ШОМИ ПУРШУКӮҲИ "ШУКӮҲИ ИСТИҚЛОЛ" ДАР ҶАМОАТИ ДЕҲОТИ НАВБАҲОР

             Шоми 6 сентябри соли 2025 дар саҳни бинои Ҷамоати деҳоти Навбаҳори ноҳияи Ҷалолиддини Балхӣ чорабинии бошукӯҳи фарҳангӣ таҳти унвони “Шукӯҳи Истиқлол” баргузор гардид. Ин маҳфили идона, ки дар арафаи ҷашни 34-солагии Истиқлолияти давлатии Ҷумҳурии Тоҷикистон доир шуд, руҳияи идонаи мардумро боз ҳам болида сохт. Чорабинӣ бо иштироки раиси ноҳия Холиқзода Рустам Ҳикматулло, раиси ноҳияи Дӯстӣ, раиси ноҳияи Қубодиён, роҳбарони мақомоти ҳифзи ҳуқуқи ноҳия, намояндагони ташкилоту идораҳо, фаъолони маҳаллӣ ва сокинони ҷамоат ранги идона гирифт.

 Қайд гардид, ки Истиқлолият бузургтарин дастоварди миллат буда, маҳз ба туфайли он имрӯз мардум соҳиби сулҳу субот, ваҳдат ва пешрафт гардидаанд. Барномаи фарҳангиро сарояндагони маъруфи кишвар - Ёсамин Давлатова, Мино, Малика, Маҳмадалӣ Умар, Субҳони Умар ва Файзалӣ Умар бо сурудҳои ватандӯстона ва шодмонӣ рангину гуворо намуданд. Иштироки садҳо сокини маҳаллӣ ва фазои идонаи пур аз парчамҳои миллӣ, ороиши саҳна ва оҳангҳои дилнишин аз ин чорабинӣ як шаби хотирмон сохт. Барнома то дергоҳ идома ёфта, мардум бо руҳбаландӣ ва ифтихор аз Истиқлолият дар он саҳм гирифтанд.