Календар
«    Декабрь 2020    »
ПнВтСрЧтПтСбВс
 123456
78910111213
14151617181920
21222324252627
28293031 
?????? ??? 7??? ??? ?? ?? .
http://balkhi.tj/
ТАБРИКОТИ РАИСИ НОҲИЯИ ҶАЛОЛИДДИНИ БАЛХӢ
5-10-2020, 13:30 | Автор: admin-balkhi | Категория: Асосӣ

Т А Б Р И К О Т И

РАИСИ НОҲИЯИ ҶАЛОЛИДДИНИ БАЛХӢ 

БАХШИДА БА РӮЗИ ЗАБОНИ ДАВЛАТИИ ҶУМҲУРИИ ТОҶИКИСТОН 

5 ОКТЯБРИ СОЛИ 20220

        Забон асоси ҳастӣ ва бақои умри миллат аст. Тавассути он одамон бо ҳам муошират мекунанд, бо зиндагии мардумони дигар ошно мегарданд ва таҷрибаи зиндагии худро ба наслҳои оянда ба мерос мегузоранд. Забони халқ, рӯҳи халқ, ифодаи табиат ва пояи тамаддун, таърих, урфу одат ва умуман олами маънавии уст. Он гули ҳамешабаҳорро мемонад, ки дар таровати абадиаш тамоми паҳлӯҳои ҳаёти маънавии мардум инъикос ёфтааст. Он робитаи ниҳоят зинда, барҷаста ва ногусастание аст, ки ниёгон, муосирон ва ояндагонро ба як чизи комилу зинда ва таърих мубаддал месозад.

        Аз ин лиҳоз мо ҳар сол 5 октябр - Рӯзи забонро бо эҳсоси қаноатмандӣ истиқбол намуда, ба олитарин муқаддасоти миллии худ-забони тоҷикӣ арҷгузорӣ мекунем.

        Таърих гувоҳ аст, ки хосияту сифатҳои тавоноии забони мо аз қарнҳои пеш то имрӯз, новобаста ба монеа ва шебу фарозҳои зиёд дар байни забонҳои дигар мақоми махсус дорад. Зеро тавоноии ин забон тавоноии миллату ваҳдатсозу бофарҳангест, ки ваҳдат миллиро арзиши аз ҳама болову воло медонад. 

         Яке аз рукнҳои давлати соҳибистиқлол забони миллӣ буда, дар рушду тараққиёти ҷомеа нақши калон мебозад. Аз ин рӯ ҳар давлате, ки мехоҳад қудрати сиёсӣ, иқтисодӣ ва фарҳангии хешро таҳким бахшад, қабл аз ҳама бояд нуфӯзи забони миллаташро густариш диҳад.

        Панҷуми октябри соли 2009 Қонун «Дар бораи забони давлатии Ҷумҳурии Тоҷикистон» қабул гардид, ки он пурра ба талаботҳои замони имрӯза ҷавобгӯ мебошад. 

        Дар моддаи дувуми Конститутсияи Ҷумҳурии Тоҷикистон қайд гардидааст, ки: «Забони давлатии Тоҷикистон забони тоҷикӣ аст». Забони давлатӣ ва мавқеи он дар рушду нумуи ҷомеа яке аз масъалаҳои мубрами рӯз ба шумор меравад, ки он пойдевори ҳастии миллат аст. Аз ин рӯ моро зарур аст, ки ин забони ширини гувороимодариро дӯст дорем, ҳифз намоем ва тамоми ҳуҷҷатгузориро тибқи он амалӣ гардонем. 

        Ҷолиби қайд аст, ки кӯшишҳои пайгиронаи Асосгузори сулҳу ваҳдати миллӣ, Пешвои миллат, Президенти кишварамон, Ҷаноби Олӣ, муҳтарам Эмомалӣ Раҳмон ба он равона карда шудааст, ки ҳар фарди ҷомеаи имрӯза дар рушду такомули Қонуни забони давлатии Ҷумҳурии Тоҷикистон ҳиссагузор бошад.

