САНҶИШИ ТЕХНИКӢ ДАР НОҲИЯ

  Ҳафтаи сипаригашта дар ҷамоатҳои шаҳраку деҳоти ноҳия намоиши техникаҳои кишоварзӣ бо иштироки сардори Сарраёсати кишоварзии вилояти Хатлон Амирбеки Темур, сардори бозрасии назорати давлатии техникаи кишоварзӣ дар вилояти Хатлон Баҳодурзода Аюб ва муовини якуми раиси ноҳия Холиқзода Рустам доир карда шуд. Тибқи иттилои сардори раёсати кишоварзии ноҳияи Ҷамолиддин Ғуломов барои гузаронидани кишти баҳорӣ ва парвариши зироат дар ноҳия 196 адад техника ва агрегатҳои кишткунанда мавҷуд буда, аз он 167 ададаш коршоям мебошанд, ки ҳамаи техникаҳо бо аккумулятор, чароғҳои равшанидиҳанда, сипор ва дигар таҷҳизот барои шудгор таъмин карда шудаанд. Аз тарафи масъулин дар ҳузури меҳмонон ҳама намуди техникаҳои лозима барои боғпарварон, пахтакорон ва деҳқонон ба намоиш гузошта шуда, ҳамчунин аз санҷиши техникӣ гузаронида шуд.                  

                                    ИТТИЛОИЯ оид ба баргузории иҷлосияи ғайринавбатии Маҷлиси                                            вакилони халқи ноҳияи Ҷалолиддини Балхӣ, даъвати шашум.           

    Санаи 24 феврали соли 2023 дар толори хурди Мақомоти иҷроияи ҳокимияти давлатии ноҳияи Ҷалолиддини Балхӣ иҷлосияи ғайринавбатии Маҷлиси вакилони халқи ноҳия, даъвати шашум баргузор гардида, дар он масъалаҳои ташкилӣ ва номгузории воҳидҳои маъмурию ҳудудӣ ва маҳалҳои аҳолинишин мавриди баррасӣ қарор дода шуд. Аз ҷумла бо қарорҳои Маҷлиси вакилони халқи ноҳия ваколати вакилон аз ҳавзаи интихоботии Ҷамоати деҳоти Навобод №29 Холмурод Раҳмон, Ҷамоати деҳоти Ҳалевард №13 Наҷмидинов Валӣ Пирович ва Ҷамоати деҳоти Ҳалевард №10 Воҳидова Фирӯза Абдулхолиқовна тасдиқ карда шуданд. Ҳамчунин масъалаи иваз намудани номҳои воҳидҳои маъмурию ҳудудӣ ва маҳалҳои аҳолинишини ноҳия мавриди баррасӣ гардида, қарор қабул карда шуд.

 ТАҶЛИЛИ 30-СОЛАГИИ ҚУВВАҲОИМУСАЛЛАҲИ ҶУМҲУРИИТОҶИКИСТОНДАРНОҲИЯ

   Санаи 23 феврали соли 2023 дар толори Қасри фарҳанги ба номи Ҷалолиддини Балхӣ бахшида ба 30-юмин солгарди таъсисёбии Қувваҳои Мусаллаҳи Ҷумҳурии Тоҷикистон чорабинии тантанавӣ доир гардид. Дар чорабинии идона муовини раиси ноҳия Бегмуродзода Файзиддин суханронӣ намуда, сокинони ноҳияро ба муносибати 30-солагии таъсисёбии Қувваҳои Мусаллаҳи Ҷумҳурии Тоҷикистон табрику таҳният гуфта, оид ба таърихи таъсисёбӣ, аз имтиҳону озмоишҳои сахту сангин гузашта ба як сохтори муташаккилу боэътимод ва неруи пурқудрати ҳимоятгари давлат ва халқи Тоҷикистон табдил ёфтани Қувваҳои Мусаллаҳ изҳори андеша намуд. Дар ин рӯз аз тарафи Мақомоти иҷроияи ҳокимияти давлатии ноҳия ба 49 нафар аъзои ҳомиёни Ватан маводҳои ғизоӣ аз қабили орд ва равған дода шуда, ҳамзамон ба як қатор роҳбарон ва кормандони ташкилоту муассисаҳо барои фаъолияти пурсамару натиҷабахш Ифтитихорнома, Сипоснома ва туҳфаҳои пулӣ тақдим карда шуд. Сипас барномаи рангину пурмуҳтавои консертӣ бо иштироки аҳли ҳунару фарҳанги ноҳия шукӯҳи тоза бахшид. 

