ДАВРИ НОҲИЯВИИ ОЗМУНИ ҶУМҲУРИЯВИИ «ТОҶИКИСТОН-ВАТАНИ АЗИЗИ МАН»

   Дар Қасри фарҳанги ба номи Ҷалолиддини Балхӣ бо иштироки намояндаи мақомоти иҷроияи ҳокимияти давлатии ноҳия Раҷабалӣ Абдулов ва ҳайати ҳакамон рӯзи 5 апрели соли 2024 даври ноҳиявии озмуни ҷумҳуриявии «Тоҷикистон - Ватани азизи ман» баргузор гардид. Озмун аз рӯи ду номинатсия-сарояндагӣ ва навозандагӣ баргузор гардид, ки дар он иштирокчиёни аз 12 то 17- сола ва аз 18 то 35 - сола иштирок намуданда, аз 25 нафар довталабони иштирокчӣ 24 нафарашон ба даври вилоятӣ роҳхат гирифтанд. Озмун бо мақсади дарёфти истеъдодҳои нави соҳаи санъат, баланд бардоштани мақому маҳорати касбӣ, тақвият бахшидан ба касбияти баланди ҳунари иҷрокунандагӣ ва эҷоди мусиқии нав, инчунин таъмини ашъори баландғояи ватандӯстона, дарёфти беҳтарин намунаҳои оҳанг ва сурудҳои тараннумгари дастовардҳои замони Истиқлолияти давлатӣ, саҳми Президенти Ҷумҳурии Тоҷикистон муҳтарам Эмомалӣ Раҳмон дар эъмори давлатдории навини тоҷикон ва тарғибу ташвиқи анъанаҳои арзишманди миллию мероси пурғановати ниёгон роҳандозӣ шуда, шаш сол боз идома дорад.  

ФЕСТИВАЛИ ҶУМҲУРИЯВИИ «ҲАФТАИ КИТОБИ КӮДАКОНУ НАВРАСОН» ДАР НОҲИЯИ ҶАЛОЛИДДИНИ БАЛХӢ

   Ҳамасола аз 2 то 9 апрел дар саросари мамлакат Фестивали ҷумҳуриявии «Ҳафтаи китоби кӯдакону наврасони Тоҷикистон» баргузор мегардад. Фестивали мазкур рӯзи 3 апрели соли 2024 бо иштироки муовини раиси ноҳия оид ба соҳаи идеологӣ Қурбонзода Қурбоналӣ, адиб ва сармуҳаррири рӯзномаи ноҳиявии «Навиди Балх» Одиназода Ибодуллоҳ, мутахассиси пешбари бахши фарҳанг Гулмурод Кабиров, директори китобхонаи марказӣ Наргис Салимова, директори Осорхонаи таъриху кишваршиносӣ Шаҳзода Ибрагимҷонова, сармутахассиси бахши кор бо ҷавонон ва варзиши ноҳия Хайриниссо Қаҳорова ва китобдорони филиалҳо дар китобхонаи марказии ноҳияи Ҷалолиддини Балхӣ баргузор карда шуд. 

                 ИФТИТОҲИ МУАССИСАҲОИ ТАЪЛИМӢ - ТУҲФАИ НАВРӮЗӢ

         Дар рӯзи ҷашни Наврӯзи байналмилалӣ санаи 23 марти соли 2024 дар деҳаи Чорбоғи Ҷамоати деҳоти Навобод бо иштироки намояндаи Ҳукумати Ҷумҳурии Тоҷикистон Салимзода Алиҷон Абдуҷалол ва раиси ноҳияи Ҷалолиддини Балхӣ Холиқзода Рустам Ҳикматулло бинои иловагии таълимӣ дар назди муассисаи таҳсилоти миёнаи умумии №11 кушода гардид. Бинои мазкур дорои 4 синфхона буда, барои 100 нафар ҷойи нишаст дар як баст мавҷуд мебошад. Дар ин рӯз дар деҳаи Сомониёни Ҷамоати Золи Зар низ бинои иловагии таълимӣ дар муассисаи таҳсилоти миёнаи умумии №28 бо 4 синфхона ва барои 100 нафар ҷойи нишаст дар як баст мавриди истифода қарор гирифт. Гуфта шуд, ки муассисаҳои болозикр бо саҳми падару модар, хоҷагиҳо ва мақомоти иҷроияи ҳокимияти давлатии ноҳияи Ҷалолиддини Балхӣ сохта шудаанд. Ба истифода додани биноҳои иловагии назди ду муассисаи таълимиро як туҳфаи хотирмони наврӯзӣ арзёбӣ намуданд.

