ИШТИРОКИ ФАЪОЛОНАИ МАСЪУЛИНИ НОҲИЯ ДАР ҶАШНИ ТИРГОН

         22 июни соли 2025, дар Боғи Ирами шаҳри Душанбе бо иштироки васеи аҳли фарҳанг, намояндагони шаҳру ноҳияҳои ҷумҳурӣ ва сокинон ҷашни бостонии Тиргон бо шукӯҳу шаҳомати хосса баргузор гардид. Дар ин чорабинии фарҳангиву мардумӣ, ки бо ҳадафи эҳё ва гиромидошти суннатҳои қадимаи ниёгон роҳандозӣ шуда буд, масъулини ноҳияи Ҷалолиддини Балхӣ низ иштироки фаъолона доштанд.

Ҳайати намояндагӣ аз ноҳияи Ҷалолиддини Балхӣ, ки ба роҳбарии масъулони ноҳия ташриф оварда буданд, бо намоиши маҳсулоти кишоварзӣ дар намоишгоҳи умумиҷумҳуриявӣ ширкат варзиданд. Онҳо тавассути маҳсулотҳо саҳми арзандаи худро дар боло бурдани руҳу равияи идона гузоштанд. Ин ҷашн на танҳо як падидаи фарҳангӣ, балки воситаи таҳкими ваҳдат ва ҳувияти миллӣ мебошад.