     Кори хайр дар Ҷамоати деҳоти Маданияти ноҳияи Ҷалолиддини Балхӣ

          Санаи 23 феврали соли 2023 мардуми деҳаҳои "Қизил-Юлдуз", "Қизил-Октябр", "Панҷсолагӣ", "Янгиобод", "Қизил-Байрақ" ва "Ҳақиқат" мувофиқи нақша барои кори савоб, яъне тоза кардани манзилгоҳи калон, ки дар деҳаи "Ҳақиқат" ҷойгир аст, иштирок карданд. Дар баробари ин дар кӯчаву ҷойҳои ҷамъиятӣ дарахтҳои сояафкан, аз ҷумла, дарахти арча 50 адад ва дарахтони мевадиҳанда 24 адад шинонда шуданд. Дар ин кори хайр -дарахтшинонӣ раиси ноҳия Холмурод Раҳмон ва раиси Ҷамоати деҳоти Маданият Эшбуризода Баҳриддин низ иштирок намуда, саҳми худро гузоштанд. Мардуми савобкор зиёда аз 800 нафарро ташкил медод. Баъд аз анҷоми корҳои хайр раиси ноҳия муҳтарам Холмурод Раҳмон ба саҳмгузорон миннатдории хешро изҳор намуд. 

                                            АРТИШИ МИЛЛӢ-СИПАРИ БОЭЪТИМОДИ ВАТАН

   Бо фарорасии 23-уми феврал аз санаи таъсисёбии Қувваҳои мусаллаҳи Ҷумҳурии Тоҷикистон 30 сол сипарӣ мегардад. Дар муддати сӣ сол Қувваҳои мусаллаҳи Ҷумҳурии Тоҷикистон дар таъмини сулҳи сартосарии кишвар басо назаррас аст. Ин қувваи бузурги миллӣ доимо паи таъмини сулҳу субот ва амнияти ватани зебою аҷдодиямон, Тоҷикистони соҳибистиқлол камари ҳиммат баста, сабаби ҳаёти озоду хушбахтонаи мо ҳастанд. Мо шабона агар осуда мехобем, ин қувваи бузург пуштибони мо, мо агар аз фазои сулҳ нафас мекашем, ин хизмати Артиши миллии кишвар аст. 

    ҚАДРШИНОСӢ Дар арафаи Рӯзи Артиши миллӣ Холиқзода Рустам-муовини якуми раиси ноҳияи Ҷалолиддини Балхӣ мувофиқи фармоиши вазири мудофиаи Ҷумҳурии Тоҷикистон бо медали ҷашнии "30-солагии Қувваҳои Мусаллаҳи Ҷумҳурии Тоҷикистон" сарфароз гардонида шуд. Муборак бошад!

                      30 – юмин  солгарди Қувваҳои Мусаллаҳи Ҷумҳурии Тоҷикистон

    Бояд гуфт, ки зистан дар фазои  сулҳу оромӣ, ва тарбият кардани насли ояндасози ватану миллат  инчунин ноил гаштан ба ҳадафҳои нек Қувваҳои Мусаллаҳ,  сипарони Ватан  нақши муҳимро мебозад.

   Баъд аз ба даст овардани Истиқлолияти давлатӣ Асосгузори сулҳу Ваҳдати миллӣ - Пешвои миллат Раиси Шӯрои Оллии мамлакатамон муҳтарам Эмомалӣ Раҳмон инчунин, сипарони ватан шурӯъ карданд ба таъсисдиҳи Қувваҳои Мусаллаҳи худ. Ёдовар аз он  дорем, ки он замон барои таъсисдиҳи Қувваҳои Мусаллаҳ, заминаи моддиву техникӣ мерос қариб ки намонда буд ва Қувваҳои Мусаллаҳ дар замоне таъсис ёфт, ки дар Ҷумҳурӣ нооромиҳои дохилӣ ба миён омада будаанд. Бо вуҷуди ин ҳама камбудиҳову норасогиҳо бо иштироки Ватанпарварон ва фаъолони  мо санаи 23 феврали соли 1993 дар майдони “Дӯстӣ” – и пойтахти мамлакатамон шаҳри Душанбе  нахустин Паради ҷузъу томҳои гарнизони баргузор гардида, он рӯз расман таъсисёбии Қувваҳои Мусаллаҳ эълон гардид.

   Воқеан ҳам, ин буд, ки бо дастгирии роҳбари ғамхори давлатамон мӯҳтарам Эмомалӣ Раҳмон ва ҳимоятгарони марзу буми меҳанамон  имрӯз 30 – юмин  солгарди Қуввваҳои Мусаллаҳи Ҷумҳурии Тоҷикистон -  ро бо ифтихор ва қаноатмандонӣ ҷашн мегирем.  

