http://balkhi.tj/
БАДХОҲОНИ МИЛЛАТ БА МАҚСАД НАМЕРАСАНД
14-09-2020, 07:37 | Автор: admin-balkhi | Категория: Асосӣ

БАДХОҲОНИ МИЛЛАТ БА МАҚСАД НАМЕРАСАНД

         Ба ҳамагон маълум аст, ки имрӯзҳо вабое тамоми дунёро дар ташвиш овардаст. Ҳатто кишварҳои абарқудрати дунё  аз ҷумла,  Амрико, Русия, Чин, Италия, Испания, Британияи Кабир ва дигар давлатҳои пешрафтаи ҷаҳон гирифтор ба ин вируси марговар гаштаанду, роҳи роҳоӣ аз онро меҷуянд. Ҷумҳурии Тоҷикистон низ дар баробари дигар мамлакатҳои олам, бар зидди ин вабои аср мубориза бурда истодааст. Дар ин шабу рӯз тамоми одамон барои наҷоти ҳаёти шаҳрвандони худ мубориза мебарнд. Табибон ба таври шабонарӯзӣ ҷон дар кафи даст бо марг  дар набард ҳастанд. 

         Дар чунин рӯзҳои фоҷеабор гуруҳе аз ифротиёни хоин ба ҷои ҳамдардиву дастгириҳо, баръакс хурсандиву хушҳолӣ мекунанд. Аз рӯзе, ки вируси COVID-19 дар кишвари Чин пайдо шуд, бадхоҳони миллат(Кабирӣ ва ҳамаслакони хоинаш) садо баланд мекарданд, ки он аллакай дар Тоҷикистон вуҷуд дорад. Дар ҳоле, ки  Ҳукумати кишвар тадбирҳои пешгирикунандаро доим ба сокинон тавсия медод ва мардумро барои беҳдошти саломатии худ даъват мекард.  Бо ин вуҷуд ҳам  даъвоҳои эшон бештар мегардид, ки  “COVID-19 ҳаст ва Ҳукумати Тоҷикистон онро пинҳон кардан дорад”.  Бо ин роҳ,  дар  ҳама ҷо ҳангома  сохта,  миёни мардуми тоҷик иғвоангезӣ менамуданд. Аммо Ҳукумати мамлакат аз рӯзҳои нахуст мардумро ба тозагӣ ва беҳдошти гигиенӣ даъват мекард. Ҳатто Президенти кишвар дар чандин баромадҳо ва ҷаласаҳои Ҳукумат тозагиро миёни аҳолӣ дар мадди аввал гузошта буд ва то ҳол ҳама чораҳои заруриро андешида истодааст. Тадбирҳои пешакӣ барои ҳамагон аён буданд. Вале дар баробари ин ҳама мухолифин фақат будани ин вирус дар Тоҷикистонро мехостанд .  

         Мутаасифона аз рӯзи бақайдгирии ин вирус дар кишварамон, хурсандии  гуруҳи бадхоҳони миллат ҳадду канор надошт.  Дар саҳфаҳои иҷтимоии худ тарзе вонамуд макарданд, ки гӯё омаданивирус  ба кишварамон, ба  хонадони онҳо шодиву  некӣхоҳад овард. 

         Пас аз як рӯзи эълони тасдиқи вирус дар Тоҷикистон Муҳиддин Кабирӣ дар саҳифаи фейсбукиаш ба таври мустақим “баромад” карда, дар сомонаҳои иҷтимоиву дигар расонаҳои ихтисосиашон  бо фитнаангезӣ  ҷомеаро ба ҳоли худ намегузоранд. Ба ҳамин тартиб роҳбари мухолифони тоҷик дар чанд ҷо мардумро ба тафриқа мекашаду ба қавли худ сухан  аз адолату миллатдӯстӣ мезанад.  Вале мақсади  асосии ин хоинон камбудӣ ҷустан ва паст задани кишвар мебошад.

