ҚАДРДОНӢ

    Санаи 7 феврали соли 2023 дар муассисаи таҳсилоти миёнаи умумии №1 бо супориши раиси ноҳияи Ҷалолиддини Балхӣ муҳтарам Холмурод Раҳмон аз тарафи мудири бахши кор бо занон ва оилаи Мақомоти иҷроияи ҳокимияти давлатии ноҳия Ҷаъфарзода Фарзона вохӯрӣ бо омӯзгорон ва волидон баргузор гардид. Аз ҷумла баргузории чорабинии тарғиботии «Фарзанди босавод-ифтихори модар» дар доираи иҷрои Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», вобаста ба ҷалби модарон ба мактаб ва иштироки онҳо дар соатҳои дарсӣ дар самти иҷрои дастуру супоришҳои Асосгузори сулҳу ваҳдати миллӣ - Пешвои миллат, муҳтарам Эмомалӣ Раҳмон суҳбат гузаронида шуд. Дар вохӯрӣ якчанд нафар омӯзгорони пуртаҷриба аз ҷумла омӯзгороне, ки аз фанни забони руссӣ дарс мегӯянд бо мукофотпулӣ қадрдонӣ карда шуданд. Ҳамчунин ингуна вохӯрӣ дар муассисаи таҳсилоти миёнаи умумии №10 низ баргузор гардид.

                                            ОЗМУНИ "СУРУДИ АЛЛА"

   Санаи 7 феврали соли 2023 тибқи нақша-чорабиинии тасдиқнамудаи Раёсати фарҳанги мақомоти иҷроияи ҳокимияти давлатии вилояти Хатлон да Чойхонаи «Шамсулло»-и ноҳияи Ҷалолиддини Балхӣ даври озмуни вилоятии «Суруди Алла» таҳти унвони «Алла ифшогари орзуҳои модар» бо иштироки ҷамоатҳои шаҳраку деҳоти ноҳия баргузор гардид. Дар ин чорабинӣ Ҷаъфарзода Фарзона- мудири бахши кор бо оила, Латифзода Насиба- мудири бахши фарҳанг, мудири Осорхонаи таъриху кишваршиносии ноҳия Фирӯзаи Турахон ва мудири китобхонаи марказӣ Имомзода Адолат иштирок намуданд. Озмуни болозикр бо мақсади баланд бардоштани маърифати оиладорӣ, омодасозии ҷавондухтарон ба ҳаёти мустақил, арҷгузорӣ ба расму ойини миллӣ ва анъанаҳои миллии мардуми тоҷик гузаронида шуд. Дар фарҷоми чорабинӣ иштирокчиёни фаъол бо Сипосномаҳои Мақомоти иҷроияи ҳокимияти давлатии ноҳия сарфароз гардонида шуда, ҳамзамон аз тарафи Ҷамоати шаҳраки Гулистон ба ду ҷуфт навхонадорон шаҳодатномаи ақди никоҳ ва туҳфаҳои хотиравӣ тақдим карда шуд.

 ВОХӮРИИ СУДМАНД

   Санаи 3 феврали соли 2023 дар Ҷамоати шаҳраки Гулистон бо иштироки муовини якуми раиси ноҳия Холиқзода Рустам, мудири бахши фарҳанг Латифзода Насиба, мудири бахши кор бо занон ва оилаи назди мақомоти иҷроия Ҷаъфарзода Фарзона ва муовини Ҷамоати шаҳраки Гулистон Гулрухсор Кабирова вохӯрии судманд бо фаъолони ҷамоати мазкур баргузор гардид. Зимни суханрониҳо муовини якуми раиси ноҳия Холиқзода Рустам дар зикр дошт, ки тамоми намояндагони корхонаву ташкилот ва хоҷагиву ҷамоатҳо ба ҳашари дастаҷамона бароянд. Аз ҷумла дар бораи кишту кор ва шинонидани гулу буттаҳо ва дарахтони сояафкану мевадиҳанда саҳмгузор бошанд . Қайд гардид, ки дар заминҳои хоҷагӣ кишту кор ба роҳ монда шавад. Инчунин дар ин вохӯрӣ аҳли толор низ фикру андешаҳои худро иброз намуданд.

       МАҶЛИСИ БАЙНИИДОРАВИИ НАЗДИ ПРОКУРОРИ НОҲИЯИ ҶАЛОЛИДДИНИ БАЛХӢ

Санаи 2 феврали соли 2023 сол дар толори бинои прокуратураи ноҳияи Ҷалолиддини Балхӣ ҷаласаи байниидоравии назди Прокурори ноҳия Собирзода И.М. баргузор гардид. Дар кори ҷаласа муовини якуми раиси ноҳия Холиқзода Рустам, роҳбарони воҳидҳои сохтории мақомоти иҷроияи ҳокимияти давлатӣ, раисони ҷамоатҳои шаҳраку деҳот, кумитаи идораи замини ноҳия, сардори ИДБЗО ва роҳбарони АИО ноҳия, сардори шабакаҳои барқи ноҳия, сардори нозироти андоз, сардор ва кормандони КДФ “Бақайдгирии молу мулки ғайриманқул”-и ноҳия, кормандони соҳавии прокурори ноҳия ва дигар шахсони масъули мақомотҳои дахлдор иштирок карданд. 

