ЧОРАБИНИИ ФАРҲАНГӢ БАХШИДА БА 28-УМИН СОЛГАРДИ КОНСТИТУТСИЯИ ҶУМҲУРИИ ТОҶИКИСТОН

 Санаи 4 ноябри соли равон бахшида ба Рӯзи Конститутсияи Ҷумҳурии Тоҷикистон дар Қасри фарҳанги ба номи Ҷалолиддини Балхӣ чорабинии идона баргузор гардид. Сараввал раиси ноҳия Убайдуллои Файзулло ба сухан баромада, ҳозиринро ба 28-умин солгарди Конститутсияи Ҷумҳурии Тоҷикистон табрику таҳният намуд. Қайд гардид, ки Конститутсия замони Истиқлолии Ҷумҳурии Тоҷикистон 6-уми ноябри соли 1994 барои бунёди мамлакати ободу пешрафта, таъмини амнияту осоиштагӣ, сулҳу озодӣ ва рушду инкишофи ояндаи давлати тозаистиқлол замина гузошт.

   Санаи 8-уми ноябри соли 2022 дар толори хурди мақомоти иҷроияи ҳокимияти давлатии ноҳияи Ҷалолиддини Балхӣ ҷаласаи Шӯрои мутобиқсозию методӣ оид ба таълим ва тарбияи ҳуқуқии шаҳрвандони назди раиси ноҳияи Ҷалолиддини Балхӣ баргузор гардид. Дар ҷаласаи мазкур раиси ноҳия, раиси Шӯро Убайдуллои Файзулло, аъзои Шӯро, инчунин аъзои комиссияи даъватӣ, роҳбарони мақомотҳои ҳифзи ҳуқуқ, муовини якум, муовинони раис, роҳбари дастгоҳи раиси ноҳия, роҳбарони ташкилоту муассисаҳо ва раисони ҷамоатҳои шаҳраку деҳот иштирок намуданд. 

                «АЛБОМ-ЭСТАФЕТА» ДАР НОҲИЯИ ҶАЛОЛИДДИНИ БАЛХӢ    Санаи 26 октябри соли 2022 Аксияи ҷумҳуриявии «Албом-Эстафета" аз ноҳияи Вахш ба ноҳияи Ҷалолиддини Балхӣ расид. Аксияи мазкур бо иштироки раиси ноҳия Убайдуллои Файзулло, раиси Кумитаи иҷроияи Ҳизби халқии Демократии Тоҷикистон дар вилояти Хатлон Миралиён Қиёмиддин Абдусалимзода ва раиси ҲХДТ дар ноҳияи Ҷалолиддини Балхӣ Лола Сулаймонова сурат гирифт. 

 МО БАРОИ ҲИМОЯИВАТАНИАЗИЗАМОНҲАМЕШАТАЙЁРҲАСТЕМ!

   Тибқи нақша-чорабиниҳои Прокуратураи ноҳияи Ҷалолиддини Балхӣ гурӯҳи кории мақомотҳои ҳифзи ҳуқуқ рӯзи 19 октябри соли равон дар толори маҷлисгоҳи Ҷамоати шаҳраки Гулистон бо сокинони ин ҷамоат вохӯрӣ гузарониданд. Дар вохӯрии болозикр муовини раиси ноҳия, раиси комиссияи даъватӣ Бегмурозода Файзиддин, Прокурори ноҳия Собирзода Искандар, сардори шуъбаи Вазорати корҳои дохилӣ Нурализода Суҳроб, и.в сардори шуъбаи КДАМ дар ноҳия Ҳалимов Ҷамшед, раисони маҳаллаҳо ва имомхатибони масҷидҳо иштирок ва суханронӣ намуданд. 

                                             ВОХӮРИИ МУФИД

    Рӯзи 20 ноябри соли ҷорӣ Тибқи нақша-чорабиниҳои Прокуратураи ноҳияи Ҷалолиддини Балхӣ гурӯҳи кории мақомотҳои ҳифзи ҳуқуқ дар толори маҷлисгоҳи Ҷамоати деҳоти Маданият бо сокинон вохӯрӣ доир гардид. Дар вохӯрии мазкур муовини раиси ноҳия, раиси комиссияи даъватӣ Бегмурозода Файзиддин, Прокурори ноҳия Собирзода Искандар, сардори шуъбаи Вазорати корҳои дохилӣ Нурализода Суҳроб, и.в сардори шуъбаи КДАМ дар ноҳия Ҳалимов Ҷамшед, раисони маҳаллаҳо ва имомхатибони масҷидҳо иштирок ва суханронӣ намуданд.

