http://balkhi.tj/
ИФРОТГАРОӢ ВАБОИ АСР
10-09-2020, 01:35 | Автор: admin-balkhi | Категория: Асосӣ

ИФРОТГАРОӢ ВАБОИ АСР

          Асосгузори  сулҳу  Ваҳдатимиллӣ-Пешвои  миллат, Президенти Ҷумҳурии Тоҷикистон муҳтарам Эмомалӣ  Раҳмон доимо дар Паём ва вохурию суханрониҳояш вобаста дар якҷоягӣ бо ҷомеаи ҷаҳонӣ  андешидани чораҳои зарурӣ ҷиҳати муборизаи фарогир бар зиддӣ терроризм ва экстремизм гаштаю баргашта таъкид менамояд.

         Дар Ҷумҳурии Тоҷикистон ҳанӯз аз соли 2003 ҷиҳати мубориза бар зидди терроризм ва экстремизм як зумра санадҳои меъёрии ҳуқуқӣ қабул гардидаанд. Аз ҷумла, 16 ноябри соли 1999Қонуни Ҷумҳурии Тоҷикистон “Дар бораи мубориза бо терроризм” қабул гардида, 8 декабри соли 2003 “Дар бораи мубориза бар зидди экстремизам (ифротгароӣ)”қабул гардид.

         Қабули ин қонунҳо асосҳои ҳуқуқии мубориза  бо терроризм ва ифротгароиро дар кишвари мо фароҳам сохт.

         3 январи соли 2020 Қонуни Ҷумҳурии Тоҷикистон “Дар бораи муқовимат бо экстремизм” ба тавсиб расида,  Қонуни Ҷумҳурии Тоҷикистон аз 8 декабри соли 2003 “Дар бораи мубориза бар зидди экстремизам (ифротгароӣ)” аз эътибор сокит дониста шуд.

           Қонуни мазкур асосҳои ташкилӣ ва ҳуқуқии муқовимат ба экстремизмро бо мақсади ҳимояи ҳуқуқу озодиҳои инсон ва шаҳрванд, асосҳои сохтори конститутсионӣ, таъмини соҳибихтиёрӣ, тамомияти арзӣ ва амнияти Ҷумҳурии Тоҷикистонро муайян менамояд.

          Тибқи муқаррароти банди 2 моддаи 14-и қонуни мазкур шахсони мнсабдор, ва шаҳрвандон уҳдадоранд ба мақомоти прокуратура, амнияти миллӣ, корҳои дохилӣ ё субъектҳои дигари муқовимат ба экстремизм оид ба тамоми воқеаҳое, ки дар бораи тайёрӣ ба амалиёти хусусияти экстремистидошта шаҳодат медиҳанд, фавран хабар расонанд.

         Ҳукумати Ҷумҳурии Тоҷикистон дар якҷоягӣ бо ҷомеаи ҷаҳонӣ барои муқовимат ба таҳдиду хатарҳои муосир ва пойдории сулҳу субот дар минтақа ва мамлакат пайваста тадбирҳои мушаххас меандешад. 

         Яке аз чунин чораҳои воқеӣ Фармони Президенти Ҷумҳурии Тоҷикистон аз 12 ноябри соли 2016, №776    “Дар бораи Стратегияи миллии Ҷумҳурии Тоҷикистон оид ба муқовимат ба экстремизм ва терроризм барои солҳои 2016-2020» мебошад.

     Стратегияи мазкур самтҳои асосии сиёсати давлатии Ҷумҳурии Тоҷикистон дар самти муқовимат бо экстремизм ва терроризмро муайян карда, вазифаҳои мақомоти давлатиро ҷиҳати аз байн бурдани омилҳои ба экстремизм ва терроризм мусоидаткунанда мушаххас менамояд.

         Мафҳуми экстремизм тибқи Консепсияи сиёсати давлатии Ҷумҳурии Тоҷикистон дар соҳаи дин чунин мазмун дорад:

“Ақида ва мақсадҳо, ки бо усулу воситаҳои зӯроварӣ, инчунин зиддиҳуқуқӣ ва ѓайриқонунӣ нигаронида шудаанд ва ҳамчун воситаи асосии ҳал намудани хусумату низоъ, рад кардани созишу мусолиҳа, инчунин анҷом додани амалҳои зиддиҳуқуқии ба ѓасби зӯроваронаи ҳокимият ё нигоҳдории зӯроваронаи ҷамъият, инчунин ба таѓйири иҷбории асосҳои сохтори конститутсионӣ, халалдор сохтани якпорчагӣ ва соҳибихтиёрии давлат, таҳдид ба амнияти ҷамъиятӣ, ташкил намудани гуруҳҳои мусаллаҳи ѓайриқонунӣ ва иштирок дар онҳо” 

                   Дар таърихи ислом ифротгароён пайравони ҳаракати динӣ-сиёсие мебошанд, ки дар адабиёти динӣ ва таърихӣ бо номи хавориҷ зикр шудаанд.

