Календар
«    Декабрь 2020    »
ПнВтСрЧтПтСбВс
 123456
78910111213
14151617181920
21222324252627
28293031 
?????? ??? 7??? ??? ?? ?? .
http://balkhi.tj/
ПАЁМИ ТАБРИКИИ РАИСИ НОҲИЯИ ҶАЛОЛИДДИНИ БАЛХӢ МУҲТАРАМ УБАЙДУЛЛОИ ФАЙЗУЛЛО БАХШИДА БА 26-УМИН СОЛГАРДИ КОНСТИТУТСИЯИ ҶУМҲУРИИ ТОҶИКИСТОН
3-11-2020, 14:17 | Автор: admin-balkhi | Категория: Асосӣ

                                                   ПАЁМИ ТАБРИКИИ РАИСИ НОҲИЯИ

ҶАЛОЛИДДИНИ БАЛХӢ МУҲТАРАМ

УБАЙДУЛЛОИ ФАЙЗУЛЛО

БАХШИДА БА 26-УМИН СОЛГАРДИ КОНСТИТУТСИЯИ ҶУМҲУРИИ ТОҶИКИСТОН


            ҲАМДИЁРОНИ АЗИЗ, 

       Конститутсия шаҳодатномаи ҳар як халқи соҳибистиқлол ва гувоҳномаи давлати озоду мустақил ва ҳамзамон бо инсанади танзимкунандаву муайянсозандаи низоми давлатдорӣ ва муҳимтар аз ҳама кафолати ҳуқуқу озодиҳои инсон ва шаҳрванд аст.

         Бисту шаш сол муқаддам - 6-уми ноябри соли 1994дар таърихи  давлати соҳибистиқлоли Тоҷикистон саҳифаи наве оғоз ёфт, ки он дар ҳаёти минбаъдаи мардуми тоҷик ва рушди давлатдории навини миллии мо нақши муасиру сарнавиштсоз гузошт.

         Мардуми худогоҳу мушкилнописанди  Тоҷикистон бо вуҷуди вазъи душвори сиёсиву иқтисодӣ ва нобасомониву мушкилоти солҳои аввали истиқлолият, бо камоли масъулияти шаҳрвандӣ, дарки қарзи ватандорӣ ва такя ба арзишу муқаддасоти таърихиву фарҳангии худ  тариқи раъйпурсии умумихалқӣ нахустин Конститутсияи давлати соҳибистиқлоли  худро қабул карда, бо чунин иқдоми таърихӣ орзую ормонҳои чандинасраи  ниёгони хешро амалӣ намуданд. 

         Конститутсияи Ҷумҳурии Тоҷикистон дар асоси меъёрҳои ҳуқуқии санадҳои байналмиллалие, ки Ҷумҳурии Тоҷикистон онҳоро шинохтааст, таҳия ва қабул карда шудааст. 

         Таҳия, муҳокима ва қабули Конститутсия ба баргузории иҷлосияи таърихии ХVl-уми Шӯрои Олии Ҷумҳурии Тоҷикистон иртиботи қавӣ дорад. Дар ин иҷлосия Асосгузори сулҳу ваҳдати миллӣ, Пешвои миллат Ҷаноби Олӣ муҳтарам Эмомалӣ Раҳмон Конститутсияи амалкунандаи вақт ва дигар Қонунҳои Ҷумҳуриро мавриди баррасӣ ва таҳлили амиқ қарор дода, таъкид намуданд, ки яке аз омилҳои асосии устувории иҷтимоиву сиёсии ҷомеа Қонуни асосӣ ва қонунҳоеанд, ки ба талаботи шароити замона ҷавобгу бошанд. Ба андешаи Пешвои миллат Эмомалӣ Раҳмон “мардум ба хотири амниятосоишу оромиш ва хушбахтиаш давлату ҳукумат ташкил мекунадВа табиист, ки сиёсату усулеро давлат дастгирӣ мекунад, ки ниёзҳои уро таъмин созад ва барои ҳаёту фаъолияташ шароит таъмин намояд”.     

