РАИСИ НОҲИЯ АЗ РАФТИ ТАЪМИРУ АЗНАВСОЗИИ МУАССИСАҲОИ ТАЪЛИМИИ ҶАМОАТИ ДЕҲОТИ ЗОЛИ ЗАР ДИДАН НАМУДАНД

         Бегоҳирӯзии 26 июли соли 2023 дар муассисаи таҳсилоти миёнаи умумии №23-и Ҷамоати деҳоти Золи Зари ноҳияи Ҷалолиддини Балхӣ вохӯрии раиси ноҳия муҳтарам Холмурод Раҳмон оид ба рафти санҷиши корҳои сохтмонӣ бо масъулини муассисаҳои таҳсилоти миёнаи ҷамоати болозикр, раисони маҳалла ва падару модарон, роҳбарони ташкилоту муассисаҳои ноҳия баргузор гардид. Раиси ноҳия муҳтарам Холмурод Раҳмон ҷиҳати боздид аз корҳои сохтмони синфхонаҳои иловагӣ ва таъмиру азнавсозии муассисаҳои таҳсилоти миёнаи умумии ин ҷамоат, ки бо дастгирии Мақомоти иҷроияи ҳокимияти давлатии ноҳия, соҳибкорон ва кумитаи падару модарон амалӣ шуда истодааст, дидан намуданд. Раиси ноҳия муҳтарам Холмурод Раҳмон ба масъулин ҷиҳати омодогӣ ба оғози соли хониши 2023-2024 ва дар сатҳи зарурӣ ба роҳ мондани раванди таълиму тарбияи хонандагон супоришҳои мушаххас доданд. Зимни боздид бо директорони муассисаҳо ва сохмончиён суҳбат намуда, иброз доштанд, ки корҳоро бо сифати баланд ва дар вақташ ба анҷом расонанд. Ҳамзамон гуфта шуд, ки назоратро аз болои тозаву озода нигоҳ доштани муассисаҳои таълимӣ пурзӯр намоянд. Сипас ҳунармандони бахши фарҳанги ноҳия бо суруду навоҳои дилнишину ватандӯстона хотири ҳозиринро болида гардониданд. Аксбардор: А. Шерматов

ШАРҲУ ЭЗОҲИ ҚОНУНИ ҶУМҲУРИИ ТОҶИКИСТОН «ДАР БОРАИ БАРОБАРӢ ВА БАРҲАМ ДОДАНИ ҲАМА ГУНА ШАКЛҲОИ ТАБЪИЗ»

    Имрӯз 25 июли соли 2023 дар толори Мақомоти иҷроияи ҳокимияти давлатии ноҳияи Ҷалолиддини Балхӣ бо иштироки муовини раиси ноҳия оид ба соҳаи идеологӣ Қурбонзода Қурбоналӣ, муовини сардори шуъбаи ҳифзи давлатии ҳуқуқ ба баробарӣ ва озодӣ аз табъизи Дастгоҳи Ваколатдор оид ба ҳуқуқи инсон дар Ҷумҳурии Тоҷикистон Парвиз Маҷидов, Назридинзода Анис, Ҳайдарзода Муҳаммад, кормандони шуъбаи вазорати корњои дохилӣ, кормандони ташкилоту муассисаҳои ноҳия ва имомхатибон чорабинии иттилоотӣ вобаста ба шарҳу эзоҳи Қонуни Ҷумҳурии Тоҷикистон «Дар бораи баробарӣ ва барҳам додани ҳама гуна шаклҳои табъиз» баргузор гардид. Гуфта шуд, ки Қонуни мазкур асосҳои ташкилӣ ва ҳуқуқии амалигардонии ҳуқуқ ва имкониятҳои баробарро барои ҳамаи шахсон дар Ҷумҳурии Тоҷикистон муайян карда, низоми ҳуқуқии пешгирӣ ва ҳифзи самаранок аз ҳама гуна шаклҳои табъизро муқаррар менамояд. Табъиз ин ҳама гуна фарқиятгузорӣ мебошад, ки дар асосҳои воқеӣ ва (ё) эҳтимолӣ нисбат ба дилхоҳ шахсони воқеӣ ва ҳуқуқӣ ё гурӯҳи шахсон, хешовандони онҳо ё шахсони бо онҳо ба тариқи дигар алоқаманд ба вуҷуд омада, ба аломатҳои нажод, ранги пӯст, пайдоиш, ҷинс, забон, дин ва эътиқод, мансубияти миллӣ ва (ё) этникӣ, маъюбият, вазъи саломатӣ, синну сол, шаҳрвандӣ, ақида, вазъи саломатӣ ё ҳолати дигар асос меёбад ва мақсад ё оқибати он бад кардан, нобуд сохтан ва (ё) кам нишон додани ҳуқуқу озодиҳои эътирофшуда, истифода ё амалӣ намудани тамоми ҳуқуқу озодиҳои инсон дар асоси баробарӣ мебошад.