           Падидаҳои номатлубу хатарноки ифротгароӣ, ки ҳанӯз дар оѓози таҳкиму густариши дини мубини ислом зуҳур карда буд, дар тамоми давраҳои минбаъдаи таърихи ислом аз байн нарафта, то имрӯз боқӣ мондааст ва ба сари қавму миллатҳои мусулмону ѓайримусулмон азобу бадбахтиҳои зиёдеро овардааст.

            Дар замони муосири пуртазод ва зудтаѓйирёбанда таҳдидҳои терроризм ва ифротгароӣ ҷомеаи ҷаҳониро беш аз пеш ба ташвиш овардааст. Ҷумҳурии Тоҷикистон дар доираи уҳдадориҳои байналмилалии худчун кишвари соҳибистиқлол ва ҷузъи ҷудонашавандаи ҷомеаи ҷаҳонӣ дар самти мубориза бо тамоми зуҳуроти номатлуб, аз ҷумла терроризму экстремизм ва дигар хатару таҳдидҳо пайваста ибтикор нишон медиҳад.

              Пешвои миллат дар иртибот ба ин падидаи нангин борҳо зикр намудаанд, ки “терроризм ва экстремизм –вабои асри XXI аст”, “Терроризм ва экстремизм ба дини мубини  ислом иртиботе надорад”.

            Саъю талошҳои пайгиронаи Президенти Ҷумҳурии Тоҷикистон, муҳтарам Эмомалӣ Раҳмон барои барқарории сулҳу субот ва сарҷамъии миллӣ дар арсаи байналмилалӣ басо нодир ва арзишманд арзёбӣ мегарданд.

        Чи тавре ба ҳамагон маълум аст, имрӯз ташкилотҳои террористиву экстремистӣ ва гуруҳҳову ҷонибҳои  манфиатхоҳ барои амалӣ намудани ҳадафҳои хеш дар радифи силоҳу лувозимоти ҷангӣ аз иттилоот ва расонаҳои иттилоотӣ, бахусус шабакаҳои иҷтимоӣ ба таври густурда истифода мекунанд.

           Дар асри   XXI,ки онро   асри иттилоот унвон кардаанд, таъсири иттилоот унвон кардаанд, таъсири иттилоот ва расонаҳои итилоърасон  бисёр амиқ ва нишонрас гардидааст. Зеро, имрӯз бо рушди фаъоли Интернет шабакаҳои иҷтимоӣ таъсири худро дар тафаккури ҷомеа хеле амиқ мегузоранд. Ҳатто расонаҳои иттилоърасон ба майдони мубоҳисаҳои сиёсӣ низ табдил ёфтаанд. Аз ин нуқтаи назар, таъмини амнияти иттилоотӣ дар замони муосир ба унсури асосии таъмини амнияти миллӣ табдил ёфтааст.

           Гуруҳу созмонҳои террористиву экстремистӣ баҳри зиёд намудани сафи аъзоёнашон, дар байни  қишрҳои гуногуни ҷомеа эътибори махсусро ба ҷавонон равона намудаанд.

           Аз ин лиҳоз, ҷавонони тоҷик бояд ҳамеша зираку ҳушёр бошанд ва барои баланд бардоштани сатҳи ҷаҳонбиниву днишашон саъю кӯшиш намоянд, то тавонанд ҳамсолони худро аз ҳамроҳ гардидан ба гуруҳу ҳаракатҳои ифротгаро боздоранд.  

           Танҳо дастаҷамъона метавонем, амнияту осоиши хонадонамонроаз вуруди ѓояҳои бегона, шомилшавии ҷавонон ба ҳизбу ҳаракатҳои террористиву экстремистӣ, гаравидани онҳо ба ин зуҳурот ҳифз намоем.    

          Аз ин хотир, ҳар як фарди худогоҳ ва ватадӯстро зарур аст, ки дар ҳифзи асолати поки гузашта, нигоҳдории якпорчагии Ватан, ягонагии ҷуѓрофӣ ва сиёсии кишвар, дифои сулҳу оромӣ, истиқлолу ваҳдати миллӣ масъулиятшинос бошад. Мо дар сурате метавонем зафар ёбем, ки агар алайҳи терроризму ифротгароӣ дастаҷамъона мубориза барем.

скачать dle 12.1
Просмотров: 25  |  Комментариев: (0)  |  Нашли ошибку?
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.