САХОВАТМАНДӢ ДАР АРАФАИ ҶАШНИ НАВРӮЗ: КУМАКИ СОҲИБКОРИ МАҲАЛӢ БА НИЁЗМАНДОН      

   18 марти соли 2025, дар арафаи таҷлили ҷашни байналмилалии Наврӯз, соҳибкори маҳаллӣ дар Ҷамоати шаҳраки Балхи ноҳияи Ҷалолиддини Балхӣ ба панҷ оилаи имконияти маҳдуддошта маводи ғизоӣ тақдим намуд. Маросими тақдими кумак бо иштироки намояндагони Ҷамоати шаҳраки Балх баргузор гардид.

   Намояндагони ҷамоат зимни суханронии худ изҳор доштанд, ки чунин иқдомҳои нек барои таҳкими эҳсоси инсондӯстӣ ва ҳамбастагии иҷтимоӣ мусоидат мекунанд. Онҳо инчунин ба соҳибкори саховатманд барои ин амали хайраш изҳори сипос намуда, дигар афроди ҷомеаро низ барои дастгирии ниёзмандон даъват карданд.

   Оилаҳои ниёзманд, ки ин кумакро дарёфт карданд, изҳори миннатдорӣ намуда, чунин иқдомҳоро ҳамчун рамзи ғамхорӣ ва ҳамраъйӣ арзёбӣ карданд.