ИҚДОМИ ХАЙР Дар партави дастуру супоришҳои Асосгузори сулҳуваҳдати миллӣ- Пешвои миллат, Президенти Ҷумҳурии Тоҷикистон Ҷаноби Олӣ муҳтарам Эмомалӣ Раҳмон пайваста ба ашхоси имконияти маҳдуддошта ва ятимон дасти кумак расонида мешавад. Ин аст, ки аз тарафи Мақомоти иҷроияи ҳокимияти давлати ноҳияи Ҷалолиддини Балхӣ  ба як нафар имконияти маҳдуддоштаи ҷамоати деҳоти Халевард деҳаи Ленинград Исроилов Қиёмиддин аробачаи маъюбӣ тақдим карда шуд.  

                                       ВОХӮРӢБОСАРБОЗОН

   Дар асоси ҷадвали тасдиқнамудаи раиси Маҷлиси вакилони халқи вилояти Хатлон муҳтарам Қурбон Ҳакимзода имрӯз 29 ноябри соли 2022 вакили Маҷлиси вакилони халқи вилоят, муовини раиси ноҳияи Ҷалолиддини Балхӣ Абдусаломзода Анзурат бо сарбозони Дидбонгоҳи сарҳадии №3 "Айвоҷ", воқеъ дар ноҳияи Шаҳритӯс вохӯрӣ намуда, вобаста ба таваҷҷуҳи доимии Пешвои муаззами миллат муҳтарам Эмомалӣ Раҳмон ҷиҳати беҳтар гардидани шароити хизмати сарбозон дар қисмҳои низомӣ ва дастгирии мунтазами онҳо суҳбат анҷом дод. 

                                     ПАРЧАМИ МО-ҶИЛВАИ ИҚБОЛИ МО

Парчам рамзи Ватан, номус ва нанги миллат аст. Тоҷикон дар ҳайати Бухорои шариф ва Иттиҳоди Шӯравӣ низ парчами худро доштанд. Афрохтани парчами Иттиҳоди Шӯравӣ дар боми Рейхстаг рамзи ғалабаи халқи шӯравиро бар фашизм баръало муайян кард. 

 СЕМИНАР ОИД БА "НАВРАСОН-ШАРИКОНИ РУШДИ УСТУВОР" Аз тарафи ташкилоти ҷамъиятии ҷумҳуриявии «Гурдофарид» лоиҳаи «Наврасон-шарикони рушди устувор» бо дастгирии молиявии Хазинаи кӯдакони СММ «ЮНИСЕФ» дар 15 шаҳру навоҳии Ҷумҳурии Тоҷикистон, аз ҷумла Ваҳдат, Рӯдакӣ, Ҳисор, Шаҳринав, Бохтар, Ҷалолиддини Балхӣ, Балҷувон, Ҷаббор Расулов, Бобоҷон Ғафуров, Ашт, Деваштич, Исфара, Истаравшан, Конибодом ва Спитамен амалӣ шуда истодааст. Дар ин замина, санаи 22 ноябри соли ҷорӣ дар толори хурди мақомоти иҷроияи ҳокимияти давлатии ноҳияи Ҷалолиддини Балхӣ бо иштироки намояндагони мақомоти иҷроия ва кормандони касбу кори гуногун семинари омӯзишии якрӯза дар мавзӯи «Наврасон-шарикони рушди устувор» баргузор гардид. Дар семинари болозикр муовини раиси ноҳия Абдусаломзода Анзурат ва намояндагони ташкилоти ҷамъиятӣ суханронӣ намуда, оид ба татбиқи сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон Ҷаноби Олӣ муҳатарам Эмомалӣ Раҳмон дар самти баланд бардоштани сатҳи маърифати ҳуқуқӣ, иҷтимоӣ, иқтисодӣ, тарзи ҳаёти солим, иноватсионӣ-технологии наврасону ҷавонон ва илм, барои амалисозии Барномаи миллӣ оид ба рушди ҷавонон андешаҳои худро иброз намуданд.

 ҚАБУЛИ САЙЁРИ ШАҲРВАНДОН ДАР ҶАМОАТИ ШАҲРАКИ ГУЛИСТОН

   Санаи 12 ноябри соли' ҷорӣ мувофиқи нақшаи кории мақомоти иҷроияи ҳокимияти давлатии ноҳияи Ҷалолиддини Балхӣ бо иштироки раиси ноҳия муҳтарам Убайдуллои Файзулло дар Ҷамоати шаҳраки Гулистон қабули сайёри шаҳрвандон баргузор гардид. Сокинони ҷамоат вобаста ба масъалаҳои истифодаи замин, таъмири қубурҳои обгузари хонаҳои баландошёна, кашидани хати сурхи барқ ба беморхонаи деҳотӣ ва дигар масъалаҳои ҳалталаб ба раиси ноҳия муҳтарам Убайдуллои Файзулло муроҷиат намуданд. Раиси ноҳия Убайдуллои Файзулло оид ба ҳалли муроҷиатҳои шаҳрвандон ба масъулин супоришҳои мушаххас дод.

 КОНФЕРЕНСИЯИ ИЛМӢ-АМАЛӢДОИРГАРДИД!