   Мақсади таъсисидиҳии Қувваҳои Мусаллаҳ ин ташкили қувваҳои ҳарбиест, ки қобилияти таъмини Истиқлолият, эмин доштани порчаи хоки Ватан, барқарор намудани  сохти конститутсионӣ ва оромии ҳаёти осоиштаро дошта бошад. Воқеан Қувваҳои Мусаллаҳи кишвар  тули 30 сол имтиҳонҳои сангинро сарбаландона гузашта, дар ин мудат ба як сохтори боэътимод табдил ёфт. Ва мо имрӯз фахр дошта бо  эътимоди комил метавонем гуфт, ки Қувваҳои Мусаллаҳи кишварамон, афсарону сарбозони Ватан, инчунин ҷавонони сиёсатмадорони мо дар оянда низ камари ҳиммат баста, хизмати ҳарбӣро содиқона адо намуда марзу бум, арзишҳои миллию фарҳангӣ ва амнияти давлатро чун сипар метавонад ҳимоя кард.   

   Зухро Атабаева: Сармутахассиси шуъбаи рушди иҷтимоӣ ва робита бо    

                            ҷомеаи дастгоҳи раиси ноҳияи Ҷалолиддини Балхӣ

            ЧАНД АНДЕША ОИДИ НИГОШТАҲОИ ПРОФЕССОР С. ЯТИМОВ ДАР МАВЗУИ «ТАВОНО БУВАД,  ҲАР КӢ ДОНО БУВАД»

          Баъд аз нашр шудани андешаҳои ин шахсияти сиёсатшинос дар маҷаллаи «Илм ва ҷомеа» таҳти унвони «Тавоно бувад, ҳар кӣ доно бувад» барои ҳар як ватандори асил аён мегардад, ки ворисони матиниродаи мо дар рушди давлатдорӣ кам нестанд. Маҳз ин ҷонибдориҳои устод ва муҳақиқи шинохта дар доираи Паёми Пешвои миллат бояд ҳар як соҳибватани тоҷикро ва Тоҷикистонро ба таҳлилу баррасии андешаҳо водор намояд. Сароғоз аз муқаддима ва ҳафт зермавзӯъҳою хулосаи нашршуда мутолиа намуда тасмим гирифтем, ки бардошти худро нисбат ба таҳқиқи ин олими шинохта баён намоем. Дар ҳақиқат, ӯ исбот намудааст,ки Паёми Роҳбари давлат, ки тайи чанд сол рӯйи кор аст- маҷмўи таҳлил, арзёбӣ, як навъ ҳисобот, инчунин натиҷагирӣ аз фаъолияти ҳукумат ва дар ин асос, ироаи тасмимҳои сиёсӣ, иқтисодӣ иҷтимоӣ, фарҳангӣ ва нақшаҳои ҳаётан муҳимми мақомоти олии мамлакат мебошад. 

                                         ОЗМУНИ "ВАТАНПАРВАР" БАРГУЗОР ГАРДИД

         Санаи 20 феврали соли 2023 дар ноҳияи Ҷалолиддини Балхӣ озмуни ноҳиявии ҳарбӣ–варзишии «Ватанпарвар» бахшида ба 30-солагии таъсисёбии Рӯзи Қувваҳои Мусаллаҳи Ҷумҳурии Тоҷикистон байни хонандагони синфҳои 10 ва 11–и муассисаҳои таҳсилоти миёнаи умумӣ дар майдончаи варзишӣ бо ташаббуси кор бо ҷавонон ва варзиши ноҳия баргузор гардид. Мусобиқа аз рӯи намудҳои зерин гузаронида шуд: -давидан ба масофаи 100 метр, -овезон шудан, кашидани турник, -машқҳои сафороӣ -сангбардорӣ (гирбардорӣ) -беҳтарин газетаи деворӣ бахшида ба Рӯзи Артиши миллӣ. Пас аз анҷоми мусобиқа ғолибон аз рӯи намудҳои муайяншуда бо диплом ва туҳфаҳои хотиравӣ сарфароз гардонида шуданд. Мақсад ва вазифа - баланд бардоштани сифати ахлоқӣ, такмил додани корҳои ватандӯстӣ, варзиши байни хонандагони муассисаҳои таҳсилоти миёнаи умумӣ ва тайёр намудани онҳо барои аз худ намудани «Барномаи омодагии ҳарбӣ дар синфҳои болоӣ», тарбия намудани масъулиятнокӣ нисбат ба артиш, сифатҳои олии маънавӣ, ташаббускорӣ ва худ фаъолиятӣ, шуурнокӣ, бародарӣ, дӯстиву иттифоқӣ, ҷасорат, зиракӣ ва тобоварӣ мебошад.

    Суратгузориш аз рафти озмуни вилоятии "Бонуи ҳунарманди сол" дар тарабхонаи "Балх"-и ноҳияи Ҷалолиддини Балхӣ. 18.02.2023