         «Бузургтарин вазифаи ҳар фарде, ки даъвои фарҳангу забон мекунад, нигоҳбонию пос доштани ин мероси муқаддас ва ба наслҳои оянда расонидани забони ширину шево ва забони шеъру адаби оламшумӯли тоҷик мебошад» қайд намуданд роҳбари давлат.

        Ин суханони хирадмандонаю пандомези Пешвои миллат ҳар яки моро водор месозад, ки баҳри амалӣ гаштани Қонун «Дар бораи забони давлатии Ҷумҳурии Тоҷикистон» кӯшиш ба амал оварем. 

        Дар тӯли асрҳо баъди пароканда шудани давлати Сомониён дар сарзамини тоҷикон қавму қабилаҳои гуногун ҳокимият кардаанд. 

        Вале маҳз ба шарофати забони шево ва гӯёи мо ки ба он илмҳои дақиқ ва адабиёту фарҳанги ҷаҳоншумӯл эҷод гардидааст, халқи тоҷик аз байн нарафт, баръакс ин халқҳои кӯчӣ аз ин дурри ноёби ганҷинаи ҷаҳонӣ ба манфиати худ истифода намуданд. Устоди ғазалу назми форсӣ, пири хирад Саъдии Шерозӣ забонро ба калиди дари хонаи ганҷ ташбеҳ додаанд:

   Забон дар даҳон, эй хирадманд чист,

   Калиди дари ганҷи соҳибҳунар.

   Чу дар баста бошад, чӣ донад касе,

   Ки ҷавҳарфурӯш аст ё пилавар.

       Аз канораҳои баҳри Миёназамин то баландиҳои Ҳиндукӯш, аз кӯҳсори Қафқоз то Халиҷи Форс дар тӯли чандин аср забони тоҷикӣ барои аксари халқҳои қитъаи Осиё забони давлатдорӣ ва дипломатӣ будааст. Ба ин забон фарзандони қавму миллатҳои гуногун шоҳасарҳои илм ва адабиётро эҷод кардаанд. 

       Агар Бедил бо лафзи дари дунёро гирифта бошад пас забони тоҷикӣ бо ҳидояту фатвои ҳазрати Имоми Аъзами бузургвор дили ду дунёро гирифтаасту ҳамчун забони қуръониву биҳишти эътироф гардидааст.

        Дар ҷаҳон камтар забонеро номбар кардан мумкин аст, ки дар тӯли бештар аз ҳазор сол асосҳои сохторӣ, калимасозӣ ва савтиёти худро нигоҳ дошта, ба наслҳои оянда фаҳмо бошад. 

Мову шумо бошем забони Рӯдакиву Фирдавсиро, ки бештар аз ҳазор сол пеш аз ин зистаанд, ба осонӣ мефаҳмем ва аз зебоии сухани онҳо ба ваҷд меоем. Забони мо имкониятҳои фаровоне дорад, ки мафҳуму маъниҳо ва истилоҳоти нави илму фанро дар ҳар асру замон ҳазм карда, бо рангу бӯи тоҷикона таҷассум намояд. Ин худ кафолати бақои миллати мо ва гувоҳи он аст, ки забони тоҷикӣ метавонад абадӣ ба наслҳои нав ба нав хидмат намояд. 

       Забони давлатии тоҷикӣ дар қатори пурифтихортарин ҷашнҳои Ватани азизамон қарор дорад ва мо онро мисли дигар муқаддасоти милли худ гироми ва муътабар медонем ва чун гаҳвораки чашм ҳифз менамоем.

       Бинобар ин ҳамдиёрони азиз ҳамаи сокинони гуногунмиллат ва гуногунзабони ноҳияро ба муносибати Рӯзи забони давлатии Ҷумҳурии Тоҷикистон самимона табрику таҳният намуда, барои ҳамаатон тансиҳатӣ, хонаободӣ ва тамоми хушиҳои зиндагиро таманно менамоям. 

       Бигзор забони тоҷикӣ – забони султони шоирон устод Рӯдакӣ ва ҳазорон фарзонагони миллати номдорамон асрҳои аср поянда ва бегазанд бошад ва кохи сухани тоҷикон то абад побарҷову обод бошад. 

     

   

скачать dle 12.1
Просмотров: 49  |  Комментариев: (0)  |  Нашли ошибку?
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.