   Рӯзи 11 ноябри соли равон дар толори китобхонаи марказии ноҳияи Ҷалолиддини Балхӣ конференсияи илмӣ-амалӣ дар мавзӯъи "Иҷлосияи 16-уми Шӯрои Олии Ҷумҳурии Тоҷикистон" бо иштироки кормандони бахши дин, танзим анана ва ҷашну маросими ҷамоатҳои шаҳраку деҳоти ноҳия, бахши фарҳанг, китобхонаи марказӣ ва бахши сабти асноди ҳолатии шаҳрвандии ноҳия баргузор гардид. Дар конференсияи болозикр муовини раиси ноҳия Абдусаломзода Анзурат баромад намуда, қайд намуд, ки натиҷаи ҳама корнамоиҳои Пешвои муаззами миллат, муҳтарам Эмомалӣ Раҳмон мебошад, ки ҳоло Ҷумҳурии Тоҷикистон дар роҳи рушди иқтисодӣ, шукуфоии забону фарҳанг ва илму адабиёт чун давлати соҳибистиқлол ҳамроҳ бо ҷомеаи ҷаҳонӣ қадамҳои устувор бардошта, ба сӯйи ояндаи дурахшон раҳсипор аст. Гуфта шуд, ки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон Иҷлосияи 16-умро рӯйдоди сарнавиштсози миллат номида, таъкид карданд, ки он гардиши куллиеро дар кишвар ба вуҷуд овард. Он дар қатори дигар дастовардҳои муҳим, сабаби дар арсаи байналмилалӣ ҳамчун давлати мустақил муаррифӣ ва ба ҳайати Созмони Милали Муттаҳид дохил гардидани Ҷумҳурии Тоҷикистон шуд.

10 НОЯБР – РӮЗИМИЛИТСИЯИТОҶИК

     Ҳамасола дар Ҷумҳурии Тоҷикистон 10 ноябр ҳамчун Рӯзи милитсияи тоҷик дар сатҳи баланд ва бошукӯҳ таҷлил карда мешавад. Дар ҳақиқат, кормандони милитсия баҳри тинҷиву осоиштагӣ ва амнияти сартосарии мамлакат ба таври шабонарӯзӣ хизмат менамоянд. Имрӯз аз ҷониби Роҳбарияти мамлакат баҳри фароҳам овардани шароити мусоиди корӣ ба кормандони милитсия ва баланд бардоштани имкониятҳои иҷтимоии онҳо тамоми чораҳо андешида мешаванд. Кормандони ин ниҳоди боэътимоди давлат дар навбати худ кӯшиш ба харҷ медиҳанд, ки ба халқу ватани хеш содиқона хизмат намоянд. Маҳз ҳамин хизмати софдилонаи онҳост, ки имрӯз сокинон дар симои корманди милитсия ҳомии худро мебинанд. Полковники милитсия Нурализода Суҳроб Ғулом аз ҷумлаи он нафароне мебошад, ки баҳри таъмини тартиботи ҷамъиятӣ, амнияти шаҳрвандон ва пешгирии ҷинояткорӣ дар ноҳияи Ҷалолиддини Балхӣ саҳм мегузорад. 

 МАРЗУ БУМИ ВАТАН БАРОЯМОН МУҚАДДАС ВА БУЗУРГТАРИН АРЗИШ АСТ

   Тоҷикону қирғизҳо, ки садсолаҳо бо ҳам мезистанду муносибати дӯстона доштанд, солҳои ахир баъзе ашхоси қирғиз тухми кинаву адоватро миёни мардум кошта, мехоҳанд бо аз худ донистани қисми марзи Тоҷикистон муноқишаҳои сарҳадиро роҳандозӣ намоянд. Ҳоло он, ки дар ҳуҷҷатҳои таърихии тақсимоти марзии солҳои 1924-1927 хати марз муайяну мушаххас гардидааст. Чунин амалҳо ва бемурувативу рафторҳои номуносиби бародарони қирғиз дар масъалаҳои марзӣ мардуми Тоҷикистонро ба шӯр оварда, сабри ин миллати куҳанбунёдро лабрез кардааст.

 ЧОРАБИНИИ ФАРҲАНГӢ БАХШИДА БА 28-УМИН СОЛГАРДИ КОНСТИТУТСИЯИ ҶУМҲУРИИ ТОҶИКИСТОН

 Санаи 4 ноябри соли равон бахшида ба Рӯзи Конститутсияи Ҷумҳурии Тоҷикистон дар Қасри фарҳанги ба номи Ҷалолиддини Балхӣ чорабинии идона баргузор гардид. Сараввал раиси ноҳия Убайдуллои Файзулло ба сухан баромада, ҳозиринро ба 28-умин солгарди Конститутсияи Ҷумҳурии Тоҷикистон табрику таҳният намуд. Қайд гардид, ки Конститутсия замони Истиқлолии Ҷумҳурии Тоҷикистон 6-уми ноябри соли 1994 барои бунёди мамлакати ободу пешрафта, таъмини амнияту осоиштагӣ, сулҳу озодӣ ва рушду инкишофи ояндаи давлати тозаистиқлол замина гузошт.

   Санаи 8-уми ноябри соли 2022 дар толори хурди мақомоти иҷроияи ҳокимияти давлатии ноҳияи Ҷалолиддини Балхӣ ҷаласаи Шӯрои мутобиқсозию методӣ оид ба таълим ва тарбияи ҳуқуқии шаҳрвандони назди раиси ноҳияи Ҷалолиддини Балхӣ баргузор гардид. Дар ҷаласаи мазкур раиси ноҳия, раиси Шӯро Убайдуллои Файзулло, аъзои Шӯро, инчунин аъзои комиссияи даъватӣ, роҳбарони мақомотҳои ҳифзи ҳуқуқ, муовини якум, муовинони раис, роҳбари дастгоҳи раиси ноҳия, роҳбарони ташкилоту муассисаҳо ва раисони ҷамоатҳои шаҳраку деҳот иштирок намуданд.