УСУЛИ "МАКТАБ БА МАКТАБ" - БА КОРҲОИ ИДЕОЛОГИЮ ТАРҒИБОТӢ ТАҲКИМ МЕБАХШЕМ

      Музаффарияту муваффақият ва дастовардҳою рушди тамоми соҳаҳои иҷтимоию иқтисодии миллии даврони Тоҷикистони соҳибистиқлол бо меҳнати содиқонаи мардуми кишвар зери роҳбарии Пешвои муаззами миллат муҳтарам Эмомалӣ Раҳмон ба даст омадааст. Барои таҳкими ин раванд ва дар руҳияи созандагию ободкорӣ муттаҳид намудани мардум, махсусан, иштирокдорони раванди таълим кормандони самти идеологӣ ва иҷтимоии мақомоти иҷроияи ҳокимияти давлатии ноҳияи Ҷалолиддини Балхӣ дар муассисаҳои таҳсилоти миёнаи умумии №15 ва №17 воқеъ дар деҳоти Маданият суҳбату вохӯриҳо доир намуд.

 Дар ин вохӯриҳо оид ба риояи қонунҳо, баланд бардоштани маърифати ҳуқуқӣ, дар руҳияи созандагию ободкорӣ ва хештаншиносию ватандӯстӣ, тарбия намудани насли наврас, пешгирии ҳодисаҳои номатлуб ва амсоли инҳо суҳбатҳои судманд ва самимӣ ташкил карда шуд.

Шаҳло Шукурзода - муовини раиси ноҳияи Ҷалолиддини Балхӣ таъкид ба амал овард, ки Пешвои муаззами миллат муҳтарам Эмомалӣ Раҳмон барои ба зиндагии шоиста расидани тамоми аҳолии кишвар тадбирҳои муассир андешанда истодааст. Барои баланд бардоштани сатҳи зиндагии мардум ҳамасола музди меҳнати кормандони ҳифзи ҳуқуқ, хизматчиёни давлатӣ, тамоми кормандони соҳаи иҷтимоӣ, донишҷӯён ва нафақахӯрон афзоиш дода мешавад.

Илова бар ин, дар доираи ободкориҳо сохта ба истифода додани роҳҳо, муассисаҳои таълимӣ, тандурустӣ ва тармими иншоотҳои фарҳангӣ нишонаи рушди иқтисод ва саноату хоҷагии қишлоқ дар саросари кишвар аст, ки зери ҳидоятҳои Пешвои муаззами миллат роҳандозӣ мегарданд. Намояндагони соҳаи маориф ва тандурустӣ оид ба рушди соҳаҳои худ гузориш дода, тамоми муваффақиятҳоро натиҷаи дастгириҳои Ҳукумати Ҷумҳурии Тоҷикистон бо сарварии Пешвои муаззами миллат муҳтарам Эмомалӣ Раҳмон арзёбӣ намуданд.

Сифати баланди таҳсилот ва рушди ҷомеаи солим асоси гуфтори онҳо буд. Собиқадорони меҳнат сидқан иброз намуданд, ки чунин тадбирҳо, яъне суҳбатҳои рӯ ба рӯи намояндагони мақомоти ҳокимияти давлатӣ бо аҳолӣ нишони эътимоди мардум ба давлат ва Ҳукумати Ҷумҳурии Тоҷикистонро тақвият мебахшанд. Ҳамзамон, гунаи чунин тадбирҳо руҳияи мардумро дар самти созандагиҳо қавӣ гардонида, ҷавононро ба роҳи ватандӯстӣ ва худогоҳии миллӣ ҳидоят мебахшанд.