МО ТАРАФДОРИ СУЛҲЕМ! Ҳеҷ гоҳ  набояд  фаромӯш созем,  ки  Ворух  як  порчаи  ҷудонашавандаи Ҷумҳурии Тоҷикистон мебошад. Боиси таассуф аст, ки бо ҷой доштани  нофаҳмии  солҳои пешин деҳоти дурдасти Тоҷикистон ба макони нофаҳмиву ҷидол ва бадбинӣ мубаддал  гардидааст. Акнун  бошандагони Ҷумҳурии  Қирғизистон  бар  сари  мардуми  осоиштаи  тоҷик зӯру  тавони худро нишон  додан мехоҳад. Шояд  онҳо  дарк  накардаанд, ки миллати тоҷик замини аҷдодии худро зери ҳимоя гирифтааст. Ин  ҳама нофаҳмиро бояд саривақт зери назорат гирифт, зеро сокинони осоишта ба хотири химояи марзу буми хеш захмдидаву  ҷароҳат  бардошта  истодаанд. 

   БАРОИ ҲИМОЯИ ВАТАН МУБОРИЗА МЕБАРЕМ!  Тамоми халқиятҳои дунё барои ҳифзи хоки Ватан мубориза мебаранд ва миллати тоҷик низ барои ҳимояи  Ватани  хеш мубориза  бурда истодаст. Дар чунин  вазъияте, ки дар сарҳади Тоҷикистону Қирғизистон рух дода истодааст, мо сокинони ноҳияи Ҷалолиддини Балхиро зарур аст, ки ҳушёриву зиракии сиёсиро аз даст надода, чун дигар манотиқи кишвар дар якҷоя бошем. Мо бояд дастаҷамъона зери сиёсати Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон муттаҳид гардида, барои ҳифзи манфиатҳои миллӣ, ҳимояи марзу буми аҷдодӣ устуворона қадам занем.

                       Ҳимояи ватан қарзи ҳар яки мост!

     Мафҳуми “Ватан” ва бузургдошти он дар таълиму тарбияи  ватанпарастии насли ҷавон  мавқеи муҳим дорад. Ин мафҳум  дар худ ҷойи таваллуду маҳалли зисти одамон, соҳиби манзилу макон, сарпаноҳ, оила ва фарзандон будан низ ба  тарзи хос мафҳуми “Ватан”-ро ифода  мекунад. Имрӯз  ба миён  омадани вазъи ноороми  муносибатҳои ду давлати  ҳамсоя,  ки  Тоҷикистоу  Кирғисистон  воқеан боиси ташвиш ва нигаронии  кулли  ҷавонон  ва  сокинони кишварамон гаштааст. Роҳбарияти сиёси ва  сокинони назди сарҳадии Ҷумҳурии Тоҷикистон борҳо собит сохтаанд, ки мо доимо ҷонибдори фикри хубу беҳтар намудани муносибатамон бо кишварҳои ҳамсоя мебошем .

    Мутаассифона, баъзе аз сокинони иғвогари кишвари ҳамсоя мехоҳанд фикри сокинони зудбоварро вайрон намуда, ба ҳадафи  шахсии худ, ки аз  манфиати  миллӣ  боло  гузошта мешавад, бирасад. Вале мо ҳеҷ гоҳ намегузорем, ин гуна  афрод  қадам ба  ватани поку  биҳишосои  мо  гузошта,  бо ҳисси  Ватанпарварони мо, ва мафкураи ҷавонони бонангу номуси ватанамон таъсири манфӣ расонад.

    Дар моддаи  43 - юми Конститутсия алоҳида таъкид шудааст, ки «ҳифзи Ватан, ҳимояи манфиати давлат, таҳкими истиқлолият, амният ва иқтидори мудофиавии он вазифаи муқаддаси ҳар як шаҳрванд аст». Ҳар як сокини кишвари ҳамсоя  бояд  хуб  дарк  намоянд, ки  як  порчагии  Тоҷикистон  яке  аз манфиатҳои муҳими милливу давлати мост. Имрӯз мо омодаем, ки манфиатҳои милливу давлатиро дастаҷамъона ҳимоя намоем.   

