Календар
«    Декабрь 2020    »
ПнВтСрЧтПтСбВс
 123456
78910111213
14151617181920
21222324252627
28293031 
?????? ??? 7??? ??? ?? ?? .
http://balkhi.tj/
ПАЁМИ ТАБРИКИИ РАИСИ НОҲИЯИ ҶАЛОЛИДДИНИ БАЛХӢ МУҲТАРАМ УБАЙДУЛЛОИ ФАЙЗУЛЛО БА ИФТИХОРИ РӮЗИ ПРЕЗИДЕНТИ ҶУМҲУРИИ ТОҶИКИСТОН
16-11-2020, 13:47 | Автор: admin-balkhi | Категория: Асосӣ

ПАЁМИ ТАБРИКИИ РАИСИ НОҲИЯИ ҶАЛОЛИДДИНИ БАЛХӢ

МУҲТАРАМ УБАЙДУЛЛОИ ФАЙЗУЛЛО БА ИФТИХОРИ

РӮЗИ ПРЕЗИДЕНТИ ҶУМҲУРИИ ТОҶИКИСТОН


ҲАМДИЁРОНИ АЗИЗ,


     Дар таърихи давлатдории миллати соҳибтамаддуни тоҷик санаи 16-ноябр ҳамчун Рузи Президенти Ҷумҳурии Тоҷикистон бо ҳарфҳои зарҳалин сабт гардида, эҳтирому самимияти мардумро нисбат ба Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, Ҷаноби Олӣ муҳтарам Эмомалӣ Раҳмон ифода менамояд.  

         Таърих ба Тоҷикистони соҳибистиқлол дар лаҳзаҳои ҳассосу сарнавиштсоз Эмомалӣ Раҳмонро ҳадя кард ва ин чеҳраи нуронии сиёсат барои миллати тоҷик ва мардуми тоҷикистонӣ бозёфти нодири таърихӣ маҳсуб гашт.   

         Аз саҳифаҳои таърихи давлатдории навини тоҷикон мо хуб дар ёд дорем, ки дар бунёд кардану азми ватандорӣ ба Пешвои муаззами миллат монеаҳои зиёде пеш омаданд, аммо руҳи шикастнопазираш хастагиро напазируфт. Икдомҳои ташаббускоронаи ватансозиаш тафаккури миллиро дар шуури ҷомеа бедор кард, ки ин бедорӣ моро ба шоҳроҳи ҷомеаи шаҳрвандӣ ҳидоят намуд. Воқеан, ӯ хуб дарк мекард, ки бунёди қасрҳову иншоотҳои стратегӣ ва нақбҳову роҳҳо бе устувории тафаккури миллӣ бақо надоранд. Аз ин ру, рисолати таърихиашро дар назди ватану миллат ба ҷо оварда, миллаташро соҳибватан кард ва бо итминону боварӣ дар арсаи сиёсат қадам гузошт. 

         Ӯ пайваста дар суханрониҳояш ғурури миллии ниёгонро ба аҳли ҷомеа талқин намуда, дар баррасиву муҳокимаҳои мавзуъҳои дорои хусусияти глобалӣ манфиатҳои Тоҷикистони азизро ҳифзу ҳимоят менамояд. Дастгирӣ ёфтани ташаббусҳои сатҳи байналмиллалии Тоҷикистон аз тарафи ҷомеаи ҷаҳонӣ дар соҳаи истифодаи самараноки об - “Об барои рушди устувор ” далели возеҳ ба ин аст.  

         Дар зарфи 29-соли соҳибдавлатӣ заҳмату фидокории Пешвои мо буд, ки на танҳо асосу бунёди ба вуҷуд омадани дастгоҳи муназзамумураттаби давлатӣ гузошта шуд, балки заминаҳои фаъолияти созандаи онҳо низ руи кор омада, кафолати таъмини ҳуқуқу озодиҳои инсон ва шаҳрванд гузошта шуд. Мо дар ин солҳо соҳиби рамзҳои давлатӣ Конститутсия,  Нишон, Парчам гардида, дар ин баробар эҳтиром ба забон, фарҳанг ва пули миллӣ низ дар маркази таваҷҷуҳи бевоситаи роҳбари соҳибхиради тоҷик қарор доштанд.Боифтихор метавон гуфт, ки таҷрибаи сулҳофарӣ ва иқдомҳои ватандорию ватансозии Пешвои муаззами миллати мо мояи таҷрибаи сиёсатмадорони машҳури дунё гаштаанд.   

             Бо гузашти бисту нуҳ соли таърихӣ метавон ҳамаҷониба тасдиқ кард, ки ташаккули давлати мустақили тоҷикон дар поёни ҳазорсолаи гузаштаву оғози ҳазорсолаи нав бо номи ӯ ва фаъолияти гуногунпаҳлуи ин симои нотакрори саҳнаи сиёсат робитаи мустаҳкам дорад.  Президенти маҳбуби мо дар лаҳзаҳои тақдирсоз қудратро на танҳо барои қудрат, балки барои хушбахтии миллати азизаш пазируфт. Яъне ӯ қадам ба қадам, ҳар лаҳза ва ҳар замон ба умеди ваҳдат, ба нияти суботу оромӣ андеша меронд, ҳарф мезад ва амал мекард.  

