ИҶЛОСИЯИ ЯКУМИ МАҶЛИСИ ВАКИЛОНИ ХАЛҚИ НОҲИЯИ ҶАЛОЛИДДИНИ БАЛХӢ,

                                                       ДАЪВАТИ ҲАФТУМ БАРГУЗОР ГАРДИД

   Таърихи 13 марти соли 2025 дар маҷлисгоҳи мақомоти иҷроияи ҳокимияти давлатии ноҳияи Ҷалолиддини Балхӣ таҳти раёсати раиси Маҷлиси вакилони халқи ноҳия Холиқзода Рустам Ҳикматулло иҷлосияи якуми   Маҷлиси  вакилони  халқи ноҳияи Ҷалолиддини Балхӣ, даъвати ҳафтум баргузор гардид. 

    Дар кори иҷлосия вакилони  Маҷлиси  вакилони  халқи  ноҳия, намояндаи   мақомоти иҷроияи  ҳокимияти давлатии вилояти Хатлон, роҳбарони сохторҳои мақомоти иҷроияи ҳокимияти давлатии ноҳия, мақомоти ҳифзи ҳуқуқ ва дигар фаъолони ҷомеа ширкат варзиданд.

   Дар иҷлосия масъалаҳои зерин мавриди баррасӣ қарор гирифтанд: -тасдиқи  ваколати   вакилони  Маҷлиси   вакилони халқи   ноҳияи Ҷалолиддини Балхӣ, даъвати ҳафтум - дар доираи ин масъала, ваколати вакилони тозаинтихоб расман тасдиқ карда шуд; -тасдиқи дастури Маҷлиси вакилони халқи ноҳияи Ҷалолиддини Балхӣ, даъвати  ҳафтум – қоидаҳо ва   механизмҳои фаъолияти Маҷлис  муайян  ва  қабул гардиданд; -ташкили комиссияҳои доимии   Маҷлиси  вакилони  халқи ноҳия – бо мақсади самаранок   роҳандозӣ  намудани  фаъолияти Маҷлис, комиссияҳои соҳавӣ таъсис дода шуданд; -тасдиқи ҳайат ва Низомномаи комиссияҳои доимии Маҷлиси  вакилони халқи ноҳия – ҳайати комиссияҳо ва самти фаъолияти онҳо расман муайян ва тасдиқ карда шуд; -пешбарии номзад ба аъзои Маҷлиси миллии Маҷлиси Олии Ҷумҳурии Тоҷикистон – дар  ин  ҷаласа  номзади  арзанда  барои  намояндагӣ  дар  Маҷлиси миллӣ  пешниҳод  гардид; -ахбороти прокурори  ноҳия – прокурори   ноҳия  оид  ба  таъмини  волоияти  қонун, тартиботи ҳуқуқӣ, ҳимояи ҳуқуқу  озодиҳои  шаҳрвандон  ва мубориза бо ҷинояткорӣ маърӯза   намуд; -баррасии масъалаҳои  ҷорӣ – масъалаҳои  дигари  муҳим,  ки ба  рушди иҷтимоию иқтисодӣ ва маъмурии ноҳия рабт доранд, муҳокима шуданд.