         Бо ишора ба анҷом ёфтани як давраи муҳимтарин дар татбиқи ислоҳоти сиёсӣ ва аввалин бор қабул шудани санади ҳуқуқие, ки он манфиати тамоми халқҳои сокини Тоҷикистонро ифода мекунад”, Пешвои миллат ду санаи таърихиву сарнавиштсози миллатро мавриди муқоиса қарор додадар ин хусус чунин изҳор дошта буданд: “аз нигоҳи таърих агар 16 ноябри соли 1992 ва сесияи 16-уми Шурои Олӣ ҳамчун ибтидои барқароркунии давлати қонунӣ ва сохти конститутсионӣ дар таърихи Ватанамон ҷойи сазовори худро соҳиб шуда бошадпас 6-ноябри соли 1994 дар таърихи навтарин ҳамчун рузи қабули нахустин Конститутсияи давлати соҳибистиқлол ва зуҳуроти ягонагии миллату давлатамон абадӣ боқӣ хоҳад монд

         Ҷиҳати асосӣ ва муҳими ин Конститутсия дар он аст, ки ин санадро як гуруҳи одамон небалки тамоми мардуми мамлакат маъқул донистаастАксарияти кулли аҳолии Тоҷикистон ба тарафдории он овоз додааст. Ин бузургтарин муваффақияти мост”.    

         Ба ҳамин тартиббаъди қабули Конститутсия дар таърихи навини кишварамон марҳилаи нав оғоз ёфт ва барои беҳтар намудани дараи некуаҳволии мардуми Тоҷикистон ва давом додани ислоҳоти иқтисодӣ шароити мусоид фароҳам омад

             Мардуми Тоҷикистон, аз ҷумла сокинони сарбаланди ноҳияи ба номи Ҷалолиддини Балхӣ тамоми дастовардҳоеро, ки тӯли 26 соли амали Конститутсияи Ҷумҳурии Тоҷикистондар иртибот ба рушди иқтисодию иҷтимоии кишвари тозаистиқлоли Тоҷикистон ба даст овардем, ба натиҷаи заҳматҳои шаборузӣ ва хиради азалии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон мансуб медонанд.   

         Мо мардуми Тоҷикистон хушбахт аз онем, кидорои Конститутсияи хеш ҳастем ва ин Конститутсия ҷавобгӯи тамоми меъёрҳои  байналхалқӣ буда, яке аз беҳтарин Конститутсияҳои эътирофшудаи сиёсатмадорони ҷомеаи ҷаҳонӣ мебошад. 

         Конститутсияи Ҷумҳурии Тоҷикистон на танҳо ҳуқуқу озодиҳои  инсонро, ки аз эъломияи ҳуқуқи башар бармеояд,  эътироф кард, балки дар боби  алоҳида кафолати ҳимояи онҳоро таъмин намуд.

         Конститутсияи нав забони тоҷикиро забони давлатӣ эълон намуд, халқро баёнгари соҳибихтиёрӣ ва сарчашмаи ягонаи  ҳокимияти давлатӣ эълон кард.

         Конститутсия шакли идоракунии Президентиро эълон намуд, волоияти меъёрҳои конститутсиониро ба дараҷаи Олӣ бардошта, ба он  ворид намудани тағйиру иловаҳоро ба зиммаи  халқ гузошт.

         Дар иртибот ба ин нуқтаҳои муҳим мо бояд ба хубӣ дарк намоем, ки яке аз талаботи муҳими Конститутсия эҳтиром, риоя ва иҷрои ҳатмии меъёрҳои он  ва қонунҳо мебошад.  Барои ноил гардидан ба ин ҳадаф пеш аз ҳама зарур аст, ки эҳтиром, риоя ва иҷрои ҳатмии Конститутсия ва қонунҳо вазифаи муқаддаси ҳар як фарди ҷомеа бошад.Дар ин замина мо метавонем ба ҳадафҳои олии худ, таъмини ҳуқуқу озодиҳои шаҳрванд дар давлати демократӣ, дунявӣ, ҳуқуқбунёд ва ягона муваффақ шавем.

         Қайд кардан бамаврид аст, ки Конститутсияи Ҷумҳурии Тоҷикистон ба ҳамаи шаҳрвандони Ҷумҳурӣ новобаста аз халқияту миллат, наҷод, ҷинс, забон, эътиқоди динӣ, мавқеи сиёсӣ, маълумот ва ғайра ҳуқуқу озодиҳоро кафолат додааст.

         Сокинони ноҳияи ба номи Ҷалолиддини Балхӣ низ чун узви комилҳуқуқи ҷомеа азкафолатҳои конститутсионии  худ бархурдор буда, ҳуқуқу озодиҳои онҳо ҳифз карда мешавад. Имрӯз тамоми мақсад ва фаъолияти мақомоти иҷроияи мањаллии ҳокимияти давлатии ноҳия низ ба он равона карда шудааст, ки ҳуқуқҳои  шаҳрвандон поймол карда  нашаванд ва ҳаёти осудаву арзанда ба онҳо таъмин бошад. 