                                               САМАРАИ ҲАМКОРИҲО

   Ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Ҷаноби Олӣ, муҳтарам Эмомалӣ Раҳмон дар самти ҳар чӣ зиёдтар фаро гирифтани кӯдакон ба таҳсилоти томактабӣ ин таъкид ба устувор гардонидани мафкураи насли ояндасози миллат мебошад. Аз ин хотир, дар баробари муассисаҳои таҳсилоти томактабӣ ташкил намудани Марказҳои рушди барвақтии кӯдакон дар назди ҳар мактаби таҳсилоти умумии кишвар ва ба ин васила ташкил намудани шароити мусоид ба таълиму тарбияи кӯдакони синни томактабӣ амри воқеӣ дониста мешавад. Ҷиддӣ муносибат намудан ба ин матлаб бояд вазифаи ҳар як фарди худогоҳ ва махсусан, сарварони муассисаҳои таълимӣ бошад. 

ҶАЛОЛИДДИНИБАЛХӢ: ИФТИТОҲИСИНФХОНАҲОИИЛОВАГӢДАРНАЗДИДУМУАССИСАИТАЪЛИМӢ

       Имрӯз, 16 март, зимни сафари корӣ дар ноҳияи Ҷалолиддини Балхӣ раиси вилояти Хатлон Давлаталӣ Саид 2 бинои иловагиро дар назди муассисаҳои № 23 ва № 24 мавриди баҳрабардорӣ қарор доданд. Иттилоъ дода шуд, ки ин ду иншоот бо саҳми падару модар, хоҷагиҳо ва мақомоти иҷроияи ҳокимияти давлатии ноҳия сохта шудаанд. Тибқи лоиҳа иншоотҳо аз як ошёна иборат буда, дорои 8 адад синфхона барои 184 ҷойи нишаст дар як баст мебошад. Тибқи нақша сохтмони бинои китобхона низ дар назар аст. Раиси вилояти Хатлон бо масъулин суҳбат карда, онҳоро муваззаф намуданд, ки дар тарбияи насли наврас саҳми худро ва барои ободии диёр кӯшиш намоянд. Инчунин, раиси вилоят супориш доданд, ки дар оянда барои ба гармӣ таъмин намудани синфхонаҳо дар фасли сармо чораҷӯӣ карда шавад. Гуфта шуд, ки бояд корҳои сохтмонӣ, созандагию бунёдкорӣ дар иншоотҳои сохташаванда бахшида ба ҷашни 35-солагии Истиқлоли давлатии Ҷумҳурии Тоҷикистон ба шаҳру ноҳияҳои вилояти Хатлон вусъат дода шавад. Шуъбаи иттилоотию таҳлилии дастгоҳи раиси вилояти Хатлон. 

                        БАРГУЗОРИИ ОЗМУНИ "ҲУСНОРО"