                                Мақоми зан дар партави сиёсати давлат

   Ҷамъи бузургони олам–инсонҳои худогоҳ, ватанхоҳу дилогоҳ, ободкору созанда, ғамхору дарёдилу ҷасур, халқпарвар ва ҷамъи эҷодкорон, ҷумлаи ҳунармандон, нақошону расомон, ҳайкалтарошон, хирадмандону саховатпешагон ҳама фарзанди зан-модар ҳастанд. . Мо, ҳамчун, ба нақши зан-модар, ки мавҷуди муқаддас мебошад, ҳамеша арҷ мегузорем, чунки ӯ насли инсонро ба вуҷуд меоварад, тарбия мекунад ва ба камол мерасонад.

ЯРМАРКАИ ҶОЙҲОИКОРИХОЛӢБАРГУЗОРГАРДИД

   Санаи 31 январи соли 2023 аз тарафи Шуъбаи агентии меҳнат ва шуғли аҳолӣ бо мақсади ҳарчи бештар ҷалб намудани бекорон бо ҷои кори доимӣ, аз ҷумла, ба корҳои сохтмонии НБО Роғун дар маркази ноҳияи Ҷалолиддини Балхӣ дар ҳамкорӣ бо Кумитаи иҷроияи Ҳизби Халқии Демократии Тоҷикистон дар ноҳия ва бахши муҳоҷирати ноҳия ярмаркаи ҷойҳои кории холӣ ва вазифаҳои озод баргузор гардид. Дар ярмаркаи мазкур аз ноҳия 8 корхона иштирок намуда, дар он 54 номгӯи вакансияҳо ва ҷойҳои кори холӣ пешниҳод карда шуд. Дар ярмаркаи зикршуда вакансияҳо бо пешниҳоди маълумот оид фаъолият ҳаҷми музди меҳнат аз тарафи корхонаҳои зерин, аз қабили Неругоҳи барқии обии Роғун, Шуъбаи маориф, Ҷамъияти саҳомии шакли пӯшидаи «Ҷунтай Данғара Син Силу Текстил», Идораи сӯхторхомӯшкунии ноҳия, Идораи беҳдошти замин ва Беморхонаи марказии ноҳия ба иштирокчиён пешниҳод гардид. Ҳангоми баргузории чорабинӣ инчунин, нозирони кадрии корхонаҳо иштирок намуданд. Дар чорабинии мазкур аз тарафи Шуъбаи маориф 34 ҷойи кори холӣ, Беморхонаи марказӣ 9 Маркази саломатии ноҳия 4 Ҷамъияти саҳомии пӯшидаи «Ҷунтай Данғара Син Силу Текстил» 4 ҷойи кори холӣ ва дар маҷмӯъ 51 ҷойҳои кори холӣ ва вазифаҳои озод пешниҳод карда шуд. Дар чорабинии болозикр 108 нафар шаҳрвандон иштирок намуда, зимни баргузории ярмарка ба 13 нафар шахсони бекор, ба корхона ва ташкилотҳо тавсиянома дода шуд, ки аз ин миқдор 9 нафар ба ҷойи кор таъмин карда шуданд.

Суратгузориш аз рафти иштироки масъулини ноҳияи Ҷалолиддини Балхӣ дар ҷашни Садаи вилояти Хатлон ва шаҳри Душанбе. Санаи 28 ва 29-уми январи соли 2023.

