давлатии ноҳия;

ДАР ПРОКУРАТУРАИ НОҲИЯИ ҶАЛОЛИДДИНИ БАЛХӢ ҶАЛАСАИ ШӮРОИ ҲАМОҲАНГСОЗИИ МАҚОМОТИ ҲИФЗИ ҲУҚУҚИ НОҲИЯ ДОИР ГАРДИД

    Санаи 26 апрели соли 2024 дар толори маҷлисгоҳи прокуратураи ноҳияи Ҷалолиддини Балхӣ таҳти Раёсати прокурори ноҳия, мушовири адлияи дараҷаи 2 Собирзода И.М ҷаласаи васеъи Шӯрои ҳамоҳангсозии мақомоти ҳифзи ҳуқуқи ноҳия доир гардид. Дар ҷаласа аъзоёни Шўро – роҳбарони мақомотҳои ҳифзи ҳуқуқ, муовини раиси ноҳия, масъулини Раёсати минтақавии хадамоти давлатии назорат ва низом дар соҳаи нақлиёти минтақаи Бохтар, сардори муассисаи давлатии нигоҳдории роҳҳои автомобилгарди ноҳия, терминалҳои мусофиркашонӣ, ронандагони мусофиркаш ва дигар шахсони дар масъалаи баррасишаванда дахлдор ширкат варзиданд. Дар кори ҷаласа ҳолати иҷрои талаботи Қонуни Ҷумҳурии Тоҷикистон “Дар бораи ҳаракат дар роҳ” ва дигар санадҳои меъёрии ҳуқуқии соҳа дар ин замина ба сабабу шаротҳои содиршавии садамаҳои нақлиётӣ дар давоми соли 2023, бахусус садамаҳои марговар дар ҳудуди ноҳия ва чораҳои андешидашуда дар ин самт мавриди баррасӣ қарор дода шуд. 

СОЛИ 2024 - ҲАМЧУН «СОЛИ МАЪРИФАТИ ҲУҚУҚӢ»

          Бо мақсади иҷрои нақша-чорабиниҳои муштараки сохторҳои дахлдори вилояти Хатлон аз 20 марти соли ҷорӣ дар самти баланд бардоштани маърифати ҳуқуқии шаҳрвандон, таъмини волояти қонун ва дастрасӣ ба адолат, оид ба шарҳу тавзеҳи Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон санаи 5 апрели соли 2024 дар толори калони мақомоти иҷроияи ҳокимияти давлатии ноҳияи Ҷалолиддини Балхӣ вохӯрӣ баргузор гардид. Дар вохӯрӣ муовини раиси ноҳия оид ба соҳаи идеологӣ Қурбонзода Қурбоналӣ, намояндаи Суди вилояти Хатлон Мирзозода Неъмат, намояндаи прокуратураи вилояти Хатлон Самизода Суҳроб, намояндаи Раёсати Вазорати корҳои дохилии Ҷумҳурии Тоҷикистон дар вилояти Хатлон Обидзода Юсуф, намояндаи Раёсати Агентии назорати давлатии молиявӣ ва мубориза бо коррупсия дар вилояти Хатлон Қурбонзода Манучеҳр, намояндаи Раёсати адлия дар вилояти Хатлон Эшпулотов Бахтиёр ва намояндаи шуъбаи дин, танзим, анъана ва ҷашну маросими вилояти Хатлон Сафаров Умар иштирок намуданд. Баромадкунандагон доир ба эълон гардидани Соли маърифати ҳуқуқӣ ва шарҳу тавзеҳоти Паёми Пешвои муаззами миллат суханронӣ намуда, қайд карданд, ки фармони Президенти Ҷумҳурии Тоҷикистон “Дар бораи соли маърифати ҳуқуқӣ” эълон намудани соли 2024 аз 30 декабри соли 2023 №668 ба имзо расид. Мақсад аз ба тасвиб расидани фармони мазкур, баланд бардоштани сатҳи маърифати ҳуқуқии шаҳрвандон, тарғиби арзишҳои демократӣ, мустаҳкам намудани институти ҳуқуқи инсон, муносибати эҳтиромона бо он, баланд бардоштани мақоми қонун, тарбияи шаҳрвандон дар рӯҳияи эҳтиром нисбат ба он ва таъмин намудани волояти қонун, ташаккул додани низоми устувори рафтори ҳуқуқӣ, оштинопазирӣ нисбат ба ҳама гуна ҳуқуқвайронкунӣ ва ногузир будани масъулияти ҳуқуқӣ ва ташкил намудани механизми самараноки ҳамкории давлат ва ниҳодҳои ҷомеаи шаҳрвандӣ дар самти маърифати ҳуқуқии шаҳрвандон мебошад.

                                 1 АПРЕЛ - ОҒОЗИ ДАЪВАТИ БАҲОРӢ!