        Агар ба амалҳои  шоистаи  Ҳукумати Тоҷикистон таваҷҷуҳ намоем, маълум мегардад, ки баъди ба қайд гирифта шудани вирус Ҳукумати кишвар чораҳои заруриро нисбати табобат ва пешгирӣ аз паҳншавиро пурзуртар намуд. Ситод ба таври шабонарӯзӣ амал карда истодааст ва то ҷое маълум  аст, тамоми тавонашро Ҳукумат барои мубориза бо он сарф карда истодааст. Президенти кишвар муҳтарам Эмомалӣ Раҳмон дар ҳамаи баромадҳои худ такрор  ба такрор ҷиҳати муборизаҳоро пурзӯр кардан, пешгирӣ ва нобуд сохтани ин вирус ба сохторҳои алоҳида дастуру супоришҳои мушаххас доданд. Ҳамчунин аз Фонди захиравии Президенти Ҷумҳурии Тоҷикистон барои кормандони соҳаи тандурустӣ ва ҳифзи иҷтимоии аҳолӣ, ки бевосита дар раванди ташхис ва табобати сирояти COVID-19  дар муассисаҳои табобатӣ ва таҳти карантин қарордодашуда иштирок менамоянд 12,4 миллион сомонӣ ҷудо намудаанд. Илова бар ин, Президенти Ҷумҳурии Тоҷикистон муҳтарам Эмомалӣ Раҳмон ба ҳамаи табибону беморон кумаку дастгириҳои зиёде намуданд.

         Зикр намудан лозим аст, ки ҳамагон  бояд як бор ҷаласаи охири Ҳукумати Ҷумҳурии Тоҷикистон ва тасмимҳои охири Пешвои миллатро бубинанд. Худ хулоса хоҳед кард, ки чӣ нафаре дар ин корзори мубориза алайҳи ин вируси маргбор ғами халқу миллатро мехӯрад. Худ шоҳид хоҳед шуд, ки кадом гурӯҳе дар фикри осоиштагиву оромии халқу миллат асту кӣ мехоҳад ҷомеаро ба гирдоб кашад?

         Бояд гуфт, ки ҳеҷ гоҳ мухолифини тоҷик  бо ин сиёсати  нодурусташон  ба рӯзи нек ва боварии мардум нахоҳанд расид. Зеро  амалҳои Кабирӣ  доим танқид кардан ва паст задани давлату миллат аст. Ӯ наметавонад ба халқу миллат ёрмандӣ намояд, чунки  намехоҳад ва намекунад.  Ба қавле миссияи ӯ ҳамин  тафриқаандозиву ба гумроҳӣ  кашонидани ҷомеа аст, ки ҳанӯз ҳам то қадри имкон худро дар он санҷида истодааст. Вале ҳеҷ гоҳ ба ин мақсади нопокаш нахоҳад расид.

         Аз ин рӯ,  моро зарур аст,ки  дасти  ҳам гирему қадам ба пеш занем. Иттиҳоду дастиҳамгирӣ аст, ки баъзе аз давлатҳо қадам ба қадам рӯ ба озодӣ аз ин вирус оварда истодааснд. Имрӯз ҳолати мо ҳам иттиҳоду сарҷамъиро дар атрофи нафаре мехоҳад, ки воқеан барои халқ ва саломатии он меҳнату талош менамояд, на аз дуриҳои дур ташвиқ ба айбҷӯию парокандагӣ месозад. Холисонаву бетарафона ва аз рӯи виҷдону қарзи инсонӣ имрӯз ҷамъ шудани мо атрофи Пешвои миллат ва дастгири иқдомоти неки ҷониби Ҳукумат шудан, бешак қадами бузург дар роҳи нест кардани ин вирус мебошад.

Абдухолиқ Розиқов

скачать dle 12.1
Просмотров: 18  |  Комментариев: (0)  |  Нашли ошибку?
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.