Ин ҳамаро мо на танҳо медидему  мешунидем, балки бо қалбу рӯҳ дарк мекардем ва аз ин мактаб дарси ватандорӣ меомухтем. Ӯ ҳамеша ба суханаш содиқ ва  ба ваъдааш устувор буд ва ба ҳар амалаш муҳаббат дошт, ки тавонист бузургтарин неъмат-умед ба зиндагии осоиштаро дар дили мардум ҳифз карда, халқро аз парокандагӣ, миллатро аз нестшавӣ ва давлатро аз завол наҷот диҳад. 

           Воқеан миллате, ки таърих ва бузургони гузаштаи худро қадр мекунад, саодатманд аст, вале бузургтару саодатмандтармиллатест, ки ба қадри бузургон ва қаҳрамонони зиндаи худ мерасад. Илми таърих ва таҷрибаи давлатҳои мутамаддин низ собит менамоянд, ки давлатҳои гузаштаю имрӯза хизматҳои содиқона, созанда ва тақдирсози чунин фарзандони  қаҳрамони худро мадди назар гирифта, бо мақсади нигоҳ доштани меросияти таърихӣ ва рушди бонизоми ҷомеа ва давлат симо ва шахсияти онҳоро  ҳамчун қаҳрамон, Пешво ва Падари миллат эътироф кардаанд. Аз ин нуқтаи назар эътирофи ӯ ба ҳайси Бунёдгузори давлати муосири тоҷик, Асосгузори сулҳу ваҳдати миллӣ, Пешвои миллат мувофиқ ба анъанаи давлатдории муосир буда, барои насли имрӯз сабақи муҳими ватандорӣ аст.  

         Таърихи29 соли марҳилаи рушду пешрафт ва бунёдкории миллати худогоҳи тоҷик ба мисли оина хидматҳои бузургу бемисли Эмомалӣ Раҳмонро ба унвони раҳнамо, ҳидоятгар, мушкилкушо ва наҷотбахши миллат рӯшан мекунад. Ин чеҳраи сиёсатмадори сатҳи ҷаҳонӣ воқеан дар қалбу андешаи мардум Пешвои ҳақиқии миллатро соҳиб шудааст. 

        Далели бузургу раднопазири ин андеша баргузории чорабинии муҳими сиёсӣ интихоботи Президенти Ҷумҳурии Тоҷикистон буд, ки санаи 11 октябри соли равон баргузор гардида,  сокинони мамлакат  бо интихоби андешамандона 90,92 фоизи раъйи худро ба ҷонибдории номзади арзанда Эмомалӣ Раҳмон дода, ба муддати 7 соли минбаъда Президенти Ҷумҳурии Тоҷикистон интихоб намуданд.  

          Дар асоси Конститутсияи Ҷумҳурии Тоҷикистон таъмин намудани соҳиб­их­­­тиёрӣ, истиқ­ло­­лу озодӣ ва тамомияти арзии кишвар вазифаи асосии давлат буда, тағйирнопазир будани шакли идораи президентӣ, моҳияти демок­ратӣ, ҳуқуқбунёду дунявӣ ва иҷтимоии давлат ҳамчун меъёрҳои пойдору устувори он эътироф гардидаанд. Дар ин қонуни асосӣ ва сарнавиштсози давлат, ки дастоварди арзишманди даврони соҳибистиқлолии мамлакат аст, боби чорум ҳомии Конститутсия ва қонунҳо, ҳуқуқу озодиҳои инсон ва шаҳрванд, кафили истиқлолияти миллӣ, ягонагӣ ва тамомияти арзӣ, пойдориву бардавомии давлат, мураттабии фаъолияти мақомоти давлатӣ будани Президентро кафолат додааст. 

         Сокинони ноҳияи Ҷалолиддини Балхӣ имруз боифтихор тамоми дастовардҳоеро, ки дар солҳои соҳибистиқлолии  кишвар  дар иртибот ба пешрафт ва рушду камоли ноҳия ба даст овардем, ба натиҷаи заҳматҳои шаборузӣ ва хиради азалии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон мансуб медонанд.    

         Дар масири обод намудани ватан иродаи мардуми ноҳия устувору қавӣ аст ва маҳз ҳамин якдилӣ моро водор менамояд, ки ҷиҳати дар сатҳи баланд таҷлил намудани ҷашни 30-солагии Истиқлолияти давлатии Ҷумҳурии Тоҷикистон  ба хотирибеҳтар гардонидани сатҳу сифати зиндагии мардум ва ободии Ватани азизамон  аҳлона заҳмат кашем ва Тоҷикистони азизамонро боз ҳам ободу зебо гардонем.  

         Бо арзи эҳтироми  бепоён бори дигар санаи бузурги таърихӣ Рӯзи Президенти Тоҷикистонробарои тамоми мардуми шарифи ноҳия самимона табрику таҳният гуфта, дар амалӣ намудани дастуру ҳидоятҳои Пешвои муззами миллат ба Шумо бурдбориҳо таманно менамоям. 

Мо бо Президенти худ ҳамеша фтихор мекунем.


ХОНАОБОДУ САРБАЛАНД БОШЕД,

ҲАМДИЁРОНИ АЗИЗ!




скачать dle 12.1
Просмотров: 15  |  Комментариев: (0)  |  Нашли ошибку?
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.