    Тавре маълум аст, ҳамасола дар саросари кишварамон -Тоҷикистони азиз шурӯъ аз 1 апрел мавсими даъвати баҳорӣ ба хизмати ҳарбӣ оғоз мегардад. Бо ин мақсад, дар рӯзи аввали мавсими даъвати баҳорӣ аз маркази ноҳияи Ҷалолиддини Балхӣ ҷавонони даъватшуда дар даст шиор ва Парчами миллӣ то назди Маҷмааи варзишии Исмоили Сомонӣ роҳпаймоӣ намуданд. Дар оғози ҳамоиш раиси ноҳия Холиқзода Рустам Ҳикматулло ба сохторҳои марбутаи давлатӣ, комиссияҳои даъватӣ, мақомоти ҳифзи ҳуқуқ ва волидоне, ки фарзандонашон довталабона хизмат кардан дар сафи Қувваҳои Мусаллаҳро ихтиёр намуданд, изҳори сипос намуд. Қайд гардид, ки бо талошҳои пайвастаи Асосгузори сулҳу ваҳдати миллӣ - Пешвои миллат, Сарфармондеҳи Олии Қувваҳои Мусаллаҳи Ҷумҳурии Тоҷикистон, муҳтарам Эмомалӣ Раҳмон барои фаъолияти рӯзмарраи хизматчиён дар қисмҳои ҳарбӣ шароити зарурии маишиву моддӣ муҳайё шуда, дар ҳамаи воҳидҳои низомӣ имрӯз афсарони касбии ботаҷриба ҷиҳати баланд бардоштани малакаи ҳарбиву ҷисмонии ҷавонон, тарбияи онҳо дар рӯҳияи ватандӯстӣ, садоқат ба марзу бум фаъолияти босамар менамоянд.

ИҶЛОСИЯИ БИСТУДУЮМИ МАҶЛИСИ ВАКИЛОНИ ХАЛҚИ НОҲИЯИ ҶАЛОЛИДДИНИ БАЛХӢ, ДАЪВАТИ ШАШУМ

    Санаи 28 марти соли 2024 дар толори Мақомоти иҷроияи ҳокимияти давлатии ноҳия иҷлосияи бистудуюми Маҷлиси вакилони халқи ноҳияи Ҷалолиддини Балхӣ, даъвати шашум таҳти раёсати раиси Маҷлиси вакили халқи ноҳия Холиқзода Рустам Ҳикматулло бо иштироки намояндаи мақомоти иҷроияи ҳокимияти давлатии вилояти Хатлон Қурбонзода Қурбон, муовинон, роҳбари дастгоҳи раиси ноҳия, роҳбарони сохторҳои мақомоти иҷроияи ҳокимияти давлатии ноҳия, мақомоти ҳифзи ҳуқуқ, ташкилоту муассисаҳо, раисони ҷамоатҳои шаҳраку деҳот, имомхатибон ва раисони кумитаи маҳалла баргузор гардид. Дар иҷлосия масъалаҳои зерин мавриди баррасӣ қарор дода шуданд: 1. Рафти иҷрои қарори раиси ноҳияи Ҷалолиддини Балхӣ аз 15 июли соли 2021, №877 "Дар бораи қарори раиси вилояти Хатлон аз 9 феврали соли 2021, №25" Оид ба қарори Ҳукумати Ҷумҳурии Тоҷикистон аз 28 октябри соли 2020, №570 "Дар бораи Барномаи рушди ҳунармандӣ дар Ҷумҳурии Тоҷикистон барои солҳои 2021-2025"; 2.Ахбороти прокурори ноҳияи Ҷалолиддини Балхӣ "Оид ба таъмини волоияти қонун, таҳкими қонуният, тартиботи ҳуқуқӣ, ҳимояи ҳуқуқу озодиҳои инсон ва шаҳрванд, мубориза бар зидди ҷинояткорӣ ва дигар қонунвайронкунио" дар давраи соли 2023; 3. Масъалаҳои ҷорӣ. Ҳамаи масъалаҳои ба рӯзномаи иҷлосияи бистудуюми Маҷлиси вакилони халқи ноҳияи Ҷалолиддини Балхӣ, даъвати шашум пешниҳодшуда пурра баррасӣ гардида, аз рӯйи онҳо қарорҳои дахлдор қабул карда шуданд.

ВОХӮРИИ ВАКИЛОНИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН ДОИР ГАРДИД

      Имрӯз, 28 март дар асоси қарори Шӯрои Маҷлиси намояндагон дар толори мақомоти иҷроияи ҳокимияти давлатии ноҳияи Ҷалолиддини Балхӣ вохӯрии вакилони Маҷлиси намояндагони Маҷлиси Олии Ҷумҳурии Тоҷикистон бо интихобкунандагон баргузор гардид. Дар вохӯрӣ раиси ноҳия Холиқзода Рустам Ҳикматулло, вакилони Маҷлиси намояндагони Маҷлиси Олии Ҷумҳурии Тоҷикистон Одиназода Ҳуснигул Раҷаб, Шарофзода Гавҳар, роҳбарони сохторҳои мақомоти иҷроияи ҳокимияти давлатии ноҳия, мақомоти ҳифзи ҳуқуқ, ташкилоту муассисаҳо, вакилони ноҳиявӣ, ҷамоатҳо, масъулини ҷамоатҳои шаҳраку деҳот, раисони кумитаҳои маҳалла, имомхатибони масҷидҳои ҷомеъ ва панҷвақтаи ноҳия иштирок намуданд. Вакилон қайд карданд, ки мақсади вохӯрӣ расонидани мазмуну муҳтавои дастуру супоришҳое, ки Асосгузори сулҳу ваҳдати миллӣ - Пешвои милат, Президенти Ҷумҳурии Тоҷикистон, муҳтарам Эмомалӣ Раҳмон дар баромади хеш 9 марти соли 2024 бо фаъолону намояндагони ҷомеа ва ходимони дин иброз гардида буд, мебошад. Дар раванди суҳбат бо фаъолони ноҳия намояндагони мардумӣ оид ба иҷрои саривақтии дастуру супоришҳои Роҳбари давлат муҳтарам Эмомалӣ Раҳмон, мушкилотҳои сиёсии сайёра, баланд бардоштани ҳисси ватандӯстии ҷавонон, ҳифзи марзу буми кишвар, пешгирии шомилшавии ҷавонон ба ҳизбу ҳаракатҳои ифротӣ сухан гуфтанд.