ВОХӮРИИСУДМАНД

 Санаи 18-уми октябри соли 2022 тибқи нақша-чорабиниҳои Прокуратураи ноҳияи Ҷалолиддини Балхӣ гурӯҳи кории мақомотҳои ҳифзи ҳуқуқ дар толори шуъбаи маорифи ноҳия вохӯрии муфид гузаронида шуд. Дар вохӯрии мазкур муовини раиси ноҳия, раиси комиссияи даъватӣ Бегмурозода Файзиддин, Прокурори ноҳия Собирзода Искандар, сардори шуъбаи Вазорати корҳои дохилӣ Нурализода Суҳроб, и.в сардори шуъбаи КДАМ дар ноҳия Ҳалимов Ҷамшед, раисони маҳаллаҳо ва имомхатибони масҷидҳо иштирок намуданд. Сараввал Прокурори ноҳия Собирзода Искандар суханронӣ намуда, аз ҳозирин даъват ба амал овард, ки баҳри баланд бардоштани ҳисси ватандӯстию хештаншиносӣ дар замири ҷавонон фарзандони худро ба сафи Қувваҳои Мусаллаҳи Ҷумҳурии Тоҷикистон, ки барои ҳар як ҷавонмард мактаби мардонагист, сафарбар намоянд. 

ХИЗМАТ БА ВАТАН-МОДАР ДАЛЕРИЮ ШУҶОАТАСТ

    Хизмат ба Ватан яке аз нишонаҳои муҳаббат ба Ватан аст, аммо на ҳар кас ба Ватани худ содиқона хидмат мекунад. Хидмат ба Ватану халқ қарзи ҳар як фарзанди вафодори миллат аст. Ҳар як фард ва ҳар як шаҳрванди Ҷумҳурии Тоҷикистон бо сарбозонаш мефахрад, зеро на ҳар кас сарбоз шуда метавонад. Набояд фаромӯш кард, ки ба сарбоз 3 чизи аз ҳама муқаддасро бовар кардаанд: Ватанро аз бегонагон муҳофизат намудан, Модари азизу меҳрубонро посбонӣ намудан ва ҳамчунин пойдор намудани сулҳ дар ҷаҳон. Бале, ватанро дӯст доштан, аз он ифтихор кардан, барои ҳимояи он омода будан, ба қадри сулҳу субот, осудагӣ, Ваҳдат ва Истиқлол расидан, шукронаи соҳибватаниву соҳибдавлатиро ба ҷо овардан аз ҷумлаи арзишҳое мебошанд, ки ҷавонони мо бояд дарк намуда, дастури зиндагии ҳаррӯзаи худ қарор диҳанд. Маврид ба зикри хос аст, ки ҳамасола дар қатори дигар ҷавонони шуҷои Ватан, ҷавонони боору номуси ноҳияи Ҷалолиддини Балхӣ низ бо сарбаландӣ ва азму иродаи қавӣ баҳри ҳифзи марзу буми кишвар камари ҳиммат мебанданд.

