http://balkhi.tj/
РӮДАКӢ НОБИҒАИ МИЛЛАТ
22-09-2021, 06:20 | Автор: admin-balkhi | Категория: Асосӣ

      Миллати тоҷик соҳиби осори пурғановат ва бегазанд буда, дар тарбияи маънавии инсоният саҳми бузург дорад. Асосгузори сулҳу ваҳдати миллӣ Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар суханрониҳои худ пайваста таъкид менамоянд, ки шинохти осори фарзандони фарзонаи сарзамини фарҳангхезамон моро водор месозад, ки кору пайкори абармардони илму ҳунар, адибону шуарои хешро омӯхта ба таъриху фарҳанги оламшумули гузаштаи худ арҷ гузорем.

    Аз соли 2002 инҷониб дар Ҷумҳурии Тоҷикистон санаи 22 сентябр ҳамчун рӯзи Рӯдакӣ ҷашн гирифта мешавад. Ба ифтихори ин рӯз дар ҷумҳурӣ ҳамоишу конфронсҳои илмӣ, озмунҳои Рӯдакихонӣ ва чорабиниҳои гуногуни фарҳангиву адабӣ баргузор карда мешавад. 

     Бояд зикр намуд, ки сардафтари адабиёти классикии тоҷику форс Абуабдуллоҳи Рӯдакӣ суханварест, ки ҳанӯз дар замони зиндагиаш ҳамчун устоди шоирон эътироф гардида буд. Устод Рӯдакӣ дар ҳаёти худ баҳри устувор гардонидан ва такомулу тараққӣ додани назми форсизабонон хизматҳои шоён намуда, беш аз 40 сол роҳбарии шоирону арбобони машҳури давраи Сомониёнро дар Бухоро ба дӯш дошта, ба шуҳрати бузург расидааст. Ба Рӯдакӣ додани унвонҳои «Қофиласолори назм», «Соҳибқирони шоирӣ», «Одамушшуаро» ва «Маликушшуаро» далели ин гуфтаҳо мебошанд. Ӯ дар эҷодиёти худ дӯстиву рафоқат, накӯкорӣ, донишомӯзӣ ва дигар хислатҳои ҳамидаи инсониро тарғиб намуда, осораш пур аз ҳикмат ва таҷрибаи рӯзгор мебошад, ки то ба имрӯз ба шоирону нависандагон илҳом мебахшад. 

      Бирав зи таҷрибаи рӯзгор баҳра бигир,

      Ки баҳри дафъи ҳаводис туро ба кор ояд.

                     *******

      Бар ишқи туям на сабр пайдост на дил, 

      Бе рӯйи туям на ақл бар ҷост на дил!. 

      Ин ғам, ки марост кӯҳи Қоф аст, на ғам, 

      Ин дил, ки турост, санги хорост, на дил!

                  ********

       Ба он ки дилам аз ғами ҳаҷрат хун аст, 

       Шодӣ зи ғами туам зи ғам афзун аст. 

      Андеша кунам ҳар шабу гӯям ё раб, 

      Ҳиҷрон-ш чунин аст, висолаш чун аст?

скачать dle 12.1
Просмотров: 23  |  Комментариев: (0)  |  Нашли ошибку?
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.