   Санаи 12 марти соли 2024 дар толори шуъбаи маорифи ноҳияи Ҷалолиддини Балхӣ бо ташаббуси бахши кор бо ҷавонон ва варзиши ноҳия дар ҳамбастагӣ бо бахшҳои кор бо занон ва оила, фарҳанг ва шуъбаи маориф даври ноҳиявии озмуни «Ҳусноро» бахшида ба Рӯзи Модар ва иди Наврӯзи байналмилалӣ бо мақсади баланд бардоштани нақш ва мақоми зан дар ҷомеа, инкишофи фарҳангу ҳунари миллӣ, тарбияи ҷавондухтарон дар рӯҳияи зебоиофарӣ ва зебоипарстӣ, ахлоқи ҳамида, мусоидат дар маърифати оиладории ҷавондухтарон, эҳтиром ба арзишҳои миллӣ, муаррифии ҳунарҳои мардумӣ ва ҷалби насли наврас ба эҷодкорӣ баргузор гардид. Озмун аз рӯйи шартҳои зерин: қироати шеър дар васфи Модар, Ватан, Баҳор, Наврӯз ё замзамаи суруд ( алоҳида ё гуруҳӣ то 4 дақиқа), намоиши либоси чакан бо дӯхти замонавӣ: (тарзи роҳгардӣ, шинаму миллӣ будани либос, чеҳраи кушода ва табассум то 2 дақиқа), ороиши мӯй (то 5 дақиқа) ва сурудани аллаи модар бо шеваи модарона бе мусиқӣ (то 5 дақиқа) гузаронида шуд. Дар фарҷом ғолибон ва иштирокчиёни фаъол бо Диплом ва туҳфаҳои хотиравӣ аз ҷониби бахши кор бо ҷавонон ва варзиши ноҳия сарфароз гардонида шуданд.  

    ДАР ТАЪЛИМУ ТАРБИЯИ НАСЛИ НАВРАС БЕТАФОВУТ НАБОШЕД.  

    12 марти соли 2024 дар толори мақомоти иҷроияи ҳокимияти давлатии ноҳияи Ҷалолиддини Балхӣ бо иштироки муовини раиси ноҳия оид ба соҳаи идеологӣ Қурбонзода Қурбоналӣ, сардори шуъбаи Кумитаи давлатии амнияти миллӣ Рустам Мирзоев, сардори шуъбаи Вазорати корҳои дохилӣ Нурализода Суҳроб, комиссари ҳарбии ноҳия Ҳасанализода Саидакбар, раисони маҳалла, ҷамоатҳои шаҳраку деҳот ва имомхатибон бо мақсади иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон, ки санаи 9 марти соли 2024 бо фаъолону намояндагони ҷомеа ва ходимони дин доир гардида буд, вохӯрии судбахш баргузор гардид. Дар вохӯрӣ оид ба самтҳои «Таълиму тарбияи насли наврас дар рӯҳияи ватандустӣ», «Дар бораи масъулияти падару модар дар таълиму тарбияи фарзанд», ҷалби ҷавонон ба сафи Қувваҳои Мусаллаҳи Ҷумҳурии Тоҷикистон, таҳкими ҳисси худшиносиву ватандӯстии наврасону ҷавонон, эҳтироми арзишҳои либоси фарҳанги миллӣ ва пешгирии ҷалби наврасону ҷавонон ба ҷараёну равияҳои экстремистию террористӣ суханронӣ намуданд.

                            МАСЪУЛИЯТШИНОСӢ - БЕҲБУДИИ ҲАЁТИ ФАРЗАНДОН

         Дар асоси нақша-чорабиниҳои Мақомоти иҷроияи ҳокимияти давлатии ноҳияи Ҷалолиддини Балхӣ дар самти пешгирии омилҳои номатлуби иҷтимоӣ миёни ноболиғону ҷавонон, зӯроварӣ, хариду фурӯши инсон, рафти иҷрои қонунҳои Қонуни Ҷумҳурии Тоҷикистон «Дар бораи масъуляти падару модар дар таълиму тарбияи фарзанд» «Дар бораи танзими анъана ва ҷашну маросим дар Ҷумҳурии Тоҷикистон» ва «Дар бораи озодии виҷдон ва иттиҳодияҳои динӣ» бо иштироки Барно Саидова - сармутахассис - котиби комиссия оид ба ҳуқуқи кӯдак, Ҷавоҳир Риоева - сармутахассиси бахши кор бо занон ва оила, Хайринисо Қаҳорова-сармутахассиси бахши кор бо ҷавонон ва варзиши ноҳия дар муассисаҳои таҳсилоти миёнаи умумии ҷамоатҳои деҳоти Ҳалевард, Золи Зар ва Навоӣ байни волидайн, омӯзгорон ва хонандагон вохӯрии судманд доир карда шуд. 

