ВОХӮРИИ ГУРӮҲИ КОРӢ БО ЧИНАКЧИЁНИ ХОҶАГИИ "КОМИЛҶОН"

      Дар доираи барномаи дастгирии соҳаи кишоварзӣ ва ба хусус рушди пахтакорӣ, гурӯҳҳои кории масъул бо чинакчиёни хоҷагии деҳқонии «Комилҷон» дар деҳаи Балхиёни Ҷамоати деҳоти Навбаҳори ноҳияи Ҷалолиддини Балхӣ мулоқот баргузор карданд.

Зимни вохӯрӣ масоили марбут ба шароити меҳнат, сифати ҷамъоварии ҳосил, таъмини саривақтии воситаҳои зарурӣ ва тарзи беҳбуди кор муҳокима гардид. Масъулин таъкид карданд, ки ҳадаф аз ин вохӯрӣ баланд бардоштани самаранокии меҳнати кишоварзон ва мусоидат ба иҷрои нақшаи ҷамъоварии пахта мебошад. Чинакчиён низ назари худро оид ба мушкилоти мавҷуда ва роҳҳои ҳалли онҳо баён доштанд.