Тавре ки мо медонем, дар ноҳияи мо миллату халқиятҳои гуногун дӯстона зиндагонӣ менамоянд ва  сол то сол мардум бо меҳнати осоиштаи худ шароити некӯаҳволии худро беҳтар менамоянд. Мо қаноатманд аз он ҳастем, ки вобаста ба амали ин Қонуни асосӣ ва пойдории Истиқлолияти давлатӣ аз таҳаввулот ва пешрафте, ки дар мамлакат ба вуқуъ мепайвандад, дар канор нестем ва бо дастгирии бевоситаи Пешвои миллат, Асосгузори сулҳу ваҳдати миллӣ, Ҷаноби Олӣ муҳтарам Эмомалӣ Раҳмон дар аксар бахшҳои хоҷагии халқи ноҳия ба пешрафт ва муваффақиятҳо ноил гардида истодаем.  

Имрўз хушбахтона, мардуми ноҳияаҳлона  дар фазои  сулҳу субот, дўстиву якдигарфаҳмӣ  заҳмат кашида, рушди марҳилаи созандагиву бунёдкориро вусъат медиҳанд ва бо бунёди муассисаҳои таъиноти гуногун  симои ноҳияро ободу зебо гардонида истодаанд.   

         Дар зарфи даҳ моҳи соли ҷорӣ хоҷагиҳои кишоварзии ноҳия истеҳсоли маҳсулоти соҳа, аз ҷумла пахта, гандум, ҷав, шолӣ, ҷуворимакка, сабзавот, полезӣ ва дигар зироатҳоро таъмин намуда, ҳосилнокии ин зироатҳоро тадриҷан зиёд намуданд.  

         Ҳоло дар назди кишоварзони ноҳия вазифаҳои муҳим, пурра ҷамъоварӣ намудани ҳама зироатҳо, омодагӣ ва гузаронидани кишти тирамоҳӣ ва гузоштани замина барои баланд намудани истеҳсоли маҳсулоти соҳа барои соли оянда меистанд. Ин нуқта дар Паёми солонаи Президенти мамлакат ба Маҷлиси Олии кишвар низ ҷиҳати ҳадафҳои аввалиндараҷаи стратегияи миллӣ таъкид гардид, ки: «Мо бояд тамоми саъю кушиши худро ба он равона созем, ки  бо вуҷуди вазъи ноустувори молиявию иқтисодии дар ҷаҳон идомадошта бо заҳмати аҳлона ва иқдомҳои ободгаронаи мардуми шарифи Тоҷикистон се ҳадафи стратегии дар наздамон қарордошта, яъне истиқлолияти энергетикӣ, раҳоӣ ёфтан аз бунбасти коммуникатсионӣ ва амнияти озуқавории кишварамонро таъмин намоем». 

         Аз ин ру, ҳар яки мо вазифадорем, ки ба амалисозии иқдому ташаббусҳои неку созанда ба хотири боз ҳам таҳким бахшидани дастовардҳои Истиқлолият, беҳтар гардонидани сатҳу сифати зиндагии мардум ва ободии Ватани азизамон  аҳлона заҳмат кашем, ҳар як иқдоми арзишманди Пешвои миллатро қадр намоем ва Тоҷикистони азизамонро боз ҳам ободу зебо гардонем. 

        Аз ин ру,  Мову Шумо бояд шукронаи неъмати бузургтарин ва муқаддаси инсонӣ, яъне соҳибватаниро ба ҷо орем, барои ҳимояи марзу буми аҷдодӣ ҳамеша омода бошем, ба хотири пешрафту ободии давлати соҳибистиқлол ва рузгори осудаву ороми ҳар як хонадони кишвари азизамон шабу руз аҳлона заҳмат кашем  ва бо кору пайкори шоиста Тоҷикистонро дар арсаи ҷаҳон муаррифӣ созем. Зеро вазифаи асосии  мо бунёди ҷомеаи шаҳрвандӣ,  ки ба ҳар як одам имкониятҳои баробар фароҳам оварда шуда,  ба ҳуқуқ ва озодиҳои он кафолат дода метавонад.

         Бо арзи эҳтироми  бепоён бори дигар санаи бузурги миллӣ Рузи Конститутсияи Ҷумҳурии Тоҷикистонро барои тамоми мардуми шарифи ноҳия самимона табрику таҳният мегӯям.


ХОНАОБОДУ, САРБАЛАНД БОШЕД

ҲАМДИЁРОНИ АЗИЗ !





скачать dle 12.1
Просмотров: 31  |  Комментариев: (0)  |  Нашли ошибку?
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.