 ДАР МУАССИСАҲОИ ТАЪЛИМӢ КОРҲОИ ОБОДОНӢ БО МАРОМ ИДОМА   ДОРАД.

    Санаи 17 октябри соли 2023 раиси ноҳияи Ҷалолиддини Балхӣ муҳтарам Холмурод Раҳмон ва намояндаи Мақомоти иҷроияи ҳокимияти давлатӣ дар муассисаҳои таълимии Ҷамоати деҳоти Золи Зар Баротзода Фаридун аз вазъи сохтмон, таъмири ҷорию капиталии муассисаҳои таҳсилоти миёнаи умумии Ҷамоати деҳоти Золи Зар дидан намуданд. Ҳангоми шиносоӣ сохтмончиён иброз доштанд, ки корҳо тибқи нақша идомаёфта, сохтмони синфхонаҳои иловагӣ дар муассисаҳои таълимии №№23,24,28 то ҷашни Рӯзи Конститутсияи Ҷумҳурии Тоҷикистон ба истифода дода мешаванд. Дар натиҷаи боздиди муассисаҳои таълимӣ бо фаъолони ноҳия ҷаласаи корӣ баргузор гардида, зимни суханрониашон раиси ноҳия муҳтарам Холмурод Раҳмон доир ба иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти омоданамоии мутахассисони босаводу донишманд ва истифодаи усулҳои нави таълим, ҷиҳати баланд бардоштани сифати таҳсилот ёдовар шуданд. Инчунин ба масъулин ҷиҳати камбудиҳои ҷойдошта ва ҳарчӣ зудтар ба итмом расонидани таъмиру сохтмонҳои муассисаҳои таълимӣ супоришҳои мушаххас дода шуд. Сипас ба як қатор шахсоне, ки дар сохтмонҳои муассисаҳои таълимӣ саҳми арзандаи хешро гузоштанд, Сипосномаҳои Мақомоти иҷроияи ҳокимияти давлатии ноҳияи Ҷалолиддини Балхӣ тақдим карда шуд.

                               ЗАБОНИ ТОҶИКӢ - МОЯИ ИФТИХОРИ МИЛЛАТ

    Аз овони хурдӣ то давраи пиронсолӣ ҳаёти инсон бо забон алоқаманд мебошад. Тифл сухан гуфта наметавонад, вале ӯ садои аллаи модар, инчунин нақли афсонаи бибияшро дарк намуда, гӯш медиҳад. Ҳама корҳое, ки мову шумо дар рӯйи замин анҷом медиҳем, ин ҳама бо воситаи забон ба вуқуъ мепайвандад. Забон воситаи муоширати инсон дар ҷамеа аст. Дар баробари ташаккулёбии ҷомеа забон низ ташаккул меёбад. Бе донистани забон, илм, техника, касбу ҳунарҳо ва умуман, пешрафти фарҳанги башарият ғайри имкон аст. Дар баробари донистани забон, ҳар як соҳибзабон бояд маънои луғавии онро хуб дарк намуда, ҳангоми истифодабарӣ қоидаҳои имлои забони давлатиро риоя намояд. Воқеан ҳам, бузургии забон ҳамин аст, ки мо имрӯз халқи тоҷик забони бузурги худро дорем ва олимону мутуфаккирони машҳурамон ба монанди Абуабдуллоҳи Рӯдакӣ, Абулқосими Фирдавсӣ, Ҳофизи Шерозӣ ва Камоли Хуҷандӣ дар эҷодиёташон нишон додаанд, ки миллату забони мо фарҳангӣ буда, дар ҳама ҳолат ҳувияти илмиву адабии худро нигаҳ медорад.