   Атабаева  Зуҳро      

   БАРОИ ҲИМОЯИ ИН МАРЗУ БУМ ҲАМЕША ТАЙЁР ҲАСТЕМ! Ҳама сар ба сар тан ба куштан диҳем, Аз он беҳ, ки кишвар ба душман диҳем! Имрӯз, ки ҳамсояи мо аҳдшиканона ба марзи Ватан ҳуҷум овардааст, бояд ҳар хурду бузург, пиру барно дар ҳимояи кишвар омода бошад. Мо, тоҷикон ҳамеша ҷонибдори сулҳем, вале дар сурати зарурат ҷони худро барои ҳимояи марзу буми хеш сипар хоҳем кард. Занони тоҷик дар диловарӣ аз мардон кам нестанд ва дар ҳимояи фарзандону шавҳарон ҳамеша тайёр ҳастанд. Устод Озар Салим хеле ба маврид гуфта: Монанди дирафш кист шайдои ватан?! Истода сари по ба тамошои ватан. Аз ғояти изтироби дил меларзад, Боде бивазад агар ба болои ватан. Мо ҳамеша барои ҳимояи Ватан тайёр ҳастем!!!

    Зебунисо Қосимова, директори муассисаи таҳсилоти миёнаи умумии рақами 33-и ноҳияи Ҷалолиддини Балхӣ

                                                БА ҲИФЗИ ВАТАН ОМОДАЕМ!

   Имрӯз  ҷавонони  ноҳияи Ҷалолиддини  Балхӣ вобаста ба миён омадани вазъи ноороми сарҳад дар марзи Қиргизистон бо баргузор намудани ҳамоиш ҷонибдории худро дар самти ҳимояи сарҳади Тоҷикистон иброз намуданд. Дар ҳамоиш ҷавонон амалҳои ноҷавонмардонаи сокинони ҳамсоякишвари Қирғизистонро маҳкум намуда,  бо  пайравӣ  аз  Пешвои  ҷавонпарвари  худ  мавқеи  устувори  худро  дар  ҳимояи хоки муқаддаси Тоҷикистон  изҳор  намуданд.  Дар  Муроҷиатномаи  қабулнамудаи ҷавонон даъват ба хифзи сарҳад, хизмат ба Ватан - Модар ва ҳифзи Ватан ба ивази ҷони худ тарғиб мешавад.

АМАЛҲОИ НОҶАВОНМАРДОНАИ МАРЗБОНОНИ ҚИРҒИЗИСТОНРО МАҲКУМ МЕНАМОЕМ!    Аҳли соҳаи маорифи ноҳияи Ҷалолиддини Балхӣ бо таассуфи хеле зиёд аз марзбонони қисми сарҳадии вилояти Бодканти Ҷумҳурии Қирғизистон изҳори нигаронӣ мекунанд. Зеро марзбонони қисми сарҳадӣ шартномаи тарафайн, ки соати 18,19-и рӯзи 15.06 оид ба оташбас байни сарҳадот аз тарафи Вазорати корҳои хориҷии ҳарду ҷумҳурӣ шуда буд, вайрон карда соати 4:35 дақиқаи шаби 16.09. 2022 аҳдшиканона ба сӯи дидбонгоҳи сарҳадии марзи ҷумҳурии мо оташ кушода, ду марзбон ба ҳалокат ва зиёда аз 20 нафар ҷароҳати ҷисмонӣ бардоштанд, ки айни замон дар беморхонаҳои шаҳри Исфараи вилояти Суғд бистарӣ гардида, зери назорати қатъии духтурон қарор доранд. Инчунин дар тамоми воситаҳои ахбори оммаи Ҷумҳурии Қирғизистон нисбати марзбонон ва мардуми бонангу номусу бофарҳанги мо туҳмату ҳангомаҳо дар рӯзномаву маҷаллаҳо ва шабакаҳои иҷтимоӣ нашр гардида истодааст. Аз ин рӯ маорифчиёни ноҳияи Ҷалолиддини Балхӣ ин амалҳои ноҷавонмардонаи марзбонони қисми сарҳадӣ ва хабарҳои номатлуби кормандони васоити ахбори оммаи Ҷумҳурии Қирғизистонро қотеъоеа маҳкум менамоянд.

