ҶАМЪБАСТИ ДАВРИ НОҲИЯВИИ ОЗМУНИ ҶУМҲУРИЯВИИ «ФУРӮҒИ СУБҲИ ДОНОӢ КИТОБ АСТ»

     Рӯзҳои 5-6 майи соли ҷорӣ дар муассисаи таҳсилоти миёнаи умумии №10-и ноҳияи Ҷалолиддини Балхӣ бо иштироки мушовири раёсати маорифи вилояти Хатлон Мусоев Ҷ. муовини раиси ноҳия оид ба соҳаи иҷтимоӣ Шукурзода Ш.  мудири шуъбаи рушди иҷтимоӣ ва робита бо ҷомеаи дастгоҳи раиси ноҳия Абдулов Р.  намояндагони шуъбаи маориф, директорони муассисаҳои таҳсилоти миёнаи умумӣ, аъзо ва ҷамъи довталабони даври ноҳиявии озмуни ҷумҳуриявии «Фурӯғи субҳи доноӣ китоб аст» гузаронида шуд.

Озмун аз рӯйи чор номинатсия - «Адабиёти кӯдакону наврасон», «Адабиёти муосир», «Адабиёти классик» ва «Адабиёти ҷаҳон» баргузор гардид. Дар озмун 417 нафар довталаб, аз ҷумла 361 нафар духтарони муассисаҳои таҳсилоти умумӣ ва 9 нафар омӯзгорони муассисаҳои таълимӣ иштирок намуда, дар доираи талаботи тартиби озмун бобати аз худ намудани осори манзум ва мутолиаи китобҳо ва ғайра малака ва истеъдоди худро нишон доданд.

Даври ноҳиявии озмуни ҷумҳуриявии «Фурӯғи субҳи доноӣ китоб аст» миёни хонандагону омӯзгорони муассисаҳои таълимии ноҳия ҷамъбаст гардида, 38 нафар довталабон ба даври вилоятӣ роҳхат гирифтанд.