Санаи 20 декабри соли равон дар деҳаи Сабзадашти Ҷамоати шаҳраки Гулистони ноҳияи Ҷалолиддини Балхӣ дар ҳудуди муассисаи                                      таҳсилоти миёнаи умумии №60 -  3  синфхонаи иловагӣ сохта ба истифода дода шуд.

Синфхонаҳои иловагӣ бо ташаббуси директори муассисаи зикршуда ва ҷалби зиёда аз 10 нафар муҳоҷири меҳнатӣ сохта шуда, дар кушодашавии синфхонаҳо Абдуқосим Сафаров - раиси Ҷамоати шаҳраки Гулистон, Насимхон Ҳамидов-директори муассиса, омӯзгорон, хонандагон ва дигар масъулин ширкат варзиданд.

Бояд гуфт, ки синфхонаҳои сохташуда барои зимистонгузаронӣ омода буда, бо печҳои гармидиҳӣ таъмин мебошанд.

Метавон гуфт, ки сохтмони синфхонаҳои мазкур дар арафаи Соли нави мелодӣ ба хонандагони муассиса аз номи муҳоҷирони меҳнатии деҳа ҳамчун туҳфа сохта ба истифода дода шуда, барои хонандагон боз ҳам шароити нави таҳсилро муҳайё намудаанд.

Дар ин рӯз аз тарафи директори муассиса ва Ҷамоати шаҳраки Гулистон як қатор шахсоне, ки дар сохтмони синфхонаҳои иловагӣ саҳми худро гузоштаанд, бо Сипоснома қадрдонӣ карда шуданд.