                     ЗАНИ ДАР СУҲБАТИ СОҲИБДИЛУ НЕКНОМ

   Арҷгузории баланд ба Зан-Модари тоҷик бе замина нест, зеро ӯст, ки бузургону нобиғагони зиёдро ба олам додааст, яъне саҳми бузурге дар тарбияту камолоти онҳо ва бад-ин васила дар маънавиёти башар гузоштааст. Меҳмонгул Гулмуродова яке аз занҳои поксиришт, поктинат ва соҳибэҳтиром дар ноҳияи Ҷалолиддини Балхӣ мебошад. Номбурда 10 феврали соли 1940 дар ноҳияи Данғара ба дунё омада, соли 1954 дар синни        14 - солагиаш ба ноҳияи Ҷалолиддини Балхӣ  меоянд. Бояд  гуфт,  ки  холаи  Меҳмонгул  8  фарзанд,      4 писар ва 4 духтарро ба дунё оварда, онҳоро бо меҳнати ҳалол, шабҳои бехобӣ ва дуову каломи нек ба камол расонидааст, ки имрӯзҳо фарзандонашон дар соҳаҳои гуногун кору фаъолият намуда истодаанд. Рӯзи 5 октябри соли равон муовини раиси ноҳия Абдусаломзода Анзурат ва мудири шуъбаи маориф Ҳакимзода Хайрулло ба аёдати ин зани собиқадори меҳнат -холаи Меҳмонгул Гулмуродова рафта, бо ин зани соҳибдил ҳамсуҳбат шуданд. Холаи Меҳмонгул аз рӯзгори неки гузаштаи хеш қиссаҳои аҷиб нақл намуда, аз ҷумла барои эҳтироми зан-Модар чунин ибрози андеша намуд: «Модар бузургу муқаддас аст, дуои неки ӯ инсонро аз ҳамаи баду бало нигаҳбон мешавад, ба кас қувваю илҳом мебахшад ва ба сӯи корномаҳои бузург раҳнамун месозад. Ҳатто гармии офтоб ба ҳарорати сӯзони қалбу муҳаббати модар нисбат ба фарзанд баробар шуда наметавонад. Бино бар ин, ҳамеша ба модарони худ арҷ гузоред, эҳтироми онҳро ба ҷо оваред, то баъди сари онҳоро пушаймон нашавед».

70 НАФАР ҶАВОНОНИ НОҲИЯИ ҶАЛОЛИДДИНИ БАЛХӢ БА САФИ ҚУВВАҲОИ МУСАЛЛАҲ САФАРБАР КАРДА ШУД

    Моҳҳои октябр-ноябр дар Ҷумҳурии Тоҷикистон ҷавонписароне, ки то рӯзи даъват ба синни 18-солагӣ мерасанд, инчунин шаҳрвандни синну солашон калон, ки ҳуқуқи ба таъхир андохтани муҳлати даъват ё озод будан аз даъват ба хизмати ҳарбиро надоранд, барои хизмат дар сафи Қувваҳои Мусаллаҳи Ҷумҳурии Тоҷикистон даъват карда мешаванд. Санаи 1 октябри соли 2022 дар рӯзи аввали маъракаи даъвати тирамоҳии ҷавонон ба хизмати ҳарбӣ дар саҳни Комиссариати ҳарбии ноҳияи Ҷалолидини Балхӣ чорабинии тантанавӣ баргузор гардид. 

         Рӯзи гиромидошти Мавлоно Ҷалолиддини Балхӣ (Румӣ) дар ноҳияи Ҷалолиддини Балхӣ

   Санаи 30 сентябр Рӯзи гиромидошти Мавлоно Ҷалолиддини Балхист.  Шоире, ки бо гусазшти солҳо меҳраш ба қалби ҳамагон шӯъла мепошад ва ҳамасола беш аз соле қабл дар борааш мегӯянду менависанд. Ҷалолиддини Румӣ осори бое дар ганчинаи маданияти умумиҷаҳонӣ боқӣ гузоштааст. Вай мутафаккири бузурги замонаш буда, ки дар инкишофи озодфикрӣ ва тараққиёти тафаккури назарявӣ хизмати бузурге дошт.

   Мероси адабии Мавлоно Балхӣ хеле пурсарват ва рангоранг мебошад. Он аз ҷиҳати нави сухан назму насро ташкил медиҳад. Дар арсаи суханварӣ  ҳамчун худованди беҳамтои мамлакати ишқу зебоӣ шинохта шудааст. Ӯ инсонро бузургтарин муҷизаи офариниш мешуморид ва ягонагию иттифоқу ҳамбастагии онҳоро тарғиб менамуд.Сулҳу оштӣ, ишқу ошиқи ба ақидаи Мавлоно қодир аст, заминро ба осмон хешу табор гардонад. Мавлоно Ҷалолиддини Балхӣ шоир мутафаккири бузурги асри XIII – и   форсу тоҷик соли 1207 дар Бал таваллуд шуда, дар ҷимодиюлохири соли 672 – и ҳиҷри дар Қуния чашм аз ҷаҳон фурӯ баст.