http://balkhi.tj/
ҶАМЪОВАРИИ ҲОСИЛИ ПАХТА БО МАРОМ ИДОМА ДОРАД
14-09-2020, 07:40 | Автор: admin-balkhi | Категория: Асосӣ

ҶАМЪОВАРИИ ҲОСИЛИ

ПАХТА БОМАРОМ ИДОМА ДОРАД

    Дар ноҳия  азсанаи 20 август  ҷамъоварии ҳосили пахта оғоз гардида, имрӯзҳо муташаккилона идома дорад. Аҳли заҳмати ноҳия аз боду ҳавои мусоид истифода бурда, кӯшиш намуда истодаанд,  ки дастранҷи хешро беталаф ҷамъоварӣ намоянд. 

     Тибқи иттилои Раёсати  кишоварзии ноҳия  имсол пахтакорони ноҳия дар майдони  9874 гектар кишти пахта гузаронида,  ният доранд, ки нақшаи истеҳсоли пахтаро, ки 22118 тонна мебошад,  барзиёд иҷро намоянд. 

   Чанд рӯз пеш  раиси  ноҳия  Убайдуллои Файзулло  бо мақсади  шинос шудан аз  рафти ҷамъоварии «тиллои сафед»  аз  пахтазори хоҷагиҳои ба номи  Сафар Ҷумаев  ва Турахон Исанқулов   дидан  намуда, ба масъулини хоҷагиҳо  ҷиҳати беталаф ҷамъоварӣ намудани   ҳосили пахта  тавсияҳои  зарурӣ дод.

     Иттилоъ дода шуд, ки  имсол деҳқонони  хоҷагии  ба номи Сафар Ҷумаев  дар  майдони 1300 гектар  ва  хоҷагии ба номи Турахон  Исанқулов  дар майдони  250  гектар пахта кишт карданд.  Раиси  ноҳия Убайдуллои  Файзулло ба кишоварзон  дастур  дод, ки дастранҷи  меҳнати худро бо  сифати  баланд ҷамъоварӣ намуда ба  корхонаҳои  пахтатозакунӣ   супоранд.

    Дар хоҷагии деҳқонии «Ҳаким»-и  Ҷамоати деҳоти Гулистон  низ ҷамъоварии ҳосили пахта муташаккилона идома дорад.  Хоҷагӣ дорои 16 гектар замин буда, имсол дар 12 гектари он пахтаи навъи  «Флеш»  кишт карда шудааст,  ки ҳосили  фаровон дорад. Ҳамарӯза 35 нафар пахтачинон  ба ҷамъоварии ҳосил машғул буда,  музди  меҳнати худро сари вақт гирифта истодаанд. Ба онҳо барои як килограмм пахта  панҷоҳ дирам пардохт шуда истодааст. Тавре, ки сардори хоҷагӣ Усмон Ҳакимов иброз дошт, онҳо соли гузашта нақшаи истеҳсоли пахтаро барзиёд иҷро намуданд  ва имсол низ ният доранд,  ки ба ҷойи   30 тонна   40 тонна пахта  ҷамъоварӣ намоянд. Дар ин кор саҳми пахтачинҳои пешқадам Баҳринисо Ҳакимова, Малоҳат Полатовава  Малоҳат  Раҳимқулова хеле калон аст, чунки ҳар яки  онҳо ҳамарӯза  то 100 килограммӣ   пахта чида  истодаанд.  

      Ба гуфтаи сардори хоҷагӣ онҳо ҳамасола дар баробари пахтокорӣ боз ба кишту кори дигарнамуди  зироатҳо  низ машғул гардида, аз ин ҳисоб низ фоидаи хуб ба даст меоранд.  Имсол низ  онҳомаҳсулоти полезӣ,  пиёз, сабзӣ, ҷуворимакка ва дигар зироатҳо кишт  намуданд. 

      Ёдовар мешавем, ки дар ноҳия се заводи пахта: ҶДММ «Пахтаи рушди Хатлон», ҶДММ «Элит коттон» ва ҶСК «С.Исоев»  фаъолият дошта, барои қабули  пахта омода мебошанд.  скачать dle 12.1
Просмотров: 15  |  Комментариев: (0)  |  Нашли ошибку?
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.