 МИЗИ МУДАВВАР БАХШИДА БА «16 РӮЗИ ФАЪОЛНОКӢ БАР ЗИДДИ ЗӮРОВАРИИ ГЕНДЕРӢ»

   Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар аксари вохӯрию суҳбатҳояшон оид ба бунёди оилаи солиму устувор, тарбияи фарзандони солеҳ, таълиму тарбияи наслҳои имрӯзу оянда дар рӯҳияи ватандӯстӣ, баҳри пойдорию устувории Истиқлоли давлатӣ ва Ваҳдати миллӣ таваҷҷуҳи хосса зоҳир намуда, оилаи солиму фарзандони солеҳро асоси давлату миллати устувору солим арзёбӣ менамоянд. Дар ин замина имрӯз 26 июли соли 2023 дар толори Маркази дастгирии занони ташкилоти ҷамъиятии «Оксана» дар ноҳияи Ҷалолиддини Балхӣ бо иштироки роҳбари лоиҳа Муаззама Усмонова, ахборотчии ташкилоти ҷамъиятии «Оксана» Саодат Алаёрова, намояндаи Мақомоти иҷроияи ҳокимияти давлатии ноҳия Моҳсанам Аҷикова, кормандони ҷамоатҳои шаҳраку деҳоти ноҳия, мушовири шуъбаи маориф, ёвари сардори ШВКД, намояндагони ҲХДТ ва раисони маҳалла мизи мудаввар бахшида ба «16 рӯзи фаъолнокӣ бар зидди зӯроварии гендерӣ» баргузор гардид. 

 ВАТАНРО ТАНҲО ХУДИ МО ҲИМОЯТГАРЕМ!

    Дар асоси фармони Сарфармондеҳи Олии Қувваҳои Мусаллаҳи Ҷумҳурии Тоҷикистон, Президенти Ҷумҳурии Тоҷикистон, муҳтарам Эмомалӣ Раҳмон ва дар асоси нақшаи тасдиқшудаи Вазорати мудофиаи Ҷумҳурии Тоҷикистон тамринҳо оид ба мудофиаи ҳудудии шаҳру ноҳияҳои Ҷумҳурии Тоҷикистон гузаронида мешавад. Дар ин замина субҳи 21 июли соли 2023 дар Варзишгоҳи марказии ба номи Уктам Маматови ноҳияи Ҷалолиддини Балхӣ низ бо иштироки намояндагони Вазорати мудофиаи Ҷумҳурии Тоҷикистон, мақомотҳои дахлдор ва корхонаву ташкилоту муассисаҳо тамринҳо доир ба ҳолати омодабошӣ гузаронида шуд, ки дар он кормандони касбу кори гуногун иштирок доштанд. Дар оғоз аз иштирокдорон даъват ба амал оварда шуд, ки барои омодабошии ҳолати бонги хатар ҳар яки мо ҳамеша омода бошем. Тамрину омодагии мазкур дар асоси нақшаи тасдиқшудаи Вазорати мудофиаи Ҷумҳурии Тоҷикистон ба мақсад мувофиқ гузаронида шуд. 

