http://balkhi.tj/
«ХИЁНАТ» ОЗОДӢ, САОДАТИ БУЗУРГТАРИНЕ, КИ ХОИНОН АЗ МО РАБУРДАНИАНД.
12-10-2020, 13:41 | Автор: admin-balkhi | Категория: Асосӣ

«ХИЁНАТ» ОЗОДӢ, САОДАТИ БУЗУРГТАРИНЕ, КИ ХОИНОН АЗ МО РАБУРДАНИАНД.           

         Муаллифи асари машҳури “Гузориш аз ҳалқаи дор ба гардан”( ё “Гузориш аз панҷаи марг”) Юлиус Фучик зиндагии худро сарфи мубориза бо фашизм кард ва дар инроҳ ҷон дод. Вақте, ки ватанашро фашистон ғасб намуданд, дар Праҳа бар зидди ғосибон бо имзоҳои мустаор матлабҳо менавишт. Асари машҳури худро ҳам дар зиндон дар панҷаи марг навиштааст. Сентябри соли 1943 фашистон дар зиндони Берлин сарашро буриданд. Ва рӯзи марги ӯро журналистони ҷаҳон Рӯзи байналмилалии ҳамдилии журналистон ном ниҳоданд.

         Аммо, сад афсӯс, дар байни ҳамсабақони мо онҳое низ ҳастанд, ки барои чанд пули ҳаром Ватани худро мефурӯшанд, ба хоҷагони хориҷӣ бандавор хизмат мекунанд, халқу Ватани худро бошад санг мезананд.

         Аслан набояд ин гуна рафторҳои хоинонаи онҳо ҷои тааҷҷуб бошад, зеро кайҳо парда аз рӯй бардоштаанду имону виҷдон ва Ватану модари худро даюсона ба савдо гузошта, симои аслиашонро ба намоиш додан доранд. Ба  гуфтаи муаллифи асари машҳури “ Доғистони ма” адиби доғистонӣ Расул Ҳамзатов, касе ки деҳаи худро, яъне хонадон, падару модар, хоҳару бародар, хешу табору ҳамсояҳои худро дӯст намедорад, чӯ гуна Ватани худро дӯст дошта метавонад?

        Чӯ ватандор аст касе, ки насиҳати падари худро нашунид, ӯро дар байни мардум сархаму кӯтоҳзабон кард, бо бародарону ҳамкорону ҳамкасбон ҷангу ҷанҷол намуд, ба сари мардуму Ватани худ- хонаи умеду зоду марги гузаштагону имрӯзиёну ояндагони худ беинсофона борони сиёҳи туҳмат рехт? Чӯ ноҷавонмардие, чӯ амали пасте, ки дигарон аз ҳамкасби ӯ будан хиҷолат мекашанд.

         Ҳоло Тоҷикистон дар рӯёрӯи 30 соли истиқлолияти худ қарор дорад. Ин сӯ солро шартан ба се даҳсола, ба се давра тақсим кардан мумкин аст:

1. Ба даст овардани Истиқлолияти давлатӣ ва Ваҳдати миллӣ (бо арзиши гарон ҳам бошад), барқарор кардани муносибатҳои байналмиллалӣ;

2. Барқарорсозии баъдиҷангии мамлакат, устувор намудани пояҳои давлатдорӣ, талошҳо барои беҳтар кардани шароити зиндагии мардум ва таҳрезии нақшаҳои бузурги рушди иқтисодию иҷтимоӣ;

3.  Рушди босуботи иқтисодию иҷтимоӣ, суботу шукуфоии бесобиқаи мамлакат, дигаргун шудани сатҳи зиндагии мардум.

