НОҲИЯИ ҶАЛОЛИДДИНИ БАЛХӢ » Асосӣ » МО БАРОИ ҲИМОЯИ ВАТАНИ АЗИЗАМОН ҲАМЕША ТАЙЁР ҲАСТЕМ!
октябрь 20 2022

МО БАРОИ ҲИМОЯИ ВАТАНИ АЗИЗАМОН ҲАМЕША ТАЙЁР ҲАСТЕМ!

   Тибқи нақша-чорабиниҳои Прокуратураи ноҳияи Ҷалолиддини Балхӣ гурӯҳи кории мақомотҳои ҳифзи ҳуқуқ рӯзи 19 октябри соли равон дар толори маҷлисгоҳи Ҷамоати шаҳраки Гулистон бо сокинони ин ҷамоат вохӯрӣ гузарониданд. Дар вохӯрии болозикр муовини раиси ноҳия, раиси комиссияи даъватӣ Бегмурозода Файзиддин, Прокурори ноҳия Собирзода Искандар, сардори шуъбаи Вазорати корҳои дохилӣ Нурализода Суҳроб, и.в сардори шуъбаи КДАМ дар ноҳия Ҳалимов Ҷамшед, раисони маҳаллаҳо ва имомхатибони масҷидҳо иштирок ва суханронӣ намуданд. Зимни баромадаш прокурори ноҳия Собирзода Искандар қайд намуд, ки баҳри баланд бардоштани ҳисси ватандӯстию хештаншиносӣ дар замири ҷавонон фарзандони худро ба сафи Қувваҳои Мусаллаҳи Ҷумҳурии Тоҷикистон, ки барои ҳар як ҷавонмард мактаби мардонагист, сафарбар намоянд. И.в. сардори шуъбаи Кумитаи давлатии амнияти миллӣ дар ноҳияи Ҷалолиддини Балхӣ Ҳалимов Ҷамшед зимни суханронӣ зикр дошт, ки террорист ватан, дин, мазҳаб ва миллат надорад! Пешгирии ҷавонон ба шомилшавии ҳизбу ҳаракатҳои ифротӣ вазифаи ҳар як шаҳрванд ва махсусан падару модарон аст. Бинобар ин ҳар як падару модарро зарур аст, ки нисбати кору кирдори фарзандони хеш аҳмияти ҷиддӣ дода, онҳоро дар роҳи ватандӯстиву хештаншиносӣ ва дӯст доштани арзишҳои миллӣ тарбият намояд. Гурӯҳи корӣ инчунин оид ба таъмину иҷрои дастуру супоришҳои Ҳукумати Ҷумҳурии Тоҷикистон, иҷрои Фармони Президенти Ҷумҳурии Тоҷикистон таҳти №1005 аз 6 феврали соли 2018 «Дар бораи Консепсияи сиёсати ҳуқуқии Тоҷикистон барои солҳои 2018-2028» ва фармони Прокурори генералии Ҷумҳурии Тоҷикистон таҳти №27 аз 15 феврали соли 2016 «Дар бораи вазифаҳои мақомоти прокуратура оид ба ташвиқу тарғиби қонунҳо, иштирок дар тарбияи ҳуқуқии аҳолӣ ва робита бо ҷомеа» вобаста ба гузаронидани корҳои тарғиботию ташвиқотӣ ҷиҳати пешгирӣ аз шомилшавии шаҳрвандон ба гурӯҳҳои ифротгаро ва дигар масъалаҳои мухталифи мубрами рӯз суханронӣ карданд. Аъзои гурӯҳи корӣ оид ба Конститутсияи Ҷумҳурии Тоҷикистон, Қонуни Ҷумҳурии Тоҷикистон «Дар бораи муқовимат ба экстремизм» аз 2 октябри соли 2020, Қонуни Ҷумҳурии Тоҷикистон «Дар бораи муқовимат ба терроризм» аз 23 январи соли 2021, қонунгузории озодии виҷдон ва иттиҳодияҳои динӣ, мубориза бо терроризм ва экстремизм, шомилшавии шаҳрвандони Тоҷикистон ба ташкилотҳои экстремистию террористӣ ва иштироки онҳо дар муқовиматҳои мусаллаҳонаи кишварҳои хориҷӣ ва дар ин раванд иҷрои Фармони Президенти Ҷумҳурии Тоҷикистон аз 1 июни соли 2021, таҳти №187 «Дар бораи Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025», ҳолати иҷрои Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон», ҳимояи ҳуқуқу манфиатҳои ноболиғону ҷавонон, баланд бардоштани сифати таълиму тарбия, масъулияти падару модар дар таълиму тарбияи фарзанд ва пешгирии ҷинояткорӣ дар байни ноболиғону ҷавонон ва ҳолати риоя ва иҷрои Қонуни Ҷумҳурии Тоҷикистон «Дар бораи ӯҳдадории ҳарбӣ ва хизмати ҳарбӣ» маълумот дода, шарҳу тавзеҳ намуданд. Ҳамчунин аз тарафи роҳбар ва аъзои гурӯҳи корӣ - роҳбарони мақомотҳои ҳифзи ҳуқуқ қабули сайёри шаҳрвандон баргузор карда шуд, ки арзу шикоят ва муроҷиатҳои сокинони Ҷамоати шаҳраки Гулистон шунида шуд. Тибқи қонунҳои амалкунандаи Ҷумҳурии Тоҷикистон дар якҷоягӣ бо сохторҳои марбута баҳри ҳалли муроҷиатҳо мусоидат карда шуд.

