НОҲИЯИ ҶАЛОЛИДДИНИ БАЛХӢ » Асосӣ » ХИЗМАТ БА ВАТАН-МОДАР ДАЛЕРИЮ ШУҶОАТ АСТ!
октябрь 19 2022

ХИЗМАТ БА ВАТАН-МОДАР ДАЛЕРИЮ ШУҶОАТ АСТ!

ХИЗМАТ БА ВАТАН-МОДАР ДАЛЕРИЮ ШУҶОАТАСТ

    Хизмат ба Ватан яке аз нишонаҳои муҳаббат ба Ватан аст, аммо на ҳар кас ба Ватани худ содиқона хидмат мекунад. Хидмат ба Ватану халқ қарзи ҳар як фарзанди вафодори миллат аст. Ҳар як фард ва ҳар як шаҳрванди Ҷумҳурии Тоҷикистон бо сарбозонаш мефахрад, зеро на ҳар кас сарбоз шуда метавонад. Набояд фаромӯш кард, ки ба сарбоз 3 чизи аз ҳама муқаддасро бовар кардаанд: Ватанро аз бегонагон муҳофизат намудан, Модари азизу меҳрубонро посбонӣ намудан ва ҳамчунин пойдор намудани сулҳ дар ҷаҳон. Бале, ватанро дӯст доштан, аз он ифтихор кардан, барои ҳимояи он омода будан, ба қадри сулҳу субот, осудагӣ, Ваҳдат ва Истиқлол расидан, шукронаи соҳибватаниву соҳибдавлатиро ба ҷо овардан аз ҷумлаи арзишҳое мебошанд, ки ҷавонони мо бояд дарк намуда, дастури зиндагии ҳаррӯзаи худ қарор диҳанд. Маврид ба зикри хос аст, ки ҳамасола дар қатори дигар ҷавонони шуҷои Ватан, ҷавонони боору номуси ноҳияи Ҷалолиддини Балхӣ низ бо сарбаландӣ ва азму иродаи қавӣ баҳри ҳифзи марзу буми кишвар камари ҳиммат мебанданд. Албатта, хизмат дар сафи Қувваҳои Мусаллаҳи Ҷумҳурии Тоҷикистон ва ҳифзи Ватан барои ҳар як ҷавон мактаби бузурги ҳаёту ватандӯстӣ, ҷасорату мардонагӣ ва далерию шуҷоат ба ҳисоб меравад. Ба ҳамагон маълум аст, ки бо ба даст омадани Истиқлоли давлатӣ хизмат дар сафи Қувваҳои мусаллаҳ бо тамоми шароитҳои муосир ба роҳ монда шуда, сарбозон хизмати ҳарбиро бе мушкилӣ паси сар менамоянд. Бинобар ин ҷавононро мебояд ба хизмати ҳарбӣ ба таври ихтиёрӣ, бо дарки масъулияти фарзандӣ ва ватандӯстӣ баҳри иҷрои вазифаҳои конститутсионию ҷавонмардӣ ҳозир шуда, ба аҳди анъанавии ҷавонмардонаи хеш содиқ монда, бо хизмат дар сафи Қувваҳои Мусаллаҳ ва аз мактаби бузурги ҳаёт, ҷасорату мардонагӣ ва далерию шуҷоат гузаранд. Бояд ҷавонони шуҷои Ватан бо азми дил баҳри пойдории сулҳу оромӣ, Итстиқлолу озодӣ равонаи хизмати Модар-Ватан бошанд. Қувваҳои Мусаллаҳи Ҷумҳурии Тоҷикистон дастоварди муҳими замони соҳибистиқлолии кишвар ба шумор рафта, омили асосии нигаҳдории давлатдории миллӣ маҳсуб меёбад. Гуфтан зарур аст, ки дар солҳои соҳибистиқлолии кишвар Артиши миллӣ зина ба зина комил ва пуриқтидортар гардида, қобилияти ҳифозат, нигаҳдории кишвар ва оромии ҷамъиятро ба худ касб намуд. Сол то сол шароити хизмат барои сарбозон дар ҷузъу томҳои Қувваҳои Мусаллаҳ беҳтар гардида, инфрасохтори наву замонавӣ бо тамоми шароитҳои лозима сохта гардида истодаанд. Албатта, яке аз рукунҳои асосии давлатдорӣ, таҳкими Истиқлолу ваҳдати миллӣ, сулҳу субот ва омили пешрафту шукуфоӣ, созандагию бунёдкорӣ мавҷудияти Қувваҳои Мусаллаҳ мебошад. Имрӯзҳо бо ифтихор гуфта метавонем, ки Артиши миллӣ ба талаботи замон ҷавобгӯ буда, натанҳо дар дохили мамлакат, балки берун аз он низ нуфузу мавқеи хоса касб намудааст. Ин гувоҳӣ аз азму иродаи қавии ҷавонони бонангу ор ва ватандӯст мебошад, ки баҳри ҳифзи Ватан ҳамеша омода ҳастанд.

  Ибодуллоҳ Одинаи Мафтун

Эзоҳ:

Ин эзоҳ то ҳол шарҳе надорад. Шумо метавонед аввалин шавед!

Маълумот дар бораи хабар:

  • Муаллифи нашр: Атабаева Зуҳро
  • Санаи нашр: 19 октябрь 2022 09:27
  • Категорияи нашр: Асосӣ
  • Шумораи диди нашр: 134
  • Шумораи эзоҳ дар нашр: 0

Хабарҳои монанд

19 октябрь 2022
Ҳифзи иҷтимоии аҳолӣ
ҲИФЗУ ҲИМОЯИ ВАТАН ҚАРЗИ

ҲИФЗУ ҲИМОЯИ ВАТАН ҚАРЗИ ИМОНӢ ВА ВИҶДОНИИ ҲАР ЯК ШАҲРВАНД АСТ ! Худованд дар ќисми ояти 190-уми сураи баќара

Маълумоти бештар
27 сентябрь 2022
Асосӣ
ВАҚТ ДОВАРИ ҲАҚ АСТ

ВАҚТ ДОВАРИ ҲАҚ АСТ Андеша: Дар шароити имрӯзаи ҷаҳонишавӣ, ки дар ҳайёти ҳаррӯзаи мо ҳар як сонияю дақиқа

Маълумоти бештар
21 март 2022
Асосӣ / Президент
Суханронии Президенти

Ҳамватанони азиз! Имрӯз, ки ба Тоҷикистони биҳиштосои мо Соли нави аҷдодии миллати куҳанбунёдамон – ҷашни Наврӯз

Маълумоти бештар
22 сентябрь 2022
Асосӣ
Амалҳои ноҷавонмардона

Амал ҳои ноҷавонмардона ва террористии низомиёни қирғизиро маҳкум менамоем!!! Гуфтан ҷоиз аст, ки таи чанд рӯз

Маълумоти бештар
16 сентябрь 2022
Асосӣ / Маориф
ҚИСМИ ЗИЁДИ КӮДАКОН АЗ

ҚИСМИ ЗИЁДИ КӮДАКОН АЗ КӮЧА ОДОБ МЕОМӮЗАНД Сараввал қайд бояд кард, ки идомабахши кори оила ва падару модар

Маълумоти бештар

Гузоштани эзоҳ

Ҷустуҷӯ

Тақвим

«    Февраль 2023    »
ПнВтСрЧтПтСбВс
 12345
6789101112
13141516171819
20212223242526
2728