              ТАШАББУСҲОИ РОҲСОЗӢ-КАФИЛИ РОҲИ БЕХАТАР

     Муассисаи давлатии нигоҳдории автомобилгарди ноҳияи Ҷалолиддини Балхӣ дар мувозинаи худ 250,7 км роҳҳои автомобилгарди истифодаи умумро ба ӯҳда дорад, ки аз ин ҳисоб 34 км роҳҳои автомобилгарди моҳияти байналмилалӣ, 42,3 км роҳҳои автомобилгарди ҷумҳуриявӣ ва 174,4 км роҳҳои автомобилгарди аҳамияти маҳаллидошта мебошанд. Аз рӯйи таҳлили нишондодҳо маълум гардид, ки дар шаш моҳи соли 2023 муассисаи мазкур аз ҳисоби маблағҳои Вазорати нақлиёти Ҷумҳурии Тоҷикистон ба маблағи 134 020 сомонӣ корҳои таъмир ва нигоҳдории роҳҳо иҷро карда шудааст. Аз ҷумла, таъмири кӯпрук ва қубурҳо, ки маблағи 56 283 сомониро дарбар гирифта, бо ин маблағ 3 адад қубурҳо ва як адад кӯпрук таъмир ва азнавсозӣ гардидаанд, аз гуфтаҳои боло дарак медиҳанд. Таъмири ҷорӣ маблағи 29 747 сомониро дарбар гирифта, баҳри бехатарии ҳаракат дар роҳ ба миқдори 700 метри мураббаъ хатҳои гузаргоҳи пиёдагардон ва 9,8 км хатҳои уфуқии роҳ кашида шуда, 31 адад аломатҳои роҳ васл гардидааст. Бо иттилои сардори муассисаи давлатии нигоҳдории роҳҳои автомобилгарди ноҳия Маҳмадшариф Салимзода дар масофаи 38,5 км роҳҳои автомобилгард таъмири чуқуричаҳои болопӯши роҳ бо омехтаи сиёҳ мумфарш гардида, техника ва нақлиёти дар тавозуни муассиса қарордошта аз муоинаи техникӣ гузаронида шудаанд. 

 ҶАМЪБАСТИ ФАЪОЛИЯТИ СОҲАИ ТАНДУРУСТИИ НОҲИЯ ДАР   ШАШ МОҲИ СОЛИ 2023

   Санаи 18 июли соли 2023 дар толори Мақомоти иҷроияи ҳокимияти давлатии ноҳияи Ҷалолиддини Балхӣ таҳти раёсати муовини раиси ноҳия оид ба соҳаи иҷтимоӣ Сангализода Қумриниссо бо иштироки мудирону директорони тамоми беморхонаҳо оиди ҷамъбасти фаъолияти сохтори госпиталии ноҳия дар шаш моҳи соли 2023 баргузор гардид. Қайд гардид, ки муассисаҳои сохтори госпиталии ноҳия дар асоси Оинномаҳои муассисаҳои тиббӣ, ки аз тарафи Мақомоти иҷроияи ҳокимияти давлатии ноҳияи Ҷалолиддини Балхӣ, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон тасдиқ гардидааст, фаъолият намуда истодаанд. Иҷрои харҷномаи буҷети беморхонаи марказии ноҳия дар шаш моҳи соли 2023 мувофиқи нақша 3 миллиону 19 ҳазор сомонӣ мебошад, ки ин 92,0 % иҷрои нақшаро ташкил медиҳад. Беморхонаи марказӣ аз ҳисоби маблағҳои қарори №600 ва муоинаи тиббӣ ба 292 нафар ба маблағи 91 њазору 993 сомонӣ хизматрасонии тиббӣ ройгон расонидааст. Гуфта шуд, ки бо 

                                                      ВОХӮРИИ СУДМАНД

   Дар толори Мақомоти иҷроияи ҳокимияти давлатии ноҳияи Ҷалолиддини Балхӣ санаи 18 июли соли ҷорӣ бо иштироки раиси ноҳия муҳтарам Холмурод Раҳмон ва сардори шуъбаи Вазорати корҳои дохилӣ дар ноҳия Нурализода Суҳроб вохӯрӣ бо роҳбарони сохторҳои дахлдори Мақомоти иҷроияи ҳокимияти давлатии ноҳия, роҳбарони ташкилоту муассисаҳо, директорони муассисаҳои таълимӣ ва имохатибон баргузор гардид. Мақсад аз ин вохӯрӣ расонидани шарҳу тавзеҳи Асосгузори сулҳу ваҳдати миллӣ-Паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, баланд бардоштани маърифати ҳуқуқии падару модарон, омӯзгорон ва хонандагон, таъмини манфиатҳои миллӣ, таҳким бахшидан ба амнияти давлат, бедор кардани ҳисси миллатдӯстиву ватанпарварӣ, хештаншиносӣ ва пешгирии паҳншавии ақидаҳои террористиву экстремистӣ мебошад.