   Ҳакимзода Хайрулло, мудири шуъбаи маорифи ноҳияи Ҷалолиддини Балхӣ

   БАҲРИ ҲИФЗИ МАРЗИ КИШВАР ОМОДАЕМ! Дар марҳилаи  ҷаҳонишавӣ  ва бархурди манфиатҳои миллию  сиёсии  абарқудратҳо сар задани муноқишаи навбатӣ дар марзи  кишвари  ҳамсоя  -  Қирғизистон боиси нигаронии аҳли ҷомеа гардидааст. Бояд гуфт, ки Тоҷикистон бо гузашти солҳо тарафдори ҷанг набуд ва ягона роҳи ҳалли масоили гуногуни сиёсию иҷтимоиро бо дарназардошти мусолиҳаву ризоияти тарафайн ба роҳ мемонад. Дар ин раванд яке  аз иқдомҳои аввалине, ки  роҳбарияти  олии Ҳукумати кишвар аз рӯзи нахустини фаъолият амалӣ намуд, ин рӯй овардан ба "Сиёсати дарҳои боз" мебошад. 

   ВОРУХ ПОРАИ ТАНИ ҲАР ЯК ТОҶИКУ ТОҶИКИСТОНИСТ! ВОКУНИШ. Ба  ҳолати   соати   10:00 -  и  16  сентябри  соли   2022   дар  тамоми  самтҳои  Сарҳади  давлатии  Ҷумҳурии  Тоҷикистон  бо  Ҷумҳурии  Қирғизистон муноқишаҳои  мусаллаҳона  идома  дошта,  қувваҳои  низомии  кишвари  ҳамсоя  аз  тамоми  намуди  силоҳҳои  вазнину  оташфишони  дар ихтиёрашон  қарордошта  деҳаҳои   наздисарҳадии   Тоҷикистон,  иншооти  мулкӣ  ва  хонаҳои истиқоматкунандагонро таҳти гулулаандозӣ ва тирпарронӣ қарор додаанд.                                      

                           МОДАРОН ХОСТГОРИ СУЛҲАНД

   Имрӯз дар ноҳияи Ҷалолиддини Балхӣ бо иштироки занону модарон вобаста ба  пойдории  сулҳу  осоиши  Ватани  азизамон,  ҳимояи  марзу  буми  кишвар ва  тарбияи  фарзандон  дар  руҳияи  ватандӯстиву  ватанпарасӣ  таҳти унвони "Модарон хостгори сулҳанд" ҳамоиш доир гардид.

   Дар  ҳамоиши  мазкур  занону модарон  аз  ҳодисаҳои  марзии  Қирғизистон  изҳори  нигаронӣ намуда, омодагии худро ҷиҳати ҳифзу ҳимояти хоки поки аҷдодӣ ва сарзамини биҳиштосои Тоҷикистон бо қабули МУРОҶИАТНОМА иброз намуданд.                                                                                                                                                                          

                                                                     ВОРУХ -ЯК ПОРАИ ҚАЛБИ ТОҶИКИСТОН

     Ворух   сарзамини   ачдодии   миллати  точик  буда, мардуми мо аз азал то ба  имрўз дар ин хоки муқаддас  зиндагӣ   карда  истодаанд.  Дар   ин  қаламрав  мардуми   тамаддунофару  бофарханг  ва меҳмоннавоз гирд омадаанд, ки ин хоки аҷдодиро ҳифзу ҳимоя карда истодаанд. Тамоми халқиятҳои дунё  барои  ҳифзи  хоки  Ватан мубориза  мебаранд  ва  миллати  тоҷик  низ  барои ҳимояи Ватани хеш мубориза бурда истодаанд.