БАРГУЗОРИИМАҶЛИСИҶАМЪБАСТИИКУМИТАИ ИҶРОИЯИ ҲИЗБИ ХАЛҚИ ИДЕМОКРАТИИ ТОҶИКИСТОН ДАР НОҲИЯИ ҶАЛОЛИДДИНИ БАЛХӢ

Имрӯз 20 январи соли 2023 дар толори маҷлисгоҳи Кумитаи иҷроияи ҲХДТ дар ноҳияи Ҷалолиддини Балхӣ маҷлиси ҷамъбасти фаъолияти Кумитаи иҷроияи ҲХДТ дар ноҳия дар соли 2022 баргузор гардид. Дар маҷлиси ҷамъбастӣ намояндаи КИВ ҲХДТ Раҳимзода Меҳроҷ, муовини раиси ноҳия Бегмуродзода Файзиддин ва раиси КИ ҲХДТ дар ноҳия Сулаймонова Лола иштирок намуданд. Дар маҷлиси Кумитаи иҷроия дар ноҳия масъалаҳо оид ба ҷамъбасти фаъолияти Кумитаи иҷроия дар ноҳияи Ҷалолиддини Балхӣ дар соли 2022 ва вазифаҳо барои соли 2023, ҳисоботи гурӯҳи вакилии Маҷлиси вакилони халқи ноҳия дар соли 2022, тасдиқи нақшаи кории Кумитаи иҷроияи ҲХДТ дар ноҳияи Ҷалолиддини Балхӣ барои соли 2023, тасдиқи нақшаи чорабиниҳо оид ба иҷрои дастуру супоришҳои Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон, дар бораи Қарори Маҷлиси КИМ ҲХДТ аз 30.11.2022, №1 “Дар бораи рафти иҷрои қарорҳои анҷуманҳои 13 ва 14 Ҳизби Халқии Демократии Тоҷикистон ва вазифаҳои ташкилотҳои ҳизбӣ дар марҳилаи минбаъда”, қабули қарорҳо вобаста ба ҳаракати аъзои ҳизб ва масъалаҳои ташкилӣ мавриди таҳлилу баррасӣ қарор дода шуд. Доир ба масъалаи якуми рӯзномаи маҷлис Раиси КИ ҲХДТ дар ноҳия Сулаймонова Лола оид ба фаъолияти КИ ҲХДТ дар ноҳия дар соли 2022 ва вазифаҳо барои соли 2023 баромад намуд.

 ВОХӮРИҲОИМУФИДОИДБАПЕШГИРИИҶАВОНОНАЗГУРӮҲҲОИТЕРРОРИЗМВАЭКСТРЕМИЗМ

   Тибқи нақшаи кории Мақомоти иҷроияи ҳокимияти давлатии ноҳияи Ҷалолиддини Балхӣ санаи 19 январи соли 2023 дар толори муассисаи таҳсилоти миёнаи умумии № 7 бо иштироки муовини раиси ноҳия Абдусаломзода Анзурат, мудири шуъбаи рушди иҷтимоӣ ва робита бо ҷомеа, дар якҷоягӣ бо масъулони шуъбаи маориф, бахши кор бо занон ва оилаи назди мақомоти иҷроияи ҳокимияти давлатии ноҳия вохӯриҳои муфид бо омӯзгорон, падару модарони хонандагони муассисаи таҳсилоти миёнаи умумии №7 ва муассисаи таҳсилоти миёнаи умумии №67 Ҷамоати деҳоти Ҳалеварди ноҳияи Ҷалолиддини Балхӣ баргузор гардид. Мақсад аз вохӯриҳои мазкур шарҳу тавзеҳи Паёми Пешвои миллат, муҳтарам Эмомалӣ Раҳмон, дар амал татбиқ намудани талаботҳои Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», таҳкими ҳамкории падару модарон бо соҳаи маориф, тарғиби тарзи ҳаёти солим, тарбияи фарзандон дар рӯҳияи ватандӯстӣ, танзими анъана ва ҷашну маросимҳо, пешгирии таълими ғайрирасмии динӣ, шомилшавии ҷавонон ба ҳизбу ҳаракатҳои ифротӣ- терроризму экстремизм, худкушию худсӯзӣ, аз таҳсил дур мондани ноболиғон, содиршавии кирдорҳои зиддиҳуқуқӣ дар байни хонандагон мебошад. Зимни суханронӣ муовини раиси ноҳия Абдусаломзода Анзурат оид ба хатари терроризму экстремизм андешаронӣ намуда, зикр кард, ки терроризм ва экстремизм хусусияти байналмилалӣ дошта, барои ин гуна зуҳурот сарҳади байни давлатӣ, миллат ва дин, муқаддасоти дигар низ вуҷуд надорад. 

   Аз санаи 6 январ то 15 марти соли 2023 дар ноҳияи Ҷалолиддини Балхӣ даври интихоби мусобиқаи шашка ва шоҳмот байни идораву ташкилотҳо баргузор гардида, ғолибон ба даври вилоятӣ роҳхат мегиранд. Дастаҳо ва варзишгароне, ки дар мусобиқа ҷойҳои 1, 2 ва 3-ро ишғол менамоянд, бо ҷоиза, диплом ва медалҳои бахши кор бо ҷавонон ва варзиши ноҳия сарфароз гардонида мешаванд. Дар ин замина санаи 18 январи соли 2023 дар муассисаи давлатии рӯзномаи ноҳиявии «Навиди Балх» мусобиқаи шашкаву шоҳмот баргузор гардид. Дар ин рӯз кормандони шуъбаи маориф, бахши фарҳанг, Осорхонаи таъриху кишваршиносии ноҳия ва рӯзномаи ноҳиявии «Навиди Балх» иштирок намуданд.