 

 

Эзоҳ:

Ин эзоҳ то ҳол шарҳе надорад. Шумо метавонед аввалин шавед!

Маълумот дар бораи хабар:

  • Муаллифи нашр: Атабаева Зуҳро
  • Санаи нашр: 20 октябрь 2022 13:38
  • Категорияи нашр: Асосӣ
  • Шумораи диди нашр: 123
  • Шумораи эзоҳ дар нашр: 0

Хабарҳои монанд

19 октябрь 2022
Асосӣ
ВОХӮРИИ СУДМАНД

ВОХ Ӯ РИИ СУДМАНД Санаи 18-уми октябри соли 2022 тибқи нақша-чорабиниҳои Прокуратураи ноҳияи Ҷалолиддини Балхӣ

Маълумоти бештар
20 октябрь 2022
Асосӣ
ВОХӮРИИ МУФИД!

ВОХӮРИИ МУФИД Рӯзи 20 ноябри соли ҷорӣ Тибқи нақша-чорабиниҳои Прокуратураи ноҳияи Ҷалолиддини Балхӣ гурӯҳи кории

Маълумоти бештар
19 октябрь 2022
Ҳифзи иҷтимоии аҳолӣ
ҲИФЗУ ҲИМОЯИ ВАТАН ҚАРЗИ

ҲИФЗУ ҲИМОЯИ ВАТАН ҚАРЗИ ИМОНӢ ВА ВИҶДОНИИ ҲАР ЯК ШАҲРВАНД АСТ ! Худованд дар ќисми ояти 190-уми сураи баќара

Маълумоти бештар
21 март 2022
Асосӣ / Президент
Суханронии Президенти

Ҳамватанони азиз! Имрӯз, ки ба Тоҷикистони биҳиштосои мо Соли нави аҷдодии миллати куҳанбунёдамон – ҷашни Наврӯз

Маълумоти бештар
06 октябрь 2022
Маориф
ТАҶЛИЛИ РӮЗИ МАВЛОНО ВА

ТАҶЛИЛИ РӮЗИ МАВЛОНО ВА РӮЗИ ОМӮЗГОРОН ДАР НОҲИЯИ ҶАЛОЛИДДИНИ БАЛХӢ Дар асоси нақша-чорабиниҳои Мақомоти иҷроияи

Маълумоти бештар

Гузоштани эзоҳ

Ҷустуҷӯ

Тақвим

«    Февраль 2023    »
ПнВтСрЧтПтСбВс
 12345
6789101112
13141516171819
20212223242526
2728