 УСУЛИ «ХОНА БА ХОНА» БАРГУЗОР ГАРДИД

    Санаи 17 июли соли равон дар деҳаи Ҳақиқати Ҷамоати деҳоти Маданият бо иштироки масъулини бахши кор бо занон ва оилаи Мақомоти иҷроияи хокимияти давлатии ноҳияи Ҷалолиддини Балхӣ, муовини раиси Ҷамоати деҳоти Маданият ва раиси маҳалла оид ба кори фардии усули «Хона ба хона» тадбирҳо амалӣ карда шуд. Оид ба риояи талаботҳои қонунҳои амалкунандаи Ҷумҳурии Тоҷикистон «Дар бораи масъулияти падару модар дар таълиму тарбяи фарзанд», «Дар бораи пешгирии зӯроварӣ дар оила» инчунин баланд бардоштани маърифати оиладорӣ, донистани ҳуқуқҳои худ, пешгирии шомилшавии ҷавонон ва занон ба ҳизбу ҳаракатҳои ифротгароӣ, пешгирии ҷудошавии оилаҳо, оқибатҳои нохуши никоҳи хешутаборӣ, худкушию худсӯзӣ, пешгирии бемориҳои сироятӣ, ҷалби духтарон ба илму ҳунаромӯзӣ, самаранок истифода намудани заминҳои наздиҳавлигӣ, захираи маҳсулоти хӯрокворӣ барои зимистон ва оид ба дигар масъалаҳои мубрами рӯз суханронӣ намуда, ба сокинон маслиҳатҳои муфид дода шуд. Мақсад аз баргузории чунин чорабиниҳо бедор намудани ҳисси меҳандӯстӣ ва зебоипарастӣ дар замири ҳар шахс мебошад.

                            БОЗДИД АЗ МУАССИСАҲОИ ТОМАКТАБӢ

    Санаи 20 июли соли 2023 муовини раиси ноҳияи Ҷалолиддини Балхӣ оид ба соҳаи иҷтимоӣ Сангализода Қумриниссо барои шинос шудани корҳои таъмири муассисаҳои томактабӣ аз љумла муассисаи томактабии Президентӣ ва муассисаи томактабии №8 шинос шуд. Сангализода Қумриниссо зимни боздиди муассисаҳои мазкур вобаста ба тарбияи кӯдакони синни томактабӣ ба мураббиён ва масъулин маслиҳатҳои муфид доданд. Ёдовар бояд шуд, ки дар ноҳия 17 адад муассисаҳои томактабӣ фаъолият намуда истодаанд, ки дар онҳо 1408 кудак ба таълиму тарбия фаро гирифта шудаанд.

 КОРҲОИ ЧАРОҒОНКУНӢ ДАР НОҲИЯ БО МАРОМ ИДОМА ДОРАД   

        Ҷамоати шаҳраки Балхи ноҳияи Ҷалолиддини Балхӣ бобати иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар шаш моҳи сипаришудаи соли 2023 баҳри пешрафти соҳаҳои иҷтимоиёту иқтисодиёти ҷомеа ба як қатор пешравиҳо ноил гашт. Дар ҷамоати мазкур бо мақсади иҷрои Амри Президенти Ҷумҳурии Тоҷикистон баҳри омодагии ҳамаҷониба ва сазовор ҷашн гирифтани 35-солагии Истиқлоли давлатии Ҷумҳурии Тоҷикистон як қатор корҳои ободониву бунёдкорӣ бо суръат идома доранд. Барои чароғонкунии кӯчаҳои шаҳраки Балх аз ҷумла дар кӯчаи Айнӣ то имрӯз бо маблағи 25 ҳазору 200 сомонӣ дар масофаи 600 метр бо миқдори 9 адад симчӯби оҳанин бо чароғҳояш, аз тарафи шахсони саховатпеша ва аҳолӣ дар кӯчаи Румӣ дар масофаи 3,3 км бо миқдори 63 адад симчӯби оҳанин бо чароғҳояш бо арзиши 176 ҳазору 400 сомонӣ, дар кӯчаи Сино бошад аз тарафи ташкилоту муассисаҳои ноҳиявӣ ва аҳолӣ дар масофаи 2,3 км бо миқдори 39 адад симчӯби оҳанин бо чароғҳояш бо арзиши 109 ҳазору 200 сомонӣ чароғон карда шудаанд. Инчунин дар давоми моҳи июли соли 2023 дар кӯчаи Балхӣ 22 адад симчӯб бо чароғҳояш насб карда шуд, ки ин иқдом дар ноҳия пешравии ҷиддиро ба амал овардааст ва ҳанӯз ин ободкориҳо идома доранд. Ҳамзамон сохтмони пули мошингузари байни ҷамоатҳои шаҳраки Балх ва Гулистон аз тарафи муассисаи давлатии нигоҳдории роҳҳои автомобилгарди ноҳия ва аҳолӣ бо арзиши 120 ҳазор сомонӣ сохта ба истифода дода шуданд. Амалҳои ободкорӣ аз масъулияти баланди раиси ноҳияи Ҷалолиддини Балхӣ муҳтарам Холмурод Раҳмон ба ҳар яки мо дарак медиҳад.