         Дареғ, ки душманони миллат, балки хоинони миллат, рушду суботи мо хушии зиндагии моро дидан намехоҳанд, бахилӣ мекунанд ки Тоҷикистон рушд мекунад, ғам мехӯранд, ки чаро бо каронавирус камтар кас мубтало шуду камтар (дар мукоиса бо кишварҳои дигар) одам мурд, ҳатто вақте Созмони ҷаҳонии тандурустӣ дурустии иттилои Тоҷикистонро дар ин бора тасдиқ кард. Ҳақ гуфтаанд, ки бадтарин инсон бахил аст. Бо сайъу талошу таҳамул дили душманро ёфтан дорад, ба ҷуз бахил ки дар банди дарду ҳасад аст, ғайр аз заволи неъмати ту чизе ӯро хурсанд намекунад ва ба ғайр аз марг аз ин дард раҳои надорад. Пас аҷаб нест, ки пешравиҳои моро аҳли ҷаҳон мебинаду хоинони ватанфуруши бахил не.

         Филми “Хиёнат” бори дигар бо далелҳои муътамад аз чешра манфуру амалҳои ваҳшиёнаи хоинони ватан, хосса аъзои ташкилоти террористию экстремистии собиқ ҳизби назҳати исломӣ (минбаъд ТТЭ ҲНИ), парда бардошт. Тавре дар эпиграфи батакрори филм гуфта мешавад, “ Касеро, ки ба иштибоҳ роҳ додааст бахшидан мумкин аст вале касе ки ба Ватан хиёнат кардааст бахшида намешавад”. Зеро касе, ки як бор хиёнат карда тавонист, бори дуюм ҳам метавонад. Аз иштибоҳ касе эмин нест ва он аксаран ғийриихтиёр содир мешавад, аммо хиёнат ҷинояти вазнинтарини дидаву дониста аст.

        Саркардагони ташкилоти террористию экстремистии собиқ ҳизби назҳати исломӣ Муҳиддин Кабирӣ, роҳбари ТТЭ ҲНИ, ки бо қарори ташкилоти зиддитеррористии Созмони ҳамкории Шанхай барои афкандани кинаю адовати миллӣ, нажодӣ, маҳалгароӣ, нигардорию тасарруфӣ, силоҳи ҷангию моддаҳои тарканда, ғайриқонуни соҳиб шудан ба амволи ҷамъиятӣ ва касони дигар, кӯшиши ғасб намудани ҳокимият, исёни мусаллаҳона, даъвати оммавӣ ба табадулоти давлатӣ, талоши тағир додани сохти канститутсионии кишвар бо роҳи зӯроварӣ ва ҷиноятҳои дигар террористи № 1 эълон шудаю дар ҷӯстуҷӯ қарор дорад, Муҳаммадиқболи Садриддин, Юнус Буҳронов (бо тахаллуси “Саидюнуси Истаравшанӣ”) ва пайравони онҳо – хизматгорони хоҷагони хориҷӣ  ба Ватан хиёнат карда, онро ба гирдоби хун табдил доданд, мамлакатро харобазору мотамкада намуданд ва дар солҳои баъдӣ низ аз ҷиноятҳои мудҳиш даст накашиданд.Бархе аз ҷиноятҳои онҳоро, ки дар филм намоиш дода шудаанд (яке аз ҳазор), дида, ка ба ваҳшат меафтад, ки наход ба фарзанди инсон ва ҳамилати худ раво дидани ин амалҳои мудҳиш кори фарзанди одам бошад.

         Ҷинояткорон – аъзои ТТЭ ҲНИ ва пайравони онҳо ҳанӯз ҳам номаи аъмоли расвои худро идома додан мехоҳанд. Силоҳи асосии имрӯзаи онҳо мағзшӯи ва ба ҷанг кашидани мардум, хусусан ҷавонони ноогоҳу камсавод аст. Ватанро ба пул мефурӯшанду бар ивази маблағҳои калон аз хоҷагони кишварҳои динмеҳвари пӯсадаи худ бо дасиса, иғво, туҳмат мардумро фирефта, мамлакатро ноором кардан мехоҳанд.

         Истиқлолият бузургтарин неъмату сарвати миллии мо, ифтихору сарбаландии мо ва нишони тантанаи адолати таърихӣ барои мардуми мост. Пас аз даст надодани ҳушёриву зиракии сиёсӣ ва ҷовидон чун гавҳараки чашм эҳтиёт кардани ин арзиши бузургтарини миллӣ низ рисолати мост. 

скачать dle 12.1
Просмотров: 18  |  Комментариев: (0)  |  Нашли ошибку?
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.